(1)

I dTeachtaireacht an 9 Nollaig 2020 ón gCoimisiún dar teideal ‘an Straitéis um an tSoghluaisteacht Inbhuanaithe agus Chliste – iompar Eorpach a chur ar an mbóthar ceart don todhchaí’(‘an Straitéis um an tSoghluaisteacht Inbhuanaithe agus Chliste’), sainaithnítear cur chun úsáide córas cliste iompair (‘CCInna’) mar ghníomhaíocht lárnach chun an tsoghluaisteacht ilmhódach uathoibrithe nasctha a bhaint amach, agus dá bhrí sin rannchuidítear le haistriú an chórais iompair Eorpaigh chun cuspóir na soghluaisteachta éifeachtúla, sábháilte, inbhuanaithe, cliste, athléimní a bhaint amach. Comhlánaíonn sé sin na gníomhaíochtaí a fógraíodh faoin straitéis shuaitheanta maidir le glasú an iompair lastais chun an lóistíocht ilmhódach a chothú. Fógraíodh sa Straitéis Chuimsitheach um an tSoghluaisteacht Inbhuanaithe agus Chliste go ndéanfaí athbhreithniú in 2022 ar Rialachán Tarmligthe (AE) 2017/1926 ón gCoimisiún (3) chun inrochtaineacht shainordaitheach na dtacar sonraí dinimiciúil a chuimsiú, agus go ndéanfaí measúnú ar an ngá le gníomhaíocht rialála maidir le cearta agus dualgais sholáthraithe na seirbhísí digiteacha ilmhódacha, mar aon le tionscnamh maidir leis an ticéadú, lena n-áirítear an ticéadú iarnróid. Ba cheart a áirithiú leis an Treoir seo go gcumasófar le feidhmchláir CCInna i réimse an iompair de bhóthar comhtháthú rianúil le modhanna eile iompair, amhail soghluaisteacht d’iarnród nó soghluaisteacht ghníomhach, agus ar an gcaoi sin aistriú chuig na modhanna sin a éascú nuair is féidir, chun éifeachtúlacht agus inrochtaineacht a fheabhsú.

(2)

Sa Straitéis um an tSoghluaisteacht Inbhuanaithe agus Chliste, deimhnítear an chuspóir líon na marbh ó na modhanna iompair uile san Aontas a laghdú gar do nialas faoi 2050. Le roinnt gníomhaíochtaí i raon feidhme Threoir 2010/40/AE ó Pharlaimint na hEorpa agus ón gComhairle (4) rannchuidítear le sábháilteacht úsáideoirí na mbóithre, amhail eCall, seirbhísí faisnéise tráchta a bhaineann le sábháilteacht ar bhóithre, agus seirbhísí faisnéise a bhaineann le háiteanna páirceála slána sábháilte le haghaidh trucailí agus feithiclí tráchtála, arna ndeimhniú i gcomhréir le Rialachán Tarmligthe (AE) 2022/1012 ón gCoimisiún (5).

(3)

I dteachtaireacht ón gCoimisiún an 11 Nollaig 2019 dar teideal ‘An Comhaontú Glas don Eoraip’ cuirtear i dtábhacht an fás atá ag teacht ar ról na soghluaisteachta ilmhódaí uathoibrithe nasctha, mar aon le córais bhainistíochta tráchta cliste atá indéanta de bhua an digitithe, agus leis an gcuspóir tacaíocht a thabhairt do sheirbhísí iompair agus soghluaisteachta atá nua agus inbhuanaithe a fhéadfaidh an tsoghluaisteacht a fheabhsú agus a fhéadfaidh an brú tráchta agus an truailliú a laghdú, sna limistéir uirbeacha go háirithe, agus an t-aistriú chuig modhanna iompair níos glaine a chothú trí aistriú módúil agus bainistiú tráchta níos fearr a chur chun cinn. Chun tacú leis an dul chun cinn sin, d’fhéadfadh sé go mbeadh údar cuí le critéir scagtha theicniúla iomchuí a chur san áireamh faoi chuimsiú Rialachán (AE) 2020/852 ó Pharlaimint na hEorpa agus ón gComhairle (6) (dá ngáirtear freisin, an Rialachán maidir le Tacsanomaíocht) chun tacú le hinfheistíochtaí in CCInna.

(4)

Mar gheall ar an ngá méadaitheach atá ann úsáid níos fearr a bhaint as na sonraí chun cur le hinbhuanaitheacht, slándáil, éifeachtúlacht agus athléimneacht na slabhraí iompair, tá comhordú feabhsaithe ag teastáil idir an creat CCInna agus tionscnaimh eile arb aidhm dóibh roinnt na sonraí in earnálacha na soghluaisteachta, an iompair agus na lóistíochta a chomhchuibhiú agus a éascú ó dhearcadh ilmhódach amhail an spás coiteann Eorpach do shonraí soghluaisteachta agus a chomhpháirteanna, Rialachán (AE) 2020/1056 ó Pharlaimint na hEorpa agus ón gComhairle (7), agus an obair atá á saothrú ag an bhFóram Digiteach Iompair agus Lóistíochta (DTLF), agus rialacha maidir le cosaint sonraí agus príobháideachas á gcur san áireamh.

(5)

I bhfianaise an ghá atá ann leis an iompar de bhóthar a dhigitiú, an tsábháilteacht ar bhóithre a fheabhsú agus an brú tráchta a laghdú, ba cheart cur chun úsáide agus úsáid na gcóras agus na seirbhísí cliste iompair ar bhóithre a fhorbairt tuilleadh ar an ngréasán tras-Eorpach iompair.

(6)

Cruthaíonn digiteáil agus nuálaíocht san iompar de bhóthar deiseanna fostaíochta trí thionscadail nua a fhorbairt sa tionscal.

