This document is an excerpt from the EUR-Lex website
Document 32023D1811
Commission Implementing Decision (EU) 2023/1811 of 20 September 2023 amending Implementing Decision (EU) 2020/1550 by establishing the programme of Commission controls for 2024 in the Member States to verify the application of Union agri-food chain legislation
Cinneadh Cur Chun Feidhme (AE) 2023/1811 ón gCoimisiún an 20 Meán Fómhair 2023 lena leasaítear Cinneadh Cur Chun Feidhme (AE) 2020/1550 trí clár rialuithe an Choimisiún le haghaidh 2024 sna Ballstáit a bhunú chun cur i bhfeidhm reachtaíocht an Aontais maidir leis an slabhra agraibhia a fhíorú
Cinneadh Cur Chun Feidhme (AE) 2023/1811 ón gCoimisiún an 20 Meán Fómhair 2023 lena leasaítear Cinneadh Cur Chun Feidhme (AE) 2020/1550 trí clár rialuithe an Choimisiún le haghaidh 2024 sna Ballstáit a bhunú chun cur i bhfeidhm reachtaíocht an Aontais maidir leis an slabhra agraibhia a fhíorú
C/2023/6259
IO L 234, 22.9.2023, p. 196–199
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.9.2023 |
GA |
Iris Oifigiúil an Aontais Eorpaigh |
L 234/196 |
CINNEADH CUR CHUN FEIDHME (AE) 2023/1811 ÓN gCOIMISIÚN
an 20 Meán Fómhair 2023
lena leasaítear Cinneadh Cur Chun Feidhme (AE) 2020/1550 trí clár rialuithe an Choimisiún le haghaidh 2024 sna Ballstáit a bhunú chun cur i bhfeidhm reachtaíocht an Aontais maidir leis an slabhra agraibhia a fhíorú
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (1), agus go háirithe Airteagal 118(1), pointe (b), de,
De bharr an mhéid seo a leanas:
|
(1) |
Is ar na Ballstáit atá an fhreagracht reachtaíocht an Aontais maidir leis an slabhra agraibhia a fhorfheidhmiú, agus déanann a n-údaráis inniúla, trí na rialuithe oifigiúla a eagrú, faireachán go gcomhlíontar agus go bhforfheidhmítear ceanglais ábhartha an Aontais go héifeachtach agus déanann siad an méid sin a fhíorú. I gcomhthráth leis an bhfaireachán agus leis an bhfíorú sin, ceanglaítear le hAirteagal 116 de Rialachán (AE) 2017/625 ar shaineolaithe ón gCoimisiún rialuithe a dhéanamh, lena n-áirítear iniúchtaí, sna Ballstáit chun cur i bhfeidhm reachtaíocht an Aontais a fhíorú. Ba cheart rialuithe sin an Choimisiúin a dhéanamh i réimsí na sábháilteachta bia agus beatha ainmhithe, sláinte agus leas ainmhithe, sláinte plandaí, táirgí cosanta plandaí, agus feidhmiú na gcóras rialaithe náisiúnta agus na n-údarás inniúil a oibríonn iad, agus sineirgí le socruithe rialaithe faoin gcomhbheartas talmhaíochta á gcur san áireamh. |
|
(2) |
Le Caibidlí 1 go 10 den Iarscríbhinn a ghabhann le Cinneadh Cur Chun Feidhme (AE) 2020/1550 ón gCoimisiún (2), bunaíodh clár ilbhliantúil rialuithe atá le déanamh ag saineolaithe an Choimisiúin sna Ballstáit chun cur i bhfeidhm reachtaíocht an Aontais maidir leis an slabhra agraibhia a fhíorú le haghaidh na tréimhse 2021-2025, ailínithe le téarma oifige an Choimisiúin agus i gcomhréir lena thosaíochtaí. |
|
(3) |
I gcomhréir le hAirteagal 118(1), pointe (b), de Rialachán (AE) 2017/625, tá Caibidil 11 den Iarscríbhinn a ghabhann le Cinneadh Cur Chun Feidhme (AE) 2020/1550 lena leagtar amach clár rialuithe an Choimisiúin don bhliain dár gcionn le cur in iúl do na Ballstáit faoi dheireadh gach bliana. Ba cheart Caibidil 11 a thabhairt cothrom le dáta chun clár rialuithe an Choimisiúin atá beartaithe le haghaidh 2024 a léiriú. |
|
(4) |
Dá bhrí sin, ba cheart Cinneadh Cur Chun Feidhme (AE) 2020/1550 a leasú dá réir. |
|
(5) |
Ós rud é go mbaineann an leasú seo leis an gclár bliantúil rialuithe le haghaidh 2024, rud a mbeidh feidhm aige ón 1 Eanáir 2024 ar aghaidh, ba cheart dáta chur i bhfeidhm an Chinnidh seo a chur siar chun go mbeidh sé i gcomhthráth leis an dáta sin, |
TAR ÉIS AN CINNEADH SEO A GHLACADH:
Airteagal 1
Leasaítear an Iarscríbhinn a ghabhann le Cinneadh Cur Chun Feidhme (AE) 2020/1550 i gcomhréir leis an Iarscríbhinn a ghabhann leis an gCinneadh seo.
Airteagal 2
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2024.
Arna dhéanamh sa Bhruiséil, an 20 Meán Fómhair 2023.
Thar ceann an Choimisiúin
An tUachtarán
Ursula VON DER LEYEN
(1) IO L 95, 7.4.2017, lch. 1.
(2) Cinneadh Cur Chun Feidhme (AE) 2020/1550 ón gCoimisiún an 23 Deireadh Fómhair 2020 lena mbunaítear an clár ilbhliantúil rialuithe don tréimhse 2021-2025 atá le cur i gcrích ag saineolaithe an Choimisiúin sna Ballstáit chun cur i bhfeidhm reachtaíocht slabhra agraibhia an Aontais a fhíorú (IO L 354, 26.10.2020, lch. 9).
IARSCRÍBHINN
Leasaítear an Iarscríbhinn a ghabhann le Cinneadh Cur Chun Feidhme (AE) 2020/1550 mar a leanas:
|
(1) |
Sa séú mír, cuirtear an méid seo a leanas in ionad an dara habairt: ‘Leagtar amach i gCaibidil 11 clár na rialuithe le haghaidh 2024.’. |
|
(2) |
Cuirtear an méid seo a leanas in ionad Chaibidil 11: ‘11. Clár na rialuithe le haghaidh 2024
|