(1)

I gcomhréir le hAirteagal 45(1), pointe (b)(iii), de Rialachán (AE) 2018/848, féadfar táirge a allmhairiú chun an táirge sin a chur ar an margadh laistigh den Aontas mar tháirge orgánach nó mar tháirge atá á thiontú, má chomhlíonann an táirge sin rialacha coibhéiseacha táirgthe agus rialaithe tríú tír aitheanta agus go n-allmhairítear é le deimhniú cigireachta lena ndearbhaítear an comhlíonadh sin agus a d’eisigh údaráis inniúla, údaráis rialaithe nó comhlachtaí rialaithe an tríú tír sin. Soiléirítear le hAirteagal 48(1) den Rialachán sin, sa chomhthéacs sin, gur tríú tír aitheanta tríú tír a aithníodh chun críche coibhéise faoi Airteagal 33(2) de Rialachán (CE) Uimh. 834/2007 ón gComhairle (2).

(2)

Rachaidh an t-aitheantas sin in éag ar an 31 Nollaig 2026. Leanfar d’aithint na dtríú tíortha sin go dtí an dáta sin, chun aistriú rianúil a áirithiú chuig an scéim faoina dtugtar aitheantas faoi chomhaontú trádála de bhun Airteagal 47 de Rialachán (AE) 2018/848, ar choinníoll go n-áiritheoidh siad i gcónaí go bhfuil a gcuid rialacha maidir le táirgeadh orgánach agus rialú, go bhfuil siad coibhéiseach leis na rialacha ábhartha de chuid Aontais atá i bhfeidhm agus go gcomhlíonann siad na ceanglais go léir a bhaineann leis an gCoimisiún a bheith ag déanamh maoirseachta ar an aithint sin i gcomhréir le Rialachán Tarmligthe (AE) 2021/1342 ón gCoimisiún (3).

(3)

An liosta de thríú tíortha aitheanta a bhunaítear leis an Rialachán seo, bunaítear é ar an liosta a foilsíodh in Iarscríbhinn III a ghabhann le Rialachán (CE) Uimh. 1235/2008 ón gCoimisiún (4), seachas an tSile, an Eilvéis agus an Ríocht Aontaithe, toisc go gcumhdaítear an trádáil i dtáirgí orgánacha leis na tíortha sin ag comhaontuithe sonracha. Mar sin féin, i bhfianaise faisnéis nua a fuair an Coimisiún ó thríú tíortha áirithe ón uair dheireanach a rinneadh leasú ar an liosta sin, ba cheart athruithe áirithe a chur san áireamh agus ba cheart an liosta a oiriúnú dá réir.

(4)

De réir na faisnéise a chuir an Airgintín ar fáil, athraíodh ainm an chomhlachta rialaithe ‘Argencent’ go ‘Ecocert Argentina SA’.

(5)

Chuir Cósta Ríce an Coimisiún ar an eolas gur bhain a údarás inniúil na comhlachtaí rialaithe ‘Control Union Perú’ agus ‘Primus Labs.com CR S.A.’’den liosta de na comhlachtaí rialaithe atá aitheanta ag Cósta Ríce.

(6)

