Airteagal 1

Ábhar

Leis an Rialachán seo, leagtar amach rialacha chun cosc a chur ar theacht isteach Meloidogyne graminicola (Golden & Birchfield) san Aontas, ar a ghluaiseacht agus a leathadh laistigh den Aontas, ar a iolrú agus a scaoileadh ann.

Airteagal 2

Sainmhínithe

Chun críocha an Rialacháin seo, tá feidhm ag na sainmhínithe seo a leanas:

(1)	ciallaíonn “an lotnaid shonraithe”Meloidogyne graminicola (Golden & Birchfield);

(2)	ciallaíonn “plandaí sonraithe” plandaí le haghaidh plandú, seachas síolta, le fréamhacha Oryza sativa L., a fásadh in ithir;

(3)	ciallaíonn “plandaí óstacha” plandaí le haghaidh plandú le fréamhacha de chuid na ngéineas agus na speiceas a liostaítear in Iarscríbhinn I, a fásadh in ithir;

(4)	ciallaíonn “plandaí óstacha deonacha” plandaí óstacha atá le feiceáil sna háiteanna táirgthe gan bheith plandaithe ann;

(5)	ciallaíonn “síolta sonraithe” síolta Oryza sativa L.;

(6)	ciallaíonn “réada sonraithe” innealra, uirlisí, feithiclí agus trealamh pearsanta, a úsáideadh le haghaidh gníomhaíochtaí a bhaineann leis na plandaí óstacha a phlandú, a chóireáil nó a bhaint;

(7)	ciallaíonn “limistéar críochaithe” an limistéar ina bhfuil crios inmhíolaithe agus crios maolánach a bhunaítear nuair a aimsítear an lotnaid shonraithe;

(8)

ciallaíonn “crios inmhíolaithe” crios ina bhfuil an méid seo a leanas sa ghort nó sna goirt Oryza sativa L.: (a) gach planda óstach arb eol é a bheith inmhíolaithe leis an lotnaid shonraithe; (b) gach planda óstach a léiríonn siomptóim go bhfuil sé inmhíolaithe ag an lotnaid shonraithe; (c) gach planda eile a bhfuil amhras ann go bhfuil sé inmhíolaithe nó atá inmhíolaithe leis anlotnaid shonraithe, lena n-áirítear plandaí a d’fhéadfadh a bheith inmhíolaithe toisc iad a bheith so-ghabhálach i leith na lotnaide sin agus toisc iad a bheith gar do phlandaí sonraithe inmhíolaithe, nó do phlandaí a fásadh astu; (d) talamh, ithir nó eilimintí eile atá inmhíolaithe, nó a d’fhéadfadh a bheith inmhíolaithe, leis an lotnaid shonraithe;

(9)	ciallaíonn “crios maolánach” crios atá 100 m ar a laghad ar leithead, agus é thart ar an gcrios inmhíolaithe;

(10)

ciallaíonn “modh na mbarr gaiste” an modh faoina gcuirtear plandaí sonraithe áirithe go sealadach i ngort inmhíolaithe, chun an lotnaid shonraithe a ghaistiú, agus faoina ndéantar na plandaí sin a bhaint agus a scriosadh ina dhiaidh sin, chun plandaí sonraithe eile a chosaint ón lotnaid sin sa ghort céanna.

Airteagal 3

Toirmeasc ar thabhairt isteach agus ar ghluaiseacht laistigh den Aontas

Ní thabharfar an lotnaid shonraithe isteach san Aontas, ní ghluaisfear nó ní choinneofar í, ní iolrófar í ná ní scaoilfear í laistigh de chríoch an Aontais.

