(1)

An 28 Feabhra 2022, ghlac an Chomhairle Cinneadh (CBES) 2022/338 (1), lenar bunaíodh beart cúnaimh ag a bhfuil méid tagartha airgeadais EUR 450 000 000 atá beartaithe chun soláthar trealaimh mhíleata agus ardán míleata d’Fhórsaí Armtha na hÚcráine, a cheaptar chun fórsa marfach a sheachadadh, a chumhdach (‘an méid tagartha airgeadais’).

(2)

An 23 Márta 2022, ghlac an Chomhairle Cinneadh (CBES) 2022/471 (2), lenar méadaíodh an méid tagartha airgeadais go EUR 900 000 000.

(3)

An 13 Aibreán 2022, ghlac an Chomhairle Cinneadh (CBES) 2022/636 (3), lenar méadaíodh an méid tagartha airgeadais go EUR 1 350 000 000.

(4)

An 23 Bealtaine 2022, ghlac an Chomhairle Cinneadh (CBES) 2022/809 (4), lenar méadaíodh an méid tagartha airgeadais go EUR 1 840 000 000.

(5)

An 21 Iúil 2022, ghlac an Chomhairle Cinneadh (CBES) 2022/1285 (5), lenar méadaíodh an méid tagartha airgeadais go EUR 2 330 000 000.

(6)

An 17 Deireadh Fómhair 2022, ghlac an Chomhairle Cinneadh (CBES) 2022/1971 (6), lenar méadaíodh an méid tagartha airgeadais go EUR 2 820 000 000.

(7)

An 2 Feabhra 2023, ghlac an Chomhairle Cinneadh (CBES) 2023/230 (7), lenar méadaíodh an méid tagartha airgeadais go EUR 3 120 000 000.

(8)

I gcomhréir le riachtanais phráinneacha na hÚcráine a pléadh go háirithe ag an gcruinniú urghnách den Chomhairle Eorpach an 9 Feabhra 2023, agus bunaithe ar an gcinneadh a rinne an Chomhairle an 20 Márta 2023, ba cheart EUR 1 000 000 000 breise a chur leis an méid tagartha airgeadais.

(9)

An 20 Márta 2023, tháinig an Chomhairle ar chomhaontú maidir le cur chuige trí rian darb aidhm, go háirithe, dlús a chur leis an seachadadh agus leis an soláthar comhpháirteach lena ndírítear ar mhilliún urchar armlóin airtléire don Úcráin mar iarracht chomhpháirteach laistigh den 12 mhí seo romhainn, agus d’iarr sí go gcuirfí na trí rian sin chun feidhme go pras, ar rianta iad atá idirnasctha agus ar gá iad a shaothrú go comhthreomhar agus ar bhealach comhordaithe. D’iarr an Chomhairle ar na Ballstáit armlón talamh go talamh agus airtléire a sheachadadh go práinneach chuig an Úcráin agus, má iarrtar iad, diúracáin. Gheobhaidh an Chomhairle nuashonruithe rialta míosúla maidir le cur chun feidhme an bhirt cúnaimh d’fhonn faireachán a dhéanamh ar an dul chun cinn a bheidh déanta maidir leis an aidhm 1 mhilliún urchar armlóin airtléire a chur ar fáil don Úcráin. A mhéid a bhaineann leis an tríú rian, d’iarr an Chomhairle ar an gCoimisiún freisin tograí nithiúla a thíolacadh chun tacú go práinneach le hacmhainneachtaí monaraíochta thionscal cosanta na hEorpa a mhéadú, slabhraí soláthair a dhaingniú, nósanna imeachta éifeachtúla soláthair a éascú, aghaidh a thabhairt ar easnaimh in acmhainneachtaí táirgeachta, agus infheistíochtaí a chur chun cinn, lena n-áirítear, i gcás inarb iomchuí, trí bhuiséad an Aontais a shlógadh.

(10)

Eagrófar freisin cruinnithe rialta ar leibhéal na Stiúrthóirí Armála Náisiúnta leis an Tascfhórsa um Sholáthar Comhpháirteach Cosanta (an Coimisiún, an tSeirbhís Eorpach Gníomhaíochta Seachtraí, an Ghníomhaireacht Eorpach um Chosaint) chun measúnú a dhéanamh ar na riachtanais agus ar na cumais thionsclaíocha agus chun an dlúthchomhar riachtanach a áirithiú, go háirithe maidir le soláthar ó stoic, athbheartú tosaíochtaí i leith orduithe atá ann cheana agus na tionscadail éagsúla fála comhpháirtí, chun cur chun feidhme leordhóthanach na dtrí rian éagsúla a áirithiú.

(11)

Déanfaidh Coiste na mBuanionadaithe faireachán ar chur chun feidhme comhordaithe comhthreomhar an chur chuige trí rian.

(12)

Ba cheart, dá bhrí sin, Cinneadh (CBES) 2022/338 a leasú dá réir,

(1)

leasaítear Airteagal 2 mar a leanas:

(2)

in Airteagal 4(4), cuirtear an méid seo a leanas in ionad phointe (e):

(3)

in Airteagal 4, mír 4, cuirtear an méid seo a leanas in ionad phointe (o):

(4)

in Airteagal 7, cuirtear an mhír seo a leanas leis:

“Tuairisceoidh an tArdionadaí go rialta agus go míosúil don Chomhairle maidir le cur chun feidhme Airteagal 2(4), pointe (d), i ndáil le líon na seachadtaí armlóin airtléire, agus, má iarrtar sin, diúracáin, bunaithe ar fhaisnéis arna soláthar ag na Ballstáit.”.