(7)

Ina lán Ballstát, de réir cláir náisiúnta, tá córais chliste iompair agus seirbhísí á gcur chun úsáide cheana in earnáil an iompair de bhóthar. Fuarthas sa mheastóireacht ar Threoir 2010/40/AE, áfach, d’ainneoin feabhsuithe a rinneadh ó glacadh í in 2010, go raibh easnaimh leanúnacha ann ba chúis le cur chun úsáide ilroinnte neamhchomhordaithe na seirbhísí CCInna agus le heaspa leanúnachais geografaigh iontu ar fud an Aontais agus ag a theorainneacha seachtracha.

(8)

I gcomhthéacs chur chun feidhme na Rialachán Tarmligthe ón gCoimisiún (AE) Uimh. 885/2013 (8), (AE) Uimh. 886/2013 (9), (AE) 2015/962 (10) agus (AE) 2017/1926 lena bhforlíontar Treoir 2010/40/AE, tá pointí rochtana náisiúnta (‘NAPanna’) bunaithe ag na Ballstáit. Leis na NAPanna, eagraítear an rochtain ar shonraí a bhaineann leis an iompar, agus athúsáid na sonraí sin, chun tacú le soláthar seirbhísí CCInna iompair agus tráchta idir-inoibritheacha ar fud an Aontais d’úsáideoirí deiridh. Ba cheart na sonraí sin a bhaineann le hiompar a bheith ar fáil i bhformáid mheaisín-inléite a mhéid a fhoráiltear leis an Treoir seo. Is comhpháirt thábhachtach den spás coiteann Eorpach do shonraí soghluaisteachta iad na NAPanna sin, i dteannta na bpointí rochtana réigiúnacha agus áitiúla a d’fhéadfadh a bheith ann sna Ballstáit, faoin Straitéis Eorpach maidir le Sonraí agus ba cheart brath orthu, go háirithe a mhéid a bhaineann le hinrochtaineacht na sonraí. Trí chomhar a dhéanamh maidir le rochtain ar shonraí a éascú trí NAPanna, ba cheart do na Ballstáit a ndícheall a dhéanamh éifeachtacht, idir-inoibritheacht agus comhar na NAPanna a fheabhsú ar fud an Aontais chomh maith le rochtain na n-úsáideoirí sonraí orthu a éascú. D’ainneoin na NAPanna a bheith á n-oibriú i ngach Ballstát, tá gá fós le feabhas a chur ar infhaighteacht sonraí a bhaineann le go leor cineálacha sonraí a mheastar a bheith ríthábhachtach chun tacú le forbairt seirbhísí riachtanacha lena soláthraítear an fhaisnéis is gá do na húsáideoirí deiridh.

(9)

Ba cheart comhar na mBallstát a threisiú maidir le sonraíochtaí a chur i bhfeidhm maidir le cur chun úsáide CCInna. Ba cheart don Choimisiún comhar na mBallstát maidir leis na réimsí tosaíochta a éascú, mar shampla trí threoirlínte a ghlacadh chun cur chun úsáide comhchuibhithe agus tráthúil CCInna san Aontas a chothú agus trí chomhroinnt na gcineálacha sonraí a liostaítear in Iarscríbhinn III a chuíchóiriú.

(10)

Ceanglaítear le hAirteagal 20 de Rialachán (AE) 2023/1804 ó Pharlaimint na hEorpa agus ón gComhairle (11) infhaighteacht agus inrochtaineacht, trí NAP, sonraí agus seirbhísí statacha agus dinimiciúla áirithe a bhaineann le bonneagar breoslaí malartacha ar chríoch iomlán an Aontais chun tacú le forbairt seirbhísí faisnéise feabhsaithe do na húsáideoirí deiridh. Foráiltear leis an bhforáil sin freisin go nglacfar rialacha lena gcomhlánaítear na rialacha sin a leagtar síos i Rialachán Tarmligthe (AE) 2022/670 ón gCoimisiún (12) i ndáil le caighdeáin tarchuir, cur i láthair agus cáilíocht sonraí.

(11)

Chun a áirithiú go ndéanfar CCI a chur chun úsáide ar bhealach comhordaithe, éifeachtach agus idir-inoibritheach san Aontas trí chéile, ba cheart sonraíochtaí a thabhairt isteach lena n-áirítear, i gcás inarb iomchuí, caighdeáin lena leagfaí síos tuilleadh forálacha agus nósanna imeachta mionsonraithe, sa bhreis ar shonraíochtaí a glacadh cheana. Sula nglacfar aon sonraíocht bhreise nó aon sonraíocht athbhreithnithe, ba cheart don Choimisiún measúnú a dhéanamh ar a comhlíontacht le prionsabail shainithe áirithe a leagtar amach in Iarscríbhinn II. Ba cheart an tosaíocht a thabhairt, ar an gcéad dul síos, do na ceithre príomhréimsí d’fhorbairt agus do chur chun úsáide CCInna. Le linn CCInna a chur chun feidhme tuilleadh, ba cheart bonneagar CCInna atá imscartha cheana ag Ballstát ar leith a chur san áireamh ó thaobh dul chun cinn teicneolaíochta agus iarrachtaí airgeadais de.

(12)

Ba cheart a áirithiú, agus go háirithe maidir le córais chliste iompair chomhoibritheacha (‘C-CCInna’), nach mbrúnn na ceanglais maidir le CCInna úsáid aon chineáil áirithe teicneolaíochta ná nach ndéanann siad idirdhealú ina fhabhar i gcomhréir le prionsabal na neodrachta teicneolaíche mar a leagtar síos i dTreoir (AE) 2018/1972 ó Pharlaimint na hEorpa agus ón gComhairle (13). Más féidir úsáid a bhaint as teicneolaíochtaí C-CCInna comhlántacha iontaofa a ndearnadh tástáil fíorshaoil orthu, ba cheart feidhmchláir chomhbheitheacha a chumasú, agus idir-inoibritheacht chórais CCInna á háirithiú ag an am céanna.

