(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta an Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

Le Rialachán Cur Chun Feidhme (AE) 2021/96 ón gCoimisiún (3) údaraíodh salann sóidiam 3’-Siailiol-lachtóis a fhaightear trí choipeadh miocróbach agus úsáid á baint as an tréithchineál géinmhodhnaithe K12 DH1 de Escherichia coli (“E. coli”) a chur ar mhargadh an Aontais mar bhia núíosach faoi Rialachán (AE) 2015/2283.

(4)

An 13 Bealtaine 2020, chuir an chuideachta Chr. Hansen A/S (“an t-iarratasóir”) iarratas ar údarú faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun salann sóidiam 3’-Siailiol-lachtóis (‘3’-SL’), rud a fhaightear trí choipeadh miocróbach ina n-úsáidtear dhá thréithchineál ghéinmhodhnaithe (tréithchineál táirgthe agus tréithchineál díghrádúcháin roghnach) a dhíorthaítear ón tréithchineál óstach E. coli BL21(DE3), a chur ar mhargadh an Aontais mar bhia núíosach. D’iarr an t-iarratasóir cead salann sóidiam 3’SL a úsáid i mbainne foirmle do naíonáin agus i mbainne foirmle leantach mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (4), bia gránachbhunaithe próiseáilte do naíonáin agus do leanaí óga agus bia do naíonáin agus do leanaí óga mar a shainmhínítear i Rialachán (AE) Uimh. 609/2013, bianna do naíonáin agus do leanaí óga chun críocha speisialta míochaine mar a shainmhínítear i Rialachán (AE) Uimh. 609/2013, bianna chun críocha speisialta míochaine mar a shainmhínítear i Rialachán (AE) Uimh. 609/2013 seachas bianna do naíonáin agus do leanaí óga, i ndeochanna bainnebhunaithe agus i dtáirgí comhchosúla atá beartaithe do leanaí óga, agus i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (5) atá beartaithe don phobal i gcoitinne. Ina dhiaidh sin, an 17 Meitheamh 2022, mhodhnaigh an t-iarratasóir an iarraidh tosaigh san iarratas maidir le salann sóidiam 3’-SL a úsáid i bhforbhianna chun naíonáin agus leanaí óga a eisiamh. Mhol an t-iarratasóir nár cheart forbhianna ina bhfuil salann sóidiam 3’-SL a úsáid má dhéantar bianna eile arna mbreisiú le salann sóidiam 3’-SL a thomhailt ar an lá céanna.

(5)

An 13 Bealtaine 2020, chuir an t-iarratasóir iarraidh faoi bhráid an Choimisiúin freisin go gcosnófaí staidéir agus sonraí eolaíocha dílseánaigh arna gcur isteach mar thaca leis an iarratas, is iad sin, mais-speictriméadracht (“MS”), athshondas maighnéadach núicléach (“NMR”) agus crómatagrafaíocht mhalartaithe anian ardfheidhmíochta le bailíochtú mhodh an bhrath amperoiméadrachta bhíogaigh (“HPAEC-PAD”) agus na torthaí chun aitheantas 3′-SL agus fotháirgí carbaihiodráite atá sa bhia núíosach a chinneadh (6); tuairisc (7) ar tháirgeadh salainn sóidiam ghéinmhodhnaithe 3′-SL agus na tréithchineálacha díghrádúcháin roghnacha agus na deimhnithe deascaidh (8) a bhaineann leo; córas um imoibriú slabhrúil polaiméaráise cainníochtúil fíor-ama (“qPCR”) agus tuarascálacha maidir le bailíochtú modha le haghaidh tréithchineálacha táirgthe salainn sóidiam ghéinmhodhnaithe 3′-SL agus tréithchineálacha díghrádúcháin roghnacha (9); tástáil bhaictéarach ais-sócháin le salann sóidiam 3′-SL (10); tástáil micreanúicléis in vitro i gcealla mamach le salann sóidiam 3′-SL (11); staidéar raoin dáileoige 7 lá ar thocsaineacht bhéil i bhfrancaigh le salann sóidiam 3′SL (12); staidéar 90 lá ar thocsaineacht bhéil i bhfrancaigh le salann sóidiam 3′SL (13); agus, an staidéar cliniciúil maidir le naíonáin lánaibí chun meastóireacht a dhéanamh ar an gcobhsaíocht chothaitheach agus an infhulaingtheacht a bhaineann le bainne foirmle do naíonáin ina bhfuil meascán d’olagaishiúicrídí bainne atá comhionann leo sin a fhaightear i mbainne daonna (14).

(6)

An 18 Nollaig 2020, d’iarr an Coimisiún ar an Údarás Eorpach um Shábháilteacht Bia (“an tÚdarás”) measúnú a dhéanamh ar 3’-SL a fhaightear trí choipeadh miocróbach agus úsáid á baint as dhá thréithchineál ghéinmhodhnaithe (tréithchineál táirgthe agus tréithchineál díghrádúcháin roghnach) a dhíorthaítear ón tréithchineál óstach E. coli BL21(DE3), mar bhia núíosach i gcomhréir le hAirteagal 10(3) de Rialachán (AE) 2015/2283.