Airteagal 4

Limistéir chríochaithe a bhunú

Airteagal 5

Bearta díothaithe

Cuirfidh an Ballstát lena mbaineann gach ceann de na bearta seo a leanas i bhfeidhm sa limistéar críochaithe nó sna limistéir chríochaithe chun an lotnaid shonraithe a dhíothú:

(1)

déanfar na plandaí sonraithe sa chrios inmhíolaithe a bhaint agus a scriosadh i ngoirt atá gar don bhuaint. Scriosfar na plandaí sonraithe, in situ nó in áit in aice láimhe a bheidh ainmnithe chun na críche sin laistigh den chrios inmhíolaithe, ar bhealach lena n-áiritheofar nach leathfar an lotnaid shonraithe;

(2)	ní chuirfear síolta sonraithe ná ní phlandófar plandaí óstacha sa chrios inmhíolaithe;

(3)	déanfar plandaí óstacha deonacha a dhíothú go rialta;

(4)	déanfar na goirt sa chrios inmhíolaithe a chur faoi uisce go leanúnach ar feadh níos mó ná 18 mí. Mura féidir na goirt a chur faoi uisce go leanúnach, cuirfear i bhfeidhm modh na mbarr gaiste, nó modhanna eile lena gcuirtear cosc ar lotnaid a saolré a thabhairt chun críche;

(5)	scriosfar plandaí sonraithe a úsáidtear le haghaidh an mhodha bharra gaiste laistigh de 5 seachtaine tar éis iad a phlandú;

(6)	réada sonraithe a úsáideadh i gcrios inmhíolaithe, déanfar iad a ghlanadh ó smionagar ithreach agus plandaí sula n-aistreofar iad go dtí na goirt máguaird. Agus an smionagar á ghlanadh, seachnófar a scaipeadh lasmuigh den ghort inmhíolaithe.

Airteagal 6

Bearta srianta

Airteagal 7

Ardú feasachta

Maidir leis an limistéar críochaithe nó na limistéir chríochaithe ar cuireadh na bearta díothaithe agus srianta dá dtagraítear in Airteagail 5 agus 6 i bhfeidhm ina leith, déanfaidh an Ballstát atá i gceist feasacht an phobail a ardú maidir le bagairt na lotnaide sonraithe agus leis na bearta a glacadh chun cosc a chur lena leathadh tuilleadh lasmuigh de na limistéir chríochaithe. Áiritheoidh sé go bhfuil an pobal i gcoitinne agus na hoibreoirí ábhartha ar an eolas faoi theorannú an limistéir chríochaithe nó na limistéar críochaithe, faoin gcrios inmhíolaithe agus faoin gcrios maolánach.

Airteagal 8

Suirbhéanna ar an lotnaid shonraithe i gcríoch na mBallstát

Airteagal 9

Gluaiseacht na bplandaí sonraithe, na hithreach, na síolta sonraithe, agus na réad sonraithe

Airteagal 10

Plandaí sonraithe agus síolta sonraithe a thabhairt isteach san Aontas

Ní fhéadfar plandaí sonraithe agus síolta sonraithe de thionscnamh tríú tíortha a thabhairt isteach san Aontas ach amháin má chomhlíonann na húdaráis inniúla nó na hoibreoirí gairmiúla, faoi mhaoirseacht oifigiúil na n-údarás inniúil, na ceanglais uile seo a leanas:

(1)

maidir leis na plandaí sonraithe a táirgeadh in áit saor ó lotnaidí nó i láithreán táirgthe saor ó lotnaidí, go ndéanfar iniúchadh oifigiúil orthu san áit sin nó ag an láithreán táirgthe sin, ag an am is iomchuí chun siomptóim ionfhabhtaithe a bhrath le linn an timthrialla iomláin deiridh den fhásra roimh an onnmhairiú, agus go bhfaightear saor ón lotnaid shonraithe iad;

(2)	go ndearnadh cigireachtaí oifigiúla ag an am is iomchuí chun siomptóim ionfhabhtaithe a bhrath le linn an timthrialla iomláin deiridh d’fhásra roimh an onnmhairiú i gcrios ar leithead 100 m ar a laghad agus timpeall ar an áit nó ar an láithreán táirgthe dá dtagraítear i bpointe (1);

(3)	gur scriosadh láithreach aon phlandaí sonraithe sa chrios timpeall ar an áit saor ó lotnaidí nó an láithreán táirgthe saor ó lotnaidí a léiríonn siomptóim ionfhabhtaithe le linn na gcigireachtaí sin;