Maidir leis an India, allmhairíodh líon mór coinsíneachtaí ón tríú tír sin, coinsíneachtaí ina raibh na mílte tona síolta seasamain, a maíodh a bhí orgánach, a bhí éillithe le hocsaíd eitiléine (‘ETO’), go háirithe ó oibreoirí faoi rialú comhlachtaí rialaithe a ndéanann an India maoirseacht orthu, agus a raibh timpeall ar 90 fógra i gCóras Faisnéise na Talmhaíochta Orgánaí mar thoradh air. Dealraíonn sé gur braitheadh ETO – atá carcanaigineach do dhaoine – i dtáirgí orgánacha roimh 2020. Forbraíodh modhanna iontaofa éagsúla chun ETO a anailísiú le tríocha bliain anuas agus dá bhrí sin tá siad ar fáil chun éilliú den sórt sin a bhrath. Maidir leis na fógraí sin i gCóras Faisnéise na Talmhaíochta Orgánaí, is iondúil go sáraíonn na leibhéil éillithe sna coinsíneachtaí an uasteorainn iarmhar atá leagtha síos maidir le ETO, agus athraíonn na leibhéil bheachta éillithe ag brath ar an gcoinsíneacht. Dá thoradh sin, cuireadh tomhaltóirí ar míthreoir agus cruthaíodh riosca suntasach sláinte. Mar gheall ar an éilliú ETO agus na tiúchain arda de a aimsíodh, chomh maith leis an easpa freagartha maidir leis na bunchúiseanna a bhí le cliseadh na gcóras rialaithe ó na comhlachtaí rialaithe a bhain leis na héillithe sin, atá faoi mhaoirseacht údarás inniúil na hIndia, agus mar gheall ar na bearta ceartaitheacha míchuí a ghlac na comhlachtaí rialaithe sin agus an t-údarás inniúil, cuirtear stóinseacht na rialuithe agus na maoirseachta féin i gcontúirt. Ina theannta sin, ar bhonn faisnéise a fuair an Coimisiún, dealraíonn sé, i gcás roinnt de na comhlachtaí rialaithe a bhain leis na fógraí sin i gCóras Faisnéise na Talmhaíochta Orgánaí, nár urramaigh siad raon feidhme aitheantais na hIndia a mhéid a bhaineann leis na táirgí is féidir a allmhairiú isteach san Aontas. Ar na cúiseanna sin ar fad agus i gcomhréir le hAirteagal 3, pointe (a), de Rialachán Tarmligthe (AE) 2021/1342, níor cheart na comhlachtaí rialaithe seo a leanas a bheith ar an liosta de chomhlachtaí rialaithe a aithníonn údarás inniúil na hIndia: ‘CU Inspections India Pvt Ltd’, ‘Ecocert India Pvt Ltd’, ‘Indian Organic Certification Agency (Indocert)’, ‘Lacon Quality Certifications Pvt Ltd’ agus ‘OneCert International Private Limited’.

(7)

In Iarscríbhinn III a ghabhann le Rialachán (CE) Uimh. 1235/2008 arna leasú le Rialachán Cur Chun Feidhme (AE) 2020/2196 ón gCoimisiún (5), sannadh an chóduimhir JP-BIO-038 don chomhlacht rialaithe ‘Japan Agricultural Standard Certification Alliance’ go hearráideach, arae sannadh an chóduimhir sin cheana don chomhlacht rialaithe ‘Akatonbo’ le Rialachán Cur Chun Feidhme (AE) 2020/25 ón gCoimisiún (6). Dá bhrí sin, ba cheart cód difriúil a shannadh do ‘Japan Agricultural Standard Certification Alliance’.

(8)

Chuir Poblacht na Cóiré an Coimisiún ar an eolas gur chuir a húdarás inniúil an comhlacht rialaithe ‘ORGANIC PROMOTION’ leis an liosta de chomhlachtaí rialaithe atá aitheanta ag an údarás inniúil sin.

(9)

Chuir an Nua-Shéalainn an Coimisiún ar an eolas gur athraigh a húdarás inniúil an t-ainm atá air.

(10)

Maidir le scéim na n-údarás rialaithe agus na gcomhlachtaí rialaithe atá aitheanta ag an gCoimisiún faoi Airteagal 33(3) de Rialacháin (CE) Uimh. 834/2007 chun rialuithe a dhéanamh agus deimhnithe a eisiúint i dtríú tíortha chun táirgí a allmhairiú, agus chun ráthaíochtaí coibhéiseacha a chur ar fáil ag an am céanna, tá deireadh de réir a chéile á chur léi le Rialachán (AE) 2018/848. Ós rud é gur cheart a ndóthain ama a thabhairt do na húdaráis rialaithe agus do na comhlachtaí rialaithe sin ionas go bhféadfaidh siad iad féin a ullmhú chun aitheantas a fháil chun táirgí a chomhlíonann rialacha an Aontais a allmhairiú, is ar an 31 Nollaig 2024 a rachaidh a n-aitheantas in éag, ar choinníoll go gcomhlíonann siad na ceanglais go léir a bhaineann leis an gCoimisiún a bheith ag déanamh maoirseachta ar an aitheantas sin i gcomhréir le Rialachán Tarmligthe (AE) 2021/1342 ón gCoimisiún.