(7)

An 29 Aibreán 2022, ghlac an tÚdarás a thuairim eolaíoch maidir le “Sábháilteacht 3’-siailiol-lachtóis arna tháirgeadh ag tréithchineál díorthach Escherichia coli BL21(DE3) mar bhia núíosach de bhun Rialachán (EU) 2015/2283’ (15) i gcomhréir le hAirteagal 11 de Rialachán (AE) 2015/2283.

(8)

Ina thuairim eolaíoch, chinn an tÚdarás go raibh salann sóidiam 3’-SL sábháilte faoi na coinníollacha úsáide atá beartaithe do na spriocghrúpaí atá beartaithe. Dá bhrí sin, is leor na forais sa tuairim eolaíoch sin chun a shuí go gcomhlíonann 3’-SL ceanglais Airteagal 12(1) de Rialachán (AE) 2015/2283, nuair a úsáidtear í i mbainne foirmle do naíonáin agus i mbainne foirmle leantach mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle, i mbia gránachbhunaithe próiseáilte do naíonáin agus do leanaí óga agus bia do naíonáin agus do leanaí óga mar a shainmhínítear i Rialachán (AE) Uimh. 609/2013, i mbianna do naíonáin agus do leanaí óga chun críocha speisialta míochaine mar a shainmhínítear i Rialachán (AE) Uimh. 609/2013, i mbianna chun críocha speisialta míochaine mar a shainmhínítear i Rialachán (AE) Uimh. 609/2013 seachas bianna do naíonáin agus do leanaí óga, i ndeochanna bainnebhunaithe agus i dtáirgí comhchosúla atá beartaithe do leanaí óga, agus i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle.

(9)

Ina thuairim eolaíoch uaidh, mheas an tÚdarás nach bhféadfadh sé teacht ar a chonclúidí maidir le sábháilteacht salainn sóidiam 3′-SL gan na staidéir agus na sonraí eolaíocha maidir le bailíochtú modha MS, NMR agus HPAEC-PAD agus na torthaí chun aitheantas 3′-SL agus na seachtháirgí carbaihiodráite atá sa bhia núíosach a chinneadh; an tuairisc ar tháirgeadh salainn sóidiam ghéinmhodhnaithe 3′-SL agus na tréithchineálacha díghrádúcháin roghnacha agus na deimhnithe deascaidh a bhaineann leo; an córas qPCR agus tuarascálacha maidir le bailíochtú modha le haghaidh táirgeadh salainn sóidiam ghéinmhodhnaithe 3′-SL agus tréithchineálacha díghrádúcháin roghnacha; an tástáil bhaictéarach ais-sócháin le salann sóidiam 3’-SL; an tástáil micreanúicléis in vitro i gcealla mamach le salann sóidiam 3′-SL; an staidéar raoin dáileoige 7 lá ar thocsaineacht bhéil i bhfrancaigh le salann sóidiam 3′SL; an staidéar 90 lá ar thocsaineacht bhéil i bhfrancaigh le salann sóidiam 3′SL; agus, an staidéar cliniciúil maidir le naíonáin lánaibí chun meastóireacht a dhéanamh ar an gcobhsaíocht chothaitheach agus an infhulaingtheacht a bhaineann le bainne foirmle do naíonáin ina bhfuil meascán d’olagaishiúicrídí bainne atá comhionann leo sin a fhaightear i mbainne daonna.

(10)

D’iarr an Coimisiún ar an iarratasóir soiléiriú breise a thabhairt maidir leis an réasúnú a cuireadh ar fáil i dtaca lena éileamh dílseánaigh ar na staidéir agus na sonraí eolaíocha sin, agus soiléiriú a thabhairt maidir lena éileamh ar cheart eisiach a bheith aige chun tagairt a dhéanamh dóibh i gcomhréir le hAirteagal 26(2)(b) de Rialachán (AE) 2015/2283.

(11)

