EUR-Lex Access to European Union law
This document is an excerpt from the EUR-Lex website
Document 32022R0203
Commission Implementing Regulation (EU) 2022/203 of 14 February 2022 amending Regulation (EU) No 748/2012 as regards management systems and occurrence-reporting systems to be established by competent authorities, and correcting Regulation (EU) No 748/2012 as regards the issuance of airworthiness review certificates
Rialachán Cur Chun Feidhme (AE) 2022/203 ón gCoimisiún an 14 Feabhra 2022 lena leasaítear Rialachán (AE) Uimh. 748/2012 a mhéid a bhaineann le córais bhainistíochta agus le córais tuairiscithe tarluithe atá le bunú ag na húdaráis inniúla, agus lena gceartaítear Rialachán (AE) Uimh. 748/2012 a mhéid a bhaineann le deimhnithe ar athbhreithniú aeracmhainneachta a eisiúint
Rialachán Cur Chun Feidhme (AE) 2022/203 ón gCoimisiún an 14 Feabhra 2022 lena leasaítear Rialachán (AE) Uimh. 748/2012 a mhéid a bhaineann le córais bhainistíochta agus le córais tuairiscithe tarluithe atá le bunú ag na húdaráis inniúla, agus lena gceartaítear Rialachán (AE) Uimh. 748/2012 a mhéid a bhaineann le deimhnithe ar athbhreithniú aeracmhainneachta a eisiúint
C/2022/760
IO L 33, 15.2.2022, p. 46–59
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
15.2.2022 |
GA |
Iris Oifigiúil an Aontais Eorpaigh |
L 33/46 |
RIALACHÁN CUR CHUN FEIDHME (AE) 2022/203 ÓN gCOIMISIÚN
an 14 Feabhra 2022
lena leasaítear Rialachán (AE) Uimh. 748/2012 a mhéid a bhaineann le córais bhainistíochta agus le córais tuairiscithe tarluithe atá le bunú ag na húdaráis inniúla, agus lena gceartaítear Rialachán (AE) Uimh. 748/2012 a mhéid a bhaineann le deimhnithe ar athbhreithniú aeracmhainneachta a eisiúint
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta de chuid an Aontais Eorpaigh, agus lena leasaítear Rialacháin (CE) Uimh. 2111/2005, (CE) Uimh. 1008/2008, (AE) Uimh. 996/2010, (AE) Uimh. 376/2014 agus Treoracha 2014/30/AE agus 2014/53/AE ó Pharlaimint na hEorpa agus ón gComhairle, agus lena n-aisghairtear Rialacháin (CE) Uimh. 552/2004 agus (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 ón gComhairle (1), agus go háirithe Airteagal 62(14) agus Airteagal 15 de,
De bharr an mhéid seo a leanas:
(1) |
Leagtar síos le Rialachán (AE) Uimh. 748/2012 ón gCoimisiún (2) ceanglais chomhchoiteanna theicniúla le haghaidh dhearadh agus tháirgeadh na n-aerárthaí sibhialta agus na n-inneall, na lián agus na bpáirteanna a shuiteálfar iontu. |
(2) |
I gcomhréir le pointe 3.1(b) d’Iarscríbhinn II a ghabhann le Rialachán (AE) 2018/1139, agus de réir mar is iomchuí don chineál gníomhaíochta a dhéanfaidh an eagraíocht agus do mhéid na heagraíochta féin, ní mór d’eagraíochtaí formheasta a dhearann nó a tháirgeann aerárthaí sibhialta nó na hinnill, na liáin nó na páirteanna a shuiteálfar iontu córas bainistíochta a chur chun feidhme agus a choinneáil ar bun chun a áirithiú go gcomhlíonfar na ceanglais fhíor-riachtanacha a leagtar amach san Iarscríbhinn sin, go ndéanfar rioscaí sábháilteachta a bhainistiú agus go bhféachfar leis an gcóras sin a fheabhsú go leanúnach. |
(3) |
De bhun Iarscríbhinn 19 a ghabhann leis an gCoinbhinsiún um Eitlíocht Shibhialta Idirnáisiúnta, a síníodh in Chicago an 7 Nollaig 1944 (“Coinbhinsiún Chicago”), cuirfidh na húdaráis inniúla de cheangal ar eagraíochtaí deartha agus táirgthe formheasta córas bainistíochta sábháilteachta a chur chun feidhme. |
(4) |
Dá bhrí sin, ba cheart córas bainistíochta a thabhairt isteach le haghaidh gach eagraíocht deartha agus táirgthe formheasta a thagann faoi raon feidhme Iarscríbhinn I a ghabhann le Rialachán (AE) Uimh. 748/2012 chun Caighdeáin Idirnáisiúnta agus Cleachtais Mholta na hEagraíochta Eitlíochta Sibhialta Idirnáisiúnta (“ICAO”) a leagtar síos in Iarscríbhinn 19 a ghabhann le Coinbhinsiún Chicago a chomhlíonadh. |
(5) |
