1.   Cuirfidh na Ballstáit an measúnú cáilíochta dá dtagraítear in Airteagail 68(3), 69(6) agus 70(2) de Rialachán (AE) 2021/2116 ar fáil don Choimisiún i bhfoirm tuarascálacha a chuirfear isteach trí chórais leictreonacha faisnéise lena bhféadfar faisnéis, doiciméid agus sonraí tacaíochta a mhalartú.

2.   Cuirfear faisnéis ar fáil sna tuarascálacha dá dtagraítear i mír 1 maidir leis an obair fholuiteach faoi chuimsiú na measúnuithe cáilíochta, go háirithe i leith thorthaí na gcuairteanna in situ agus/nó na hanailíse ar íomhánna lena soláthraítear faisnéis iontaofa dhochloíte i ndáil leis an staid iarbhír ar an láthair, agus cainníochtófar na heasnaimh a braitheadh sa mheasúnú cáilíochta lena mbaineann. Cuirfear torthaí na measúnuithe cáilíochta dá dtagraítear i mír 1 le chéile chun an earráid i líon na heicteár nó i sciar na limistéar a tuairiscíodh sa tuarascáil bhliantúil ar fheidhmíocht a chainníochtú.

3.   I gcás ina nochtann torthaí na measúnuithe cáilíochta easnaimh i gcomhréir leis na measúnuithe cáilíochta dá dtagraítear i mír 1, léireoidh an Ballstát go soiléir na gníomhaíochtaí ceartaitheacha lena dtugtar aghaidh ar na heasnaimh sin sa tuarascáil measúnaithe cáilíochta. Má mheasann an Coimisiún nach leor an dul chun cinn i gcur chun feidhme na ngníomhaíochtaí ceartaitheacha a moladh an bhliain roimhe sin, féadfaidh sé iarraidh ar an mBallstát plean gníomhaíochta a chur isteach i gcomhréir le hAirteagal 42 de Rialachán (AE) 2021/2116.

4.   I gcás easnaimh atréimhseacha arna nochtadh sa mheasúnú cáilíochta dá dtagraítear i mír 1, iarrfaidh an Coimisiún plean gníomhaíochta i gcomhréir le hAirteagal 42(1) de Rialachán (AE) 2021/2116 má nochtar na heasnaimh chéanna gan aon fheabhas a bheith tagtha orthu sa 2ú bliain as a chéile agus má mheastar iad a bheith tromchúiseach i gcomhréir le hAirteagal 2, pointe (d), den Rialachán sin.

5.   Liostófar sa tuarascáil measúnaithe cáilíochta ar an gcóras faireacháin limistéir a cuireadh isteach le haghaidh na bliana 2024 agus na bliana 2026 na coinníollacha incháilitheachta uile maidir le gach idirghabháil atá faoi réir an chórais faireacháin limistéir ina mbeidh faisnéis maidir leis na foinsí sonraí a úsáideadh le haghaidh na hanailíse.

1.   Bunóidh na Ballstáit córas leictreonach maidir le hiarratais ar chabhair, a chuirfidh na tairbhithe isteach go bliantúil agus ina mbeidh an fhaisnéis uile is gá lena bhféadfaidh na Ballstáit na coinníollacha incháilitheachta le haghaidh na tacaíochta a fhíorú, ar a laghad le haghaidh na n-idirghabhálacha dá dtagraítear in Airteagal 65(2) agus (3) de Rialachán (AE) 2021/2116 chomh maith leis na coinníollacha agus na ceanglais atá ábhartha maidir le coinníollacht agus teidlíochtaí íocaíochta, i gcás inar gá. Leis an gcóras beifear in ann tairbhithe a shainaithint go soiléir agus gan débhrí, go háirithe i gcás ina n-úsáidfear an córas éilimh uathoibríoch dá dtagraítear in Airteagal 65(4), pointe (f), den Rialachán sin. Áireofar sa chóras an córas iarratais gheospásúil agus, i gcás inarb infheidhme, an córas iarratais ainmhíbhunaithe dá dtagraítear in Airteagal 66(1), pointe (b), den Rialachán sin.