(4)

go bhfuil deimhniú fíteashláintíochta ag gabháil leis na plandaí sonraithe, lena n-áirítear, i gcomhréir le hAirteagal 71(2) de Rialachán (AE) 2016/2031, faoin gceannteideal “Dearbhú breise”, ceann amháin de na ráitis seo a leanas: (a) “Aithníonn eagraíocht náisiúnta cosanta plandaí de thír thionscnaimh na bplandaí sonraithe go bhfuil an tír atá i gceist saor ón lotnaid shonraithe i gcomhréir leis na caighdeáin idirnáisiúnta ábhartha maidir le bearta fíteashláintíochta.”; (b) “Tionscnaíonn na plandaí sonraithe ó limistéar saor ó lotnaidí, arna bhunú maidir leis an lotnaid shonraithe ag eagraíocht náisiúnta cosanta plandaí thríú tír an limistéir lena mbaineann, i gcomhréir leis na caighdeáin idirnáisiúnta ábhartha maidir le bearta fíteashláintíochta. Áireofar ainm an limistéir saor ó lotnaidí sa deimhniú fíteashláintíochta faoin gceannteideal “Áit tionscnaimh”.”; (c) “Táirgeadh na plandaí sonraithe in áit saor ó lotnaidí nó i láithreán táirgthe saor ó lotnaidí, arna bhunú maidir leis an lotnaid shonraithe ag eagraíocht náisiúnta cosanta plandaí an tríú tír lena mbaineann, i gcomhréir leis na caighdeáin idirnáisiúnta ábhartha maidir le bearta fíteashláintíochta (Ceanglais maidir le háiteanna táirgthe saor ó lotnaidí agus láithreáin táirgeachta saor ó lotnaidí a bhunú. CIBF Uimh. 10 (1999), an Róimh, IPPC, FAO 2016) agus táirgeadh iad i gcomhréir le Rialachán Cur Chun Feidhme (AE) 2022/1372 ón gCoimisiún (*1); (*1)  Rialachán Cur Chun Feidhme (AE) 2022/1372 ón gCoimisiún an 5 Lúnasa 2022 maidir le bearta sealadacha chun cosc a chur ar theacht isteach Meloidogyne graminicola (Golden & Birchfield) san Aontas, ar a ghluaiseacht agus a leathadh laistigh den Aontas, ar a iolrú agus a scaoileadh ann (IO L 206, 8.8.2022, lch. 16).”;"

(5)	áirítear sa deimhniú fíteashláintíochta a ghabhann le síolta sonraithe de thionscnamh tríú tíortha, faoin gceannteideal “Dearbhú breise”, an fhaisnéis go bhfuil na síolta saor ó ithir agus smionagar.

Airteagal 11

Sampláil agus tástáil plandaí sonraithe a léiríonn siomptóim na lotnaide sonraithe

Na plandaí sonraithe a thugtar isteach san Aontas ó thríú tír agus, ar chigireacht amhairc, a léiríonn siomptóim na lotnaide sonraithe, déanfar iad a shampláil agus a thástáil chun láithreacht na lotnaide sin a shainaithint.

Airteagal 12

Teacht i bhfeidhm agus cur i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige go dtí an 30 Meitheamh 2025.

IARSCRÍBHINN I

Liosta de na plandaí óstacha dá dtagraítear in Airteagal 2, pointe (3)

Géineas nó speiceas

Ageratum conyzoides L.

Alisma plantago L.

Allium cepa L.

Alopecurus L.

Amaranthus spinosus L.

Amaranthus viridis L.

Avena sativa L.

Beta vulgaris L.

Brassica L.

Capsicum annuum L.

Centella asiatica (L.) Urb.

Colocasia esculenta (L.) Schott

Coriandrum sativum L.

Cucumis sativus L.

Cymbopogon citratus (DC.) Stapf

Cynodon dactylon (L.) Pers.

Cyperus compressus L.

Cyperus difformis L.

Cyperus iria L.

Cyperus rotundus L.

Dactyloctenium aegyptium (L.) Willd.

Digitaria filiformis (L.) Köler

Digitaria sanguinalis (L.) Scop.

Echinochloa colona (L.) Link

Echinochloa crus-galli (L.) P. Beauv.

Eclipta prostrata (L.) L.

Eleusine coracana (L.) Gaertn.

Eleusine indica (L.) Gaertn.

Fimbristylis dichotoma var. pluristriata (C.B.Clarke) Napper

Gamochaeta coarctata (L.) Cabrera

Glycine max (L.) Merr.