Tá ceanglas ar gach eagraíocht deartha agus táirgthe formheasta córas tuairiscithe tarluithe a bhunú. Dá bhrí sin, ba cheart forálacha Iarscríbhinn I a ghabhann le Rialachán (AE) Uimh. 748/2012 a leasú chun a áirithiú go mbunófar an córas tuairiscithe tarluithe mar chuid de chóras bainistíochta na n-eagraíochtaí agus go mbeidh na ceanglais ailínithe le ceanglais Rialachán (AE) Uimh. 376/2014 ó Pharlaimint na hEorpa agus ón gComhairle (3). |
(6) |
Ba cheart go mbeadh idirthréimhse leordhóthanach ann a chuirfidh ar a gcumas do na heagraíochtaí deartha agus táirgthe a áirithiú go gcomhlíonann siad na rialacha agus na nósanna imeachta nua a thugtar isteach leis an Rialachán seo. |
(7) |
Ba cheart, dá bhrí sin, Rialachán (AE) Uimh. 748/2012 a leasú. |
(8) |
Chuir Rialachán Tarmligthe (AE) 2021/699 ón gCoimisiún (4) forálacha in ionad phointe (c) de phointe 21.B.325 chun na cásanna a leagan síos inar cheart d’údarás inniúil an Bhallstáit chláraithe, sa bhreis ar an deimhniú aeracmhainneachta dá dtagraítear i bpointe (a) nó i bpointe (b) de phointe 21.B.325, deimhniú ar athbhreithniú aeracmhainneachta a eisiúint freisin, agus é tugtha san áireamh an raibh Cuid-M nó Cuid-ML de Rialachán (AE) 1321/2014 ón gCoimisiún (5) infheidhme maidir leis an aerárthach i gceist. Mar sin féin, sa téacs arna ghlacadh, níor tugadh aghaidh mar is cuí ar chás na n-aerárthaí nua. Ba cheart, dá bhrí sin, Rialachán (AE) Uimh. 748/2012 a cheartú. |
(9) |
Tá na bearta dá bhforáiltear sa Rialachán seo i gcomhréir le Tuairim Uimh. 04/2020 (6) ó Ghníomhaireacht Sábháilteachta Eitlíochta an Aontais Eorpaigh a tíolacadh de bhun Airteagal 76(1) de Rialachán (AE) 2018/1139. |
(10) |
Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 127(1) de Rialachán (AE) 2018/1139, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán (AE) Uimh. 748/2012 mar a leanas:
(1) |
cuirtear na míreanna seo a leanas le hAirteagal 9: “5. De mhaolú ar phointí 21.B.225(d)(1) agus (2) d’Iarscríbhinn I (Cuid 21), féadfaidh eagraíocht táirgthe ag a bhfuil deimhniú bailí formheasa a eisíodh i gcomhréir le hIarscríbhinn I (Cuid 21) aon chinneadh maidir le neamhchomhlíonadh a bhaineann leis na ceanglais in Iarscríbhinn I a tugadh isteach le Rialachán Cur Chun Feidhme (AE) 2022/203 (*1), ón gCoimisiún a leasú go dtí an 7 Márta 2025. I gcás nach mbeidh clabhsúr curtha ag an eagraíocht ar na cinntí sin faoin 7 Márta 2025, déanfar an deimhniú formheasa a chúlghairm, a theorannú nó a chur ar fionraí ina iomláine nó go páirteach. 6. De mhaolú ar phointí 21.B.125(d)(1) agus (2) d’Iarscríbhinn I (Cuid 21), féadfaidh eagraíocht a tháirgeann táirgí, páirteanna nó fearais gan deimhniú formheasa agus ag a bhfuil litir chomhaontaithe bhailí a eisíodh i gcomhréir le hIarscríbhinn I (Cuid 21) aon chinneadh maidir le neamhchomhlíonadh a bhaineann leis na ceanglais in Iarscríbhinn I a tugadh isteach le Rialachán Cur Chun Feidhme (AE) 2022/203, ón gCoimisiún a leasú go dtí an 7 Márta 2025. I gcás nach mbeidh clabhsúr curtha ag an eagraíocht ar na cinntí sin faoin 7 Márta 2025, déanfar an litir chomhaontaithe a chúlghairm, a theorannú nó a chur ar fionraí ina hiomláine nó go páirteach. (*1) Rialachán Cur Chun Feidhme (AE) 2022/203 ón gCoimisiún an 14 Feabhra 2022 lena leasaítear Rialachán (AE) Uimh. 748/2012 a mhéid a bhaineann le córais bhainistíochta agus le córais tuairiscithe tarluithe atá le bunú ag na húdaráis inniúla, agus lena gceartaítear Rialachán (AE) Uimh. 748/2012 a mhéid a bhaineann le deimhnithe ar athbhreithniú aeracmhainneachta a eisiúint (IO L 33, 15.2.2022, lch. 46).”" |
(2) |
Leasaítear Iarscríbhinn I i gcomhréir le hIarscríbhinn I a ghabhann leis an Rialachán seo. |
Airteagal 2
Ceartaítear Iarscríbhinn I a ghabhann le Rialachán (AE) Uimh. 748/2012 i gcomhréir le hIarscríbhinn II a ghabhann leis an Rialachán seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 7 Márta 2023, cé is moite d’Airteagal 2 a mbeidh feidhm aige ón 7 Márt 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 14 Feabhra 2022.
