1.   Áiritheoidh an tAontas go bhforáiltear, go háirithe, leis an gcomhéadan poiblí ilteangach atá nasctha le IMI do na feidhmiúlachtaí teicniúla seo a leanas d’oibreoirí na Ríochta Aontaithe:

2.   Áiritheoidh an tAontas go soláthróidh an comhéadan poiblí ilteangach atá nasctha le IMI na feidhmiúlachtaí teicniúla a ligfidh d’údarás náisiúnta amháin nó níos mó sa Ríocht Aontaithe an méid seo a leanas a dhéanamh:

3.   Is éard a bheidh in údaráis inniúla na Ríochta Aontaithe aon chomhlacht atá bunaithe ar an leibhéal náisiúnta, réigiúnach nó áitiúil agus atá cláraithe in IMI agus a bhfuil freagrachtaí sonracha air a bhaineann le cur i bhfeidhm Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair. Cláróidh pointe teagmhála IMI na Ríochta Aontaithe dá dtagraítear in Airteagal 4(2) den Chinneadh seo údaráis inniúla na Ríochta Aontaithe in IMI.

4.   Beidh an tAontas i dteideal stop a chur le rochtain na Ríochta Aontaithe ar IMI má scoireann an Ríocht Aontaithe de na coinníollacha a leagtar amach inAirteagal 23(1), pointe (c) de Rialachán (AE) Uimh. 1024/2012 a chomhlíonadh.

1.   Leis an gcomhéadan poiblí beidh údarás inniúil an Stáit, inar tharla an postú, in ann a iarraidh ar an oibreoir doiciméid a leagtar amach in Airteagal 6(1), pointe (c), an chéad fhomhír, de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair a sheoladh le haghaidh tréimhse lena gcumhdaítear suas leis na 12 mhí ó dháta na hiarrata. Ligfidh an comhéadan poiblí atá nasctha le IMI don oibreoir na doiciméid a iarrtar a sholáthar de chéim amháin nó níos mó.

2.   I gcás ina n-iarrtar ar an oibreoir doiciméad breise amháin nó níos mó a sholáthar nár áiríodh san iarraidh dá dtagraítear i mír 1, ríomhfaidh an comhéadan poiblí an tréimhse 8 seachtaine inar féidir doiciméid a sholáthar ó dháta na hiarrata ar an doiciméad breise nó ar na doiciméid bhreise.

3.   Fágfaidh an comhéadan poiblí go bhféadfar an t-oibreoir a chur ar an eolas i gcás ina n-iarrann an Stát is óstach cúnamh an Stáit bunaíochta.

4.   Aon doiciméad a uaslódálann údarás inniúil an Stáit bunaíochta, tar éis iarraidh ar chúnamh arna déanamh ag údarás inniúil an Stáit is óstach, de bhun Airteagal 6(1), pointe (c), an dara fomhír, de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair, is doiciméad é a bheidh le feiceáil i gcuntas an oibreora.

5.   Fágfaidh an comhéadan poiblí go bhféadfar fógra a thabhairt don oibreoir i dtaca le dúnadh na hiarrata ar dhoiciméid chomh maith le léiriú ar an toradh deiridh ach a mbeidh seiceáil déanta ag na húdaráis inniúla ar na doiciméid a iarradh.

6.   Iarrataí ar dhoiciméid nach ndúnann údarás inniúil iarrthach an Stáit is óstach, is iarrataí iad a dhúnfar go huathoibríoch 24 mhí i ndiaidh dháta na hiarrata.

1.   Leis an gcomhéadan poiblí atá nasctha le IMI féadfar na sonraí uile a stóráiltear sa chomhéadan poiblí sin agus i gcuntas na n-oibreoirí a scriosadh nuair nach mbeidh gá leis na sonraí sin a thuilleadh chun na gcríoch ar bailíodh agus ar próiseáladh iad. Leis an gcomhéadan poiblí féadfar meabhrúchán a sheoladh chuig an oibreoir maidir le sonraí pearsanta an tiománaí a athbhreithniú agus a scriosadh, nuair is gá.

2.   Leis an gcomhéadan poiblí féadfar na dearbhuithe maidir le postú a chuirtear isteach tríd an gcomhéadan poiblí sin a scriosadh go huathoibríoch i ndiaidh na tréimhse 24 mhí dá dtagraítear in Airteagal 6(5) de Roinn 2 de Chuid A d’Iarscríbhinn 31 a ghabhann leis an gComhaontú Trádála agus Comhair.

3.   I gcás ina gcuireann an t-oibreoir doiciméid isteach mar chuid d’iarraidh ar dhoiciméid, ní bheidh na doiciméid a iarradh ar fáil ar feadh tréimhse níos faide ná mar is gá chun na gcríoch ar bailíodh iad ná ar feadh tréimhse níos faide ná 12 mhí i ndiaidh dhúnadh na hiarrata.

1.   Úsáidfidh an Ríocht Aontaithe IMI a bhunaítear le Rialachán IMI le haghaidh malartuithe faisnéise, lena n-áirítear sonraí pearsanta, leis na húdaráis inniúla.

2.   Ceapfaidh an Ríocht Aontaithe pointe teagmhála IMI chun críoch an chomhair riaracháin a leagtar amach in Airteagal 2 agus cuirfidh sí an Coimisiún agus an Coiste Speisialaithe um Iompar de Bhóthar ar an eolas faoi sin.

1.   Ranníocfaidh an Ríocht Aontaithe go bliantúil le costais oibríochtúla agus chothabhála IMI. Beidh feidhm ag an ranníocaíocht bhliantúil ó dháta theacht i bhfeidhm an Chinnidh seo. I gcás na chéad bhliana, íocfar an ranníocaíocht laistigh de 20 lá ó dháta theacht i bhfeidhm an Chinnidh seo. I gcás na mblianta ina dhiaidh sin, íocfar faoin 31 Nollaig den bhliain roimhe sin í. Beidh méid na ranníocaíochta socraithe ag EUR 86 204 don chéad bhliain agus déanfar é a athbhreithniú de réir fhorbairt an Innéacs Eorpaigh Praghsanna do Thomhaltóirí (IEPT) gach bliain ina dhiaidh sin. Cuirfidh an Coimisiún Eorpach an méid athbhreithnithe in iúl don Ríocht Aontaithe i scríbhinn.

2.   Ranníocfaidh an Ríocht Aontaithe le costais fhoriomlána forbartha an chomhéadain phoiblí atá nasctha le IMI. Déanfar an ranníocaíocht sin uair amháin agus is méid socraithe EUR 232 835 é. Íocfar an costais forbartha aonuaire laistigh de 20 lá ó dháta theacht i bhfeidhm an Chinnidh seo.

3.   Íocfar an ranníocaíocht dá dtagraítear i míreanna 1 agus 2 in euro le cuntas bainc an Choimisiúin atá ainmnithe in euro agus a luaitear sa nóta dochair.

4.   I gcás athrú mór ar chostas foriomlán IMI, mar gheall ar oiriúnuithe teicneolaíochta nó ar chúiseanna eile, glacfaidh an Coiste Speisialaithe um Iompar de Bhóthar cinneadh nua maidir le ranníocaíocht airgeadais na Ríochta Aontaithe, arna iarraidh sin ag duine de Chomhchathaoirligh an Choiste.