2.   Déanfar na hiarratais ar chabhair a chur isteach laistigh de sprioc-am a shocróidh an Ballstát agus beidh baint acu leis an mbliain féilire ina gcuirfear isteach iad.

3.   Féadfaidh na Ballstáit foráil a dhéanamh maidir le hiarratas aonair ar chabhair lena gcumhdófar roinnt idirghabhálacha dá dtagraítear in Airteagal 65(2) agus (3) de Rialachán (AE) 2021/2116, teidlíochtaí íocaíochta agus coinníollacht.

4.   Féadfaidh na Ballstáit a chinneadh gur féidir le grúpa tairbhithe iarratas ar chabhair a chur isteach go comhpháirteach, ar choinníoll go n-áiritheofar go gcaithfear go cothrom leis na tairbhithe uile.

5.   I gcás ina n-aistreofar gabháltas ó thairbhí amháin go tairbhí eile, ní bhreithneoidh na Ballstáit ach iarratas amháin ar chabhair le haghaidh an ghabháltais sin i mbliain an aistrithe.

6.   Maidir le hidirghabhálacha ainmhíbhunaithe faoi Airteagail 31, 34 agus 70 de Rialachán (AE) 2021/2115, i gcás ina n-aistrítear ainmhí ó thairbhí amháin go tairbhí eile, féadfaidh na Ballstáit níos mó ná iarratas amháin ar chabhair le haghaidh an ainmhí sin a bhreithniú i mbliain an aistrithe ar choinníoll gur féidir leo neamh-idirdhealú i measc na dtairbhithe lena mbaineann, éifeachtúlacht na seiceálacha, cur i bhfeidhm cóir na bpionós faoi dheireadh, agus urramú bhliantúlacht an chórais chomhtháite a áirithiú.

7.   Chun idirghabhálacha laistigh de Bhallstát a riar mar is ceart agus i gcás ina bhfuil níos mó ná gníomhaireacht íocaíochta amháin freagrach as iarratas ar chabhair ón tairbhí céanna a bhainistiú, déanfaidh an Ballstát lena mbaineann gach beart is iomchuí chun a áirithiú go gcuirtear an fhaisnéis is gá ar fáil do na gníomhaireachtaí íocaíochta uile lena mbaineann.

1.   Bunóidh na Ballstáit modhanna leictreonacha cumarsáide idir an tairbhí agus na húdaráis lena n-áiritheofar go mbeidh na sonraí a tharchuirfear iontaofa i bhfianaise bhainistíocht chuí na n-idirghabhálacha faoin gcóras comhtháite riaracháin agus rialaithe. I gcás nach féidir doiciméid tacaíochta a tharchur go leictreonach, socróidh na Ballstáit na teorainneacha ama céanna dá dtarchur trí mhodhanna neamhleictreonacha.

2.   Féadfaidh na Ballstáit foráil a dhéanamh maidir le nósanna imeachta simplithe i gcás ina bhfuil sonraí ar fáil cheana féin do na húdaráis, go háirithe i gcás nár athraigh an cás ó cuireadh isteach an t-iarratas deireanach ar chabhair. Féadfaidh na Ballstáit a chinneadh úsáid a bhaint as sonraí arna ndíorthú ó fhoinsí sonraí atá ar fáil do na húdaráis náisiúnta chun críche iarratas ar chabhair. Áiritheoidh na Ballstáit go dtairgfear leis na foinsí sonraí sin an leibhéal dearbhaithe is gá chun bainistíocht cheart a dhéanamh ar na sonraí chun iontaofacht, ionracas agus slándáil na sonraí sin a ráthú.