Thar ceann an Choimisiúin
An tUachtarán
Ursula VON DER LEYEN
(1) IO L 212, 22.8.2018, lch. 1.
(2) Rialachán (AE) Uimh. 748/2012 ón gCoimisiún an 3 Lúnasa 2012 lena leagtar síos rialacha cur chun feidhme le haghaidh deimhniúchán aeracmhainneachta agus comhshaoil d’aerárthaí agus do tháirgí, pháirteanna agus fhearais ghaolmhara, agus le haghaidh dheimhniúchán na n-eagraíochtaí deartha agus táirgthe (IO L 224, 21.8.2012, lch. 1).
(3) Rialachán (AE) Uimh. 376/2014 ó Pharlaimint na hEorpa agus ón gComhairle an 3 Aibreán 2014 maidir le tarluithe san eitlíocht shibhialta a thuairisciú, leis an anailís a dhéantar orthu agus leis na bearta leantacha a dhéantar ina leith, lena leasaítear Rialachán (AE) Uimh. 996/2010 ó Pharlaimint na hEorpa agus ón gComhairle agus lena n-aisghairtear Treoir 2003/42/CE ó Pharlaimint na hEorpa agus ón gComhairle agus Rialachán (CE) Uimh. 1321/2007 ón gCoimisiún agus Rialachán (CE) Uimh. 1330/2007 ón gCoimisiún (IO L 122, 24.4.2014, lch. 18).
(4) Rialachán Tarmligthe (AE) 2021/699 ón gCoimisiún an 21 Nollaig 2020 lena leasaítear agus lena gceartaítear Rialachán (AE) Uimh. 748/2012 a mhéid a bhaineann leis na treoracha le haghaidh aeracmhainneacht leanúnach, táirgeadh páirteanna lena n-úsáid le linn cothabhála agus breithniú a dhéanamh ar ghnéithe aosaithe aerárthaí le linn deimhniúcháin (IO L 145, 28.4.2021, lch. 1)
(5) Rialachán (AE) Uimh. 1321/2014 ón gCoimisiún an 26 Samhain 2014 maidir le haeracmhainneacht leanúnach na n-aerárthach agus táirgí, páirteanna agus fearais aerloingseoireachta, agus maidir le formheas na heagraíochtaí agus an pearsanra a bhfuil baint acu leis na cúraimí sin (IO L 362, 17.12.2014, lch. 1).
