(1)

Rinne an tAontas an Comhaontú maidir leis an Trádáil in Aerárthaí Sibhialta (1) (‘an Comhaontú’) a thabhairt i gcrích le Cinneadh 80/271/CEE ón gComhairle (2) agus tháinig sé i bhfeidhm an 1 Eanáir 1980.

(2)

Chuir an Bhrasaíl a hiarratas ar aontachas leis an gComhaontú faoi bhráid an Choiste um Thrádáil in Aerárthaí Sibhialta (‘an Coiste’), in éineacht lena gealltanais taraife mholta, an 14 Meitheamh 2022.

(3)

I bhfianaise na ngealltanas sin, comhlíonann iarratas na Brasaíle ar aontachas leis an gComhaontú na ceanglais a leagtar amach ann.

(4)

Tá coinne leis go mbeidh tionchar dearfach ar thrádáil shaor neamhshaofa in earnáil na n-aerárthaí sibhialta de thairbhe aontachas na Brasaíle leis an gComhaontú.

(5)

De bhun Airteagal 9.1.3. den Chomhaontú agus phointe 5 den Nóta Treorach maidir le Cur Chun Feidhme Airteagal 9.1.3. den Chomhaontú, tá sé de chumhacht ag an gCoiste cinneadh a dhéanamh lena n-aontaítear le téarmaí an aontachais agus a thoiliú a thabhairt don rialtas iarrthach ionstraim aontachais a thaisceadh le hArd-Stiúrthóir EDT, ina luaitear na téarmaí arna gcomhaontú amhlaidh.

(6)

Is iomchuí, dá bhrí sin, an seasamh atá le glacadh thar ceann an Aontais sa Choiste i ndáil le haontachas na Brasaíle leis an gComhaontú a bhunú,