(11)

An liosta d’údaráis rialaithe aitheanta agus de chomhlachtaí rialaithe aitheanta a bhunaítear leis an Rialachán seo, bunaítear é ar an liosta a foilsíodh in Iarscríbhinn IV a ghabhann le Rialachán (CE) Uimh. 1235/2008. Mar sin féin, i bhfianaise faisnéis nua agus iarrataí nua ar chuimsiú a fuair an Coimisiún ón uair dheireanach a rinneadh leasú ar an liosta sin, ba cheart athruithe áirithe a dhéanamh ar an liosta sin. I gcomhréir le hAirteagal 11(1) de Rialachán (CE) Uimh. 1235/2008, níor cuireadh san áireamh ach iarrataí iomlána a cuireadh isteach faoin 30 Meitheamh 2021 faoi Rialachán (CE) Uimh. 834/2007.

(12)

Fuair an Coimisiún iarraidh ó ‘A CERT European Organization for Certification S.A’ a shonraíochtaí a leasú agus scrúdaigh sé an iarraidh sin. I gcás gach tríú tír a liostaítear faoi láthair i bpointe 3 dá iontráil in Iarscríbhinn IV a ghabhann le Rialachán (CE) Uimh. 1235/2008, tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun catagóirí táirgí B, C agus E a chuimsiú.

(13)

Fuair an Coimisiún iarraidh ó ‘AfriCert Limited’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Cósta Eabhair, an Éigipt, an Aetóip agus an Afraic Theas a chuimsiú i gcás catagóirí táirgí A, B agus D, agus le síneadh a chur le raon feidhme a aitheantais, i gcás na Burúine, Phoblacht Dhaonlathach an Chongó, Ghána, na Céinia, Ruanda, na Tansáine agus Uganda, chun catagóir táirgí D a chuimsiú.

(14)

Fuair an Coimisiún iarraidh ó ‘Albinspekt’ a ainm a athrú agus scrúdaigh sé an iarraidh sin. Chinn an Coimisiún, bunaithe ar an bhfaisnéis a fuarthas, go bhfuil údar maith le hainm an chomhlachta rialaithe sin a athrú go ‘Albinspekt bio.inspecta’. Thairis sin, cuireadh an Coimisiún ar an eolas go bhfuil athrú ar chuid de na sonraí i seoladh an chomhlachta rialaithe sin.

(15)

Chuir ‘Australian Certified Organic’ an Coimisiún ar an eolas faoin athrú ar a sheoladh.

(16)

Fuair an Coimisiún iarraidh ó ‘BaŞak Ekolojik Ürünler Kontrol ve Sertifikasyon Hizmetleri Tic. Ltd’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Aontas na nÉimíríochtaí Arabacha a chuimsiú i gcás catagóirí táirgí A agus D.

(17)

Leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile, arna thabhairt i gcrích le Cinneadh (AE) 2021/689 ón gComhairle (7), bunaítear aitheantas frithpháirteach do choibhéis na reachtaíochta reatha um tháirgí orgánacha agus na gcóras rialaithe reatha atá ag an dá pháirtí atá sa chomhaontú sin. Mar thoradh air sin, an t-aitheantas atá ag na comhlachtaí rialaithe ‘Biodynamic Association Certification’, ‘Organic Farmers & Growers C. I. C’, ‘Organic Farmers & Growers (Scotland) Ltd’, ‘Organic Food Federation’, ‘Quality Welsh Food Certification Ltd’ agus ‘Soil Association Certification Limited’ chun táirgí orgánacha a allmhairiú ón Ríocht Aontaithe a deonaíodh le Rialachán Cur Chun Feidhme (AE) 2020/2196, ba cheart é a tharraingt siar.

