(1)

Le Treoir 2008/113/CE ón gCoimisiún (2) áiríodh Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52 roimhe seo) mar shubstaint ghníomhach in Iarscríbhinn I a ghabhann le Treoir 91/414/CEE ón gComhairle (3).

(2)

Maidir leis na substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52 roimhe seo), mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 30 Aibreán 2022.

(4)

Cuireadh isteach iarratas ar fhormheas na substainte gníomhaí Metarhizium brunneum tréithchineál BIPESCO 5/F52 i gcomhréir le hAirteagal 1 de Rialachán Cur Chun Feidhme (AE) Uimh. 844/2012 ón gCoimisiún (5) laistigh den tréimhse ama dá bhforáiltear san Airteagal sin.

(5)

Chuir na hiarratasóirí isteach na sainchomhaid fhorlíontacha a cheanglaítear i gcomhréir le hAirteagal 6 de Rialachán Cur Chun Feidhme (AE) Uimh. 844/2012. Chinn an Ballstát is rapóirtéir an t-iarratas a bheith comhlánaithe ina iomláine.

(6)

D’ullmhaigh an Ballstát is rapóirtéir dréacht-tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) agus faoi bhráid an Choimisiúin í an 3 Meitheamh 2019.

(7)

Chuir an tÚdarás an sainchomhad achomair forlíontach ar fáil don phobal. Scaip an tÚdarás an dréacht-tuarascáil maidir le measúnú ar athnuachan ar an iarratasóir agus ar na Ballstáit chomh maith chun barúlacha a fháil uathu agus sheol sé comhairliúchán poiblí ina leith. Chuir an tÚdarás na barúlacha a fuarthas ar aghaidh chuig an gCoimisiún.

(8)

An 28 Meán Fómhair 2020, chuir an tÚdarás a chonclúid (6) in iúl don Choimisiún maidir le cé acu is féidir nó nach féidir coinne a bheith leis go gcomhlíonfaidh Metarhizium brunneum tréithchineál BIPESCO 5/F52 na critéir formheasa dá bhforáiltear in Airteagal 4 de Rialachán (CE) Uimh. 1107/2009. Chuir an Coimisiún tuarascáil athnuachana agus dréacht den Rialachán seo maidir le Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52 roimhe seo) faoi bhráid an Bhuanchoiste um Plandaí, Ainmhithe, Bia agus Beatha an 21 Deireadh Fómhair 2021 agus an 1 Nollaig 2021, faoi seach. San iarratas a rinne na hiarratasóirí, is Metarhizium brunneum tréithchineál BIPESCO 5/F52 a thug siad ar an tsubstaint ghníomhach agus iad ag tagairt di. Mhol an Coimisiún ainm na substainte gníomhaí a athrú go Metarhizium brunneum tréithchineál Ma 43. Go deimhin, dhearbhaigh an tÚdarás gur fochultúir de thréithchineál Ma 43 iad BIPESCO 5 agus F52 agus gur comhionann na fochultúir sin ó thaobh airíonna bitheolaíocha agus géiniteacha de agus nach bhfuil siad éagsúil le bun-tréithchineál Ma 43.

(9)

D’iarr an Coimisiún ar na hiarratasóirí barúlacha a chur isteach maidir le conclúid an Údaráis agus, i gcomhréir leis an tríú fomhír d’Airteagal 14(1) de Rialachán Cur Chun Feidhme (AE) Uimh. 844/2012, barúlacha maidir leis an tuarascáil athnuachana. Chuir na hiarratasóirí barúlacha isteach, agus rinneadh scrúdú cúramach orthu.

(10)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil an tsubstaint ghníomhach Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52 roimhe seo), suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(11)

Measann an Coimisiún freisin gur substaint ghníomhach a mbaineann riosca íseal léi é Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52 roimhe seo) de bhun Airteagal 22 de Rialachán (CE) Uimh. 1107/2009. Comhlíonann an tsubstaint ghníomhach sin na coinníollacha a leagtar síos i bpointe 5.2.1 d’Iarscríbhinn II a ghabhann le Rialachán (CE) Uimh. 1107/2009 toisc nár léirigh sí, ar leibhéal tréithchineáil, il-fhrithsheasmhacht in aghaidh ábhair fhrithmhiocróbacha a úsáidtear in íocshláinte an duine nó in íocshláinte tréidliachta.

(12)

Is iomchuí, dá bhrí sin, formheas Metarhizium brunneum tréithchineál Ma 43 (ar a dtugtaí Metarhizium anisopliae var. anisopliae tréithchineál BIPESCO 5/F52) mar shubstaint ghníomhach a bhfuil riosca íseal ag baint léi a athnuachan.

(13)

I gcomhréir le hAirteagal 14(1) de Rialachán (CE) Uimh. 1107/2009 i gcomhar le hAirteagal 6 de agus i bhfianaise an eolais eolaíoch reatha agus an eolais theicniúil reatha, is gá, mar sin féin, foráil a dhéanamh maidir le coinníollacha áirithe.

(14)

Ba cheart, dá bhrí sin, Rialachán Cur Chun Feidhme (AE) Uimh. 540/2011 a leasú dá réir.

(15)

Ba cheart feidhm a bheith ag an Rialachán seo ón lá tar éis dháta dhul in éag fhormheas Metarhizium brunneum tréithchineál Ma 43 (ar a dtugtaí Metarhizium anisopliae var anisopliae tréithchineál BIPESCO 5/F52 roimhe seo).

(16)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,