This document is an excerpt from the EUR-Lex website
Document 32023R0128
Commission Regulation (EU) 2023/128 of 18 January 2023 amending Annexes II, III and V to Regulation (EC) No 396/2005 of the European Parliament and of the Council as regards maximum residue levels for benalaxyl, bromoxynil, chlorsulfuron, epoxiconazole and fenamiphos in or on certain products (Text with EEA relevance)
Rialachán (AE) 2023/128 ón gCoimisiún an 18 Eanáir 2023 lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beanalacsaile, brómocsainile, clórsulfúróin, eapocsaconasóil agus feanaimíofos i dtáirgí áirithe nó ar tháirgí áirithe (Téacs atá ábhartha maidir le LEE)
Rialachán (AE) 2023/128 ón gCoimisiún an 18 Eanáir 2023 lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beanalacsaile, brómocsainile, clórsulfúróin, eapocsaconasóil agus feanaimíofos i dtáirgí áirithe nó ar tháirgí áirithe (Téacs atá ábhartha maidir le LEE)
C/2023/262
IO L 17, 19.1.2023, p. 22–55
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
19.1.2023 |
GA |
Iris Oifigiúil an Aontais Eorpaigh |
L 17/22 |
RIALACHÁN (AE) 2023/128 ÓN gCOIMISIÚN
an 18 Eanáir 2023
lena leasaítear Iarscríbhinní II, III agus V a ghabhann le Rialachán (CE) Uimh. 396/2005 ó Pharlaimint na hEorpa agus ón gComhairle a mhéid a bhaineann le huasleibhéil iarmhar le haghaidh beanalacsaile, brómocsainile, clórsulfúróin, eapocsaconasóil agus feanaimíofos i dtáirgí áirithe nó ar tháirgí áirithe
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 396/2005 ó Pharlaimint na hEorpa agus ón gComhairle an 23 Feabhra 2005 maidir le huasleibhéil d’iarmhair lotnaidicídí i mbia agus i mbeatha de bhunadh plandaí nó ainmhíoch nó ar bhia agus ar bheatha den sórt sin agus lena leasaítear Treoir 91/414/CEE ón gComhairle (1), agus go háirithe Airteagal 14(1)(a) agus Airteagal 18(1)(b) de,
De bharr an mhéid seo a leanas:
|
(1) |
I gcás beanalacsaile, brómocsainile agus feanaimíofos, leagadh síos uasleibhéil iarmhar (“MRLanna”) in Iarscríbhinn II a ghabhann le Rialachán (CE) Uimh. 396/2005. I gcás clórsulfúróin agus eapocsaconasóil, leagadh síos MRLanna i gCuid A d’Iarscríbhinn III a ghabhann leis an Rialachán sin. |
|
(2) |
Ní dhearnadh formheas na substainte gníomhaí beanalacsail a athnuachan le Rialachán (AE) 2020/1280 ón gCoimisiún (2) ar chúiseanna lena n-áirítear cúiseanna a bhaineann le sláinte an duine. Chuaigh an formheas sin in éag an 31 Iúil 2021. Rinneadh gach údarú atá ann cheana le haghaidh táirgí cosanta plandaí ina bhfuil an tsubstaint ghníomhach sin a chúlghairm. |
|
(3) |
I gcomhthéacs an neamh-athnuachan ar fhormheas beanalacsaile, ní raibh an tÚdarás Eorpach um Shábháilteacht Bia (“an tÚdarás”) in ann teacht ar an gconclúid nach bhfuil airíonna suaite inchrínigh ag an tsubstaint (3). |
|
(4) |