(18)

Fuair an Coimisiún iarraidh ó ‘Bio.inspecta AG’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Éigipt a chuimsiú i gcás catagóirí táirgí A, B, D, E agus F agus le síneadh a chur le raon feidhme a aitheantais chun an Téalainn a chuimsiú i gcás catagóirí táirgí A, B, D agus E, agus le síneadh a chur le raon feidhme a aitheantais i gcás Bheinin chun catagóir táirgí D a chuimsiú agus le síneadh a chur le raon feidhme a aitheantais i gcás na Tuirce chun catagóir táirgí B a chuimsiú.

(19)

Fuair an Coimisiún iarraidh ó ‘Bureau Veritas Certification France SAS’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, lena aitheantas do chatagóir táirgí A a tharraingt siar i gcás Mhadagascar, agus lena aitheantas a tharraingt siar i gcás Oileán Mhuirís, Mhonacó, Mharacó agus Nicearagua.

(20)

Fuair an Coimisiún iarraidh ó ‘CCPB srl’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Libia a chuimsiú i gcás catagóirí táirgí A, B agus D, agus le síneadh a chur le raon feidhme a aitheantais i gcás Vítneam chun catagóirí táirgí A, B, C agus E a chuimsiú.

(21)

Fuair an Coimisiún iarraidh ó ‘CERES Certification of Environmental Standards GmbH’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Angóla, Guine Bissau, an Iordáin, Óman, Oileán na Tríonóide agus Tobága a chuimsiú i gcás catagóirí táirgí A, B agus D agus le síneadh a chur le raon feidhme a aitheantais chun an Afganastáin agus Srí Lanca a chuimsiú i gcás catagóirí táirgí A agus D, agus le síneadh a chur le raon feidhme a aitheantais i gcás na hIaráine chun catagóir táirgí B a chuimsiú, le síneadh a chur le raon feidhme a aitheantais i gcás na Colóime agus Pheiriú chun catagóir táirgí C a chuimsiú, agus le síneadh a chur le raon feidhme a aitheantais i gcás na Tuirce chun catagóirí táirgí C agus F a chuimsiú.

(22)

Fuair an Coimisiún iarraidh ó ‘Certificadora Biotropico S.A’ a stádas dlíthiúil a leasú agus scrúdaigh sé an iarraidh sin. Chinn an Coimisiún, bunaithe ar an bhfaisnéis a fuarthas, go bhfuil údar maith le hainm an chomhlachta rialaithe sin a athrú go ‘Certificadora Biotropico SAS’.

(23)

Chuir ‘Certisys’ an Coimisiún ar an eolas faoin athrú ar a sheoladh.

(24)

Fuair an Coimisiún iarraidh ó ‘Control Union Certifications’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Samó, an Araib Shádach, Oileáin Sholaimh agus Vanuatú a chuimsiú i gcás catagóirí táirgí A, D agus F, le síneadh a chur le raon feidhme a aitheantais chun an Airgintín a chuimsiú i gcás catagóirí táirgí C agus D, agus le síneadh a chur le raon feidhme a aitheantais i gcás na Banglaidéise chun catagóir táirgí A a chuimsiú, le síneadh a chur le raon feidhme a aitheantais i gcás Chúba agus Namibia chun catagóir táirgí B a chuimsiú, le síneadh a chur le raon feidhme a aitheantais i gcás Chatar chun catagóirí táirgí B agus E a chuimsiú, le síneadh a chur le raon feidhme a aitheantais i gcás na Salvadóire, Ghuatamala, na Céinia agus Nicearagua chun catagóir táirgí C a chuimsiú, le síneadh a chur le raon feidhme a aitheantais i gcás Chósta Ríce chun catagóir táirgí D a chuimsiú, agus le síneadh a chur le raon feidhme a aitheantais i gcás na Boisnia agus na Heirseagaivéine agus na Sile chun catagóir táirgí E a chuimsiú.

