This document is an excerpt from the EUR-Lex website
Document 32022R2092
Commission Delegated Regulation (EU) 2022/2092 of 25 August 2022 amending Delegated Regulation (EU) 2016/232 and Delegated Regulation (EU) 2017/891 with regard to notifications by Member States of recognised producer organisations, associations of producer organisations and interbranch organisations
Rialachán Tarmligthe (AE) 2022/2092 ón gCoimisiún an 25 Lúnasa 2022 lena leasaítear Rialachán Tarmligthe (AE) 2016/232 agus Rialachán Tarmligthe (AE) 2017/891 maidir le fógraí ó na Ballstáit faoi eagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe atá aitheanta
Rialachán Tarmligthe (AE) 2022/2092 ón gCoimisiún an 25 Lúnasa 2022 lena leasaítear Rialachán Tarmligthe (AE) 2016/232 agus Rialachán Tarmligthe (AE) 2017/891 maidir le fógraí ó na Ballstáit faoi eagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe atá aitheanta
C/2022/6008
IO L 281, 31.10.2022, p. 18–20
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
31.10.2022 |
GA |
Iris Oifigiúil an Aontais Eorpaigh |
L 281/18 |
RIALACHÁN TARMLIGTHE (AE) 2022/2092 ÓN gCOIMISIÚN
an 25 Lúnasa 2022
lena leasaítear Rialachán Tarmligthe (AE) 2016/232 agus Rialachán Tarmligthe (AE) 2017/891 maidir le fógraí ó na Ballstáit faoi eagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe atá aitheanta
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagrú na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001 agus (CE) Uimh. 1234/2007 ón gComhairle (1), agus go háirithe Airteagal 173(1) agus Airteagal 223(2), pointe (a), de,
De bharr an mhéid seo a leanas:
|
(1) |
Le Rialachán (AE) Uimh. 1308/2013 leagtar síos rialacha sonracha maidir le haitheantas a thabhairt d’eagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe agus tugtar de chumhacht don Choimisiún gníomhartha tarmligthe agus gníomhartha cur chun feidhme a ghlacadh ina leith. |
|
(2) |
Le Rialachán (AE) Uimh. 1308/2013, foráiltear go bhfuil ar na Ballstáit an Coimisiún a chur ar an eolas faoina gcinntí aitheantais a dheonú, a dhiúltú nó a aistarraingt le haghaidh eagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe le linn na bliana féilire roimhe sin. |
|
(3) |
Le Rialachán Tarmligthe (AE) 2016/232 ón gCoimisiún (2), leagtar síos na rialacha lena soiléirítear, i measc nithe eile, raon feidhme na bhfógraí ó na Ballstáit don Choimisiún maidir leis na cinntí sin. |
|
(4) |
Le Rialachán Tarmligthe (AE) 2017/891 ón gCoimisiún (3), leagtar síos an fhaisnéis atá le cuimsiú i dtuarascáil bhliantúil na mBallstát i réimse earnáil na dtorthaí agus na nglasraí agus earnáil na dtorthaí agus na nglasraí próiseáilte. D’fhonn aon dúbláil idir na ceanglais fógartha a leagtar síos sa ghníomh seo agus iad siúd a leagtar síos i mbealaí fógartha earnála eile a sheachaint, ba cheart Iarscríbhinn V, Cuid A, pointe 2, a ghabhann le Rialachán Tarmligthe (AE) 2017/891 a scrios agus ba cheart fógra a thabhairt i leith na faisnéise uile dá dtagraítear inti faoi Rialachán Tarmligthe (AE) 2016/232. |
|
(5) |
Leis an gcóras fógartha atá ann faoi láthair dá bhforáiltear i Rialachán Tarmligthe (AE) 2016/232 ní chuirtear ar a chumas don Choimisiún líon iomlán na n-eagraíochtaí táirgeoirí, na gcomhlachas eagraíochtaí táirgeoirí agus na n-eagraíochtaí idirchraoibhe arna aithint ag na Ballstáit a shocrú. Is é an fáth leis sin nach gcumhdaítear ach na haitheantais nó na haistarraingtí ón mbliain roimhe sin le fógraí bliantúla na mBallstát. Thairis sin, tá bealaí éagsúla ann a úsáidtear ag brath ar an earnáil talmhaíochta lena mbaineann. Ba cheart an córas iomlán a chuíchóiriú dá bhrí sin agus, go háirithe, ba cheart an tuairisciú maidir leis na cinntí aitheantais a fheabhsú. |
|
(6) |
