Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32023D2487

    Cinneadh (CBES) 2023/2487 ón gComhairle an 9 Samhain 2023 lena leasaítear Cinneadh 2013/798/CBES a bhaineann le bearta sriantacha i bhfianaise na staide i bPoblacht na hAfraice Láir

    ST/13640/2023/INIT

    IO L, 2023/2487, 10.11.2023, ELI: http://data.europa.eu/eli/dec/2023/2487/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2023/2487/oj

    European flag

    Iris Oifigiúil
    an Aontais Eorpaigh

    GA

    Sraith L

    2023/2487

    10.11.2023

    CINNEADH (CBES) 2023/2487 ÓN gCOMHAIRLE

    an 9 Samhain 2023

    lena leasaítear Cinneadh 2013/798/CBES a bhaineann le bearta sriantacha i bhfianaise na staide i bPoblacht na hAfraice Láir

    TÁ COMHAIRLE AN AONTAIS EORPAIGH,

    Ag féachaint don Chonradh ar an Aontas Eorpach, agus go háirithe Airteagal 29 de,

    Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

    De bharr an mhéid seo a leanas:

    (1)

    An 23 Nollaig 2013, ghlac an Chomhairle Cinneadh 2013/798/CBES (1) a bhaineann le bearta sriantacha i bhfianaise na staide i bPoblacht na hAfraice Láir (‘PAL’).

    (2)

    An 27 Iúil 2023, ghlac Comhairle Slándála na Náisiún Aontaithe Rún 2693 (2023). Bunaítear leis an Rún sin nach bhfuil feidhm le bheith a thuilleadh ag na bearta trádbhac arm ná ag na ceanglais ghaolmhara maidir le fógra a thabhairt maidir le soláthar, díol nó aistriú arm agus trealamh gaolmhar agus soláthairtí gaolmhara, agus maidir le cúnamh, comhairle agus oiliúint a chur ar fáil d’fhórsaí slándála PAL, lena n-áirítear institiúidí sibhialta forfheidhmithe dlí an stáit.

    (3)

    Ba cheart, dá bhrí sin, Cinneadh 2013/798/CBES a leasú dá réir,

    TAR ÉIS AN CINNEADH SEO A GHLACADH:

    Airteagal 1

    I gCinneadh 2013/798/CBES, leasaítear Airteagal 2 mar a leanas:

    (1)

    i mír 1, cuirtear an méid seo a leanas in ionad phointe (g):

    ‘(g)

    airm agus trealamh gaolmhar agus soláthairtí gaolmhara de gach cineál a dhíol, a sholáthar, a aistriú nó a onnmhairiú, lena n-áirítear armáin agus armlón, feithiclí agus trealamh míleata, trealamh paraimíleata, agus páirteanna spártha don mhéid thuasluaite, agus cúnamh, comhairle agus oiliúint ghaolmhar a chur ar fáil d’fhórsaí slándála Phoblacht na hAfraice Láir, lena n-áirítear institiúidí sibhialta forfheidhmithe dlí an stáit; nó’

    (2)

    cuirtear an méid seo a leanas in ionad mhír 2:

    ‘2.

    Tabharfaidh na Ballstáit fógra don Choiste sula ndéanfar aon díol, soláthar, aistriú nó onnmhairiú, mar a cheadaítear i bpointí (a), (b), (c), (d), (f) agus (i) de mhír 1.’;

    Airteagal 2

    Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

    Arna dhéanamh sa Bhruiséil, an 9 Samhain 2023.

    Thar ceann na Comhairle

    An tUachtarán

    N. CALVIÑO SANTAMARÍA

    (1)  Cinneadh 2013/798/CBES ón gComhairle an 23 Nollaig 2013 a bhaineann le bearta sriantacha i bhfianaise na staide i bPoblacht na hAfraice Láir (IO L 352, 24.12.2013, lch. 51).

    ELI: http://data.europa.eu/eli/dec/2023/2487/oj

    ISSN 1977-0839 (electronic edition)

    Top