EUR-Lex Access to European Union law
This document is an excerpt from the EUR-Lex website
Document 32023D1093
Council Decision (EU) 2023/1093 of 15 May 2023 authorising the opening of negotiations with the Republic of Korea for an Agreement on the general principles for the participation of the Republic of Korea in Union programmes and on the association of the Republic of Korea to Horizon Europe – the Framework Programme for Research and Innovation (2021-2027)
Cinneadh (AE) 2023/1093 ón gComhairle an 15 Bealtaine 2023 lena n-údaraítear tús a chur leis an gcaibidlíocht le Poblacht na Cóiré le haghaidh Comhaontaithe maidir leis na prionsabail ghinearálta i dtaca le rannpháirtíocht Phoblacht na Cóiré i gcláir an Aontais agus maidir le comhlachas Phoblacht na Cóiré le Fís Eorpach — an Clár Réime um Thaighde agus um Nuálaíocht (2021-2027)
Cinneadh (AE) 2023/1093 ón gComhairle an 15 Bealtaine 2023 lena n-údaraítear tús a chur leis an gcaibidlíocht le Poblacht na Cóiré le haghaidh Comhaontaithe maidir leis na prionsabail ghinearálta i dtaca le rannpháirtíocht Phoblacht na Cóiré i gcláir an Aontais agus maidir le comhlachas Phoblacht na Cóiré le Fís Eorpach — an Clár Réime um Thaighde agus um Nuálaíocht (2021-2027)
ST/8154/2023/INIT
IO L 146, 6.6.2023, p. 18–19
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
6.6.2023 |
GA |
Iris Oifigiúil an Aontais Eorpaigh |
L 146/18 |
CINNEADH (AE) 2023/1093 ÓN gCOMHAIRLE
an 15 Bealtaine 2023
lena n-údaraítear tús a chur leis an gcaibidlíocht le Poblacht na Cóiré le haghaidh Comhaontaithe maidir leis na prionsabail ghinearálta i dtaca le rannpháirtíocht Phoblacht na Cóiré i gcláir an Aontais agus maidir le comhlachas Phoblacht na Cóiré le Fís Eorpach — an Clár Réime um Thaighde agus um Nuálaíocht (2021-2027)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagail 186 agus 212, i gcomhar le hAirteagal 218(3) agus (4) de,
Ag féachaint don mholadh ón gCoimisiún Eorpach,
De bharr an mhéid seo a leanas:
(1) |
Comhlíonann Poblacht na Cóiré (‘an Chóiré’) na critéir i bpointe (d) d’Airteagal 16(1) de Rialachán (AE) 2021/695 ó Pharlaimint na hEorpa agus ón gComhairle (1). |
(2) |
Ba cheart tús a chur leis an gcaibidlíocht leis an gCóiré d’fhonn comhaontú a thabhairt i gcrích maidir leis na prionsabail ghinearálta i dtaca le rannpháirtíocht na Cóiré i gcláir an Aontais agus maidir le comhlachas na Cóiré le Fís Eorpach — an Clár Réime um Thaighde agus um Nuálaíocht (2021-2027), |
TAR ÉIS AN CINNEADH SEO A GHLACADH:
Airteagal 1
Leis seo, údaraítear don Choimisiún tús a chur leis an gcaibidlíocht le Poblacht na Cóiré (‘an Chóiré’) thar ceann an Aontais, le haghaidh comhaontaithe maidir leis na prionsabail ghinearálta i dtaca le rannpháirtíocht na Cóiré i gcláir an Aontais agus maidir le comhlachas na Cóiré le Fís Eorpach – an Clár Réime um Thaighde agus um Nuálaíocht (2021-2027).
Airteagal 2
Leagtar amach na treoracha caibidlíochta san aguisín a ghabhann leis an gCinneadh seo.
Airteagal 3
Seolfar an chaibidlíocht i gcomhairle leis an Meitheal um an Áise-an Aigéine, maidir le hábhair a bhaineann leis na coinníollacha ginearálta i dtaca le rannpháirtíocht na Cóiré in aon chláir de chuid an Aontais, agus leis an Meitheal um Thaighde, maidir le hábhair a bhaineann leis na coinníollacha sonracha i dtaca le rannpháirtíocht na Cóiré sa Chlár Fís Eorpach.
Airteagal 4
Dírítear an Cinneadh seo chuig an gCoimisiún.
Arna dhéanamh sa Bhruiséil, an 15 Bealtaine 2023.
Thar ceann na Comhairle
An tUachtarán
J. FORSSMED
(1) Rialachán (AE) 2021/695 ó Pharlaimint na hEorpa agus ón gComhairle an 28 Aibreán 2021 lena mbunaítear Fís Eorpach – an Clár Réime um Thaighde agus um Nuálaíocht, lena leagtar síos a rialacha do rannpháirtíocht agus do scaipeadh, agus lena n-aisghairtear Rialacháin (AE) Uimh. 1290/2013 agus (AE) Uimh. 1291/2013 (IO L 170, 12.5.2021, lch. 1).