(25)

Fuair an Coimisiún iarraidh ó ‘CTR Uluslararası Belgelendirme ve Denetim Ltd. Şti.’ é a chur ar an liosta d’údaráis rialaithe agus de chomhlachtaí rialaithe atá aitheanta chun críche coibhéise faoi Rialachán (CE) Uimh. 834/2007, agus rinne sé scrúdú ar an iarraidh sin. Tá údar maith, bunaithe ar an bhfaisnéis a fuarthas, leis an gcomhlacht rialaithe sin a aithint i gcás na Tuirce maidir le catagóirí táirgí A agus D.

(26)

Fuair an Coimisiún iarraidh ó ‘Ecocert SA’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Bairéin a chuimsiú i gcás catagóirí táirgí A agus B, le síneadh a chur le raon feidhme a aitheantais chun an Bhútáin agus an Ghabúin a chuimsiú i gcás catagóirí táirgí A agus D, le síneadh a chur le raon feidhme a aitheantais chun Oileáin Mhaildíve a chuimsiú i gcás catagóir táirgí D, le síneadh a chur le raon feidhme a aitheantais chun Catar a chuimsiú i gcás catagóirí táirgí A, B agus D agus le síneadh a chur le raon feidhme a aitheantais chun Saint-Barthélemy a chuimsiú i gcás catagóirí táirgí A, B, D agus E. Tá údar maith freisin le síneadh a chur le raon feidhme a aitheantais i gcás na hAirméine, Chamarún, Leosóta, Oileán Mhuirís, Mhósaimbíc, na Namaibe, na Críche Palaistíní faoi Fhorghabháil, Ruanda, Uganda agus na Saimbia chun catagóir táirgí F a chuimsiú, le síneadh a chur le raon feidhme a aitheantais i gcás na Banglaidéise, na hIndia, na hAraibe Sádaí, Srí Lanca agus Tóga chun catagóir táirgí B a chuimsiú, le síneadh a chur le raon feidhme a aitheantais i gcás na Botsuáine, Eswatini, na hAetóipe, na Maláive agus na Tansáine chun catagóirí táirgí E agus F a chuimsiú, le síneadh a chur le raon feidhme a aitheantais i gcás na hÉigipte agus Chuáit chun catagóir táirgí E a chuimsiú, le síneadh a chur le raon feidhme a aitheantais i gcás na hIordáine, Óman agus na Pacastáine chun catagóirí táirgí B agus E a chuimsiú agus le síneadh a chur le raon feidhme a aitheantais i gcás na Nigéire chun catagóirí táirgí B, E agus F a chuimsiú. Ina theannta sin, ar bhonn na soiléirithe a fuarthas ó ‘Ecocert SA’, is gá a aitheantas a tharraingt siar i gcás chatagóir táirgí C i leith na Banglaidéise.

(27)

Fuair an Coimisiún iarraidh ó ‘Ecoglobe’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Éigipt agus Aontas na nÉimíríochtaí Arabacha a chuimsiú i gcás catagóirí táirgí A, B agus D.

(28)

Chuir ‘Ecogruppo Italia’ an Coimisiún ar an eolas faoin athrú ar a sheoladh.

(29)

Fuair an Coimisiún iarraidh ó ‘EGYCERT Ltd’ é a chur ar an liosta d’údaráis rialaithe agus de chomhlachtaí rialaithe atá aitheanta chun críche coibhéise faoi Rialachán (CE) Uimh. 834/2007, agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, leis an gcomhlacht rialaithe sin a aithint i gcás na Síne, na hÉigipte, Ghána, Chuáit, na Pacastáine, na hAraibe Sádaí, na Súdáine, na Tuirce agus Aontas na nÉimíríochtaí Arabacha maidir le catagóirí táirgí A agus D.