3.   I gcás inarb iomchuí, féadfaidh na Ballstáit an fhaisnéis atá ag teastáil i ndoiciméid tacaíochta ar bith a bheidh le tíolacadh in éineacht leis an iarratas ar chabhair a iarraidh go díreach ó fhoinse na faisnéise.

1.   Soláthróidh na Ballstáit, trí mheán leictreonach, na foirmeacha réamhlíonta dá dtagraítear in Airteagal 69(3) de Rialachán (AE) 2021/2116 do na tairbhithe.

2.   Maidir leis na hidirghabhálacha limistéarbhunaithe dá dtagraítear in Airteagal 65(2) agus (3) de Rialachán (AE) 2021/2116, beidh sna foirmeacha réamhlíonta an t-ábhar grafach comhfhreagrach is déanaí a tugadh cothrom le dáta, a chuirfear ar fáil trí chomhéadan atá bunaithe ar chóras faisnéise geospásúil d’fhonn an dearbhú geospásúil ar limistéir a éascú chun críoch na n-idirghabhálacha sin agus chun críche coinníollachta.

3.   Sonrófar an méid seo a leanas sna foirmeacha réamhlíonta dá dtagraítear i mír 1:

4.   Féadfar faisnéis a eascraíonn as an gcóras faireacháin limistéir a sholáthar freisin do thairbhithe, i gcás inarb ábhartha don iarratas ar chabhair.

5.   Maidir le hidirghabhálacha ainmhíbhunaithe a bhaineann le bó-ainmhithe nó caoirigh agus gabhair, beidh na Ballstáit ag brath ar bhunachar sonraí ríomhaireachta nuashonraithe mar a shainítear in Airteagal 2, pointe (25), de Rialachán Tarmligthe (AE) 2019/2035 ón gCoimisiún (6) chun an fhaisnéis is déanaí ón mbunachar sonraí sin a sholáthar sna foirmeacha réamhlíonta, ar gá í a thabhairt cothrom le dáta i gcomhréir leis na spriocdhátaí dá bhforáiltear i Rialachán Cur Chun Feidhme (AE) 2021/520 ón gCoimisiún (7).

6.   Tabharfaidh na Ballstáit deis do na tairbhithe na foirmeacha réamhlíonta a cheartú laistigh de sprioc-am a bheidh le bunú ag an mBallstát i gcomhréir leis na coinníollacha maidir leis an sprioc-am chun iarratais ar chabhair a chur isteach a leagtar síos in Airteagal 3 agus maidir le hiarratais ar chabhair a leasú nó a tharraingt siar a leagtar síos in Airteagal 7.

7.   Aon mhodhnú a chuirfidh na tairbhithe ar fáil sna foirmeacha réamhlíonta, cuirfear san áireamh é chun an córas aitheantais le haghaidh dáileachtaí talmhaíochta a nuashonrú agus chun an córas faireacháin limistéir agus an bunachar sonraí ríomhaireachta dá dtagraítear i mír 5 a chur i bhfeidhm, i gcás inarb ábhartha.

8.   D’fhonn é a chur ar a gcumas do na tairbhithe iarratas a dhéanamh, déanfar foráil sa chóras iarratais ar chabhair maidir le foláirimh threoracha le linn an phróisis iarratais.

9.   Na Ballstáit a mbeidh an córas éilimh uathoibríoch dá dtagraítear in Airteagal 65(4), pointe (f), de Rialachán (AE) 2021/2116 á chur i bhfeidhm acu, áiritheoidh siad leibhéal coibhéiseach sonraí mar a leagtar amach sa Rialachán seo.

1.   Ciallaíonn iarratas ar chabhair iarratas ar thacaíocht faoi aon cheann de na hidirghabhálacha arna rialú ag an gcóras comhtháite nó, i gcás inarb ábhartha, iarratas ar thacaíocht nó ar íocaíocht.

