1.   Maidir leis an iarraidh ar athbhreithniú inmheánach ar ghníomh nó neamhghníomh riaracháin i gcomhréir le hAirteagal 10 de Rialachán (CE) Uimh. 1367/2006, déanfar na nithe seo a leanas inti:

2.   Ní rachaidh an iarraidh ar athbhreithniú inmheánach thar 50 leathanach (gan doiciméid d’fhianaise a áireamh a chomhlíonann na critéir incháilitheachta faoi Airteagal 11 de Rialachán (CE) Uimh. 1367/2006 agus iarscríbhinní eile chun tacú leis an iarraidh), mura rud é, de bharr chastacht na saincheisteanna a ardaíodh san iarraidh, go measann seirbhísí an Choimisiúin go bhfuil údar maith leis an uasmhéid sin a shárú.

3.   Chun críche phointe (d) den chéad mhír, i gcás ina ndéanfaidh roinnt eagraíochtaí neamhrialtasacha nó baill eile den phobal iarraidh chomhpháirteach, ainmneofar pointe teagmhála amháin.

1.   Aon eagraíocht neamhrialtasach a chuireann iarraidh ar athbhreithniú inmheánach ar ghníomh nó neamhghníomh riaracháin i gcomhréir le hAirteagal 10 de Rialachán (CE) Uimh. 1367/2006, cuirfidh sí fianaise ar fáil, i bhfoirm na ndoiciméad a liostaítear i mír 5 den Airteagal seo, go gcomhlíonann an iarraidh na critéir a leagtar amach in Airteagal 11(1) den Rialachán sin.

2.   I gcás nach féidir aon cheann de na doiciméid sin a sholáthar ar chúiseanna nach bhfuil inchurtha i leith na heagraíochta neamhrialtasaí, féadfaidh an eagraíocht sin fianaise a sholáthar i bhfoirm aon doiciméid choibhéisigh eile.

3.   I gcás nach léir ó na doiciméid go bhfuil an eagraíocht neamhrialtasach neamhspleách agus neamhbhrabúsach, cuirfidh an eagraíocht sin isteach dearbhú chuige sin, arna shíniú ag duine a bhfuil sé de chumhacht aige déanamh amhlaidh laistigh den eagraíocht neamhrialtasach.

4.   I gcás nach léir ó na doiciméid gurb é príomhchuspóir sonraithe na heagraíochta neamhrialtasaí cosaint an chomhshaoil a chur chun cinn i gcomhthéacs dhlí an chomhshaoil, go raibh sé ann le breis agus 2 bhliain agus go bhfuil an cuspóir sin á shaothrú go gníomhach aici, nó go bhfuil an t-ábhar ar ina leith a dhéantar an iarraidh ar athbhreithniú inmheánach cumhdaithe ag cuspóirí agus gníomhaíochtaí na heagraíochtaí neamhrialtasaí, cuirfidh an eagraíocht sin isteach aon doiciméad eile ina dtabharfar fianaise go bhfuil an critéar sin á chomhlíonadh.

5.   Liosta na ndoiciméad atá le soláthar faoi mhír 1:

1.   Baill den phobal atá i dteideal iarraidh a chur isteach ar athbhreithniú inmheánach ar ghníomh nó neamhghníomh riaracháin i gcomhréir le hAirteagal 10 de Rialachán (CE) Uimh. 1367/2006, soláthróidh siad liosta na ndoiciméad faoi mhír (2) chun tacú le comhlíonadh na gcritéar agus na gcoinníollacha a leagtar amach in Airteagal 11(1a), an chéad fhomhír, pointe b, den Rialachán sin.

2.   Liosta na ndoiciméad atá le soláthar:

3.   Cuirfear an fhaisnéis seo a leanas ar fáil maidir le gach sínitheoir ar duine nádúrtha é:

4.   Cuirfear an fhaisnéis seo a leanas ar fáil maidir le gach sínitheoir ar eagraíocht é:

5.   Ní dhéanfaidh institiúid nó comhlacht an Aontais ar cuireadh an iarraidh faoina bhráid na sonraí pearsanta dá bhforáiltear faoi mhír 3 agus faoi mhír 4 a úsáid ach amháin chun a fhíorú an gcomhlíonann na páirtithe iarrthacha na critéir agus na coinníollacha a leagtar amach in Airteagal11(1a), an chéad fhomhír, pointe b, de Rialachán (CE) Uimh. 1367/2006, agus scriosfaidh siad na sonraí sin 1 bhliain tar éis thíolacadh na hiarrata, ach amháin má tá díospóid ann maidir le comhlíonadh na gcritéar incháilitheachta, agus sa chás sin féadfar na sonraí pearsanta a choinneáil go dtí go réiteofar díospóid den sórt sin.