I roinnt cásanna, déantar foráil leis an gcomhbheartas talmhaíochta (CBT) maidir le rialacha sonracha maoiniúcháin agus maolaithe ar chomórtas le haghaidh eagraíochtaí táirgeoirí, comhlachas eagraíochtaí táirgeoirí agus eagraíochtaí idirchraoibhe atá aitheanta. Dá bhrí sin, tá an fhaisnéis maidir leis na heintitis aitheanta sin lena n-airítear a líon, tábhachtach ionas gur féidir faireachán agus measúnú a dhéanamh ar éifeacht na mbeart beartais a bhaineann le heintitis aitheanta faoi CBT. Chuige sin, ba cheart faisnéis chruinn a thabhairt maidir le líon iomlán na n-eintiteas aitheanta sna Ballstáit leis an bhfaisnéis atá le cur isteach ag na Ballstáit, chomh maith le hainmneacha na n-eintiteas agus, i gcás inarb infheidhme, a n-uimhir aitheantais, lena n-airítear an tásc maidir le cé acu na heintitis sin a chuir clár oibríochtúil chun feidhme i gcomhréir le hAirteagal 42 de Rialachán (AE) 2021/2115 ó Pharlaimint na hEorpa agus ón gComhairle (4) le linn na bliana airgeadais roimhe sin. |
|
(7) |
I gcás ina mbíonn neamhtháirgeoirí ina gcomhaltaí d’eagraíochtaí aitheanta táirgeoirí freisin, tá sé tábhachtach líon na n-eagraíochtaí sa chomhaltas iomlán a aithint. Leis sin, cuirtear ar a chumas don Choimisiún teacht ar chonclúidí maidir le treochtaí agus forbairtí na margaí agus an faireachán is fearr ar an mbeartas a áirithiú sa deireadh. |
|
(8) |
I gcomhréir le Rialachán Cur Chun Feidhme (AE) 2017/1185 ón gCoimisiún (5), tá na Ballstáit le córas an Choimisiúin atá bunaithe ar theicneolaíocht faisnéise a úsáid nuair a bhíonn fógra á thabhairt acu faoi fhaisnéis agus doiciméid de bhun Rialachán (AE) Uimh. 1308/2013 agus sna gníomhartha a glacadh ar bhonn an Rialacháin sin. |
|
(9) |
Ba cheart, dá bhrí sin, Rialacháin Tharmligthe (AE) Uimh. 2016/232 agus (AE) Uimh. 2017/891 a leasú dá réir. |
|
(10) |
Chun a áirithiú nach gcuirfear isteach ar chúrsaí idir an seanchóras fógartha agus an córas fógartha nua, beidh feidhm ag na rialacha a leagtar síos sa Rialachán seo ón 1 Eanáir 2023 ar aghaidh, |
TAR ÉIS AN RIALACHÁN SEO A GHLACADH:
Airteagal 1
Cuirtear an méid seo a leanas in ionad Airteagal 5 de Rialachán Tarmligthe (AE) 2016/232:
“Airteagal 5
Fógraí a thabhairt
1. Faoin 31 Márta gach bliain, tabharfaidh na Ballstáit fógra don Choimisiún faoin bhfaisnéis seo a leanas, ar faisnéis í a bhaineann le heagraíochtaí táirgeoirí, comhlachais eagraíochtaí táirgeoirí agus eagraíochtaí idirchraoibhe, bíodh siad náisiúnta nó trasnáisiúnta, arna n-aithint ag na Ballstáit sin (“eintitis aitheanta”) le linn na bliana roimhe sin, agus iad ina ngrúpaí de réir earnálacha éagsúla na dtáirgí talmhaíochta a liostaítear in Airteagal 1(2) de Rialachán (AE) Uimh. 1308/2013:
|
(a) |
ainm, uimhir aitheantais, agus, más ann dó, dáta aitheantais na n-eintiteas aitheanta, chomh maith le foráil ábhartha Rialachán (AE) Uimh. 1308/2013 faoina ndearnadh gach eintiteas a aithint; |
|
(b) |
líon iomlán chomhaltaí gach eintitis; |
|
(c) |
an tásc maidir le cé acu na heintitis sin a chuir clár oibríochtúil chun feidhme i gcomhréir le hAirteagal 42 de Rialachán (AE) 2021/2115 le linn na bliana airgeadais roimhe sin; |
|
(d) |
i gcás eagraíochtaí táirgeoirí, líon na gcomhaltaí ar neamhtháirgeoirí iad; |
|
(e) |
ainmneacha na n-eintiteas a diúltaíodh a n-aitheantas, a cuireadh a n-aitheantas ar fionraí nó a aistarraingíodh a n-aitheantas, lena n-airítear dáta an chinnidh, agus, i gcás inarb iomchuí, a n-uimhir aitheantais; |
|
(f) |
ainmneacha na n-eintiteas aitheanta a chumaisc le heintitis aitheanta eile, lena n-áirítear dáta an chumaisc, líon iomlán agus ainm na n-eintiteas aitheanta atá ann mar thoradh ar an gcumasc agus, i gcás inarb iomchuí, a n-uimhir aitheantais. |
Faoin 31 Márta gach bliain, cuirfidh na Ballstáit liosta iomlán cothrom le dáta de na heintitis ar fad a raibh an stádas sin acu an 31 Nollaig an bhliain roimhe sin in iúl don Choimisiún, agus cuirfidh siad an fhaisnéis ábhartha a liostaítear sa chéad fhomhír leis chomh maith.