Is substaint ghníomhach fhormheasta í beanalacsail-M le húsáid i dtáirgí cosanta plandaí. Is é seo a leanas an sainmhíniú ar iarmhar le haghaidh beanalacsaile agus beanalacsail-M araon: “Beanalacsail, lena n-áirítear meascáin eile d’isiméirí comhábhartha lena n-áirítear beanalacsail-M (suim isiméirí)”. Na MRLanna le haghaidh beanalacsaile ar fhíonchaora boird, ar phrátaí, ar ghairleog, ar oinniúin, ar sheallóidí, ar mhealbhacáin uisce, ar leitísí agus ar chainneanna, tá siad sábháilte do thomhaltóirí agus ba cheart iad a choinneáil ar bun chun úsáidí údaraithe beanalacsail-M ar na táirgí sin a chur san áireamh. Maidir le fíniúnacha coiteanna agus mealbhacáin, comhfhreagraíonn na MRLanna atá ann do na huasteorainneacha iarmhar Codex (“CXLanna”). Tá siad sábháilte do thomhaltóirí agus ba cheart iad a choinneáil ar bun freisin i gcomhréir le hAirteagal 14(2), pointe (e) de Rialachán (CE) Uimh. 396/2005. Na MRLanna le haghaidh úsáidí údaraithe beanalacsail-M ar ubhthorthaí agus ar thrátaí, tá siad níos ísle ná na MRLanna le haghaidh beanalacsaile. Dá bhrí sin, ba cheart na MRLanna le haghaidh beanalacsaile ar na táirgí sin a ísliú go dtí na MRLanna atá ann faoi láthair le haghaidh beanalacsail-M. Maidir le piobair mhilse/chloigíneacha agus síolta ráibe, níl aon úsáid údaraithe ann le haghaidh beanalacsail-M agus níl aon CXL ná lamháltas allmhairiúcháin ann. Ba cheart na MRLanna le haghaidh beanalacsaile ar na táirgí sin a ísliú in Iarscríbhinn II a ghabhann le Rialachán (CE) Uimh. 396/2005 go dtí an teorainn chinnidh (“LOD”). |
|
(5) |
Ní dhearnadh formheas na substainte gníomhaí brómocsainil a athnuachan le Rialachán (AE) 2020/1276 ón gCoimisiún (4) ar chúiseanna lena n-áirítear cúiseanna a bhaineann le sláinte an duine. Chuaigh formheas na substainte in éag an 31 Iúil 2021. Rinneadh gach údarú atá ann cheana le haghaidh táirgí cosanta plandaí ina bhfuil brómocsainil a chúlghairm agus níl aon CLX ná lamháltas allmhairiúcháin ann le haghaidh na substainte gníomhaí sin. Na MRLanna a leagtar amach le haghaidh na substainte sin in Iarscríbhinn II a ghabhann le Rialachán (CE) Uimh. 396/2005, is iomchuí, dá bhrí sin, iad a scriosadh i gcomhréir le hAirteagal 17 de Rialachán (CE) Uimh. 396/2005 i gcomhar le hAirteagal 14(1) pointe (a) de. Ba cheart na MRLanna le haghaidh gach táirge a leagan síos ag an LOD in Iarscríbhinn V a ghabhann le Rialachán (CE) Uimh. 396/2005 i gcomhréir le hAirteagal 18(1)(b) den Rialachán sin. |
|
(6) |
Chuaigh formheas na substainte gníomhaí clórsulfúrón in éag an 31 Nollaig 2019 agus níor chuir an t-iarratasóir aon iarratas isteach chun é a athnuachan. Rinneadh gach údarú atá ann cheana le haghaidh táirgí cosanta plandaí ina bhfuil an tsubstaint ghníomhach sin a chúlghairm. Níl aon CLX ná lamháltas allmhairiúcháin ann le haghaidh clórsulfúróin. Na MRLanna a leagtar amach le haghaidh na substainte sin i gCuid A d’Iarscríbhinn III a ghabhann le Rialachán (CE) Uimh. 396/2005, is iomchuí, dá bhrí sin, iad a scriosadh i gcomhréir le hAirteagal 17 de Rialachán (CE) Uimh. 396/2005 i gcomhar le hAirteagal 14(1) pointe (a) de. Ba cheart na MRLanna le haghaidh gach táirge a leagan síos ag an LOD in Iarscríbhinn V a ghabhann le Rialachán (CE) Uimh. 396/2005 i gcomhréir le hAirteagal 18(1)(b) den Rialachán sin. |
|
(7) |
Chuaigh formheas na substainte gníomhaí eapocsaconasól in éag an 30 Aibreán 2020 agus tharraing an t-iarratasóir siar an t-iarratas chun é a athnuachan. Rinneadh gach údarú atá ann cheana le haghaidh táirgí cosanta plandaí ina bhfuil an tsubstaint ghníomhach sin a chúlghairm. Níl aon CLX ná lamháltas allmhairiúcháin ann le haghaidh eapocsaconasóil. Na MRLanna a leagtar amach le haghaidh na substainte sin i gCuid A d’Iarscríbhinn III a ghabhann le Rialachán (CE) Uimh. 396/2005, is iomchuí, dá bhrí sin, iad a scriosadh i gcomhréir le hAirteagal 17 de Rialachán (CE) Uimh. 396/2005 i gcomhar le hAirteagal 14(1) pointe (a) de. Ba cheart na MRLanna le haghaidh gach táirge a leagan síos ag an LOD in Iarscríbhinn V a ghabhann le Rialachán (CE) Uimh. 396/2005 i gcomhréir le hAirteagal 18(1)(b) den Rialachán sin. |