2.   Beidh an méid seo a leanas ar a laghad san iarratas ar chabhair:

Leanfaidh an tairbhí de bheith freagrach as an iarratas ar chabhair agus as cruinneas na faisnéise a tharchuirfear. Is amhlaidh a bheidh freisin nuair a chuireann Ballstát córas éilimh uathoibríoch i bhfeidhm.

3.   Áiritheoidh na Ballstáit go mbeidh san iarratas ar chabhair an fhaisnéis uile is gá chun sonraí a asbhaint atá ábhartha chun tuairisciú ceart a dhéanamh ar na táscairí aschuir agus toraidh dá dtagraítear in Airteagal 66(2) de Rialachán (AE) 2021/2116 maidir leis na hidirghabhálacha a chumhdaítear leis an iarratas ar chabhair.

1.   Féadfaidh an tairbhí iarratais ar chabhair a leasú nó a tharraingt siar go hiomlán nó go páirteach faoi na coinníollacha seo a leanas:

2.   I gcás neamhchomhlíonadh na gcoinníollacha incháilitheachta arna mbrath trí na seiceálacha riaracháin nó tríd an gcóras faireacháin limistéir, cuirfidh na Ballstáit na tairbhithe ar an eolas agus an fhéidearthacht á ceadú an t-iarratas ar chabhair a leasú nó a tharraingt siar i ndáil leis an gcuid dá ndéanann an neamhchomhlíonadh difear i gcomhréir le mír 1, pointí (a), (b) agus (c). Mar sin féin, maidir le hidirghabhálacha ainmhíbhunaithe faoi Airteagal 34 de Rialachán (AE) 2021/2115 a bhaineann le bó-ainmhithe nó caoirigh agus gabhair, i gcás neamhchomhlíonadh i ndáil leis an gcoinníoll incháilitheachta chun an hainmhithe a shainaithint agus a chlárú ní cheadófar leasuithe ná aistarraingtí ach amháin roimh an dáta arna shocrú ag an mBallstát le haghaidh na gceanglas sin atá le comhlíonadh dá dtagraítear i mír 2 den Airteagal sin. D’fhonn an próiseas a éascú don tairbhí, féadfaidh na Ballstáit leanúint ar aghaidh leis na ceartúcháin is gá ar an iarratas ar chabhair i ndáil leis an gcuid a ndéanann an neamhchomhlíonadh difear di. Sa chás sin, áfach, áiritheoidh na Ballstáit go mbeidh an tairbhí ar an eolas faoi na hathruithe a thug an Ballstát isteach agus go mbeidh an deis aige freagairt i gcás easaontais.

3.   Maidir le hidirghabhálacha ainmhíbhunaithe faoi Airteagal 34 de Rialachán (AE) 2021/2115 a bhaineann le bó-ainmhithe nó caoirigh agus gabhair, féadfaidh na Ballstáit a fhoráil go bhféadfar na fógraí i mbunachar sonraí ríomhaireachta, dá dtagraítear in Airteagal 5(5) den Rialachán seo, faoi ainmhí a d’fhág an gabháltas a chur in ionad aistarraingt an ainmhí i scríbhinn.

4.   I gcás na mBallstát a chuireann an córas éilimh uathoibríoch dá dtagraítear in Airteagal 65(4), pointe (f), de Rialachán (AE) 2021/2116 i bhfeidhm maidir le hidirghabhálacha ainmhíbhunaithe, ní fhéadfaidh tairbhithe a n-éileamh a tharraingt siar ach i leith na n-ainmhithe uile is ábhartha le haghaidh na hidirghabhála agus atá cláraithe sa bhunachar sonraí ríomhaireachta.

5.   Déanfar leasuithe nó aistarraingtí trí úsáid a bhaint as na bealaí oifigiúla cumarsáide arna mbunú ag an mBallstát.

6.   Cuirfidh na Ballstáit na tairbhithe ar an eolas faoin dáta is déanaí chun an t-iarratas ar chabhair a leasú nó a tharraingt siar. Áiritheoidh na Ballstáit go gcaithfear go cothrom le tairbhithe atá faoi réir córas éilimh uathoibríoch dá dtagraítear in Airteagal 65(4), pointe (f), de Rialachán (AE) 2021/2116.