(13)

Leis na sonraíochtaí, ba cheart a chur san áireamh agus cur leis an taithí agus na torthaí a fuarthas cheana féin i réimse CCInna, C-CCInna agus na soghluaisteachta comhoibrithí, nasctha agus uathoibrithe (‘CCAM’), go háirithe i gcomhthéacs ardáin C-CCInna agus CCAM, an Fhóraim Eorpaigh um Shoghluaisteacht Ilmhódach Paisinéirí, an Fhóraim Dhigitigh Iompair agus Lóistíochta agus Ardán Chur Chun Feidhme eCall Eorpach.

(14)

Ba cheart an nuálaíocht a chothú leis na sonraíochtaí. Ba cheart, mar shampla, seirbhísí CCInna nua a bheith á bhforbairt de bhua fáil níos mó a bheith ar shonraí, agus a mhalairt, ba cheart riachtanais le sonraíochtaí eile amach anseo a shainaithint de bhua na nuálaíochta. Ba cheart don Chomhpháirtíocht Eorpach le haghaidh soghluaisteacht chomhoibritheach, nasctha agus uathoibrithe faoi Fhís Eorpach tacú le forbairt agus tástáil an chéad rabharta eile de sheirbhísí C-CCInna, lena gcuirtear le sonraíochtaí atá le glacadh le haghaidh seirbhísí C-CCInna agus lena gcuidítear le comhtháthú na bhfeithiclí ard-uathoibrithe i seirbhísí nua soghluaisteachta ilmhódaí. Ní mór teicneolaíochtaí nua, le haghaidh C-CCInna go háirithe, a thástáil i bhfíordhálaí tráchta ar bhóithre mar sheirbhís iontaofa sula n-úsáidfear iad.

(15)

Úsáideann C-CCInna teicneolaíochtaí lenar féidir le feithiclí bóthair cumarsáid a dhéanamh lena chéile agus le bonneagar cois bóthair, lena n-áirítear soilse tráchta. Is catagóir de sheirbhísí CCInna iad na seirbhísí C-CCInna atá bunaithe ar ailtireacht oscailte lena gcumasaítear caidreamh mórán le mórán nó piara le piara idir stáisiúin C-CCInna. Dá bhrí sin, ba cheart na stáisiúin uile C-CCInna a bheith ag malartú teachtaireachtaí go sábháilte lena chéile seachas iad a bheith teoranta ar theachtaireachtaí a mhalartú le stáisiúin réamhshainithe. Éilíonn formhór na seirbhísí go n-áirithítear barántúlacht agus sláine theachtaireachtaí C-CCInna ina bhfuil faisnéisí amhail an suíomh, an luas agus an treo-cheann. Ba cheart, dá bhrí sin, samhail choiteann Eorpach iontaoibhe C-CCInna a chruthú chun caidreamh iontaoibhe a bhunú idir gach stáisiún C-CCInna, gan beann ar na teicneolaíochtaí cumarsáide a úsáidtear. Ba cheart an tsamhail iontaoibhe sin a chur chun feidhme trí bhíthin beartas a ghlacadh maidir le húsáid Bonneagair Eochrach Poiblí (‘BEP’). Ba cheart gurbh é an Liosta Iontaoibhe Deimhnithe Eorpach (ECTL) an leibhéal is airde de BEP sin, ar liosta é a chomhdhéantar d’iontrálacha i leith gach údaráis fréamhdheimhniúcháin iontaofa san Eoraip. Chun feidhmiú rianúil na samhla iontaoibhe C-CCInna sin a áirithiú, ba cheart roinnt cúraimí a thabhairt i gcrích ar leibhéal lárnach. Ba cheart don Choimisiún a áirithiú go gcuirfear na cúraimí riachtanacha sin i gcrích, go háirithe a mhéid a bhaineann leis an ról a bheith ag (i) an t-údarás um beartas deimhnithe C-CCInna i mbainistiú an bheartais deimhnithe agus údarú BEP, (ii) bainisteoir an liosta iontaobhais i gcruthú agus nuashonrú ECTL agus, maidir le gníomhaíocht rialta, i dtuairisciú chuig an údarás um beartas deimhnithe C-CCInna a mhéid a bhaineann le hoibriú slán foriomlán shamhail iontaoibh C-CCInna, agus (iii) an pointe teagmhála C-CCInna i láimhseáil gach cumarsáide le bainisteoirí údarás fréamhdheimhniúcháin agus i bhfoilsiú dheimhniú eochrach poiblí bhainisteoir an liosta iontaoibhe agus ECTL. Áirithíonn an Coimisiún faoi láthair freisin go gcomhlíonann an t-údarás Eorpach fréamhdheimhniúcháin a ról. Is féidir an t-údarás sin a choinneáil más iomchuí, mar shampla chun tacú le pleananna aistrithe i gcás ina gcuirfí údarás fréamhdheimhniúcháin eile i mbaol.

