(1)

Tháinig an Comhaontú maidir le hÉin Uisce Imirceacha Afracacha-Eoráiseacha a Chaomhnú (“an Comhaontú”) i bhfeidhm an 1 Samhain 1999 agus rinneadh é a fhormheas thar ceann an Chomhphobail Eorpaigh le Cinneadh 2006/871/CE ón gComhairle (1).

(2)

De bhun Airteagal X(5) den Chomhaontú, féadfaidh Cruinniú na bPáirtithe leasuithe a ghlacadh ar Iarscríbhinní a ghabhann leis an gComhaontú.

(3)

Le linn an ochtú seisiún dá chuid a bheidh ar siúl ón 26 go dtí an 30 Meán Fómhair 2022, táthar ag súil go nglacfar i gCruinniú na bPáirtithe rún maidir le leasuithe ar Iarscríbhinn 3 a ghabhann leis an gComhaontú a ghlacadh.

(4)

Is iomchuí an seasamh atá le glacadh thar ceann an Aontais ag an ochtú seisiún de Chruinniú na bPáirtithe i ndáil leis na leasuithe atá beartaithe a bhunú, ós rud é go mbeidh an Rún ina cheangal ar an Aontas agus go mbeidh sé in ann tionchar cinntitheach a imirt ar ábhar dhlí an Aontais, eadhon Treoir 2009/147/CE ó Pharlaimint na hEorpa agus ón gComhairle (2).

(5)

Maidir leis na leasuithe atá beartaithe ar Iarscríbhinn 3 a ghabhann leis an gComhaontú a thíolaic an Ríocht Aontaithe agus a leagtar amach i ndréachtRún 8.2 a bhaineann leis na cúig speiceas seo a leanas: an ghé ghlas — Anser anser, an póiseard cíordhearg — Netta rufina, an fheadóg ghlas — Pluvialis squatarola squatarola, an Roilleach — Haematopus ostralegus longipes, agus an tsíolghé — Anser fabalis fabalis, rannchuidíonn siad le leibhéal cosanta níos airde a bhaint amach do na daonraí speicis sin atá ag meath agus ba cheart, dá bhrí sin, iad a fhormheas thar ceann an Aontais. Mar sin féin, i gcomhréir le hAirteagal 3(4) de Chinneadh 2006/871/CE, tá an Coimisiún le forchoimeádas a chur isteach i ndáil leis na leasuithe atá beartaithe a bhaineann leis na cúig speiceas sin, ós rud é go mbeadh leasú ar Threoir 2009/147/EC ag teastáil uathu, rud nach féidir a dhéanamh laistigh de 90 lá ón dáta a ghlacfaidh Cruinniú na bPáirtithe iad,