(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, bunaíodh liosta Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2).

(3)

An 12 Nollaig 2019 chuir an chuideachta MycoTechnology, Inc. (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun próitéin phise agus ríse a choiptear le mícéiliamaí Lentinula edodes (Beacán Shiitake) a chur ar mhargadh an Aontais mar bhia núíosach. D’iarr an t-iarratasóir go n-úsáidfí an phróitéin phise agus ríse choipthe in earraí bácála, in aráin, i rollaí, in croutons, i bpíotsa, i ngránaigh bhricfeasta, i mbarraí gránaigh, i ndeochanna torthaíbhunaithe agus glasraíbhunaithe, i bpúdair dí atá réidh le meascadh, i milseogra cócó agus seacláide, in analóga déiríochta agus ionadaigh neamhdhéiríochta ar bhéilí chun meáchan a rialú, i dtáirgí bainnebhunaithe coipthe, i dtáirgí pasta-bhunaithe, in ullmhóidí feola agus i dtáirgí feola, in anraithí (réidh le hithe) agus tiúcháin nó púdair anraith, i sailéid, in analóga feola, i ndeochanna bainnebhunaithe, agus in ionadaigh aonair ar bhéilí chun meáchan a rialú, a cheaptar don phobal ginearálta.

(4)

An 12 Nollaig 2019 chuir an t-iarratasóir iarraidh faoi bhráid an Choimisiúin chun go gcosnófaí staidéir agus sonraí eolaíocha dílseánaigh arna gcur isteach chun tacú leis an iarratas, is é sin, an tuairisc mhionsonraithe ar an bpróiseas táirgthe (3) agus na hanailísí ar chomhdhéanamh an bhia núíosaigh (4).

(5)

An 22 Aibreán 2020, d’iarr an Coimisiún ar an Údarás Eorpach um Shábháilteacht Bia (“an tÚdarás”) measúnú a dhéanamh ar phróitéin phise agus ríse a choiptear le mícéiliamaí Lentinula edodes mar bhia núíosach.

(6)

An 28 Feabhra 2022 ghlac an tÚdarás a thuairim eolaíoch dar teideal “Safety of pea and rice protein fermented by Shiitake (Lentinula edodes) mycelia as a novel food pursuant to Regulation (EU) 2015/2283” (5) [Sábháilteacht próitéine pise agus ríse a choiptear le mícéiliamaí Shiitake (Lentinula edodes) mar bhia núíosach de bhun Rialachán (AE) 2015/2283] i gcomhréir le hAirteagal 11 de Rialachán (AE) 2015/2283.

(7)

Sa tuairim uaidh, chinn an tÚdarás go bhfuil próitéin phise agus ríse a choiptear le mícéiliamaí Lentinula edodes sábháilte faoi na coinníollacha úsáide atá beartaithe. Dá bhrí sin, is leor na forais sa tuairim eolaíoch sin chun a shuí, i gcás ina n-úsáidtear í in earraí bácála, in arán, i rollaí, in croutons, i bpíotsa, i ngránaigh bhricfeasta, i mbarraí gránaigh, i ndeochanna torthaíbhunaithe agus glasraíbhunaithe, i bpúdair dí atá réidh le meascadh, i milseogra cócó agus seacláide, in analóga déiríochta agus ionadaigh neamhdhéiríochta ar bhéilí chun meáchan a rialú, i dtáirgí bainnebhunaithe coipthe, i dtáirgí pasta-bhunaithe, in ullmhóidí feola agus i dtáirgí feola, in anraithí (réidh le hithe) agus tiúcháin nó púdair anraith, i sailéid, in analóga feola, i ndeochanna bainnebhunaithe, agus in ionadaigh aonair ar bhéilí chun meáchan a rialú, a cheaptar don phobal ginearálta, go gcomhlíonann an phróitéin choipthe phise agus ríse na coinníollacha maidir lena cur ar an margadh i gcomhréir le hAirteagal 12(1) de Rialachán (AE) 2015/2283.

(8)

Sa tuairim eolaíoch uaidh, thug an tÚdarás dá aire freisin go raibh a chonclúid i ndáil le sábháilteacht an bhia núíosaigh bunaithe ar na staidéir agus na sonraí eolaíocha ón tuairisc mhionsonraithe ar an bpróiseas táirgthe agus na hanailísí ar chomhdhéanamh an bhia núíosaigh, nithe atá ann i gcomhad an iarratasóra agus nach bhféadfadh sé measúnú a dhéanamh ar an mbia núíosach ná teacht ar a chonclúid dá n-uireasa.

(9)

D’iarr an Coimisiún ar an iarratasóir soiléiriú breise a thabhairt maidir leis an réasúnú a cuireadh ar fáil i ndáil lena éileamh dílseánaigh ar na staidéir agus na sonraí eolaíocha sin, agus soiléiriú a thabhairt maidir lena éileamh ar cheart eisiach a bheith aige orthu i gcomhréir le hAirteagal 26(2)(b) de Rialachán (AE) 2015/2283.

(10)

Dhearbhaigh an t-iarratasóir go raibh cearta tagartha dílseánaigh agus eisiacha acu ar na staidéir agus na sonraí eolaíocha sin maidir leis an tuairisc mhionsonraithe ar an bpróiseas táirgthe agus na hanailísí ar chomhdhéanamh an bhia núíosaigh tráth a chuir siad an t-iarratas isteach, agus dhearbhaigh siad nach féidir leis na tríú páirtithe sin rochtain dhlíthiúil a fháil ar na sonraí sin ná iad a úsáid ná tagairt a dhéanamh dóibh.

(11)

Rinne an Coimisiún measúnú ar an bhfaisnéis uile a chuir an t-iarratasóir ar fáil agus mheas sé go raibh cruthúnas leordhóthanach tugtha aige gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, na staidéir agus na sonraí eolaíocha maidir leis an tuairisc mhionsonraithe ar an bpróiseas táirgthe agus na hanailísí ar chomhdhéanamh an bhia núíosaigh, ba cheart iad sin a chosaint i gcomhréir le hAirteagal 27(1) de Rialachán (AE) 2015/2283. Dá réir sin, níor cheart ach an t-iarratasóir a údarú chun próitéin phise agus ríse a choiptear le mícéiliamaí Lentinula edodes a chur ar an margadh laistigh den Aontas ar feadh tréimhse 5 bliana ó theacht i bhfeidhm an Rialacháin seo.

(12)

Mar sin féin, maidir leis an mbia núíosach agus an tagairt do na staidéir agus na sonraí eolaíocha atá i gcomhad an iarratasóra a shrianadh d’úsáid an iarratasóra amháin, ní chuirfidh an srianadh sin cosc ar iarratasóirí eile ina dhiaidh sin cur isteach ar údarú chun an bia núíosach céanna a chur ar an margadh ar choinníoll gur ar fhaisnéis a fuarthas go dlíthiúil agus atá ina taca leis an údarú sin atá a n-iarratas bunaithe.

(13)

Is iomchuí go mbeadh an fhaisnéis dá dtagraítear in Airteagal 9(3) de Rialachán (AE) 2015/2283 san iontráil a bhaineann le próitéin phise agus ríse a choiptear le mícéiliamaí Lentinula edodes ar liosta an Aontais de bhianna núíosacha.

(14)

Cuirfear próitéin phise agus ríse a choiptear le mícéiliamaí Lentinula edodes le liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir sin.

(15)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,