|
(8) |
Ní dhearnadh formheas na substainte gníomhaí feanaimíofos a athnuachan le Rialachán (AE) 2020/1246 ón gCoimisiún (5), ar chúiseanna lena n-áirítear cúiseanna a bhaineann le sláinte an duine. Chuaigh formheas na substainte in éag an 23 Meán Fómhair 2020. Rinneadh gach údarú atá ann cheana le haghaidh táirgí cosanta plandaí ina bhfuil feanaimíofos a chúlghairm. |
|
(9) |
I gcomhthéacs an neamh-athnuachan ar fhormheas feanaimíofos, d’aithin an tÚdarás roinnt ábhair imní (6) a bhaineann leis an riosca do shláinte an tomhaltóra agus le sonraí atá in easnamh i leith na n-úsáidí ionadaíocha maidir le glasraí a thugann torthaí. |
|
(10) |
Na MRLanna le haghaidh fíonchaora boird agus fíniúnacha coiteanna, comhfhreagraíonn siad do lamháltais allmhairiúcháin, ach ós rud é go raibh an pacáiste sonraí neamhiomlán maidir le meitibilítí M01 agus M02 ó thaobh na géineatocsaineachta de agus nach bhféadfaí bailchríoch a chur ar mheasúnú riosca do thomhaltóirí, ní féidir riosca do thomhaltóirí a chur as an áireamh. Na MRLanna le haghaidh trátaí, piobair mhilse/chloigíneacha, ubhthorthaí, mealbhacán agus fréamhacha biatas siúcra, tá siad bunaithe ar úsáidí feanaimíofos san Aontas a aisghaireadh. Na MRLanna a leagtar amach le haghaidh na substainte sin in Iarscríbhinn II a ghabhann le Rialachán (CE) Uimh. 396/2005, is iomchuí, dá bhrí sin, iad a scriosadh i gcomhréir le hAirteagal 17 de Rialachán (CE) Uimh. 396/2005 i gcomhar le hAirteagal 14(1) pointe (a) de. Ba cheart na MRLanna le haghaidh gach táirge a leagan síos ag an LOD in Iarscríbhinn V a ghabhann le Rialachán (CE) Uimh. 396/2005 i gcomhréir le hAirteagal 18(1)(b) den Rialachán sin. |
|
(11) |
Chuaigh an Coimisiún i gcomhairle le saotharlanna tagartha an Aontais Eorpaigh maidir le hiarmhair lotnaidicídí a mhéid a bhaineann leis an ngá le LODanna áirithe a oiriúnú. Maidir le gach substaint ghníomhach a chumhdaítear leis an Rialachán seo, mhol na saotharlanna sin LODanna a bhaineann go sonrach leis an táirge agus ar féidir iad a bhaint amach go hanailíseach. |
|
(12) |
Chuathas i gcomhairle le comhpháirtithe trádála an Aontais maidir leis na MRLanna nua tríd an Eagraíocht Dhomhanda Trádála, agus cuireadh a mbarúlacha san áireamh. |
|
(13) |
Dá bhrí sin, ba cheart Rialachán (CE) Uimh. 396/2005 a leasú dá réir sin. |
|
(14) |
Ba cheart tréimhse réasúnta a bheith ann sula mbeidh feidhm ag na MRLanna nua ionas go mbeidh deis ag na Ballstáit, tríú tíortha agus oibreoirí gnólachtaí bia iad féin a oiriúnú do na ceanglais a thagann as na leasuithe ar na MRLanna lena mbaineann. |
|
(15) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha. |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinní II, III agus V a ghabhann le Rialachán (CE) Uimh. 396/2005 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 8 Lúnasa 2023.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 18 Eanáir 2023.
