(1)

Le Rialachán (AE) 2017/625 leagtar síos rialacha maidir le rialuithe oifigiúla agus gníomhaíochtaí oifigiúla eile a dhéanann údaráis inniúla na mBallstát chun comhlíonadh reachtaíocht an Aontais inter alia i réimse na sábháilteachta bia ag gach céim den táirgeadh, den phróiseáil agus den dáileadh a fhíorú. Go háirithe, déantar foráil ann maidir le rialuithe oifigiúla i ndáil le táirgí de bhunadh ainmhíoch atá ceaptha lena gcaitheamh ag an duine.

(2)

Le Rialachán Cur Chun Feidhme (AE) 2019/627 ón gCoimisiún (2), leagtar síos rialacha maidir leis na socruithe praiticiúla i ndáil le rialuithe oifigiúla a dhéanamh ar tháirgí de bhunadh ainmhíoch i gcomhréir le hAirteagal 18(8) de Rialachán (AE) 2017/625.

(3)

Ó dháta chur i bhfeidhm Rialachán Cur Chun Feidhme (AE) 2019/627 an 14 Nollaig 2019, leis an taithí a fuarthas ar chur chun feidhme praiticiúil an Rialacháin seo leagadh béim ar an ngá atá le tuilleadh soiléireachta i dtaca le forálacha dlíthiúla áirithe, go háirithe maidir le socruithe praiticiúla áirithe i ndáil leis an gcigireacht iarbháis agus modhanna aitheanta chun biththocsainí muirí a bhrath i moilisc dhébhlaoscacha.

(4)

Maidir leis na socruithe praiticiúla i ndáil leis an gcigireacht iarbháis, níor cheart a shonrú le Rialachán Cur Chun Feidhme (AE) 2019/627 an duine a dhéanfaidh na socruithe praiticiúla breise i ndáil leis an gcigireacht iarbháis i gcás ina bhféadfadh riosca a bheith ann do shláinte an duine, do shláinte ainmhithe nó do leas ainmhithe. In Airteagal 18.2(c) de Rialachán (AE) 2017/625, arna fhorlíonadh le hAirteagal 7 agus Airteagal 8 de Rialachán Tarmligthe (AE) 2019/624 ón gCoimisiún (3) tá sé leagtha síos cheana féin cibé acu ar cheart don tréidlia oifigiúil nó don chúntóir oifigiúil cigireachtaí iarbháis a dhéanamh agus dá bhrí sin níl sé riachtanach i Rialachán Cur Chun Feidhme (AE) 2019/627. Ina theannta sin, ba cheart dúbláil a sheachaint maidir leis an gceanglas a bhaineann leis na nóid limfe bhroincigh agus mheánchliabhraigh a ghearradh in Airteagal 19(1)(b) agus (2)(b).

(5)

Ina theannta sin, tá dúbailtí sna ceanglais maidir le cigireacht iarbháis ar ghéim feirme go háirithe maidir leis na ceanglais is infheidhme maidir le fine Suidae. Ba cheart na ceanglais a shoiléiriú tuilleadh chun cur chun feidhme an Rialacháin a éascú.

(6)

Scriosadh Airteagal 22 de Rialachán (CE) Uimh. 1099/2009 ón gComhairle (4) ón 14 Nollaig 2019 ar aghaidh le Rialachán (AE) 2017/625. Na bearta a ghlacadh i gcásanna neamhchomhlíonadh na gceanglas maidir le leas ainmhithe, dá dtagraítear san Airteagal sin, cuireadh forálacha in Airteagal 138 de Rialachán (AE) 2017/625 in ionad na mbeart sin. Ba cheart, dá bhrí sin, an tagairt d’Airteagal 22 de Rialachán (CE) Uimh. 1099/2009 in Airteagal 44(1) de Rialachán Cur Chun Feidhme (AE) 2019/627 a scriosadh dá réir sin.

(7)

Leagtar síos le hAirteagal 48 de Rialachán Cur Chun Feidhme (AE) 2019/627 na coinníollacha maidir le marcáil sláinte. Tá na coinníollacha sin leagtha síos cheana féin i Rialachán Cur Chun Feidhme (AE) 2015/1375 ón gCoimisiún (5) i gcás tástála Trichinella, agus i Rialachán (CE) Uimh. 999/2001 ó Pharlaimint na hEorpa agus ón gComhairle (6) maidir le tástáil a dhéanamh ar einceifileapaite spúinseach in-tarchurtha (TSE). Ar mhaithe le soiléireacht, is iomchuí tagairtí do na Rialacháin ábhartha a chur in ionad na foclaíochta lena mbaineann in Airteagal 48 de Rialachán Cur Chun Feidhme (AE) 2019/627.

