(1)

An 7 Iúil 2003, chomhaontaigh an Chomhairle Ionadaí Speisialta de chuid an Aontais Eorpaigh (ISAE) a cheapadh don Chugas Theas.

(2)

An 13 Samhain 2017, ghlac an Chomhairle Cinneadh (CBES) 2017/2071 (1) lena gceaptar Toivo KLAAR mar ISAE don Chugas Theas agus don ghéarchéim sa tSeoirsia. Cuireadh síneadh as a chéile le sainordú ISAE, an ceann is déanaí le Cinneadh (CBES) 2021/285 ón gComhairle (2) agus tá sé le dul in éag an 28 Feabhra 2022.

(3)

Ba cheart síneadh a chur le sainordú ISAE go ceann tréimhse 6 mhí breise, agus ba cheart méid tagartha airgeadais nua a bhunú don tréimhse ón 1 Márta 2022 go dtí an 31 Lúnasa 2022.

(4)

Cuirfidh ISAE an sainordú chun feidhme i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh iad,

(1)

cuirtear an méid seo a leanas in ionad Airteagal 1:

(2)

in Airteagal 5(1), cuirtear an fhomhír seo a leanas leis:

“Is é EUR 1 462 000 an méid tagartha airgeadais a bheartaítear chun an caiteachas a bhaineann le sainordú ISAE don tréimhse ón 1 Márta 2022 go dtí an 31 Lúnasa 2022 a chumhdach.”;

(3)

in Airteagal 14, an chéad mhír, cuirtear an méid seo a leanas in ionad an dara habairt:

“Tíolacfaidh ISAE tuarascálacha rialta ar an dul chun cinn chuig an gComhairle, an tArdionadaí agus an Coimisiún agus tíolacfaidh sé tuarascáil chuimsitheach chríochnaitheach ar chur chun feidhme an tsainordaithe chucu faoin 31 Bealtaine 2022.”.