(1)

Le hAirteagal 3c de Threoir 2003/87/CE, leagtar síos an mhodheolaíocht ríofa le haghaidh chainníocht iomlán na lamháltas atá le leithdháileadh ar oibreoirí aerárthaigh le haghaidh na bliana 2024 le haghaidh eitiltí laistigh den Limistéar Eorpach Eacnamaíoch agus a imíonn chuig an Eilvéis agus chuig an Ríocht Aontaithe, lena bhforlíontar méid 1 386 051 745 lamháltas arna gcinneadh i gCinneadh (AE) 2023/1575 ón gCoimisiún (2).

(2)

Le Treoir (AE) 2023/958 ó Pharlaimint na hEorpa agus ón gComhairle (3), leasaíodh Treoir 2003/87/CE chun cainníocht iomlán na lamháltas atá le leithdháileadh i leith oibreoirí aerárthaigh le haghaidh na bliana 2024 a bhunú ar leithdháileadh iomlán na lamháltas i leith oibreoirí aerárthaigh a bhí i mbun gníomhaíochtaí eitlíochta a liostaítear Iarscríbhinn I a ghabhann le Treoir 2003/87/CE sa bhliain 2023, arna laghdú faoin bhfachtóir líneach laghdaithe dá dtagraítear in Airteagal 9 den Treoir sin. Mar chéad chéim, chinn an Coimisiún cainníocht iomlán na lamháltas i leith oibreoirí aerárthaigh a bhí i mbun gníomhaíochtaí eitlíochta a liostaítear in Iarscríbhinn I a ghabhann le Treoir 2003/87/CE sa bhliain 2023, arb é atá ann leithdháileadh saor in aisce 85 % agus líon ceantála 15 %. Níor cuireadh oibreoirí aerárthaigh a eisiadh an 1 Meán Fómhair 2023 le haghaidh na bliana 2023 san áireamh, ós rud é nach raibh aon ghníomhaíocht eitlíochta a liostaítear in Iarscríbhinn I a ghabhann le Treoir 2003/87/CE in 2023 ag na hoibreoirí sin. I gcomhréir le hAirteagal 3c(7) de Threoir 2003/87/CE, tá an méid le méadú faoi leibhéil na leithdháiltí i leith eitiltí nach gcumhdaítear le CTA AE ach ón 1 Eanáir 2024 ar aghaidh, rud a bhaineann le heitiltí idir aeradróm atá lonnaithe i réigiún is forimeallaí de Bhallstát agus aeradróm atá lonnaithe i mBallstát eile, agus a laghdú de réir leibhéal an leithdháilte i leith eitiltí nach gcumhdaítear le CTA AE ón 1 Eanáir 2024 ar aghaidh a thuilleadh, rud a bhaineann le heitiltí laistigh den réigiún is forimeallaí céanna. Is éard atá sa mhéid sin 30 259 690 lamháltas.

(3)

Le Treoir (AE) 2023/958 leasaíodh Treoir 2003/87/CE chun an fachtóir líneach laghdaithe a mhéadú ó 2,2 % go 4,3 % le haghaidh na mblianta 2024 go 2027, agus chun fachtóir líneach laghdaithe 4,4 % a chur i bhfeidhm ó 2028 ar aghaidh. Chun an laghdú 4,3 % a chur i bhfeidhm in 2024, i gcomparáid le leibhéil 2023, rinneadh an fachtóir líneach laghdaithe a ríomh bunaithe ar an leithdháileadh sa bhliain 2020, agus is é atá ann 1 393 112 lamháltas le haghaidh gach ceann de na blianta 2024 go 2026. Is é an toradh atá ar chur i bhfeidhm an fhachtóra línigh laghdaithe sin 28 866 578 lamháltas le haghaidh na bliana 2024.

(4)

Chun go ndéanfar an leithdháileadh saor in aisce i leith oibreoirí aerárthaigh i gcomhréir le hAirteagal 3d(1) de Threoir 2003/87/CE a ríomh, ceanglaítear ar an gCoimisiún le hAirteagal 3c(5) den Treoir sin méid an leithdháilte saor in aisce a fhoilsiú freisin a bheadh ann in 2024 faoi na rialacha maidir le leithdháileadh saor in aisce atá i bhfeidhm roimh na leasuithe a tugadh isteach le Treoir (AE) 2023/958. Is é atá sa mhéid sin 85 % de chainníocht iomlán na lamháltas atá le leithdháileadh i leith oibreoirí aerárthaigh nó chun cur le tacaíocht nuálaíochta tríd an gCiste don Nuálaíocht a bunaíodh le hAirteagal 10a(8) de Threoir 2003/87/CE.

(5)

Tá feidhm ag cainníocht iomlán na lamháltas atá le leithdháileadh i leith oibreoirí aerárthaigh le haghaidh 2024 agus ag an laghdú bliantúil ar na lamháltais atá le heisiúint maidir le Stáit an Limistéir Eorpaigh Eacnamaíoch agus Chomhlachas Saorthrádála na hEorpa,