(30)

Fuair an Coimisiún iarraidh ó ‘EKO-CONTROL SK s.r.o.’ é a chur ar an liosta d’údaráis rialaithe agus de chomhlachtaí rialaithe atá aitheanta dóibh chun críche coibhéise faoi Rialachán (CE) Uimh. 834/2007, agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, leis an gcomhlacht rialaithe sin a aithint i gcás na Moldóive, na Seirbia agus na Rúise maidir le catagóir táirgí A.

(31)

Fuair an Coimisiún iarraidh ó ‘Food Safety SA’ é a chur ar an liosta d’údaráis rialaithe agus de chomhlachtaí rialaithe atá aitheanta dóibh chun críche coibhéise faoi Rialachán (CE) Uimh. 834/2007, agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, leis an gcomhlacht rialaithe sin a aithint i gcás Pharagua agus Uragua maidir le catagóirí táirgí A, B agus D, agus leis an gcomhlacht rialaithe sin a aithint i gcás na hAirgintíne maidir le catagóir táirgí D.

(32)

Fuair an Coimisiún iarraidh ó ‘IBD Certificações Ltda.’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais i gcás na Síne chun catagóir táirgí B a chuimsiú.

(33)

Fuair an Coimisiún iarraidh ó ‘Kiwa BCS Öko-Garantie GmbH’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Iamáice agus Oileán na Tríonóide agus Tobága a chuimsiú i gcás catagóirí táirgí A, D agus F, agus le síneadh a chur le raon feidhme a aitheantais i gcás Chósta Ríce chun catagóir táirgí B a chuimsiú agus le síneadh a chur le raon feidhme a aitheantais i gcás Nicearagua, Phanama, Pheiriú agus Veiniséala chun catagóir táirgí C a chuimsiú.

(34)

Fuair an Coimisiún iarraidh ó ‘LACON GmbH’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, lena aitheantas a tharraingt siar i gcás na Brasaíle, Chúba, na Poblachta Doiminicí agus Mheicsiceo, ach tá údar maith le síneadh a chur le raon feidhme a aitheantais chun an Iaráin a chuimsiú i gcás catagóirí táirgí A, B agus D.

(35)

Fuair an Coimisiún iarraidh ó ‘Mayacert’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Eacuadór, an Iaráin agus an Tuirc a chuimsiú i gcás catagóirí táirgí A agus D agus le síneadh a chur le raon feidhme a aitheantais chun an India a chuimsiú i gcás catagóir táirgí D.

(36)

Fuair an Coimisiún iarraidh ó ‘NASAA Certified Organic Pty Ltd’ a shonraíochtaí a leasú agus scrúdaigh sé an iarraidh sin. Chinn an Coimisiún, bunaithe ar an bhfaisnéis a fuarthas, go bhfuil údar maith le síneadh a chur le raon feidhme a aitheantais chun an Bhanglaidéis, an Bhútáin, Brúiné, an Chambóid, Fidsí, Polainéis na Fraince, Hong Cong, Cireabaití, Laos, Oileáin Marshall, an Mhicrinéis, Maenmar/Burma, Nárú, an Nua-Chaladóin, Oileán Palau, na hOileáin Fhilipíneacha, an Téalainn, Tuvalu, Vanuatú, Vítneam, agus Vailís agus Futúna a chuimsiú i gcás catagóirí táirgí A, B agus D agus le síneadh a chur le raon feidhme a aitheantais chun an India a chuimsiú i gcás catagóirí táirgí B agus D.

(37)

Chuir ‘Oregon Tilth’ an Coimisiún ar an eolas faoin athrú ar a sheoladh.

(38)

Fuair an Coimisiún iarraidh ó ‘Organic Control System’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais i gcás Mhontainéagró agus na Macadóine Thuaidh chun catagóir táirgí B a chuimsiú, agus le síneadh a chur le raon feidhme a aitheantais i gcás na Boisnia agus na Heirseagaivéine agus na Seirbia chun catagóirí táirgí B agus E a chuimsiú.