Thar ceann an Choimisiúin
An tUachtarán
Ursula VON DER LEYEN
(1) IO L 70, 16.3.2005, lch. 1.
(2) Rialachán Cur Chun Feidhme (AE) 2020/1280 ón gCoimisiún an 14 Meán Fómhair 2020 maidir le neamh-athnuachan ar fhormheas na substainte gníomhaí beanalacsail, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 301, 15.9.2020, lch. 4).
(3) An tÚdarás Eorpach um Shábháilteacht Bia, Conclusion on the peer review of the pesticide risk assessment of the active substance benalaxyl [Conclúid maidir leis an athbhreithniú piaraí ar an measúnú riosca lotnaidicídí i ndáil leis an tsubstaint ghníomhach beanalacsail], EFSA Journal [Iris EFSA] 2020;18(1):5985.
(4) Rialachán Cur Chun Feidhme (AE) 2020/1276 ón gCoimisiún an 11 Meán Fómhair 2020 maidir le neamh-athnuachan ar fhormheas na substainte gníomhaí brómocsainil, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 300, 14.9.2020, lch. 32).
(5) Rialachán Cur Chun Feidhme (AE) 2020/1246 ón gCoimisiún an 2 Meán Fómhair 2020 maidir le neamh-athnuachan ar fhormheas na substainte gníomhaí feanaimíofos, i gcomhréir le Rialachán (CE) Uimh. 1107/2009 ó Pharlaimint na hEorpa agus ón gComhairle maidir le táirgí cosanta plandaí a chur ar an margadh, agus lena leasaítear an Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (IO L 288, 3.9.2020, lch. 18).
(6) An tÚdarás Eorpach um Shábháilteacht Bia, Conclusion on the peer review of the pesticide risk assessment of the active substance fenamiphos [Conclúid maidir leis an athbhreithniú piaraí ar an measúnú riosca lotnaidicídí i ndáil leis an tsubstaint ghníomhach feanaimíofos], EFSA Journal [Iris EFSA] 2019;17(1):5557.
IARSCRÍBHINN
Leasaítear Iarscríbhinní II, III agus V a ghabhann le Rialachán (CE) Uimh. 396/2005 mar a leanas:
|
(1) |
Leasaítear Iarscríbhinn II mar a leanas:
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
(2) |
i gCuid A d’Iarscríbhinn III, scriostar na colúin le haghaidh clórsulfúróin agus eapocsaconasóil. |
|
(3) |
in Iarscríbhinn V, cuirtear isteach na colúin seo a leanas le haghaidh brómocsainile, clórsulfúróin, eapocsaconasóil agus feanaimíofos: " Iarmhair lotnaidicídí agus uasleibhéil iarmhar (mg/kg)
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
(*) Léiríonn an íosteorainn an chinnidh anailísigh
(1) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I
(*) Léiríonn an íosteorainn an chinnidh anailísigh
(2) Chun liosta iomlán na dtáirgí de thionscnamh ainmhíoch agus plandaí a bhfuil feidhm ag na MRLanna maidir leo a fheiceáil, ba cheart tagairt a dhéanamh d’Iarscríbhinn I