This document is an excerpt from the EUR-Lex website
Document 32022D1987
Council Decision (EU) 2022/1987 of 13 October 2022 on the signing, on behalf of the Union, of the Framework Agreement on Partnership and Cooperation between the European Union and its Member States, of the one part, and the Government of Malaysia, of the other part
Cinneadh (AE) 2022/1987 ón gComhairle an 13 Deireadh Fómhair 2022 maidir le síniú, thar ceann an Aontais, an Chomhaontaithe Comhpháirtíochta agus Comhair idir an tAontas Eorpach agus a Bhallstáit, de pháirt, agus Rialtas na Malaeisia, den pháirt eile
Cinneadh (AE) 2022/1987 ón gComhairle an 13 Deireadh Fómhair 2022 maidir le síniú, thar ceann an Aontais, an Chomhaontaithe Comhpháirtíochta agus Comhair idir an tAontas Eorpach agus a Bhallstáit, de pháirt, agus Rialtas na Malaeisia, den pháirt eile
ST/11715/2022/INIT
IO L 273, 21.10.2022, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
21.10.2022 |
GA |
Iris Oifigiúil an Aontais Eorpaigh |
L 273/1 |
CINNEADH (AE) 2022/1987 ÓN gCOMHAIRLE
an 13 Deireadh Fómhair 2022
maidir le síniú, thar ceann an Aontais, an Chomhaontaithe Comhpháirtíochta agus Comhair idir an tAontas Eorpach agus a Bhallstáit, de pháirt, agus Rialtas na Malaeisia, den pháirt eile
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 209, i gcomhar le hAirteagal 218(5) de,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
An 25 Samhain 2004, d’údaraigh an Chomhairle don Choimisiún tús a chur le caibidlíocht leis an Malaeisia i ndáil le Creat-Chomhaontú Comhpháirtíochta agus Comhair idir an tAontas Eorpach agus a Bhallstáit, de pháirt, agus Rialtas na Malaeisia, den pháirt eile (an “Comhaontú”). |
(2) |
Tugadh an chaibidlíocht maidir leis an gComhaontú i gcrích go rathúil nuair a cuireadh inisealacha leis an gComhaontú an 6 Aibreán 2016 in Putrajaya na Malaeisia. |
(3) |
Dheimhnigh na hidirbheartaithe a gcomhthuiscint, i gcomhréir le Bunreacht Chónaidhme na Malaeisia, go bhfuil sé beartaithe ag Rialtas na Malaeisia, trína shíniú, ceangal a chur ar an Malaeisia ina hiomláine i ndáil leis an gComhaontú. |
(4) |
Is é cuspóir an Chomhaontaithe comhpháirtíocht neartaithe idir an tAontas agus an Mhalaeisia a bhunú agus comhar a dhoimhniú agus a fheabhsú maidir le saincheisteanna leasa fhrithpháirtigh, lena n-áirítear cearta an duine, neamhleathadh arm ollscriosta, comhrac na sceimhlitheoireachta, an comhrac in aghaidh an éillithe agus na coireachta eagraithe, trádáil, imirce, an comhshaol, fuinneamh, an t-athrú aeráide, iompar, eolaíocht agus teicneolaíocht, fostaíocht agus gnóthaí sóisialta, oideachas agus talmhaíocht. |
(5) |
Mar sin, ba cheart an Comhaontú a shíniú thar ceann an Aontais, faoi réir a thabhairt i gcrích ag tráth níos faide anonn, |
TAR ÉIS AN CINNEADH SEO A GHLACADH:
Airteagal 1
Déantar leis seo síniú an Chreat-Chomhaontaithe Comhpháirtíochta agus Comhair idir an tAontas Eorpach agus a Bhallstáit, de pháirt, agus Rialtas na Malaeisia, den pháirt eile (an “Comhaontú”), a fhormheas thar ceann an Aontais, faoi réir thabhairt i gcrích an Chomhaontaithe (1).
Airteagal 2
Údaraítear leis seo d’Uachtarán na Comhairle an duine nó na daoine a ainmniú a bhfuil sé de chumhacht aige nó acu an Comhaontú a shíniú thar ceann an Aontais.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, an 13 Deireadh Fómhair 2022.
Thar ceann na Comhairle
An tUachtarán
P. BLAŽEK
(1) Foilseofar téacs an Chomhaontaithe in éineacht leis an gcinneadh maidir lena thabhairt i gcrích.