(16)

An chuid is mó de na gníomhaíochtaí faoi Threoir 2010/40/AE, cé is moite de eCall, díríodh iad ar sonraíochtaí a ghlacadh chun idir-inoibritheacht agus inrochtaineacht a áirithiú maidir leis na sonraí atá ar fáil i bhformáid dhigiteach mheaisín-inléite cheana agus ar chur chun úsáide na seirbhísí CCInna, ach níor leagadh amach leo riamh aon oibleagáid ar na geallsealbhóirí ábhartha maidir leis na sonraí sin a chruthú agus a chur ar fáil san fhormáid sin nó maidir le seirbhísí sonracha a chur chun úsáide. Tá úsáid roinnt seirbhísí CCInna forleathan: mar shampla, teagmhais a bhrath lena gcumasaítear seirbhísí faisnéise tráchta a bhaineann le sábháilteacht ar bhóithre; ar an gcuma chéanna, úsáid sonraí ríthábhachtacha a thagann faoi réimsí tosaíochta eile arna sainaithint sa Treoir seo, mar shampla rialacháin tráchta, a thacaíonn le seirbhísí tábhachtacha mar shampla luasteorainneacha chun tacú le feithiclí atá feistithe le cúnamh cliste luais faoi Rialachán (AE) 2019/2144 ó Pharlaimint na hEorpa agus ón gComhairle (14). Meastar gur gá soláthar seirbhísí fíor-riachtanacha áirithe CCInna agus sonraí ríthábhachtacha i bhformáid dhigiteach mheaisín-inléite a bheith riachtanach chun a áirithiú go mbeidh na sonraí sin ar fáil go leanúnach agus go soláthrófar na seirbhísí sin go leanúnach ar fud an Aontais. Tugann sé le tuiscint go bhfuil an fhaisnéis fholuiteach atá le léiriú sna sonraí meaisín-inléite ann cheana féin, gan beann ar an bhformáid nó ar an meán ina gcuirtear i láthair iad. Mar shampla, i gcás ina n-eisíonn údaráis inniúla rabhadh díobhálach aimsire don trácht (mar shampla ar an raidió nó ar dhroichead lasnairde), agus sa chás sin amháin, is ann don fhaisnéis fholuiteach.

Ní fhorordaítear leis an Treoir seo an gá faisnéis shonrach tráchta a chruthú (mar shampla, pleananna cúrsaíochta tráchta a chruthú), ná na cúinsí faoinar cheart rabhadh maidir le sábháilteacht a eisiúint (mar shampla, cé acu an spreagann nó nach spreagann sneachta rabhadh do thiománaithe) nó cén luach ba cheart a bheith ar rialachán tráchta (mar shampla, leibhéal na luasteorann). Tá an méid sin ar fad faoi rogha na n-údarás inniúil, rud a thugann le tuiscint go bhfuil feidhm ag difríochtaí sa chleachtas (mar shampla, d’fhéadfadh an sneachta céanna cinneadh a spreagadh rabhadh a thabhairt don trácht i réigiúin áirithe ach ní i réigiúin eile). Ina theannta sin, chun seirbhísí CCInna áirithe agus sonraí ríthábhachtacha a sholáthar go héigeantach i bhformáid dhigiteach mheaisín-inléite, ní gá infheistíochtaí a dhéanamh i dtrealamh cois bóthair an ghréasáin chun faisnéis bhreise a bhailiú. Ba cheart cineálacha sonraí agus seirbhísí, ar cheart a soláthar a dhéanamh éigeantach faoin Treoir seo, a shainaithint ar bhonn na sonraíochtaí a ghlac an Coimisiún trí ghníomhartha tarmligthe lena bhforlíontar Treoir 2010/40/AE, go háirithe Rialacháin Tharmligthe (AE) Uimh. 885/2013, (AE) Uimh. 886/2013, (AE) 2017/1926 agus (AE) 2022/670, agus ba cheart dóibh na cineálacha sonraí agus na seirbhísí a leagtar síos iontu sin a léiriú. Fágann na sonraíochtaí a ghlac an Coimisiún cheana féin, lena n-áirítear na caighdeáin dá dtagraítear iontu, go bhféadfar roghanna a dhéanamh maidir le hábhar digiteach eilimint faisnéise atá le cur ar fáil i bhformáid mheaisín-inléite. D’fhéadfadh sé go mbeadh gá le hobair ullmhúcháin, mar shampla próifíliú caighdeán, chun foráil a dhéanamh do chur chuige coiteann maidir le cur chun feidhme. Sna cásanna sin, ba cheart tuairisc a thabhairt i glár oibre CCInna ar an obair ullmhúcháin atá le déanamh agus ba cheart an obair bhreise sin a chur san áireamh sna dátaí is infheidhme maidir leis na cineálacha sonraí agus na seirbhísí gaolmhara sin a sholáthar.

(17)

Chun an tiontú ó fhaisnéis neamhdhigiteach go formáid dhigiteach mheaisín-inléite a dhéanamh de réir a chéile, tá gá le cur chuige céimneach comhréireach, i bhfianaise líon mór na ngeallsealbhóirí lena mbaineann agus a n-acmhainneachtaí teicniúla míchothroma, chomh maith leis an líon mór faisnéise. Dá bhrí sin, ba cheart go mbainfeadh soláthar éigeantach sonraí áirithe i bhformáid dhigiteach mheaisín-inléite le faisnéis a chruthófar nó le faisnéis a nuashonraítear tar éis dáta tosaigh sonrach; sa dara céim, ba cheart go dtiocfadh faisnéis a cruthaíodh roimhe sin faoin oibleagáid freisin. Maidir le sonraí eile a bhfuil faisnéis ag dul as dáta go tapa ina leith, d’fhéadfadh sé gur leor faisnéis nua nó nuashonraithe amháin a chur ar fáil.

(18)

Ar mhaithe le leanúnachas, ba cheart cineálacha agus seirbhísí sonraí a bhfuil a soláthar éigeantach faoin Treoir seo a bheith ar fáil laistigh de raon feidhme geografach nithiúil. Ar an gcaoi chéanna, ba cheart an raon feidhme sin a shainiú ar bhonn cur chuige céimneach comhréireach. I gcás sonraí maidir le rialáil tráchta i nóid uirbeacha, chun comhréireacht na n-oibleagáidí ábhartha a áirithiú, agus go háirithe chun foráil a dhéanamh maidir le cóimheas réasúnta costais is tairbhe, ba cheart an deis a bheith ag na Ballstáit an cumhdach a theorannú do bhóithre sonracha trí thairseach sreafa tráchta a shonraítear sa treoir seo a chur i bhfeidhm.