1.   Úsáidfear an t-iarratas geospásúil le haghaidh na n-idirghabhálacha limistéarbhunaithe faoin gcóras comhtháite agus le haghaidh na faisnéise ábhartha i ndáil le coinníollacht, agus i gcás na dtairbhithe freisin atá faoi réir coinníollachta ach nach bhfuil ag cur isteach ar thacaíocht faoi na hidirghabhálacha limistéarbhunaithe.

2.   Féadfar an t-iarratas geospásúil a úsáid freisin le haghaidh na n-idirghabhálacha limistéarbhunaithe in earnáil an fhíona mar a leagtar síos i dTeideal III, Caibidil III, Roinn 4, de Rialachán (AE) 2021/2115.

3.   Gan dochar d’Airteagal 6, beidh an fhaisnéis seo a leanas ar a laghad san iarratas geospásúil:

1.   Gan dochar d’Airteagal 6, beidh an fhaisnéis seo a leanas ar a laghad sna hiarratais ar idirghabhálacha ainmhíbhunaithe:

2.   Na Ballstáit a bhfuil córas éilimh uathoibríoch á chur i bhfeidhm acu i gcomhréir le hAirteagal 65(4), pointe (f), de Rialachán (AE) 2021/2116, áiritheoidh siad leibhéal coibhéiseach sonraí mar a leagtar amach i mír 1 den Airteagal seo bunaithe ar an bhfaisnéis atá ar fáil sa bhunachar sonraí ríomhairithe oifigiúil, a bheidh cothrom le dáta i gcás gach ainmhí, i gcomhréir le hAirteagal 34(2) de Rialachán (AE) 2021/2115. Faoin gcóras éilimh uathoibríoch, i gcás gach ainmhí de chuid an tairbhí atá ábhartha maidir le hidirghabháil measfar é a bheith ar áireamh san éileamh.

1.   Beidh feidhm ag an gcóras faireacháin limistéir maidir le gach iarratas ar chabhair le haghaidh idirghabhálacha limistéarbhunaithe faoin gcóras comhtháite a chuirtear isteach i ngach Ballstát agus bainfear úsáid as chun gníomhaíochtaí agus cleachtais talmhaíochta ar heicteáir faoi na hidirghabhálacha limistéarbhunaithe sin a bhreathnú, a rianú agus a mheasúnú agus chun críche tuairiscithe bhliantúil ar fheidhmíocht ar a laghad.

2.   Maidir le gach idirghabháil limistéarbhunaithe, áiritheoidh na Ballstáit go mbeidh na coinníollacha incháilitheachta, ar féidir faireachán a dhéanamh orthu le sonraí satailíte ó na satailítí Sentinel de chuid chlár Copernicus nó sonraí eile a bhfuil luach coibhéiseach ar a laghad iontu faoi réir an chórais faireacháin limistéir agus cuirfidh siad an fhaisnéis sin in iúl do na tairbhithe lena mbaineann.

3.   Chun críoch an chórais faireacháin limistéir, measfar go bhféadfaí faireachán a dhéanamh ar choinníoll incháilitheachta i gcás inar féidir faireachán a dhéanamh air le sonraí satailíte ó na satailítí Sentinel de chuid chlár Copernicus. D’fhonn aghaidh a thabhairt ar na coinníollacha incháilitheachta a mheastar go bhféadfaí faireachán a dhéanamh orthu, féadfaidh na Ballstáit a chinneadh úsáid a bhaint as sonraí satailíte ó na satailítí Sentinel de chuid chlár Copernicus nó as sonraí ó aon fhoinse eile a bhfuil luach coibhéiseach ar a laghad iontu dá bhforáiltear in Airteagal 11. Ón 1 Eanáir 2025, áfach, measfar go bhféadfaí faireachán a dhéanamh ar choinníoll incháilitheachta nuair is féidir faireachán a dhéanamh air le sonraí satailíte ó na satailítí Sentinel de chuid chlár Copernicus nó leis na grianghraif gheochlibáilte dá dtagraítear in Airteagal 11. D’fhonn aghaidh a thabhairt ar na coinníollacha incháilitheachta a meastar go bhféadfaí faireachán a dhéanamh orthu ón 1 Eanáir 2025, féadfaidh na Ballstáit a chinneadh úsáid a bhaint as sonraí satailíte ó na satailítí Sentinel de chuid chlár Copernicus, as grianghraif gheochlibáilte nó as sonraí ó aon fhoinse eile a bhfuil luach coibhéiseach ar a laghad iontu.

