This document is an excerpt from the EUR-Lex website
Document 32022R2189
Commission Implementing Regulation (EU) 2022/2189 of 9 November 2022 amending Implementing Regulation (EU) 2021/1784 imposing a definitive anti-dumping duty on imports of aluminium flat-rolled products originating in the People’s Republic of China
Rialachán Cur Chun Feidhme (AE) 2022/2189 ón gCoimisiún an 9 Samhain 2022 lena leasaítear Rialachán Cur Chun Feidhme (AE) 2021/1784 ón gCoimisiún lena bhforchuirtear dleacht frithdhumpála chinntitheach ar allmhairí táirgí cothromrollta alúmanaim de thionscnamh Dhaon-Phoblacht na Síne
Rialachán Cur Chun Feidhme (AE) 2022/2189 ón gCoimisiún an 9 Samhain 2022 lena leasaítear Rialachán Cur Chun Feidhme (AE) 2021/1784 ón gCoimisiún lena bhforchuirtear dleacht frithdhumpála chinntitheach ar allmhairí táirgí cothromrollta alúmanaim de thionscnamh Dhaon-Phoblacht na Síne
C/2022/7904
IO L 289, 10.11.2022, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
10.11.2022 |
GA |
Iris Oifigiúil an Aontais Eorpaigh |
L 289/1 |
RIALACHÁN CUR CHUN FEIDHME (AE) 2022/2189 ÓN gCOIMISIÚN
an 9 Samhain 2022
lena leasaítear Rialachán Cur Chun Feidhme (AE) 2021/1784 ón gCoimisiún lena bhforchuirtear dleacht frithdhumpála chinntitheach ar allmhairí táirgí cothromrollta alúmanaim de thionscnamh Dhaon-Phoblacht na Síne
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (1), agus go háirithe Airteagal 14(1) de,
De bharr an mhéid seo a leanas:
(1) |
Allmhairí táirgí cothromrollta alúmanaim de thionscnamh Dhaon-Phoblacht na Síne, is allmhairí iad atá faoi réir dleachtanna frithdhumpála cinntitheacha arna bhforchur le Rialachán Cur Chun Feidhme (AE) 2021/1784 ón gCoimisiún (2). |
(2) |
Alnan Aluminium Inc., cód breise TARIC (3) C616, cuideachta atá faoi réir ráta dleachta frithdhumpála aonair 19,0 %, chuir sí in iúl don Choimisiún an 13 Meitheamh 2022 gur athraigh sí a hainm Béarla go ALG Aluminium Inc. |
(3) |
D’iarr an chuideachta ar an gCoimisiún a dhearbhú nach ndéanfaidh an t-athrú ar a hainmníocht Bhéarla aon difear do cheart na cuideachta tairbhiú den dleachtráta frithdhumpála aonair ab infheidhme maidir léi faoin ainmníocht Bhéarla a bhí uirthi roimhe sin. |
(4) |
Scrúdaigh an Coimisiún an fhaisnéis a soláthraíodh, agus ba é conclúid an scrúdaithe go raibh an t-athrú ar an ainm cláraithe i gceart leis na húdaráis ábhartha, agus nach raibh aon ghaol nua ann le grúpaí eile cuideachtaí mar thoradh air, cuideachtaí nach ndearna an Coimisiún imscrúdú orthu. |
(5) |
Dá réir sin, ní dhéanann an t-athrú ar an ainm difear do thorthaí Rialachán Cur Chun Feidhme (AE) 2021/1784, go háirithe don ráta dleachta frithdhumpála is infheidhme maidir leis. |
(6) |
Ba cheart feidhm a bheith leis an athrú ainm ón dáta a d’athraigh an chuideachta a hainm, i.e. an 7 Meitheamh 2022. D’iarr an Coimisiún ar an iarratasóir a dheimhniú an raibh an dáta sin iomchuí nó nach raibh. |
(7) |
I bhfianaise a bhfuil sna haithrisí thuas, mheas an Coimisiún gurbh iomchuí Rialachán Cur Chun Feidhme (AE) 2021/1784 a leasú chun ainm nua na cuideachta a léiriú, ainm ar sannadh cód breise TARIC C616 dó roimhe seo. |
(8) |
Na bearta dá bhforáiltear sa Rialachán seo, tá siad i gcomhréir le tuairim an Choiste a bunaíodh le hAirteagal 15(1) de Rialachán (AE) 2016/1036. |
TAR ÉIS AN RIALACHÁN SEO A GHLACADH:
Airteagal 1
1. An Iarscríbhinn a ghabhann le Rialachán Cur Chun Feidhme (AE) 2021/1784, leasaítear í mar a leanas:
“Alnan Aluminium Inc. |
C616” |
cuirtear an méid seo a leanas ina ionad sin:
“ALG Aluminium Inc. |
C616” |
2. Cód breise TARIC C616 a sannadh roimhe seo do Alnan Aluminium Inc., beidh feidhm aige maidir le ALG Aluminium Inc., ón 7 Meitheamh 2022 i leith. Aon dleacht chinntitheach a íocadh ar allmhairí táirgí arna monarú ag ALG Aluminium Inc. de bhreis ar an dleacht frithdhumpála a leagtar síos in Airteagal 1 de Rialachán Cur Chun Feidhme (AE) 2021/1784 a mhéid a bhaineann le Alnan Aluminium Inc., is dleacht í a dhéanfar a aisíoc nó a loghadh i gcomhréir leis an reachtaíocht chustaim is infheidhme.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 9 Samhain 2022.
Thar ceann an Choimisiúin
An tUachtarán
Ursula VON DER LEYEN
(1) IO L 176, 30.6.2016, lch. 21.
(2) Rialachán Cur Chun Feidhme (AE) 2021/1784 ón gCoimisiún an 8 Deireadh Fómhair 2021 lena bhforchuirtear dleacht frithdhumpála chinntitheach ar allmhairí táirgí cothromrollta alúmanaim de thionscnamh Dhaon-Phoblacht na Síne (IO L 359, 11.10.2021, lch. 6).
(3) Taraif Chomhtháite an Aontais Eorpaigh.