(39)

Fuair an Coimisiún iarraidh ó ‘Organic Standard’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais i gcás na Seoirsia agus na Moldóive chun catagóirí táirgí C, E agus F a chuimsiú, agus le síneadh a chur le raon feidhme a aitheantais i gcás na Casacstáine chun catagóirí táirgí C agus F a chuimsiú.

(40)

Fuair an Coimisiún iarraidh ó ‘Organización Internacional Agropecuaria’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an tSín a chuimsiú i gcás catagóirí táirgí A agus D.

(41)

Fuair an Coimisiún iarraidh ó ‘Organska Kontrola’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Asarbaiseáin a chuimsiú i gcás catagóirí táirgí A, B agus D.

(42)

Fuair an Coimisiún iarraidh ó ‘ORSER’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Mholdóiv, an Rúis, an tSeirbia, an Úcráin agus an Úisbéiceastáin a chuimsiú i gcás catagóirí táirgí A, D agus E.

(43)

Chuir ‘SIA “Sertifikācijas un testēšanas centrs”’ an Coimisiún ar an eolas faoin athrú ar a sheoladh.

(44)

Fuair an Coimisiún iarraidh ó ‘SRS Certification GmbH’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun Buircíne Fasó, an Chongó, an Chósta Eabhair, Gána, an tSeineagáil, Singeapór, agus Tóga a chuimsiú i gcás catagóirí táirgí A, D agus E, agus le síneadh a chur le raon feidhme a aitheantais chun an Airméin, an Chambóid, Camarún, Poblacht na hAfraice Láir, Sead, Poblacht Dhaonlathach an Chongó, an Ghuine Mheánchiorclach, an Ghabúin, an Indinéis, an Chéinia, Laos, an Mhalaeisia, Maenmar/Burma, an Nígir, an Phacastáin, na hOileáin Fhilipíneacha, Ruanda, Srí Lanca, an Téalainn agus Vítneam a chuimsiú i gcás catagóirí táirgí A agus D.

(45)

Fuair an Coimisiún iarraidh ó ‘The First Agricultural Co., for Registration, Inspection and Certification Limited Liability (TAWTHIQ)’ é a chur ar an liosta d’údaráis rialaithe agus de chomhlachtaí rialaithe atá aitheanta chun críche coibhéise faoi Rialachán (CE) Uimh. 834/2007, agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, leis an gcomhlacht rialaithe sin a aithint i gcás na hÉigipte, na hAraibe Sádaí agus na hÚisbéiceastáine maidir le catagóirí táirgí A agus D.

(46)

Fuair an Coimisiún iarraidh ó ‘TÜV Nord Integra’ a shonraíochtaí a leasú agus scrúdaigh sé an iarraidh sin. Tá údar maith, bunaithe ar an bhfaisnéis a fuarthas, le síneadh a chur le raon feidhme a aitheantais chun an Ghaimbia a chuimsiú i gcás catagóirí táirgí A agus D.

(47)

Ar mhaithe le soiléireacht agus deimhneacht dhlíthiúil, ba cheart feidhm a bheith ag an Rialachán seo ó dháta chur i bhfeidhm Rialachán (AE) 2018/848. I gcomhréir le hAirteagal 48(1) de Rialachán (AE) 2018/848, rachaidh an t-aitheantas do thríú tíortha chun críocha coibhéise faoi Airteagal 33(2) de Rialachán (CE) Uimh. 834/2007 in éag an 31 Nollaig 2026. I gcomhréir le hAirteagal 57(1) de Rialachán (AE) 2018/848, rachaidh an t-aitheantas arna dheonú d’údaráis rialaithe agus do chomhlachtaí rialaithe faoi Airteagal 33(3) de Rialachán (CE) Uimh. 834/2007 in éag faoin 31 Nollaig 2024.

(48)

Tá na bearta dá bhforáiltear sa Rialachán seo i gcomhréir leis an tuairim ón gCoiste um Tháirgeadh Orgánach,