(6) https://www.easa.europa.eu/document-library/opinions
IARSCRÍBHINN I
Leasaítear cuid 21 d’Iarscríbhinn I a ghabhann le Rialachán (AE) Uimh. 748/2012 mar a leanas:
(1) |
cuirtear an méid seo a leanas in ionad phointe 21.1: “21.1. An t-údarás inniúil Chun críoch na hIarscríbhinne seo, is é a bheidh san ‘údarás inniúil’:
|
(2) |
cuirtear an pointe 21.2 seo a leanas isteach: “21.2. Raon feidhme Le Roinn A den Iarscríbhinn seo, bunaítear na forálacha lena leagtar síos cearta agus oibleagáidí an iarratasóra ar aon deimhniú a eisíodh nó atá le heisiúint i gcomhréir leis an Iarscríbhinn seo agus cearta agus oibleagáidí shealbhóir aon deimhnithe den sórt sin. Le Roinn B den Iarscríbhinn seo, bunaítear na coinníollacha faoina ndéanfar an deimhniúchán cúraimí maoirseachta agus forfheidhmithe mar aon leis na ceanglais maidir leis an gcóras riaracháin agus bainistíochta a chomhlíonfaidh an t-údarás inniúil atá freagrach as Roinn A den Iarscríbhinn seo a chur chun feidhme.”; |
(3) |
scriostar pointe 21.B.5; |
(4) |
cuirtear isteach na pointí 21.B.10 agus 21.B.15 seo a leanas: “21.B.10 Doiciméadacht maoirseachta Déanfaidh an t-údarás inniúil na gníomhartha reachtacha, na caighdeáin, na rialacha, na foilseacháin theicniúla agus na doiciméid ghaolmhara uile a sholáthar don phearsanra ábhartha ionas go mbeidh siad in ann a gcúraimí a dhéanamh agus a bhfreagrachtaí a chomhlíonadh. 21.B.15 Faisnéis don Ghníomhaireacht
|
(5) |
cuirtear an méid seo a leanas in ionad phointe 21.B.20: “21.B.20 Freagairt láithreach d’fhadhb shábháilteachta
|
(6) |
cuirtear an méid seo a leanas in ionad phointe 21.B.25: “21.B.25 Córas bainistíochta
|
(7) |
cuirtear an méid seo a leanas in ionad phointe 21.B.30: “21.B.30 Na cúraimí a leithdháileadh ar eintitis cháilithe
|
(8) |
cuirtear an méid seo a leanas in ionad phointe 21.B.35: “21.B.35 Athruithe sa chóras bainistíochta
|
(9) |
scriostar pointe 21.B.40; |
(10) |
scriostar pointe 21.B.45; |
(11) |
cuirtear an méid seo a leanas in ionad phointe 21.B.55: “21.B.55 Taifid a choimeád
|
(12) |
scriostar pointe 21.B.60; |
(13) |
cuirtear an pointe 21.B.65 seo a leanas isteach: “21.B.65 Fionraíocht, teorannú agus cúlghairm Déanfaidh an t-údarás inniúil an méid a leanas:
|
(14) |
cuirtear an pointe 21.B.115 seo a leanas isteach: “21.B.115 Modhanna comhlíontachta
|
(15) |
cuirtear an méid seo a leanas in ionad phointe 21.B.120: “21.B.120 An nós imeachta tosaigh maidir le deimhniúchán
|
(16) |
cuirtear an méid seo a leanas in ionad phointe 21.B.125: “21.B.125 Torthaí agus gníomhaíochtaí ceartaitheacha; barúlacha
|
(17) |
scriostar pointí 21.B.130, 21.B.145 agus 21.B.150; |
(18) |
cuirtear an pointe 21.B.215 seo a leanas isteach: “21.B.215 Modhanna comhlíontachta
|
(19) |
cuirtear an méid seo a leanas in ionad phointe 21.B.220: “21.B.220 An nós imeachta tosaigh maidir le deimhniúchán
|
(20) |
cuirtear isteach na pointí 21.B.221 agus 21.B.222 seo a leanas: “21.B.221 Prionsabail mhaoirseachta
21.B.222 Clár maoirseachta
|
(21) |
cuirtear an méid seo a leanas in ionad phointe 21.B.225: “21.B.225 Torthaí agus gníomhaíochtaí ceartaitheacha; barúlacha
|
(22) |
scriostar pointí 21.B.230 agus 21.B.235; |
(23) |
cuirtear an méid seo a leanas in ionad phointe 21.B.240: “21.B.240 Athruithe ar an gcórasbainistíochta táirgthe
|
(24) |
scriostar pointí 21.B.245 agus 21.B.260, |
(25) |
i bpointe 21.B.325, cuirtear an méid seo a leanas in ionad an teidil; “21.B.325 Deimhniú aeracmhainneachta a eisiúint” |
(26) |
scriostar pointí 21.B.330 agus 21.B.345, |
(27) |
i bpointe 21.B.525, cuirtear an méid seo a leanas in ionad an teidil; “21.B.525 Cead eitilte a eisiúint;” |
(28) |
scriostar 21.B.530 agus 21.B.545. |
IARSCRÍBHINN II
Ceartaítear cuid 21 d’Iarscríbhinn I a ghabhann le Rialachán (AE) Uimh. 748/2012 mar a leanas:
(1) |
I bpointe 21.B.325, cuirtear an méid seo a leanas in ionad phointe (c):
|