(19)

Ar mhaithe le sábháilteacht ar bhóithre, moltar do na Ballstáit sonraí a chur ar fáil trí NAPanna a luaithe is féidir (mar shampla luasteorainneacha nó sonraí dinimiciúla le haghaidh limistéir pháirceála shábháilte agus shlána), agus le haghaidh codanna den ghréasán bóithre nach bhfuil laistigh den raon feidhme geografach a shainítear in Iarscríbhinn III (mar shampla mótarbhealaí nach cuid den ghréasán bóithre tras-Eorpach iad).

(20)

Léiríonn an staidéar ó 2020 ‘Mapping accessible transport for persons with reduced mobility’ [Iompar inrochtana le haghaidh daoine a bhfuil soghluaisteacht laghdaithe acu a mhapáil] nach féidir, faoi láthair, turais a phleanáil ar bhealach iontaofa agus gnéithe inrochtaineachta á úsáid mar athróga cuardaigh, de cheal sonraí leordhóthanacha maidir leis na gnéithe sin. Léirítear ann freisin gur cheart a mheas gur an-tábhachtach ar leibhéal an Aontais agus ar leibhéal na mBallstát, íoscheanglais agus caighdeáin íosta a bhunú maidir le faisnéis do dhaoine faoi mhíchumas agus do dhaoine a bhfuil a soghluaisteacht laghdaithe. Chun inrochtaineacht an chórais iompair a fheabhsú a thuilleadh agus chun an taisteal a éascú le haghaidh daoine faoi mhíchumas agus daoine a bhfuil a soghluaisteacht laghdaithe, tá sonraí maidir le nóid rochtana agus a ngnéithe inrochtaineachta i bhformáidí inrochtana de dhíth ar sheirbhísí soghluaisteachta digiteacha ilmhódacha.

(21)

I ndiaidh an ráitis ghaolmhair sa Straitéis um an tSoghluaisteacht Inbhuanaithe agus Chliste, iarrtar ar an gCoimisiún a mheas cé na coigeartuithe is gá a dhéanamh ar an gcreat dlíthiúil atá ann faoi láthair mar fhreagairt ar theicneolaíochtaí cumarsáide leictreonaí nua agus an tionchar a bhíonn ag pointí freagartha sábháilteachta poiblí eCall (‘PSAPanna’) mar gheall ar an bhféidearthacht go leathnófaí eCall chuig catagóirí eile feithiclí mar shampla feithiclí earraí troma, busanna agus cóistí, dé-rothaigh chumhachtaithe agus tarracóirí talmhaíochta. Ina theannta sin, lasmuigh de chreat na Treorach seo, iarrtar ar an gCoimisiún measúnú a dhéanamh ar na roghanna a d’fhéadfadh a bheith ann chun aghaidh a thabhairt ar shaincheist dhífheidhmeacht na gcóras eCall i bhfeithiclí le trealamh a chomhlíonann na sonraíochtaí reatha eCall, a luaithe a dhéantar líonraí cumarsáide (2G agus 3G) a mhúchadh.

(22)

Tá sé le tuiscint ón bhfás ar an gcomhtháthú idir córais CCInna agus ardchórais cúnaimh tiománaí, nó idir córais feithiclí agus córais bhonneagair go ginearálta, go mbeidh na córais sin ag brath mó sa mhó ar an bhfaisnéis a sholáthraíonn siad dá chéile. Is amhlaidh atá sé maidir le C-CCInna go háirithe. Tiocfaidh méadú ar an spleáchas sin de réir mar a bhainfear ardleibhéil uathoibrithe amach. Ar na hardleibhéil uathoibrithe sin, meastar go n-úsáidfear an chumarsáid idir feithiclí agus bonneagar ar bhealach sábháilte chun gluaiseachtaí a eagrú agus réidhe na sreafaí tráchta a fheabhsú, rud a chuirfidh le hinbhuanaitheacht an iompair freisin. Ba cheart go dtacódh an chumarsáid sin idir feithiclí agus bonneagar le hiontaofacht, le cruinneas agus le hinfhaighteacht sonraí. Dá gcuirfí i mbaol sláine sheirbhísí CCInna, d‘fhéadfadh sé sin tionchar tromchúiseach a bheith aige ar shábháilteacht ar bhóithre, mar shampla nuair a chuirfeadh faisnéis, atá bréagach d’aon ghnó, ar fheithiclí ainliú a dhéanamh lena gcuirfí úsáideoirí bóithre i mbaol, agus a d’fhéadfadh éifeacht iarmhartach a bheith aige sin ar chóras iompair an Aontais. Chun coinníollacha aonfhoirmeacha a áirithiú maidir leis an Treoir seo a chur chun feidhme, ba cheart cumhachtaí cur chun feidhme a thabhairt don Choimisiún i staideanna ina gcuirfear sláine na seirbhísí CCInna i mbaol agus inar gá idirghabháil a dhéanamh go práinneach chun ceartfheidhmiú sábháilte chóras iompair an Aontais agus sábháilteacht ar bhóithre a áirithiú, chun frithbhearta a ghlacadh chun aghaidh a thabhairt ar chúiseanna na staide sin agus ar a hiarmhairtí. Ba cheart na frithbhearta sin a ghlacadh a luaithe is féidir agus ba cheart iad a bheith infheidhme láithreach. Mar sin féin, sula nglacfaidh sé na frithbhearta sin, ba cheart don Choimisiún gach iarracht is féidir a dhéanamh chun dul i gcomhairle le saineolaithe na mBallstát. Thairis sin, ós rud é go bhféadfadh pleananna bainistithe éigeandála ar leibhéil éagsúla idirghabhála a bheith ann chun aghaidh a thabhairt ar raon clistí córais a d’fhéadfadh a bheith ann, níor cheart don Choimisiún na frithbhearta sin a ghlacadh ach amháin i gcásanna éigeandála nuair nach n-áiritheofar le bearta feabhais arna ndéanamh ag na húdaráis náisiúnta inniúla freagairt thráthúil agus éifeachtach. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (15). Ag féachaint don ghá le leanúnachas an iompair a áirithiú, is iomchuí an fadú ar bhailíocht na bhfrithbheart sin thar 6 mhí a chur i bhfeidhm trí bhíthin na rogha dá bhforáiltear faoi Airteagal 8(2) de Rialachán (AE) Uimh. 182/2011. Ba cheart deireadh a theacht leis na frithbhearta sin a luaithe agus a chuirtear réiteach malartach chun feidhme nó a réitítear an staid éigeandála.