Heteranthera reniformis Ruiz & Pav.

Hordeum vulgare L.

Hydrilla Rich.

Impatiens balsamina L.

Imperata cylindrica (L.) Raeusch.

Kyllinga brevifolia Rottb.

Lactuca sativa L.

Ludwigia L.

Melilotus albus Medik.

Murdannia keisak (Hassk.) Hand.-Mazz.

Musa L.

Oryza sativa L.

Oxalis corniculata L.

Panicum L.

Pennisetum glaucum (L.) R. Br.

Pisum sativum L.

Poa annua L.

Portulaca oleracea L.

Ranunculus L.

Saccharum officinarum L.

Schoenoplectus articulatus (L.) Palla

Schoenoplectiella articulata (L.) Lye

Setaria italica (L.) P. Beauv.

Solanum lycopersicum L.

Solanum melongena L.

Solanum nigrum L.

Solanum sisymbriifolium Lam.

Solanum tuberosum L.

Sorghum bicolor (L.) Moench

Spergula arvensis L.

Spinacia oleracea L.

Stellaria media (L.) Vill.

Trifolium repens L.

Triticum aestivum L.

Urena lobata L.

Vicia faba L.

Zea mays L.

IARSCRÍBHINN II

Limistéir chríochaithe dá dtagraítear in Airteagal 6

an Iodáil

Liosta de bhardais i limistéir chríochaithe san Iodáil

Réigiún	Cúige	Bardais
Lombardy	Pavia	Alagna, Carbonara al Ticino, Cilavegna, Dorno, Gambolò, Garlasco, Gropello Cairoli, Linarolo, Parona, Pieve Albignola, Sannazzaro de” Burgondi, Scaldasole, Sommo, Tromello, Trovo, Vigevano, Villanova d’Ardenghi, Zerbolò, Zinasco
Piedmont	Biella	Castelletto Cervo, Gifflenga, Mottalciata
Piedmont	Vercelli	Buronzo

IARSCRÍBHINN III

Teimpléad le haghaidh thorthaí na suirbhéanna arna ndéanamh de bhun Airteagal 8(2) i limistéir chríochaithe a thuairisciú

1. Tuairisc ar an limistéar críochaithe

2. Méid tosaigh an limistéir chríochaithe (ha)

3. Méid nuashonraithe an limistéir chríochaithe (ha)

4. Cur chuige

5. Crios

6. Láithreáin suirbhéireachta

7. Limistéir riosca arna sainaithint

8. Limistéir riosca a ndearnadh cigireacht orthu

9. Ábhar plandaí/Tráchtearra

10. Liosta de na speicis plandaí óstacha

11. Uainiú

12. Sonraí an tsuirbhé A) An líon scrúduithe amhairc B) An líon iomlán samplaí a tógadh C) Cineálacha gaistí (nó modh malartach eile (e.g. líonta scuabtha)) D) An líon gaistí (nó modh gabhála eile) E) An líon láithreán gaisteoireachta, nuair nach ionann iad agus na sonraí arna dtuairisciú in (D) F) Cineál tástálacha (e.g. sainaithint mhicreascópach, PCR, ELISA, etc.) G) An líon iomlán tástálacha H) Bearta eile (e.g. madraí bolaíochta, ladrainn, héileacaptair, feachtais ardaithe feasachta etc.) I) An líon beart eile

13. Líon na samplaí siomptómacha a ndearnadh anailís orthu: i: Iomlán ii: Deimhneach iii: Diúltach iv: Éiginnte

14. Líon na samplaí aisiomptómacha a ndearnadh anailís orthu: i: Iomlán ii: Deimhneach iii: Diúltach iv: Éiginnte

15. Nótaí

Ainm

Dáta a bhunaithe

Tuairisc

Uimhir

A

B

C

D

E

F

G

H

I

i

ii

iii

iv

i

ii

iii

iv

Treoracha maidir le conas tuairisciú a dhéanamh

Le haghaidh colún 1: Sonraigh ainm an limistéir gheografaigh, uimhir na ráige nó aon fhaisnéis lenar féidir an limistéar críochaithe (DA) a shainaithint agus an dáta a bunaíodh é.