1.   I gcás ina ndéanann eagraíocht neamhrialtasach ionadaíocht ar eagraíochtaí neamhrialtasacha nó baill eile den phobal, beidh feidhm ag Airteagal 2 den Chinneadh seo.

2.   I gcás ina ndéanann dlíodóir ionadaíocht ar eagraíochtaí neamhrialtasacha nó baill eile den phobal, áireofar san iarraidh doiciméid agus sonraí lena gcruthaítear go bhfuil an dlíodóir údaraithe chun cleachtadh os comhair cúirte Ballstáit. Féadfar a áireamh sna doiciméid sin deimhniú arna eisiúint ag comhlachas barra i mBallstát nó aon doiciméad eile a chomhlíonann an ról céanna faoin gcleachtas náisiúnta. Soláthróidh an dlíodóir cumhacht aturnae freisin lena bhfianófar go bhfuil sé i dteideal ionadaíocht a dhéanamh ar a chliaint.

1.   Fíoróidh institiúid nó comhlacht an Aontais lena mbaineann go gcomhlíonann na daoine a chuir isteach an iarraidh agus a n-ionadaithe na critéir nó na coinníollacha a leagtar amach in Airteagal 11(1) agus 11(1d) de Rialachán (CE) Uimh. 1367/2006 trí mheasúnú a dhéanamh ar an bhfaisnéis arna soláthar i gcomhréir leis an gCinneadh seo.

2.   I gcás, ar bhonn na faisnéise arna soláthar i gcomhréir leis an gCinneadh seo, nach féidir le hinstitiúid nó le comhlacht an Aontais lena mbaineann a mheas go hiomlán an bhfuil na critéir/agus nó na coinníollacha á gcomhlíonadh, iarrfaidh sé doiciméadacht bhreise nó faisnéis bhreise ar an bpáirtí iarrthach, laistigh de thréimhse réasúnta a shonróidh institiúid nó comhlacht an Aontais lena mbaineann de chuid, ar tréimhse nach faide ná 30 lá. Le linn na tréimhse sin, cuirfear na teorainneacha ama a leagtar síos in Airteagal 10 de Rialachán (CE) Uimh. 1367/2006 ar fionraí.

3.   I gcás inarb ábhartha, féadfaidh institiúid nó comhlacht an Aontais lena mbaineann dul i gcomhairle leis na húdaráis náisiúnta ábhartha in aon Bhallstát de chuid an Aontais chun an fhaisnéis a chuireann an eagraíocht neamhrialtasach nó an dlíodóir lena mbaineann ar fáil maidir leis na critéir incháilitheachta a leagtar amach in Airteagal 11 de Rialachán (CE) Uimh. 1367/2006 a fhíorú agus a mheasúnú. Le linn na tréimhse comhairliúcháin sin, tréimhse nach faide ná 30 lá, cuirfear na teorainneacha ama a leagtar síos in Airteagal 10 de Rialachán (CE) Uimh. 1367/2006 ar fionraí.

1.   Ní dhéanfar iarrataí ar athbhreithniú inmheánach ar ghníomh nó neamhghníomh riaracháin i gcomhréir le hAirteagal 10 de Rialachán (CE) Uimh. 1367/2006 atá dírithe chuig an gCoimisiún a chur isteach ach amháin tríd an gcóras ar líne chun iarrataí ar athbhreithniú inmheánach a fháil, ar córas é a bhfuil rochtain ag an bpobal air ar shuíomh gréasáin an Choimisiúin.

2.   Maidir le hiarrataí ar athbhreithniú atá le cur faoi bhráid an Choimisiúin faoi Airteagal 11(1a), an chéad fhomhír, pointe b, den Rialachán sin, baileofar na sínithe trí chóras ar líne a chuirfidh an Coimisiún ar fáil (EU-Survey), de réir na treorach agus na modheolaíochta arna soláthar ag an gCoimisiún. Tá sin gan dochar don deis atá ag an bpáirtí iarrthach sínithe lámhscríofa a bhailiú. Sa chás sin, déanfaidh an páirtí iarrthach an fhaisnéis a cheanglaítear faoi Airteagal 3, an tríú agus an ceathrú mír den Chinneadh seo a dhigitiú agus déanfaidh sé iad sin a chur isteach tríd an gcóras ar líne lena bhfaightear iarrataí ar athbhreithniú inmheánach.