This document is an excerpt from the EUR-Lex website
Document 32022R2584
Council Regulation (EU) 2022/2584 of 8 November 2022 on the allocation of fishing opportunities under the Protocol implementing the Fisheries Partnership Agreement between the European Union and the Republic of Mauritius (2022-2026)
Rialachán (AE) 2022/2584 ón gComhairle an 8 Samhain 2022 maidir le leithdháileadh na ndeiseanna iascaireachta faoin bPrótacal lena gcuirtear chun feidhme an Comhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (2022-2026)
Rialachán (AE) 2022/2584 ón gComhairle an 8 Samhain 2022 maidir le leithdháileadh na ndeiseanna iascaireachta faoin bPrótacal lena gcuirtear chun feidhme an Comhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (2022-2026)
ST/12786/2022/INIT
IO L 338, 30.12.2022, p. 2–3
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.12.2022 |
GA |
Iris Oifigiúil an Aontais Eorpaigh |
L 338/2 |
RIALACHÁN (AE) 2022/2584 ÓN gCOMHAIRLE
an 8 Samhain 2022
maidir le leithdháileadh na ndeiseanna iascaireachta faoin bPrótacal lena gcuirtear chun feidhme an Comhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (2022-2026)
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(3) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Tugadh an Comhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (1) (an “Comhaontú”) i gcrích le Cinneadh 2014/146/AE ón gComhairle (2) agus tháinig sé i bhfeidhm an 28 Eanáir 2014. |
|
(2) |
Sa chéad phrótacal (3) a ghabhann leis an gComhaontú, leagtar amach, ar feadh tréimhse 3 bliana, na deiseanna iascaireachta a dheonaítear do shoithí an Aontais in uiscí Oileán Mhuirís agus an ranníocaíocht airgeadais arna deonú ag an Aontas. Chuaigh tréimhse chur i bhfeidhm an phrótacail sin in éag an 27 Eanáir 2017. |
|
(3) |
Sa dara prótacal (4) a ghabhann leis an gComhaontú, leagtar amach, ar feadh tréimhse 4 bliana, na deiseanna iascaireachta a dheonaítear do shoithí an Aontais in uiscí Oileán Mhuirís agus an ranníocaíocht airgeadais arna deonú ag an Aontas. Chuaigh tréimhse chur i bhfeidhm an phrótacail sin in éag an 7 Nollaig 2021. |
|
(4) |
Le comhaontú i bhfoirm malartú litreacha idir an tAontas agus Oileán Mhuirís (5), cuireadh síneadh le cur i bhfeidhm an dara prótacal a ghabhann leis an gComhaontú go dtí an 4 Deireadh Fómhair 2022. |
|
(5) |
An 28 Meán Fómhair 2021, thug an Chomhairle údarú don Choimisiún tús a chur le caibidlíocht le hOileán Mhuirís chun prótacal nua a thabhairt i gcrích chun an Comhaontú a chur chun feidhme. |
|
(6) |
Mar thoradh ar an gcaibidlíocht sin, cuireadh inisealacha le prótacal nua le haghaidh tréimhse 4 bliana (“an Prótacal”) an 7 Bealtaine 2022. |
|
(7) |
An 8 Samhain 2022, ghlac an Chomhairle Cinneadh (AE) 2022/2585 (6) maidir le síniú agus cur i bhfeidhm sealadach an Phrótacail, faoi réir a thabhairt i gcrích tráth níos déanaí. |
|
(8) |
Ba cheart na deiseanna iascaireachta dá bhforáiltear sa Phrótacal a leithdháileadh i measc na mBallstát le haghaidh thréimhse iomlán a chur i bhfeidhm. |
|
(9) |
Ba cheart an Prótacal a chur chun feidhme a luaithe is féidir i bhfianaise na tábhachta eacnamaíche a bhaineann le gníomhaíochtaí iascaireachta an Aontais i limistéar iascaireachta Oileán Mhuirís agus i bhfianaise an ghá atá ann cur isteach ar ghníomhaíochtaí den sórt sin a íoslaghdú. |
|
(10) |
Is ar bhonn sealadach a bheidh feidhm ag an bPrótacal ó dháta a shínithe chun go bhféadfaidh soithí an Aontais a ngníomhaíochtaí iascaireachta a dhéanamh. Dá bhrí sin, ba cheart feidhm a bheith ag an Rialachán seo ón dáta céanna amach, |
TAR ÉIS AN RIALACHÁN SEO A GHLACADH:
Airteagal 1
Déanfar na deiseanna iascaireachta a bhunaítear faoin bPrótacal lena gcuirtear chun feidhme an Comhaontú Comhpháirtíochta Iascaigh idir an tAontas Eorpach agus Oileán Mhuirís (2022-2026) a leithdháileadh ar na Ballstáit mar a leanas:
|
(1) |
40 soitheach peas-saighne:
|
|
(2) |
45 bhád spiléireachta dromchla:
|
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 8 Samhain 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 8 Samhain 2022.
Thar ceann na Comhairle
An tUachtarán
Z. STANJURA
(1) IO L 79, 18.3.2014, lch. 3.
(2) Cinneadh 2014/146/AE ón gComhairle an 28 Eanáir 2014 maidir le tabhairt i gcrích an Chomhaontaithe Comhpháirtíochta Iascaigh idir an tAontas Eorpach agus Poblacht Oileán Mhuirís (IO L 79, 18.3.2014, lch. 2).
(3) Prótacal lena leagtar amach na deiseanna iascaireachta agus an ranníocaíocht airgeadais dá bhforáiltear sa Chomhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (IO L 79, 18.3.2014, lch. 9).
(4) Prótacal lena leagtar amach na deiseanna iascaireachta agus an ranníocaíocht airgeadais dá bhforáiltear sa Chomhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (IO L 279, 28.10.2017, lch. 3).
(5) Comhaontú i bhfoirm Malartú Litreacha idir an tAontas Eorpach agus Poblacht Oileán Mhuirís a bhaineann le síneadh a chur leis an bPrótacal lena leagtar amach na deiseanna iascaireachta agus an ranníocaíocht airgeadais dá bhforáiltear leis an gComhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (IO L 115, 13.4.2022, lch. 45).
(6) Cinneadh (AE) 2022/2585 ón gComhairle an 8 Samhain 2022 maidir le síniú, thar ceann an Aontais, agus cur chun feidhme sealadach an Phrótacail lena gcuirtear chun feidhme an Comhaontú Comhpháirtíochta Iascaigh idir an tAontas Eorpach agus Poblacht Oileán Mhuirís (2022-2026) (féach leathanach 4 den Iris Oifigiúil).