2. Faoin 15 Samhain gach bliain, cuirfidh na Ballstáit na sonraí seo a leanas a bhaineann leis an mbliain roimhe sin in iúl don Choimisiún, ar sonraí iad a bhaineann le heagraíochtaí táirgeoirí náisiúnta agus trasnáisiúnta atá aitheanta agus le comhlachais aitheanta de na heagraíochtaí sin, agus iad ina ngrúpaí de réir earnálacha éagsúla na dtáirgí talmhaíochta a liostaítear in Airteagal 1(2) de Rialachán (AE) Uimh. 1308/2013:
|
(a) |
luach an táirgthe arna mhargú de réir an eintitis, arna shocrú i gcomhréir le hAirteagail 31 agus 32 de Rialachán Tarmligthe (AE) 2022/126 (*1) ón gCoimisiún agus, i gcás inarb iomchuí, le haghaidh gach táirge nó liosta táirgí a deonaíodh an t-aitheantas ina leith. Mura bhfuil aon fhaisnéis ar fáil maidir le táirgeadh arna mhargú, cuirfear luach “0” in iúl; |
|
(b) |
le haghaidh eintitis aitheanta in earnáil na déiríochta, i gcás inarb iomchuí, na méideanna inmhargaidh bliantúla de bhainne amh arna dtáirgeadh ag gach eintiteas, miondealaithe de réir an Bhallstáit táirgthe i gcás eagraíocht thrasnáisiúnta; |
|
(c) |
le haghaidh eintitis aitheanta in earnáil na dtorthaí agus na nglasraí, an chuid den táirgeadh atá beartaithe le haghaidh an mhargaidh úir agus an chuid den táirgeadh atá beartaithe le haghaidh próiseála, i luach agus i méid. |
3. I gcás eagraíochtaí aitheanta trasnáisiúnta na n-eintiteas aitheanta uile, an Ballstát a rinne cinneadh maidir leis an aitheantas de bhun Airteagal 4(1), cuirfidh sé an fhaisnéis isteach atá ag teastáil i míreanna 1 agus 2.
4. Tabharfaidh na Ballstáit fógra faoin bhfaisnéis dá dtagraítear san Airteagal seo trí úsáid a bhaint as an gcóras atá bunaithe ar theicneolaíocht faisnéise dá dtagraítear in Airteagal 1 de Rialachán Cur Chun Feidhme (AE) 2017/1185.
Airteagal 2
I gCuid A d’Iarscríbhinn V a ghabhann le Rialachán Tarmligthe (AE) 2017/891, scriostar pointe 2.
Airteagal 3
Tiocfaidh an Rialachán seo i bhfeidhm an 20ú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2023.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 25 Lúnasa 2022.
Thar ceann an Choimisiúin
An tUachtarán
Ursula VON DER LEYEN
(1) IO L 347, 20.12.2013, lch. 671.
(2) Rialachán Tarmligthe (AE) 2016/232 ón gCoimisiún an 15 Nollaig 2015 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle maidir le gnéithe áirithe de chomhar táirgeoirí (IO L 44, 19.2.2016, lch. 1).
(3) Rialachán Tarmligthe (AE) 2017/891 ón gCoimisiún an 13 Márta 2017 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle maidir le hearnáil na dtorthaí agus na nglasraí agus earnáil na dtorthaí agus na nglasraí próiseáilte agus lena bhforlíontar Rialachán (AE) Uimh. 1306/2013 ó Pharlaimint na hEorpa agus ón gComhairle maidir le pionóis atá le cur i bhfeidhm sna hearnálacha sin agus lena leasaítear Rialachán Cur Chun Feidhme (AE) Uimh. 543/2011 ón gCoimisiún (IO L 138, 25.5.2017, lch. 4).
(4) Rialachán (AE) 2021/2115 ó Pharlaimint na hEorpa agus ón gComhairle an 2 Nollaig 2021 lena mbunaítear rialacha maidir le tacaíocht do phleananna straitéiseacha atá le tarraingt suas ag na Ballstáit faoin gcomhbheartas talmhaíochta (Pleananna Straitéiseacha CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n-aisghairtear Rialacháin (AE) Uimh. 1305/2013 agus (AE) Uimh. 1307/2013 (IO L 435, 6.12.2021, lch. 1).
(5) Rialachán Cur Chun Feidhme (AE) 2017/1185 ón gCoimisiún an 20 Aibreán 2017 lena leagtar síos rialacha maidir le cur i bhfeidhm Rialacháin (AE) Uimh. 1307/2013 agus (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann le fógraí a thabhairt don Choimisiún faoi fhaisnéis agus doiciméid agus lena leasaítear agus lena n-aisghairtear roinnt Rialachán ón gCoimisiún (IO L 171, 4.7.2017, lch. 113).