Ainm

Faisnéis aitheantais

Cúiseanna

Dáta an liostaithe

‘84.

Naing Htut Aung

Náisiúntacht: Maenmar/Burma;

Dáta breithe: 27.1.1968;

Inscne: fireann

Pasuimhir: 12/MAKAYA 118765

Is stiúrthóir agus scairshealbhóir aonair é Naing Htut Aung ar International Gateways Group of Company Limited (IGGC), atá ag feidhmiú san earnáil trádála. Tá naisc láidre aige leis an gceannaireacht mhíleata i Maenmar.

Trí IGGC, chuir Naing Htut Aung tacaíocht airgeadais ar fáil d’Fhórsaí Armtha Mhaenmar (Tatmadaw) in 2017 ag ócáid tiomsaithe airgid i ndáil le ‘oibríochtaí imréitigh’ Rakhine, agus airgead a dheonú a dhéanamh don Tatmadaw in 2023 ar Lá na bhFórsaí Armtha. Ina theannta sin, sainaithníodh Naing Htut Aung mar allmhaireoir agus bróicéir arm, trealaimh mhíleata agus earraí dé-úsáide do Tatmadaw, a úsáideadh ar an bpobal sibhialtach agus agóideoirí ar fud na tíre.

Trí rannchuidiú le cumas an airm sáruithe tromchúiseacha a dhéanamh ar chearta an duine agus an pobal sibhialtach a chur faoi chois, chomh maith le gníomhaíochtaí a dhéanamh a bhaineann an bonn den daonlathas agus den smacht reachta i Maenmar/Burma, thug Naing Htut Aung tacaíocht don Tatmadaw agus bhí sé i mbun gníomhaíochtaí lena gcuirtear síocháin, slándáil nó cobhsaíocht Mhaenmar/Burma i mbaol.

8.11.2022’;

‘93.

Myo Myint Oo

Náisiúntacht: Maenmar/Burma;

Áit bhreithe: Maenmar/Burma;

Inscne: fireann

Is é Myo Myint Oo Aire Fuinnimh Aontas Mhaenmar/Burma ón 5 Lúnasa 2022 i leith. Mar Aire Rialtais, tá sé mar chuid den réimeas míleata.

Faoina údarás, gineann Myanmar Oil and Gas Enterprise (MOGE), eintiteas atá liostaithe san Aontas Eorpach, ioncam don Chomhairle Riaracháin Stáit (SAC) atá liostaithe san Aontas agus Myanmar Petroleum Enterprise, atá i mbun breosla eitlíochta a allmhairiú agus a dháileadh, lena n-áirítear aerárthaí troda agus aerárthaí míleata eile.

Mar Aire Fuinnimh, tá sé i gceannas ar infheistíocht agus ar chomhar a eagrú le comhpháirtithe eachtracha sna hearnálacha ola agus gáis, rud a chruthaíonn ioncam do SAC, agus ar an gcaoi sin, cuidíonn sé le riachtanais airgeadais an réimis mhíleata a chinntiú agus le breosla eitlíochta a allmhairiú don arm, agus mar gheall air sin, is féidir aerionsaithe míleata a dhéanamh i gcoinne sibhialtach.

Dá bhrí sin, is duine nádúrtha é a bhaineann a bhearta, a bheartais nó a ghníomhaíochtaí an bonn den daonlathas nó den smacht reachta i Maenmar/Burma, nó a bhíonn i mbun gníomhaíochtaí, nó a thugann tacaíocht do ghníomhaíochtaí, lena gcuirtear síocháin, slándáil nó cobhsaíocht Mhaenmar/Burma i mbaol.

20.2.2023’;

Ainm

Faisnéis aitheantais

Cúiseanna

Dáta an liostaithe

‘17.

International Gateways Group of Company Limited (ar a dtugtar IGGC freisin, ar a dtugtar IGG freisin)

Seoladh: Kyaik Wine Pagoda Road, No. 19, Myaing Hay Wun Housing, 8-Mile, Mayangone, Yangon, Maenmar;

nó

Thamadi Street„ No. 4-1/3, 8th Quarter, Mayangone Township, Yangon region, Maenmar;

Ríomhphost: internationalgatewaysho@gmail.com

Áit chláraithe: Maenmar;

Duine aonair comhlachaithe: Naing Htut Aung (stiúrthóir agus scairshealbhóir aonair)

Eintiteas comhlachaithe: MEHL

Is comhstiúrthóir é Naing Htut Aungar an gcuideachta International Gateways Group of Company Limited (IGGC) agus a oibríonn san earnáil trádála. Chuir sé cistí ar fáil mar an deontóir aonair is mó d’Fhórsaí Armtha Mhaenmar (Tatmadaw) in 2017, ag imeachtaí tiomsaithe airgid a bhí ag an Ardcheannasaí Min Aung Hlaing le haghaidh ‘oibríochtaí imréitigh’ in Rakhine. Ina theannta sin, dheonaigh IGGC airgead don Tatmadaw in 2023 ar Lá na bhFórsaí Armtha.

Ina theannta sin arís, bhí baint ag IGGC le soláthar arm don Tatmadaw, lena n-áirítear trealamh míleata agus earraí dé-úsáide, a úsáideadh i gcoinne an phobail shibhialta agus agóideoirí ar fud na tíre. Dá bhrí sin, thug IGGC tacaíocht don Tatmadaw agus bhí sé páirteach i ngníomhaíochtaí a chuireann síocháin, slándáil nó cobhsaíocht Mhaenmar/Burma i mbaol.

20.2.2023’