(23)

Maidir le haon phróiseáil a dhéantar ar shonraí pearsanta faoin Treoir seo, mar shampla próiseáil sonraí suímh nuair a cheadaítear leis sin duine a aithint, go díreach nó go hindíreach, ba cheart an phróiseáil sin a chur i gcrích i gcomhréir le dlí an Aontais maidir le cosaint na sonraí pearsanta agus an phríobháideachais, mar a leagtar amach, go háirithe, i Rialachán (AE) 2016/679 ó Pharlaimint na hEorpa agus ón gComhairle (16) agus i dTreoir 2002/58/CE ó Pharlaimint na hEorpa agus ón gComhairle (17). I gcomhréir le hAirteagal 6 de Rialachán (AE) 2016/679, ba cheart a shonrú sa Treoir seo an chríoch a bhféadfar sonraí pearsanta a phróiseáil faoin Treoir seo chuige.

(24)

I gcás ina mbainfidh siad le próiseáil sonraí pearsanta, ba cheart foráil a dhéanamh sna sonraíochtaí atá le forbairt faoin Treoir seo do choimircí leordhóthanacha iomchuí cosanta sonraí pearsanta i gcomhréir le ceanglais Rialachán (AE) 2016/679 agus Threoir 2002/58/CE, lena n-áirítear maidir le fad uasta stórála sonraí, agus anaithnidiú sonraí nó bréagainmniú sonraí. Go háirithe, gan dochar d’aon cheanglas sonrach a leagtar síos i ndlí an Aontais maidir le húsáid sonraí anaithnide nó bréagainmnithe, aon uair is féidir na cuspóirí atá á saothrú a bhaint amach chomh maith céanna, trí shonraí pearsanta a phróiseáil i gcás ina bhfuil sé indéanta go teicniúil, ba cheart sonraí anaithnidithe a úsáid. I gcásanna eile, ba cheart úsáid sonraí faoi ainm bréige a spreagadh, mar shampla trí chóras bainistithe dintiúr slándála C-CCInna an Aontais, d’fhonn príobháideachas daoine aonair a fheabhsú, i gcomhréir le prionsabal na cosanta sonraí trí dhearadh. Ní fhéadfaidh idirdhealú sóisialta d’aon chineál teacht as úsáid sonraí pearsanta a eascraíonn as patrúin soghluaisteachta nó as aghaidh-aithint. Thairis sin, ba cheart coimircí i gcoinne mí-úsáide, lena n-áirítear rochtain neamhdhleathach, athrú nó caillteanas a leagan síos sna sonraíochtaí sin nó sa dlí náisiúnta, de réir mar is iomchuí, i gcomhréir le ceanglais Rialachán (AE) 2016/679 agus Threoir 2002/58/CE.

(25)

Tá feidhm ag Treoir 2001/95/CE ó Pharlaimint na hEorpa agus ón gComhairle (18) maidir le táirgí nach ndéantar foráil níos sonraí i dtaca leo sa reachtaíocht earnála chun críocha an chuspóra sábháilteachta chéanna, agus freisin i gcás nach gcumhdaíonn na ceanglais sábháilteachta dá bhforáiltear le reachtaíocht earnála na gnéithe agus na rioscaí nó na catagóirí de rioscaí a chumhdaítear leis an Treoir sin (dá ngairtear freisin ‘an líontán sábhála’).

(26)

I gcás inar gá measúnú ar chomhréireacht a chur i gcrích, ba cheart forálacha mionsonraithe a bheith sna sonraíochtaí, forálacha lena leagtar síos an nós imeachta lena rialaítear an measúnú ar chomhréireacht comhpháirteanna nó ar a n-oiriúnacht lena n-úsáid. Maidir le seirbhísí CCInna áirithe, agus go háirithe seirbhísí C-CCInna, tá an idir-inoibritheacht agus comhlíontacht leanúnach roinnt ceanglais fíor-riachtanach chun ceartfheidhmiú sábháilte an chórais a áirithiú. Dá bhrí sin, i gcás inar gá, na sonraíochtaí lena leagtar síos ceanglais maidir le táirgí, ba cheart nósanna imeachta um fhaireachas margaidh, lena n-áirítear clásal cosanta, a leagan síos leo freisin. Ba cheart na forálacha sin a bheith bunaithe ar Chinneadh Uimh. 768/2008/CE ó Pharlaimint na hEorpa agus ón gComhairle (19), go háirithe maidir leis na modúil le haghaidh na gcéimeanna éagsúla de na nósanna imeachta um measúnú comhréireachta agus faireachas margaidh. Le Rialachán (AE) 2018/858 ó Pharlaimint na hEorpa agus ón gComhairle (20), leagtar síos creat maidir le cineálcheadú mótarfheithiclí agus a bpáirteanna nó a dtrealamh gaolmhar agus maidir le faireachas margaidh orthu, agus le Rialacháin (AE) Uimh. 167/2013 (21) agus (AE) Uimh. 168/2013 (22) ó Pharlaimint na hEorpa agus ón gComhairle, leagtar síos rialacha maidir le cineálcheadú feithiclí ar dhá roth nó ar thrí roth agus cuadrothar, agus feithiclí talmhaíochta nó foraoiseachta agus a bpáirteanna nó a dtrealamh gaolmhar. Dá bhrí sin, is dúbailt oibre a bheadh ann foráil a dhéanamh maidir le measúnú comhréireachta a dhéanamh ar threalamh agus ar fheidhmchláir a thagann faoi raon feidhme na ngníomhartha reachtacha sin.