Dhearbhaigh an t-iarratasóir go raibh cearta dílseánaigh agus eisiacha aige chun tagairt a dhéanamh do na staidéir agus na sonraí eolaíocha i dtaca le bailíochtú modha MS, NMR agus HPAEC-PAD agus leis na torthaí maidir le haitheantas 3′-S agus na seachtháirgí carbaihiodráite atá sa bhia núíosach a chinneadh; an tuairisc ar tháirgeadh salainn sóidiam ghéinmhodhnaithe 3′-SL agus na tréithchineálacha díghrádúcháin roghnacha agus na deimhnithe deascaidh a bhaineann leo; an córas qPCR agus tuarascálacha maidir le bailíochtú modha le haghaidh táirgeadh salainn sóidiam ghéinmhodhnaithe 3′-SL agus tréithchineálacha díghrádúcháin roghnacha; an tástáil bhaictéarach ais-sócháin le salann sóidiam 3′-SL; an tástáil micreanúicléis in vitro i gcealla mamach le salann sóidiam 3′-SL; an staidéar raoin dáileoige 7 lá ar thocsaineacht bhéil i bhfrancaigh le salann sóidiam 3′SL; an staidéar 90 lá ar thocsaineacht bhéil i bhfrancaigh le salann sóidiam 3′SL; agus, an staidéar cliniciúil maidir le naíonáin lánaibí chun meastóireacht a dhéanamh ar an gcobhsaíocht chothaitheach agus an infhulaingtheacht a bhaineann le bainne foirmle do naíonáin ina bhfuil meascán d’olagaishiúicrídí bainne atá comhionann leo sin a fhaightear i mbainne daonna, faoin dlí náisiúnta an tráth a chuir sé an t-iarratas isteach, agus nach féidir le tríú páirtithe rochtain dhlíthiúil a fháil ar na sonraí ná na staidéir sin, iad a úsáid ná tagairt a dhéanamh dóibh.

(12)

Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé go raibh bunús leordhóthanach tugtha ag an iarratasóir gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, na staidéir agus na sonraí eolaíocha ar bhailíochtú modha MS, NMR agus HPAEC-PAD agus na torthaí maidir le haitheantas 3′-SL agus na seachtháirgí carbaihiodráite atá sa bhia núíosach a chinneadh; an tuairisc ar tháirgeadh salainn sóidiam ghéinmhodhnaithe 3′-SL agus na tréithchineálacha díghrádúcháin roghnacha agus na deimhnithe deascaidh a bhaineann leo; an córas qPCR agus tuarascálacha maidir le bailíochtú modha le haghaidh táirgeadh salainn sóidiam ghéinmhodhnaithe 3′-SL agus tréithchineálacha díghrádúcháin roghnacha; an tástáil bhaictéarach ais-sócháin le salann sóidiam 3′-SL; an tástáil micreanúicléis in vitro i gcealla mamach le salann sóidiam 3′-SL; an staidéar raoin dáileoige 7 lá ar thocsaineacht bhéil i bhfrancaigh le salann sóidiam 3′SL; an staidéar 90 lá ar thocsaineacht bhéil i bhfrancaigh le salann sóidiam 3′SL; agus, an staidéar cliniciúil maidir le naíonáin lánaibí chun meastóireacht a dhéanamh ar an gcobhsaíocht chothaitheach agus an infhulaingtheacht a bhaineann le bainne foirmle do naíonáin ina bhfuil meascán d’olagaishiúicrídí bainne atá comhionann leo sin a fhaightear i mbainne daonna, ba cheart iad a chosaint i gcomhréir le hAirteagal 27(1) de Rialachán (AE) 2015/2283. Dá réir sin, níor cheart ach an t-iarratasóir a údarú chun 3′-SL arna tháirgeadh le tréithchineálacha díorthacha de E. coli BL21(DE3) a chur ar an margadh laistigh den Aontas ar feadh tréimhse cúig bliana ó theacht i bhfeidhm an Rialacháin seo.

(13)

Mar sin féin, maidir le húdarú i leith salann sóidiam 3′-SL arna tháirgeadh le tréithchineálacha díorthacha de E. coli BL21(DE3) agus an tagairt do na sonraí eolaíocha atá i gcomhad an iarratasóra a shrianadh d’úsáid an iarratasóra amháin, ní chuirfidh an srianadh sin cosc ar iarratasóirí eile ina dhiaidh sin cur isteach ar údarú chun an bia núíosach céanna a chur ar an margadh, ar choinníoll go mbeidh a n-iarratas bunaithe ar fhaisnéis a fuarthas go dlíthiúil agus atá ina taca leis an údarú sin.

(14)

I gcomhréir le coinníollacha úsáide forbhianna ina bhfuil salann sóidiam 3′-SL mar a mhol an t-iarratasóir, is gá a chur in iúl do thomhaltóirí trí lipéadú iomchuí nár cheart do naíonáin ná do leanaí faoi bhun 3 bliana d’aois forbhianna a bhfuil salann sóidiam 3′-SL iontu a thomhailt agus nár cheart iad a úsáid má dhéantar bianna eile arna mbreisiú le salann sóidiam 3′-SL a thomhailt ar an lá céanna.

(15)

Maidir le salann sóidiam 3′-SL arna tháirgeadh le tréithchineálacha díorthacha de E. coli BL21(DE3) a áireamh mar bhia núíosach ar liosta an Aontais de bhianna núíosacha, is iomchuí go mbeidh na sonraíochtaí is gá agus faisnéis eile a bhaineann lena údarú, dá dtagraítear in Airteagal 9(3) de Rialachán (AE) 2015/2283 san áireamh freisin.

(16)

Salann sóidiam 3′-SL arna tháirgeadh le tréithchineálacha díorthacha de E. coli BL21(DE3), ba cheart é a áireamh i liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(17)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,