(8)

Le hAirteagal 4 de Threoir 2010/63/AE ó Pharlaimint na hEorpa agus ón gComhairle (7), ceanglaítear ar na Ballstáit a áirithiú, nuair is féidir, go n-úsáidfear modh nach mbeidh úsáid ainmhithe beo i gceist leis. Agus é á chur san áireamh go bhfuil Caighdeán EN 14526 ar fáil mar mhodh malartach chun tocsainí nimhithe pairiliseacha ó shliogiasc (PSP) a bhrath, agus coinníollacha Airteagal 4 de Threoir 2010/63/AE á gcomhlíonadh, ba cheart deireadh a chur, dá bhrí sin, le húsáid bithmheasúnachta luchóige.

(9)

Ní bheidh biththocsainí muirí i moilisc dhébhlaoscacha bheo a chuirtear ar an margadh a sháraíonn na teorainneacha a bhunaítear in Iarscríbhinn III, Roinn VII, Caibidil V (2) de Rialachán (CE) Uimh. 853/2004 ó Pharlaimint na hEorpa agus ón gComhairle (8). Maidir le peicteanatocsainí (PTX), chinn an tÚdarás Eorpach um Shábháilteacht Bia (EFSA) nach bhfuil aon tuairisc ann maidir le héifeachtaí díobhálacha i ndaoine a bhaineann le tocsainí peicteanatocsainí (PTX) (9). Ós rud é gur baineadh PTX de na caighdeáin sláinte le haghaidh moilisc dhébhlaoscacha bheo i Rialachán Tarmligthe (AE) 2021/1374 ón gCoimisiún (10) , is iomchuí, dá bhrí sin, iad a bhaint ó fhorálacha Rialachán Cur Chun Feidhme (AE) 2019/627 chomh maith.

(10)

Tá táirgí iascaigh a dhíorthaítear ó dhobharshaothrú le tástáil i gcomhréir le Treoir 96/23/CE ón gComhairle (11) agus Cinneadh 97/747/CE ón gCoimisiún (12) maidir le héilleáin agus lotnaidicídí. Ba cheart táirgí iascaigh a ghabhtar go fiáin a thástáil freisin chun comhlíonadh a shuíomh maidir le héilleáin i gcomhréir le Rialachán (CE) Uimh. 1881/2006 ón gCoimisiún (13). Ba cheart an reachtaíocht atá ann faoi láthair a mhodhnú dá réir sin.

(11)

Ba cheart Rialachán Cur Chun Feidhme (AE) 2019/627 a leasú dá réir sin.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

in Airteagail 18(3), 19(2), 20(2), 21(2), 22(2) agus 23(2), cuirtear an méid seo a leanas in ionad na habairte tosaigh:

“Déanfar nósanna imeachta na cigireachta iarbháis a chur i gcrích i gcomhréir le hAirteagal 18(2)(c) de Rialachán (AE) 2017/625 agus le hAirteagal 7 agus Airteagal 8 de Rialachán Tarmligthe (AE) 2019/624, tríd an gconablach agus an scairteach a ghearradh agus a láimhsiú, nuair atá an chosúlacht ann go bhféadfadh riosca a bheith ann do shláinte an duine, do shláinte ainmhithe nó do leas ainmhithe i gcomhréir le hAirteagal 24:”;

(2)

in Airteagal 19(2), pointe (b), scriostar na focail “na nóid limfe bhroincigh agus mheánchliabhraigh a ghearradh’ (Lnn. bifurcationes, eparteriales agus mediastinales);”;

(3)

in Airteagal 24, cuirtear an méid seo a leanas in ionad na habairte tosaigh:

“Déanfar na nósanna imeachta cigireachta iarbháis breise dá dtagraítear in Airteagail 18(3), 19(2), 20(2), 21(2), 22(2) agus 23(2) tríd an gconablach agus an scairteach a ghearradh agus a láimhsiú, i gcás ina léirítear, i dtuairim an tréidlia oifigiúil, go bhféadfadh riosca a bheith ann do shláinte an duine, do shláinte ainmhithe nó do leas ainmhithe le ceann amháin díobh seo a leanas:”;

(4)

in Airteagal 27(1), cuirtear an méid seo a leanas in ionad phointe (c):

(5)

in Airteagal 44, cuirtear an méid seo a leanas in ionad mhír 1:

(6)

in Airteagal 48(2), cuirtear an méid seo a leanas in ionad phointe (a):

(7)

leasaítear Iarscríbhinn V i gcomhréir leis an téacs a leagtar amach san Iarscríbhinn a ghabhann leis an Rialachán seo;

(8)

leasaítear Iarscríbhinn VI i gcomhréir leis an téacs a leagtar amach san Iarscríbhinn a ghabhann leis an Rialachán seo.