(1)

Rinne an tAontas an Comhaontú Idirnáisiúnta Siúcra, 1992 (1) (‘an Comhaontú’) a thabhairt i gcrích le Cinneadh 92/580/CEE ón gComhairle (2) agus tháinig sé i bhfeidhm an 1 Eanáir 1993. Tugadh an Comhaontú i gcrích le haghaidh tréimhse 3 bliana, go dtí an 31 Nollaig 1995.

(2)

De bhun Airteagal 45(2) den Chomhaontú, tugtar de chumhacht don Chomhairle Siúcra Idirnáisiúnta (‘ISC’) a bunaíoadh faoi Airteagal 3 den Chomhaontú„ chun síneadh a chur leis an gComhaontú, trí vóta speisialta, le haghaidh tréimhsí comhleanúnacha nach rachaidh thar 2 bhliain gach uair. Ó tugadh an Comhaontú i gcrích, cuireadh síneadh leis go tráthrialta ar feadh tréimhsí breise 2 bhliain. Cuireadh an síneadh deireanach leis an gComhaontú le cinneadh ó ISC i mí na Samhna 2021 agus tá sé i bhfeidhm go dtí an 31 Nollaig 2023.

(3)

In 2021, d’aontaigh ISC an Comhaontú a leasú agus go háirithe Airteagail 1, 23, 25, 32, 33, agus 34 de. Bhí na leasuithe sin beartaithe lena dteacht i bhfeidhm an 1 Eanáir 2024. Le linn a 62ú seisiún, d’aontaigh ISC síneadh a chur leis an tréimhse ina bhféadfadh na Baill a n-ionstraimí ghlactha a bhaineann leis na leasuithe sin, a thaisceadh go dtí an 30 Aibreán 2024 agus cuireadh ar atráth teacht i bhfeidhm na leasaithe sin go dtí an 1 Eanáir 2025. I bhfianaise an méid sin, ní mór síneadh a chur le bailíocht an Chomhaontaithe san fhoclaíocht atá ann faoi láthair.

(4)

Le linn an 63ú seisiún de ISC a thionólfar an 24 Samhain 2023, tá ISC chun cinneadh a ghlacadh maidir le síneadh a chur leis an gComhaontú san fhoclaíocht atá ann faoi láthair, go dtí an 31 Nollaig 2024.

(5)

Is iomchuí an seasamh atá le glacadh thar ceann an Aontais in ISC a bhunú, le linn a 63ú seisiún, a mhéid a bhaineann le síneadh a chur leis an gComhaontú. Is chun leas an Aontais é síneadh breise a chur leis an gComhaontú,