Le haghaidh colún 2: Sonraigh mhéid an DA roimh thús an tsuirbhé.

Le haghaidh colún 3: Sonraigh mhéid an DA tar éis don suirbhé a bheith déanta.

Le haghaidh colún 4: Sonraigh an cur chuige: Díothú (E)/Srianadh (C). Cuir san áireamh an oiread sraitheanna agus is gá, ag brath ar an líon DA in aghaidh na lotnaide agus ar na cineálacha cur chuige a bhfuil na réimsí seo faoina réir.

Le haghaidh colún 5: Tabhair le fios crios an DA ina ndearnadh an suirbhé, ag cur san áireamh a oiread sraitheanna agus is gá: Crios inmhíolaithe (IZ) nó crios maolánach (BZ), agus sraitheanna ar leith á n-úsáid. Nuair is infheidhme, sonraigh limistéar an IZ ina ndearnadh an suirbhé (e.g. an 20 km deiridh in aice leis an BZ, timpeall ar phlandlanna, etc.) i sraitheanna éagsúla.

Le haghaidh colún 6: Sonraigh uimhir na láithreán suirbhéireachta agus an tuairisc orthu, trí cheann de na hiontrálacha seo a leanas a roghnú don tuairisc:

1.	Faoin aer (limistéar táirgthe): 1.1. gort (arúil, féarach); 1.2. úllord/fíonghort; 1.3. plandlann; 1.4. foraois;

2.

Faoin aer (eile): 2.1. gairdín príobháideach; 2.2. láithreáin phoiblí; 2.3. limistéar caomhnaithe; 2.4. plandaí fiáine i limistéir nach limistéir chaomhnaithe iad; 2.5. eile, le sonrú an cháis ar leith (e.g. ionaid gharraíodóireachta, suíomhanna tráchtála ina mbaintear úsáid as ábhar pacáistíochta adhmaid, an tionscal adhmaid, bogaigh, gréasán uisciúcháin agus draenála, etc.);

3.

Dálaí atá dúnta go fisiciúil: 3.1. teach gloine; 3.2. láithreán príobháideach, seachas teach gloine; 3.3. láithreán poiblí, seachas teach gloine; 3.4. eile, le sonrú an cháis ar leith (e.g. ionaid gharraíodóireachta, suíomhanna tráchtála ina mbaintear úsáid as ábhar pacáistíochta adhmaid, an tionscal adhmaid).

Le haghaidh colún 7: Sonraigh cé na réimsí riosca a shainaithnítear bunaithe ar bhitheolaíocht na lotnaide nó na lotnaidí, láithreacht plandaí óstacha, dálaí éicea-aeráide agus suíomhanna riosca.

Le haghaidh colún 8: Sonraigh na limistéir riosca a áirítear sa suirbhé, ó na cinn sin a shainaithnítear i gcolún 7.

Le haghaidh colún 9: Sonraigh plandaí, torthaí, síolta, ithir, ábhar pacáistíochta, adhmad, innealra, feithiclí, uisce, eile, agus sonraigh an cás ar leith.

Le haghaidh colún 10: Sonraigh liosta na speiceas plandaí/géinis a ndearnadh suirbhé orthu. Úsáid sraith amháin in aghaidh an speicis/na ngéinis plandaí nuair a éilítear é faoin gceanglas sonrach maidir le suirbhé dlíthiúil lotnaidí.

Le haghaidh colún 11: Sonraigh na míonna den bhliain ina ndearnadh an suirbhé.

Le haghaidh colún 12: Sonraigh sonraí an tsuirbhé, ag brath ar na ceanglais shonracha dhlíthiúla a bhaineann le gach lotnaid. Sonraigh le NA nuair nach bhfuil feidhm ag an bhfaisnéis i gcolún áirithe.

Le haghaidh colúin 13 agus 14: Sonraigh na torthaí, más infheidhme, agus an fhaisnéis atá ar fáil sna colúin chomhfhreagracha á soláthar. Is éard is “neamhchinntithe” ann na samplaí sin a ndearnadh anailís orthu nach bhfuarthas aon toradh ina leith de bharr tosca éagsúla (e.g. faoi bhun an leibhéil braite, sampla neamhphróiseáilte – nár aithníodh, sean, etc.)