Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R1308

Rialachán Cur Chun Feidhme (AE) 2022/1308 ón gComhairle an 26 Iúil 2022 lena gcuirtear chun feidhme Rialachán (AE) 2016/44 a bhaineann le bearta sriantacha i bhfianaise na staide sa Libia

ST/11017/2022/INIT

IO L 198, 27.7.2022, p. 1–3 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2022/1308/oj

27.7.2022   

GA

Iris Oifigiúil an Aontais Eorpaigh

L 198/1

RIALACHÁN CUR CHUN FEIDHME (AE) 2022/1308 ÓN gCOMHAIRLE

an 26 Iúil 2022

lena gcuirtear chun feidhme Rialachán (AE) 2016/44 a bhaineann le bearta sriantacha i bhfianaise na staide sa Libia

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2016/44 ón gComhairle an 18 Eanáir 2016 a bhaineann le bearta sriantacha i bhfianaise na staide sa Libia agus lena n-aisghairtear Rialachán (AE) Uimh. 204/2011 (1), agus go háirithe Airteagal 21(2) agus (6) de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)

An 18 Eanáir 2016, ghlac an Chomhairle Rialachán (AE) 2016/44.

(2)

De bhun Airteagal 21(6) de Rialachán (AE) 2016/44, tá athbhreithniú déanta ag an gComhairle ar liostaí na ndaoine nádúrtha agus dlítheanacha, na n-eintiteas nó na gcomhlachtaí ainmnithe a leagtar amach in Iarscríbhinn III a ghabhann leis an Rialachán sin.

(3)

Is é tátal na Comhairle gur cheart an iontráil do dhuine amháin a d’éag a scriosadh, agus gur cheart na bearta sriantacha atá dírithe ar gach duine nádúrtha agus dlítheanacha eile, gach eintitis eile nó gach comhlacht eile atá ar na liostaí a leagtar amach in Iarscríbhinn III a ghabhann le Rialachán (AE) 2016/44 a choinneáil ar bun. Ina theannta sin, ba cheart an ráiteas ar na cúiseanna agus an fhaisnéis maidir le beirt a shainaithint a nuashonrú.

(4)

Dá bhrí sin, ba cheart Rialachán (AE) 2016/44 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Iarscríbhinn III a ghabhann le Rialachán (AE) 2016/44 i gcomhréir leis an Iarscríbhinn a ghabhann leis an Rialachán seo.

Airteagal 2

Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 26 Iúil 2022.

Thar ceann na Comhairle

An tUachtarán

J. SÍKELA

(1)   IO L 12, 19.1.2016, lch. 1.

IARSCRÍBHINN

In Iarscríbhinn III (Liosta na ndaoine nádúrtha agus dlítheanacha, na n-eintiteas nó na gcomhlachtaí dá dtagraítear in Airteagal 6(2)) a ghabhann le Rialachán (AE) 2016/44, leasaítear Cuid A (Daoine) mar a leanas:

(a)

scriostar iontráil 20 (a bhaineann le AL-WERFALLI, Mahmoud Mustafa Busayf);

(b)

cuirtear an méid seo a leanas in ionad iontráil 15 (a bhaineann AL QADHAFI, Quren Salih):

“15.

Al QADHAFI, Quren Salih Quren

ar a dtugtar freisin Akrin Akrin Saleh, Al Qadhafi Qurayn Salih Qurayn, Al Qadhafi Qu‘ren Salih Qu’ren, Salah Egreen

Inscne: fireann

Iar-Ambasadóir na Libia chuig Sead. D’fhág Sead le dul go Sabha. Bainteach go díreach le hamhais a earcú agus a chomhordú do réimeas Muammar Qadhafi nach maireann.

Dlúthbhaint aige le réimeas Muammar Qadhafi tráth.

Comhalta den Popular Front for the Liberation of Libya (PFLL), mílíste agus páirtí polaitiúil dílis do Muammar Qadhafi nach maireann. Baint a bheith aige leis an mbonn a bhaint d’aistriú polaitiúil na Libia a thabhairt chun críche go rathúil trí chur i gcoinne na Náisiún Aontaithe agus an bonn a bhaint den phróiseas polaitiúil arna éascú ag na Náisiúin Aontaithe, lena n-áirítear Libyan Political Dialogue Forum (LPDF), agus ar an gcaoi sin baol leanúnach atá ann do shíocháin, do chobhsaíocht agus do shlándáil na Libia.

12.4.2011”

(c)

cuirtear an méid seo a leanas in ionad iontráil 22 (a bhaineann le PRIGOZHIN, Yevgeniy Viktorovich):

“22.

Yevgeniy Viktorovich PRIGOZHIN

(Евгений Викторович Пригожин)

Dáta breithe: 1 Meitheamh 1961

Áit bhreithe: Leningrad, iarUSSR (St. Petersburg, Russian Federation anois)

Náisiúntacht: Rúiseach

Inscne: fireann

Is fear gnó Rúiseach é Yevgeniy Viktorovich Prigozhin a bhfuil dlúthnaisc aige, lena n-áirítear ó thaobh airgeadais de, leis an Wagner Group, eintiteas míleata príobháideach neamhchorpraithe atá bunaithe sa Rúis.

Ar an gcaoi sin, tá Prigozhin páirteach i ngníomhaíochtaí Wagner Group sa Libia agus tugann sé tacaíocht dóibh, gníomhaíochtaí a chuireann síocháin, cobhsaíocht agus slándáil na tíre i mbaol.

Go háirithe, tá Wagner Group páirteach i sáruithe iomadúla agus leantacha ar an trádbhac arm sa Libia a bunaíodh le Rún 1970 (2011) ó Chomhairle Slándála na Náisiún Aontaithe agus a trasuíodh in Airteagal 1 de Chinneadh (CBES) 2015/1333, lena n-áirítear airm a sheachadadh agus amhais a imscaradh sa Libia chun tacú leis an Libya National Army. Ghlac Wagner Group páirt in oibríochtaí míleata iomadúla i gcoinne an Government of National Accord a d’fhormhuinigh na Náisiúin Aontaithe agus chuidigh sé le dochar a dhéanamh do chobhsaíocht na Libia agus leis an mbonn a bhaint de phróiseas síochánta.

15.10.2020”
Top