(1)

Le Rialachán (AE) 2017/625 leagtar síos rialacha maidir leis rialuithe oifigiúla agus gníomhaíochtaí oifigiúla eile a dhéanann údaráis inniúla na mBallstát chun comhlíonadh reachtaíocht an Aontais, inter alia, i réimse na sábháilteachta bia ag gach céim den táirgeadh, den phróiseáil agus den dáileadh a fhíorú. Go háirithe, déantar foráil ann maidir le rialuithe oifigiúla i ndáil le táirgí de bhunadh ainmhíoch atá ceaptha lena gcaitheamh ag an duine.

(2)

Le Rialachán Cur Chun Feidhme (AE) 2019/627 ón gCoimisiún (2), leagtar síos socruithe praiticiúla aonfhoirmeacha maidir le rialuithe oifigiúla a dhéanamh ar tháirgí de bhunadh ainmhíoch atá ceaptha lena gcaitheamh ag an duine i gcomhréir le Rialachán (AE) 2017/625.

(3)

Le hAirteagal 10 de Rialachán Cur Chun Feidhme (AE) 2019/627 leagtar síos oibleagáidí le haghaidh an tréidlia oifigiúil a mhéid a bhaineann le seiceálacha ar dhoiciméid, go háirithe chun deimhnithe oifigiúla dá bhforáiltear i Rialachán Cur Chun Feidhme (AE) 2019/628 ón gCoimisiún (3) a chur san áireamh. Déantar tagairt don deimhniú mícheart, áfach, agus dá bhrí sin ba cheart an tagairt sin a cheartú. Ós rud é go ndearnadh Rialachán Cur Chun Feidhme (AE) 2019/628 a aisghairm agus na deimhnithe sin i Rialachán Cur Chun Feidhme (AE) 2020/2235 ón gCoimisiún (4) a chur in ionad na ndeimhnithe, is iomchuí freisin na tagairtí cearta do Rialachán Cur Chun Feidhme (AE) 2020/2235 a chur in ionad na dtagairtí uile do Rialachán Cur Chun Feidhme (AE) 2019/628.

(4)

Le hAirteagal 45, pointe (l), de Rialachán Cur Chun Feidhme (AE) 2019/627 leagtar síos go bhfuil faoil úr le dearbhú mar fheoil atá mí-oiriúnach mar bhia don duine má cóireáladh í go neamhdhleathach le radaíocht ianúcháin, radaíocht ultraivialait san áireamh. Formhór na radaíochta ultraivialait, ní ceart a mheas gur radaíocht ianúcháin mar a shainmhínítear í in Airteagal 4, pointe (46) de Threoir 2013/59/Euratom ón gComhairle (5) í, dá bhrí sin ba cheart Airteagal 45, pointe (l), de Rialachán Cur Chun Feidhme (AE) 2019/627 a leasú.

(5)

Na ceanglais shonracha maidir le rialuithe oifigiúla a bhaineann le moilisc dhébhlaoscacha bheo ó limistéir táirgthe aicmithe agus ó limistéir athsheachadta aicmithe, níl feidhm acu maidir le Holothuroidea beo nach scagbheathóirí iad, i gcomhréir le hAirteagal 51 de Rialachán Cur Chun Feidhme (AE) 2019/627.

(6)

Le Rialachán (AE) 2021/1756 ó Pharlaimint na hEorpa agus ón gComhairle (6) leasaíodh Airteagal 18 de Rialachán (AE) 2017/625, leasú lenar leathnaíodh chun na heicínideirmigh uile nach scagbheathóirí iad a chumhdach, agus ní Holothuroidea amháin, an fhéidearthacht maolú ar an gceanglas na limistéir táirgthe agus athsheachadta a aicmiú, ar ceanglas é a leagtar síos in Airteagal 18(7), pointe (g), de Rialachán (AE) 2017/625. De bhreis air sin, bunaithe ar Airteagal 18(7)(g) de Rialachán (AE) 2017/625, le Rialachán Tarmligthe ón gCoimisiún (AE) 2022/2258 (7) leasaíodh Airteagal 11 de Rialachán Tarmligthe (AE) 2019/624 ón gCoimisiún (8), sa chaoi nach gceanglaítear limistéir táirgthe agus athsheachadta a aicmiú i ndáil le gabháil eicínideirmeach nach scagbheathóirí iad. Dá bhrí sin, ba cheart Airteagal 51 de Rialachán Cur Chun Feidhme (AE) 2019/627 a leasú dá réir sin.