Mar sin féin, tá feidhm ag na gníomhartha reachtacha sin faoi cheadú feithiclí maidir le trealamh a bhaineann le CCInna agus a suitear i bhfeithiclí, ach níl feidhm acu maidir le trealamh agus bogearraí CCInna bonneagair bóthair seachtracha, agus ba cheart an trealamh sin agus na bogearraí sin a bheith faoi raon feidhm na Treorach seo. Sna cásanna sin, d’fhéadfaí leis na sonraíochtaí foráil a dhéanamh maidir le nósanna imeachta um measúnú comhréireachta agus faireachas margaidh. Ba cheart na nósanna imeachta sin a theorannú don mhéid a bheadh riachtanach i ngach cás ar leith agus ba cheart gurb é a gcuspóir, i gcás inarb iomchuí, cur chuige córasach i leith rialacha maidir le hainmniú comhlachtaí um measúnú comhréireachta agus na nósanna imeachta is infheidhme, go háirithe maidir le feidhmeanna agus seirbhísí trasteorann.

(27)

Nuair a bhíonn córais intleachta saorga i gceist le cur chun úsáide agus úsáid trealaimh agus bogearraí CCInna, ba cheart na forálacha de Rialachán ó Pharlaimint na hEorpa agus ón gComhairle lena leagtar síos rialacha comhchuibhithe maidir leis an intleacht shaorga (Gníomh um an Intleacht Shaorga), a chur san áireamh.

(28)

Maidir le feidhmchláir agus seirbhísí CCInna a mbíonn seirbhísí uainiúcháin agus suiteála cruinne ráthaithe ag teastáil ina leith, ba cheart úsáid a bhaint as bonneagair atá bunaithe ar shatailítí nó as aon teicneolaíocht lena soláthraítear leibhéal beachtais coibhéiseach. Ba cheart sineirgí idir earnálacha iompair agus spáis an Aontais a shaothrú chun úsáid níos leithne na dteicneolaíochtaí nua a chothú, teicneolaíochtaí lena bhfreagraítear don ghá atá ann le seirbhísí uainiúcháin agus suiteála cruinne ráthaithe. Soláthraíonn Clár Spáis an Aontais, arna bhunú faoi Rialachán (AE) 2021/696 ó Pharlaimint na hEorpa agus ón gComhairle (23), sonraí, faisnéis agus seirbhísí ardcháilíochta slána cothrom le dáta a bhaineann leis an spás, agus sin trí chórais Galileo, Bhreis-seirbhís na hEorpa um Loingseoireacht Gheochobhsaí (EGNOS), agus Copernicus.

(29)

Seirbhísí uainiúcháin agus suiteála iontaofa daingnithe a sholáthar, is eilimint fíor-riachtanach é sin in oibriú éifeachtach fheidhmchlár agus sheirbhísí CCInna. Dá bhrí sin, is iomchuí a áirithiú go mbeidh siad comhoiriúnach don sásra fíordheimnithe a sholáthraíonn clár Galileo, chun ionsaithe spúfála chomharthaí na gcóras domhanda um loingseoireacht satailíte (GNSS) a mhaolú. Ní eisiatar leis sin úsáid a bhaint as sásraí cruthaithe eile lena soláthraítear an leibhéal céanna muiníne chun iontaofacht na faisnéise maidir le suíomh agus am a áirithiú.

(30)

Ba cheart dul i gcomhairle leis na Ballstáit agus le páirtithe leasmhara eile, lena n-áirítear grúpaí saineolaithe eile de chuid an Choimisiúin, go háirithe Grúpa Comhairleach CCInna Eorpach, agus coistí a bhíonn ag plé le gnéithe digiteacha an iompair, agus na cláir oibre a ghlacfaidh an Coimisiún faoi Threoir 2010/40/AE á dtarraingt suas.

(31)

Ba cheart na rialacha maidir le tuairisciú a shimpliú agus ba cheart dóibh anailís chomparáideach a cheadú ar bhealach níos fearr. Ba cheart, dá bhrí sin, tuarascáil amháin ó Bhallstát gach trí bliana, lena gcumhdaítear cur chun feidhme na Treorach seo agus gach gníomh tarmligthe agus cur chun feidhme, a chur in ionad na n-oibleagáidí tuairiscithe éagsúla atá ann cheana, agus ba cheart teimpléad coiteann a bhunú lena n-áirítear príomhtháscairí feidhmíochta áirithe. Bunaithe ar thaithí maidir le príomhtháscairí feidhmíochta deonacha a úsáid sna tuarascálacha, ba cheart don Choimisiún a bheith in ann roinnt de na táscairí sin a bheidh le háireamh sa teimpléad comhchuibhithe a roghnú.

(32)

Moltar don Choimisiún agus do na Ballstáit an comhar le tríú tíortha a chothú, go háirithe le hiarrthóirí ar bhallraíocht san Aontas agus leis na tríú tíortha sin, ina bhfuil conairí idirthurais lena nasctar Ballstáit, suite. Moltar don Choimisiún comhar a chothú ar an leibhéal idirnáisiúnta freisin.

