(1)

I gcomhréir le hAirteagal 14 de Threoir 2014/33/AE ó Pharlaimint na hEorpa agus ón gComhairle (2), ardaitheoirí agus comhpháirteanna sábháilteachta le haghaidh ardaitheoirí atá i gcomhréir le caighdeáin chomhchuibhithe ar foilsíodh na tagairtí dóibh in Iris Oifigiúil an Aontais Eorpaigh nó le codanna de na caighdeáin chomhchuibhithe sin, glactar leis go bhfuil siad i gcomhréir leis na buncheanglais sláinte agus sábháilteachta a leagtar amach in Iarscríbhinn I a ghabhann leis an Treoir sin, ceanglais a chumhdaítear leis na caighdeáin sin nó leis na codanna sin díobh.

(2)

Le Cinneadh Cur Chun Feidhme C(2016) 5884 ón gCoimisiún (3), rinne an Coimisiún iarraidh ar an gCoiste Eorpach um Chaighdeánú (CEN) (“an iarraidh”) caighdeáin chomhchuibhithe a dhréachtú agus a athbhreithniú chun tacú le Treoir 2014/33/AE. Go háirithe, iarradh ar CEN caighdeáin chomhchuibhithe atá ann cheana a athbhreithniú chun a áirithiú go mbeidh siad fós ag teacht leis an úrscothacht a nglactar léi i gcoitinne, chun na buncheanglais sláinte agus sábháilteachta a leagtar amach in Iarscríbhinn I a ghabhann le Treoir 2014/33/AE a chomhlíonadh, agus, i gcás inarb ábhartha, na buncheanglais sláinte agus sábháilteachta a leagtar amach in Iarscríbhinn I a ghabhann le Treoir 2006/42/CE ó Pharlaimint na hEorpa agus ón gComhairle (4) a chomhlíonadh, dá dtagraítear i bpointe 1.1 d’Iarscríbhinn I a ghabhann le Treoir 2014/33/AE.

(3)

Ar bhonn na hiarrata, rinne CEN athbhreithniú ar chaighdeán comhchuibhithe EN ISO 81-22:2014, caighdeán ar foilsíodh an tagairt dó i gCinneadh Cur Chun Feidhme (AE) 2021/76 ón gCoimisiún (5). Rinneadh an t-athbhreithniú chun an caighdeán sin a chur in oiriúint do chreat dlíthiúil Threoir 2014/33/AE agus chun cur leis an deimhneacht dhlíthiúil agus an tsoiléireacht trí fhaisnéis níos beaichte a sholáthar in Iarscríbhinn ZA agus trí thagairtí normatacha dátaithe a thabhairt isteach. Is é an toradh a bhí air sin gur glacadh caighdeán comhchuibhithe EN 81-22:2021 i ndáil le rialacha sábháilteachta maidir le tógáil agus suiteáil ardaitheoirí le cosán taistil claonta chun daoine agus earraí a iompar. Ní dhearnadh aon athrú teicniúil substainteach ar chaighdeán comhchuibhithe EN 81-22:2014 mar thoradh ar an athbhreithniú sin.

(4)

Rinne an Coimisiún measúnú i gcomhar le CEN féachaint an gcomhlíonann caighdeán EN 81-22:2021 an iarraidh.

(5)

Comhlíonann caighdeán comhchuibhithe EN 81-22:2021 na buncheanglais sláinte agus sábháilteachta is aidhm dó a chumhdach, ceanglais a leagtar amach i dTreoir 2014/33/AE. Dá bhrí sin, Is iomchuí an tagairt don chaighdeán sin a fhoilsiú in Iris Oifigiúil an Aontais Eorpaigh.

(6)

In Iarscríbhinn I a ghabhann le Cinneadh Cur Chun Feidhme (AE) 2021/76, liostaítear na tagairtí do na caighdeáin chomhchuibhithe a dréachtaíodh chun tacú le Treoir 2014/33/AE.

(7)

Chun a áirithiú go liostaítear in aon ghníomh amháin na tagairtí do na caighdeáin chomhchuibhithe a dréachtaíodh chun tacú le Treoir 2014/33/AE, ba cheart na tagairtí do chaighdeán comhchuibhithe EN 81-22:2021 a chuimsiú i gCinneadh Cur Chun Feidhme (AE) 2021/76.

(8)

Cuirtear caighdeán comhchuibhithe EN 81-22:2021 in ionad chaighdeán comhchuibhithe EN 81-22:2014. Dá bhrí sin, an tagairt do chaighdeán comhchuibhithe EN 81-22:2014, is ga í a tharraingt siar ó Iris Oifigiúil an Aontais Eorpaigh. Ba cheart ar an gcaoi sin caighdeán comhchuibhithe EN 81-22:2014 a scriosadh ó Iarscríbhinn I a ghabhann le Cinneadh Cur Chun Feidhme (AE) 2021/76.

(9)

Tagairtí do chaighdeáin chomhchuibhithe EN 12385-3:2004+A1:2008, EN 12385-5:2002 agus EN 13411-7:2006+A1:2008 maidir le rópaí sreinge cruach, is i gCinneadh Cur Chun Feidhme (AE) 2021/76 atá siad foilsithe faoi láthair. Mar sin féin, ní comhpháirteanna sábháilteachta iad rópaí sreinge cruach le haghaidh ardaitheoirí faoi mar a thagraítear dóibh in Airteagal 1(1), an dara fomhír, de Threoir 2014/33/AE, agus dá bhrí sin, ní féidir glacadh leis go bhfuil na caighdeáin chomhchuibhithe sin i gcomhréir leis na buncheanglais sláinte agus sábháilteachta a leagtar amach sa Treoir sin. Dá bhrí sin, is gá Cinneadh Cur Chun Feidhme (AE) 2021/76 a cheartú trí na tagairtí sin a scriosadh ó Iarscríbhinn I a ghabhann leis an gCinneadh sin.

(10)

Dá bhrí sin, ba cheart Cinneadh Cur Chun Feidhme (AE) 2021/76 a leasú agus a cheartú dá réir.

(11)

Chun a ndóthain ama a thbhairt do mhonaróirí ullmhú le haghaidh caighdeán EN 81-22:2021 a chur i bhfeidhm, is gá tarraingt siar na tagartha do chaighdeán EN 81-22:2014 a chur siar.

(12)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na bun-cheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,