4.   Maidir leis na coinníollacha incháilitheachta ar féidir faireachán a dhéanamh orthu le grianghraif gheochlibáilte, féadfaidh na Ballstáit a chinneadh iad a áireamh de réir a chéile faoin gcóras faireacháin limistéir. Áiritheoidh na Ballstáit go mbeidh 70 % ar a laghad d’idirghabhálacha le coinníollacha incháilitheachta nach féidir faireachán a dhéanamh orthu ach le grianghraif gheochlibeáilte faoi réir an chórais faireacháin limistéir roimh an 1 Eanáir 2027 ar a dhéanaí. Maidir leis na coinníollacha incháilitheachta a bhféadfaí faireachán a dhéanamh orthu trí ghrianghraif gheochlibáilte, cinnfidh na Ballstáit cé na cinn acu a thagann faoi réir an chórais faireacháin limistéir gach bliain.

5.   Chun anailís a dhéanamh ar choinníollacha incháilitheachta a bhféadfaí faireachán a dhéanamh orthu faoin gcóras faireacháin limistéir, féadfaidh na Ballstáit rogha a dhéanamh sonraí satailíte ó na satailítí Sentinel de chuid chlár Copernicus agus/nó cineálacha eile sonraí a bhfuil luach coibhéiseach iontu ar a laghad a chomhcheangal i gcomhréir leis na critéir a shonraítear in Airteagal 11 chun líon iomlán na n-iarratas ar chabhair lena mbaineann a chumhdach. Féadfaidh na Ballstáit a chinneadh freisin anailís chascáidithe a dhéanamh ar shonraí satailíte ó na satailítí Sentinel agus/nó ar chineálacha eile sonraí a bhfuil luach coibhéiseach ar a laghad iontu chun líon na gcásanna a ndéantar faireachán neamhchinntitheach orthu a laghdú. I gcás coinníollacha incháilitheachta nach féidir faireachán a dhéanamh orthu ach le grianghraif gheochlibáilte, i gcás nach ndéanann an tairbhí ionchur, measfaidh an Ballstát nár comhlíonadh an coinníoll incháilitheachta sin.

6.   Na heicteáir nach gcomhlíonann na coinníollacha incháilitheachta ábhartha ar an dáta is déanaí a cheadaítear i gcomhair leasuithe ar iarratais ar chabhair i gcomhréir le hAirteagal 7, áiritheoidh na Ballstáit go ndéanfar iad a eisiamh ón tuairisciú bliantúil ar fheidhmíocht.

7.   D’fhonn breathnóireacht, rianú agus measúnú iontaofa a dhéanamh ar ghníomhaíochtaí agus ar chleachtais talmhaíochta, áiritheoidh an córas faireacháin limistéir, ar leibhéal na dáileachta talmhaíochta nó na n-aonad talún ina bhfuil limistéir neamhthalmhaíochta a mheastar a bheith incháilithe ag an mBallstát, go mbraithfear na nithe seo a leanas:

I gcás inarb ábhartha, úsáidfidh na Ballstáit an fhaisnéis dá dtagraítear sa mhír seo chun an córas aitheantais le haghaidh dáileachtaí talmhaíochta a thabhairt cothrom le dáta.