(33)

Chun coinníollacha aonfhoirmeacha a áirithiú i dtaca leis an Treoir seo a chur chun feidhme, ba cheart cumhachtaí cur chun feidhme a thabhairt don Choimisiún maidir le cláir oibre a ghlacadh agus a thabhairt cothrom le dáta, agus an teimpléad le haghaidh na dtuarascálacha atá le soláthar ag na Ballstáit a ghlacadh. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011.

(34)

Chun cuspóirí na Treorach seo a bhaint amach, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún chun liosta na gcineálacha sonraí dá bhfuil na Ballstáit lena áirithiú go mbeidh sonraí ar fáil a leasú, ar feadh tréimhse 5 bliana dar tús teacht i bhfeidhm na Treorach seo. Ba cheart an tréimhse sin a fhadú go hintuigthe go ceann tréimhsí comhfhaid, ach amháin i gcás ina gcuirfidh Parlaimint na hEorpa nó an Chomhairle in aghaidh an fhadaithe sin. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear comhairliúcháin ar leibhéal na saineolaithe agus comhairliúcháin le páirtithe leasmhara a bheidh ionadaitheach do gach cineál úsáideoirí bóthair agus páirtithe eile lena mbaineann, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr (24). Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(35)

Chun cur chuige comhordaithe a áirithiú, ba cheart don Choimisiún an comhleanúnachas a áirithiú idir gníomhaíochtaí an Choiste a bhunaítear leis an Treoir seo agus gníomhaíochtaí na gCoistí a bhunaítear le Rialacháin (AE) Uimh. 165/2014 (25), (AE) 2019/1239 (26), (AE) 2020/1056 agus (AE) 2018/858 ó Pharlaimint na hEorpa agus ón gComhairle, agus le Treoracha 2007/2/CE (27) agus (AE) 2019/520 (28) ó Pharlaimint na hEorpa agus ón gComhairle.

(36)

Ós rud é nach féidir leis na Ballstáit agus/nó leis an earnáil phríobháideach cuspóir na Treorach seo a ghnóthú go leordhóthanach, eadhon CCInna idir-inoibritheacha a chur chun úsáide ar bhealach comhordaithe comhleanúnach ar fud an Aontais, agus de bharr a fhairsinge agus a éifeachtaí, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta mar a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú.

(37)

I gcomhréir le Dearbhú Comhpháirteach Polaitiúil an 28 Meán Fómhair 2011 ó na Ballstáit agus ón gCoimisiún maidir le doiciméid mhíniúcháin (29), ghlac na Ballstáit mar chúram orthu féin, i gcásanna a bhfuil údar cuí leo, doiciméad amháin nó níos mó a chur leis an bhfógra maidir lena mbearta trasuite, ar doiciméid iad lena mínítear an gaol idir codanna de threoir agus páirteanna comhfhreagracha na n-ionstraimí náisiúnta trasuite. I ndáil leis an Treoir seo, measann an reachtóir go bhfuil údar le doiciméid den sórt sin a tharchur.

(38)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (30) agus thug sé tuairim uaidh an 2 Márta 2022,

(1)

in Airteagal 1, cuirtear an mhír seo a leanas isteach:

(2)

in Airteagal 2, cuirtear an méid seo a leanas in ionad mhír 1:

(3)

leasaítear Airteagal 4 mar a leanas:

(4)

cuirtear an t-airteagal seo a leanas isteach:

(*2)  Cinneadh ón gCoimisiún, an 4 Bealtaine 2011 maidir le Grúpa Comhairleach Eorpach um CCInna a bhunú (2011/C 135/03), (IO C 135, 5.5.2011, lch. 3).’;"

(5)

cuirtear an méid seo a leanas in ionad Airteagal 5:

(6)

leasaítear Airteagal 6 mar a leanas:

(7)

cuirtear an t-airteagal seo a leanas isteach:

(8)

cuirtear an méid seo a leanas in ionad Airteagal 7:

(9)

cuirtear an t-airteagal seo a leanas isteach:

(*4)  Treoir (AE) 2016/1148 ó Pharlaimint na hEorpa agus ón gComhairle an 6 Iúil 2016 a bhaineann le bearta le haghaidh ardleibhéal comhchoiteann slándála do líonraí agus do chórais faisnéise ar fud an Aontais (IO L 194, 19.7.2016, lch. 1).’;"

(10)

cuirtear an méid seo a leanas in ionad Airteagal 8:

(*5)  Treoir (AE) 2015/1535 ó Pharlaimint na hEorpa agus ón gComhairle an 9 Meán Fómhair 2015 lena leagtar síos nós imeachta chun faisnéis a sholáthar i réimse na rialachán teicniúil agus na rialacha maidir le seirbhísí na Sochaí Faisnéise (códú) (IO L 241, 17.9.2015, lch. 1).’;"

(11)

cuirtear an méid seo a leanas in ionad Airteagal 10:

(*6)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).;’ "

(12)

cuirtear an t-airteagal seo a leanas isteach:

(13)

leasaítear Airteagal 12 mar a leanas:

(14)

cuirtear an méid seo a leanas in ionad Airteagal 15:

(*7)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’;"

(15)

cuirtear an méid seo a leanas in ionad Airteagal 17:

(16)

cuirtear an t-airteagal seo a leanas isteach:

(17)

cuirtear an téacs a leagtar amach in Iarscríbhinn I a ghabhann leis an Treoir seo in ionad Iarscríbhinn I;

(18)

cuirtear an téacs a leagtar amach in Iarscríbhinn II a ghabhann leis an Treoir seo in ionad Iarscríbhinn II;

(19)

cuirtear an téacs a leagtar amach in Iarscríbhinn III a ghabhann leis an Treoir seo isteach mar Iarscríbhinn III;

(20)

cuirtear an téacs a leagtar amach in Iarscríbhinn IV a ghabhann leis an Treoir seo isteach mar Iarscríbhinn IV.