(1)

Tá teacht i bhfeidhm an Chomhaontaithe Comhlachais idir an tAontas Eorpach agus a Bhallstáit, ar thaobh amháin, agus Meiriceá Láir, ar an taobh eile, (“an Comhaontú”) ar feitheamh.

(2)

Mar sin féin, déantar foráil in Airteagal 353(4) den Chomhaontú maidir le cur i bhfeidhm sealadach Chuid IV de maidir le cúrsaí trádála. Dá bharr sin, tá Cuid IV den Chomhaontú á cur i bhfeidhm go sealadach ón 1 Lúnasa 2013 i leith Hondúras, Nicearagua agus Phanama, ón 1 Deireadh Fómhair 2013 i leith Chósta Ríce agus na Salvadóire, agus ón 1 Nollaig 2013 i leith Ghuatamala.

(3)

In Airteagal 247 den Chomhaontú, déantar foráil maidir leis an bhféidearthacht tásca geografacha nua a chur le hIarscríbhinn XVIII (“Tásca Geografacha faoi Chosaint”) a ghabhann leis an gComhaontú tar éis don nós imeachta agóide a bheith curtha i gcrích ina leith agus tar éis do na húdaráis inniúla náisiúnta nó réigiúnacha scrúdú a dhéanamh orthu go rathúil i gcomhréir leis na rialacha agus nósanna imeachta ábhartha thar ceann na Comhairle Comhlachais.

(4)

Chuir Cósta Ríce iarraidh faoi bhráid an Aontais chun tásc geografach nua amháin a chur le Cuid B d’Iarscríbhinn XVIII a ghabhann leis an gComhaontú. Chuir an tAontas nós imeachta agóide an táisc gheografaigh nua sin agus an scrúdú air i gcrích.

(5)

Chuir an tSalvadóir iarraidh faoi bhráid an Aontais chun 10 dtásc geografach nua a chur le Cuid B d’Iarscríbhinn XVIII a ghabhann leis an gComhaontú. Chuir an tAontas nós imeachta agóide na dtásc geografach nua sin agus an scrúdú orthu i gcrích.

(6)

De bhun Airteagal 6 den Chomhaontú, tá sé de chumhacht ag an gComhairle Comhlachais a bunaíodh de bhun Airteagal 4 den Chomhaontú liosta na dtásc geografach a leagtar amach in Iarscríbhinn XVIII den Chomhaontú a mhodhnú.

(7)

Le hAirteagal 274 den Chomhaontú, bunaítear Fochoiste um Maoin Intleachtúil, a fhéadfaidh modhnuithe a mholadh, lena bhformheas ag an gComhairle Comhlachais, ar liosta na dtásc geografach a leagtar amach in Iarscríbhinn XVIII den Chomhaontú.

(8)

An 13 Meitheamh 2022, rinne an Fochoiste um Maoin Intleachtúil measúnú ar an bhfaisnéis i ndáil leis an tásc geografach breise ó Chósta Ríce agus ón tSalvadóir agus mhol sé don Chomhairle Comhlachais Cuid B d’Iarscríbhinn XVIII a ghabhann leis an gComhaontú a mhodhnú dá réir.

(9)

Dá bhrí sin, ba cheart Cuid B d’Iarscríbhinn XVIII a ghabhann leis an gComhaontú a leasú dá réir sin agus ba cheart na leasuithe a fhormheas thar ceann an Aontais,