(7)

Le hAirteagal 71 de Rialachán Cur Chun Feidhme (AE) 2019/627, leagtar síos rialacha a bhaineann leis na cinntí is féidir leis na húdaráis inniúla a dhéanamh tar éis rialuithe ar tháirgí iascaigh. I bpointe (a) den Airteagal sin déantar, trí bhotún, tagairt do Roinn VII seachas do Roinn VIII maidir le táirgí iascaigh d’Iarscríbhinn III a ghabhann le Rialachán (CE) Uimh. 853/2004. Ar chúiseanna comhsheasmhachta, ba cheart an tagairt sin in Airteagal 71 de Rialachán Cur Chun Feidhme (AE) 2019/627 a cheartú.

(8)

Le hIarscríbhinn VI a ghabhann le Rialachán Cur Chun Feidhme (AE) 2019/627 bunaítear socruithe praiticiúla i ndáil le rialuithe oifigiúla ar tháirgí iascaigh i gcomhréir le hAirteagal 70 den Rialachán Cur Chun Feidhme sin. Go háirithe, sainítear ann na modhanna anailíse atá le cur i bhfeidhm i gcás ina n-eascraíonn aon amhras as an scrúdú orgánaileipteach maidir le húire na dtáirgí iascaigh. Ina thuairim eolaíoch (9), shainaithin EFSA modhanna atá in ann idirdhealú a dhéanamh idir éisc “shárfhuaraithe” agus éisc a ndearnadh iad a reo roimhe seo agus a chuirtear i láthair ar bhonn tráchtála mar éisc “shárfhuaraithe”. Toisc gur cheart na modhanna anailíse sin a chur le hIarscríbhinn VI a ghabhann le Rialachán Cur Chun Feidhme (AE) 2019/627, ba cheart an Iarscríbhinn sin a leasú.

(9)

Dá bhrí sin, ba cheart Rialachán Cur Chun Feidhme (AE) 2019/627 a leasú agus a cheartú dá réir.

(10)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

In Airteagal 10:

(*1)  RIALACHÁN CUR CHUN FEIDHME (AE) 2020/2235 ÓN gCOIMISIÚN an 16 Nollaig 2020 lena leagtar síos rialacha maidir le Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle a chur i bhfeidhm a mhéid a bhaineann le deimhnithe sláinte ainmhithe caighdeánacha, deimhnithe oifigiúla caighdeánacha agus deimhnithe sláinte ainmhithe/oifigiúla caighdeánacha, i dtaca le coinsíneachtaí catagóirí áirithe ainmhithe agus earraí a theacht isteach san Aontas agus lena ngluaiseacht laistigh den Aontas, deimhniúchán oifigiúil maidir leis na deimhnithe sin agus lena n-aisghairtear Rialachán (CE) Uimh. 599/2004, Rialacháin Chur Chun Feidhme (AE) Uimh. 636/2014 agus (AE) 2019/628, Treoir 98/68/CE agus Cinntí 2000/572/CE, 2003/779/CE agus 2007/240/CE (IO L 442, 30.12.2020, lch. 1)”;"

(2)

in Airteagal 45, cuirtear an méid seo a leanas in ionad phointe (l):

;

(3)

Cuirtear an méid seo a leanas in ionad Airteagal 51:

(4)

in Airteagal 71, cuirtear an méid seo a leanas in ionad phointe (a):

;

(5)

in Airteagal 72, pointe 1, cuirtear “an deimhniú sláinte caighdeánach a leagtar amach i gCaibidil 29 d’Iarscríbhinn III a ghabhann le Rialachán Cur Chun Feidhme (AE) 2020/2235.” in ionadan “deimhniú sláinte caighdeánach a leagtar amach i gCaibidil B de Chuid II d’Iarscríbhinn III a ghabhann le Rialachán Cur Chun Feidhme (AE) 2019/628.”

(6)

in Iarscríbhinn VI, Caibidil I, pointe B, “Táscairí úire”, cuirtear an mhír seo a leanas isteach idir an chéad agus an dara mír:

“I gcás ina n-eascraíonn aon amhras as an scrúdú orgánaileipteach go gcuirtear éisc a ndearnadh a reo roimhe seo i láthair ar bhonn tráchtála mar éisc úr, féadfaidh samplaí a thógáil chun críoch fíorúcháin agus féadfar iad a chur faoi réir tástálacha saotharlainne amhail an tástáil Hiodrocsaiaicil-dihidrigionáis chomheinsím A (HADH), histeolaíocht, speictreascópacht ultraivialait-infheicthe-neas-infridhearg (UV-VIS/NIR) agus íomháú hipirspeictreach.”