This document is an excerpt from the EUR-Lex website
Document 32023D2099
Commission Decision (EU) 2023/2099 of 28 September 2023 confirming the participation of Ireland in Regulation (EU) 2022/850 of the European Parliament and of the Council on a computerised system for the cross-border electronic exchange of data in the area of judicial cooperation in civil and criminal matters (e-CODEX system) (Text with EEA relevance)
Cinneadh (AE) 2023/2099 ón gCoimisiún an 28 Meán Fómhair 2023 lena ndeimhnítear rannpháirtíocht na hÉireann i Rialachán (AE) 2022/850 ó Pharlaimint na hEorpa agus ón gComhairle maidir le córas ríomhairithe le haghaidh malartú trasteorann leictreonach sonraí i réimse an chomhair bhreithiúnaigh in ábhair sibhialta agus coiriúla (an córas e-CODEX) (Téacs atá ábhartha maidir le LEE)
Cinneadh (AE) 2023/2099 ón gCoimisiún an 28 Meán Fómhair 2023 lena ndeimhnítear rannpháirtíocht na hÉireann i Rialachán (AE) 2022/850 ó Pharlaimint na hEorpa agus ón gComhairle maidir le córas ríomhairithe le haghaidh malartú trasteorann leictreonach sonraí i réimse an chomhair bhreithiúnaigh in ábhair sibhialta agus coiriúla (an córas e-CODEX) (Téacs atá ábhartha maidir le LEE)
C/2023/6408
IO L 241, 29.9.2023, p. 144–144
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
29.9.2023 |
GA |
Iris Oifigiúil an Aontais Eorpaigh |
L 241/144 |
CINNEADH (AE) 2023/2099 ÓN gCOIMISIÚN
an 28 Meán Fómhair 2023
lena ndeimhnítear rannpháirtíocht na hÉireann i Rialachán (AE) 2022/850 ó Pharlaimint na hEorpa agus ón gComhairle maidir le córas ríomhairithe le haghaidh malartú trasteorann leictreonach sonraí i réimse an chomhair bhreithiúnaigh in ábhair sibhialta agus coiriúla (an córas e-CODEX)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint do Phrótacal (Uimh. 21) maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, agus go háirithe Airteagal 4 de,
Ag féachaint don fhógra a thug Éire gur mian léi glacadh le Rialachán (AE) 2022/850 ó Pharlaimint na hEorpa agus ón gComhairle an 30 Bealtaine 2022 maidir le córas ríomhairithe le haghaidh malartú trasteorann leictreonach sonraí i réimse an chomhair bhreithiúnaigh in ábhair sibhialta agus coiriúla (an córas e-CODEX), agus lena leasaítear Rialachán (AE) 2018/1726 (1), agus gur mian léi a bheith faoi cheangal ag an Rialachán sin,
De bharr an mhéid seo a leanas:
|
(1) |
I litir chuig an gCoimisiún dar dáta an 28 Meitheamh 2023, thug Éire fógra gur mian léi, i gcomhréir le hAirteagal 4 de Phrótacal (Uimh. 21), glacadh le Rialachán (AE) 2022/850 agus gur mian léi a bheith faoi cheangal aige. |
|
(2) |
Ní bhaineann aon choinníoll le rannpháirtíocht na hÉireann i Rialachán (AE) 2022/850 agus níl aon ghá le bearta idirthréimhseacha. |
|
(3) |
Dá bhrí sin, ba cheart rannpháirtíocht na hÉireann i Rialachán (AE) 2022/850 a dheimhniú. |
|
(4) |
Chun go bhféadfaidh Éire Rialachán (AE) 2022/850 a chur i bhfeidhm a luaithe is féidir, ba cheart an Cinneadh seo a theacht i bhfeidhm an lá tar éis lá a fhoilsithe, |
TAR ÉIS AN CINNEADH SEO A GHLACADH:
Airteagal 1
Tá rannpháirtíocht na hÉireann i Rialachán (AE) 2022/850 deimhnithe.
Airteagal 2
Tiocfaidh an Cinneadh seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, an 28 Meán Fómhair 2023.
Thar ceann an Choimisiúin
An tUachtarán
Ursula VON DER LEYEN