8.   Cuirfidh na Ballstáit an fhaisnéis faoi heicteáir in iúl do na tairbhithe i gcás nach gcomhlíontar na coinníollacha incháilitheachta ábhartha agus nuair a bhraitear gurb ann do limistéar neamh-incháilithe, d’úsáid talún neamh-incháilithe nó d’athrú i gcatagóir an limistéir talmhaíochta ionas gur féidir le tairbhithe leasuithe a dhéanamh ar iarratais ar chabhair, dá dtagraítear in Airteagal 7, nó fianaise bhreise a sholáthar. Féadfaidh na Ballstáit a chinneadh freisin aon toradh sealadach eile a chur in iúl do thairbhithe, lena n-áirítear cásanna a ndearnadh faireachán neamhchinntitheach orthu lena gceadaítear do na tairbhithe, i gcás inar gá, a n-iarratais a leasú i gcomhréir le hAirteagal 7(1).

9.   De mhaolú ar mhír 1 agus chun go bhféadfar líon na n-idirghabhálacha atá faoi réir córas faireacháin limistéir a mhéadú de réir a chéile, cuirfear faisnéis ar fáil sa chóras in 2023 maidir leis an méid seo a leanas ar a laghad:

1.   Chun críocha Airteagal 24 de Rialachán (AE) 2021/2116, roimh an 1 Samhain an bhliain féilire roimh an mbliain ina ndearnadh an measúnú cáilíochta ar an gcóras faireacháin limistéir cuirfidh gach Ballstát an Coimisiún ar an eolas faoina shonraíocht maidir le sonraí satailíte a fháil i ndáil leis an méid seo a leanas:

2.   Chun críocha mhír 1, pointe (a), glacfaidh na Ballstáit líon na ndáileachtaí i gcomhair shampla an mheasúnaithe cáilíochta bunaithe ar iarratais ar chabhair na bliana roimh bhliain féilire an mheasúnaithe cáilíochta. I gcás dáileachtaí nach bhfuil ábhartha a thuilleadh, i ndiaidh iarratais ar chabhair na bliana féilire lena mbaineann, le haghaidh idirghabháil faoi leith nó le haghaidh dáileachtaí nár cuireadh isteach ar chabhair ina leith le haghaidh na bliana roimhe sin, féadfar líon na ndáileachtaí a n-iarrtar sonraí satailíte ina leith a thabhairt cothrom le dáta i mbliain féilire an mheasúnaithe cáilíochta.

3.   Tabharfaidh an Coimisiún an comhaontú chun críche leis an mBallstát lena mbaineann maidir leis an bhfaisnéis dá dtagraítear i mír 1, pointí (a) agus (b), roimh an 15 Eanáir tar éis an fhaisnéis dá dtagraítear i mír 1 a chur in iúl.

4.   Ní mór do na húdaráis inniúla nó do na comhlachtaí a dhéanann ionadaíocht orthu dá dtagraítear in Airteagal 24 de Rialachán (AE) 2021/2116 na forálacha maidir le cóipcheart a leagtar amach sna conarthaí leis na soláthróirí a urramú.

5.   Más mó iomlán na n-iarrataí a gheobhaidh na Ballstáit ná an buiséad a bheidh ar fáil chun Airteagal 24 de Rialachán (AE) 2021/2116 a chur i bhfeidhm, cinnfidh an Coimisiún ar theorainn leis na sonraí satailíte atá le soláthar, agus beidh sé d’aidhm aige an úsáid is éifeachtúla a bhaint as na hacmhainní atá ar fáil. Ina theannta sin, i gcás ina gcuireann na Ballstáit dáileachtaí leis an líon i rith na bliana féilire chun measúnú cáilíochta a dhéanamh ar an gcóras faireacháin limistéir, d’fhéadfadh sé nach mbeadh an Coimisiún in ann na híomhánna ábhartha uile a fháil.