EUR-Lex Access to European Union law
This document is an excerpt from the EUR-Lex website
Document 32021R1319
Commission Implementing Regulation (EU) 2021/1319 of 9 August 2021 authorising changes in the specifications of the novel food Coriander seed oil from Coriandrum sativum and amending Implementing Regulation (EU) 2017/2470 (Text with EEA relevance)
Rialachán Cur Chun Feidhme (AE) 2021/1319 ón gCoimisiún an 9 Lúnasa 2021 lena n-údaraítear athruithe maidir le sonraíochtaí an bhia núíosaigh Ola shíolta lus an choire ó Coriandrum sativum agus lena leasaítear Rialachán Cur Chun Feidhme (AE) 2017/2470 (Téacs atá ábhartha maidir le LEE)
Rialachán Cur Chun Feidhme (AE) 2021/1319 ón gCoimisiún an 9 Lúnasa 2021 lena n-údaraítear athruithe maidir le sonraíochtaí an bhia núíosaigh Ola shíolta lus an choire ó Coriandrum sativum agus lena leasaítear Rialachán Cur Chun Feidhme (AE) 2017/2470 (Téacs atá ábhartha maidir le LEE)
C/2021/5857
IO L 286, 10.8.2021, p. 12–15
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
10.8.2021 |
GA |
Iris Oifigiúil an Aontais Eorpaigh |
L 286/12 |
RIALACHÁN CUR CHUN FEIDHME (AE) 2021/1319 ÓN gCOIMISIÚN
an 9 Lúnasa 2021
lena n-údaraítear athruithe maidir le sonraíochtaí an bhia núíosaigh Ola shíolta lus an choire ó Coriandrum sativum agus lena leasaítear Rialachán Cur Chun Feidhme (AE) 2017/2470
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (1), agus go háirithe Airteagal 12 de,
De bharr an mhéid seo a leanas:
(1) |
Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais a chur ar an margadh laistigh den Aontas. |
(2) |
De bhun Airteagal 8 de Rialachán (AE) 2015/2283, glacadh Rialachán Cur Chun Feidhme (AE) 2017/2470 ón gCoimisiún (2) lena mbunaítear liosta an Aontais de bhianna núíosacha údaraithe. |
(3) |
Údaraíodh le Cinneadh Cur Chun Feidhme 2014/155/AE ón gCoimisiún (3), i gcomhréir le Rialachán (CE) Uimh. 258/97 ó Pharlaimint na hEorpa agus ón gComhairle (4), ola shíolta lus an choire ó Coriandrum sativum a chur ar an margadh mar chomhábhar bia núíosaigh lena úsáid i bhforbhianna. |
(4) |
I mí Dheireadh Fómhair 2017, chuir an chuideachta Ovalie Innovation ("an t-iarratasóir") an Coimisiún ar an eolas go raibh sé beartaithe aici amhola shíolta lus an choire ó Coriandrum sativum a chur ar an margadh mar chomhábhar bia núíosaigh i gcomhréir le hAirteagal 5 de Rialachán (CE) Uimh. 258/97. Dá réir sin, thíolaic an t-iarratasóir tuarascáil ó údarás inniúil na hÉireann de bhun Airteagal 3(4) de Rialachán (CE) Uimh. 258/97, tuarascáil inar thángthas ar an gconclúid, ar bhonn na fianaise eolaíche a chuir an chuideachta sin isteach, go bhfuil ola shíolta lus an choire ó Coriandrum sativum coibhéiseach go substaintiúil le hola shíolta lus an choire a údaraítear le Cinneadh Cur Chun Feidhme 2014/155/AE. |
(5) |
Le Rialachán Cur Chun Feidhme (AE) 2019/456 ón gCoimisiún (5) agus Rialachán Cur Chun Feidhme (AE) 2019/2165 ón gCoimisiún (6) údaraíodh athruithe maidir le sonraíochtaí an bhia núíosaigh ola shíolta lus an choire ó Coriandrum sativum leis an íosluach gallúnaithe a laghdú ó 186 mg KOH/g go 179 mg KOH/g agus an t-íosleibhéal aigéid oiléach a laghdú ó 8,0 % go 7,0 %. |
(6) |
An 12 Eanáir 2021, chuir an t-iarratasóir iarratas faoi bhráid an Choimisiún i gcomhréir le hAirteagal 10(1) de Rialachán (AE) 2015/2283 maidir le sonraíochtaí an bhia núíosaigh "ola shíolta lus an choire ó Coriandrum sativum" a athrú. D’iarr an t-iarratasóir méadú ar uasleibhéal luacha aigéid san ola shíolta lus an choire ó 2.5 mg KOH/g ola mar atá sonraithe i liosta bianna núíosacha an Aontais go ≤ 3.5 mg KOH/g ola agus an tuairisc ar an dath a mhodhnú ó "beagán buí’ go ‘idir leathbhuí agus donn". |
(7) |
Is é an t-údar a chuir an t-iarratasóir leis an iarratas go bhfuil gá leis an athrú chun an éagsúlacht nádúrtha a léiriú i saintréithe físiúla ola shíolta lus an choire agus i leibhéil na saoraigéad sailleach inti, ar saoraigéid iad a thomhaistear trí thoirtmheascadh le hiodrocsaíd photaisiam (KOH) ola na síolta a fhaightear ón bplanda Coriandrum sativum. |
(8) |
Measann an Coimisiún nach gá don Údarás Eorpach um Shábháilteacht Bia ("an tÚdarás") meastóireacht ar shábháilteacht a dhéanamh ar an athrú atá beartaithe maidir leis na sonraíochtaí i gcomhréir le hAirteagal 10(3) de Rialachán (AE) 2015/2283. Tá an méadú ar an luach aigéid in ola shíolta lus an choire ó 2.5 mg go ≤ 3.5 mg KOH/g ola inchomparáide le luachanna aigéid olaí inite coitianta eile atá á gcaitheamh go sábháilte le fada, agus tá sé sin faoi bhun na huasteorann 4.0 mg KOH/g le haghaidh saillte nó olaí inite arna socrú ag Comhchlár Eagraíocht Bhia agus Talmhaíochta na Náisiún Aontaithe agus na hEagraíochta Domhanda Sláinte do Chaighdeáin le haghaidh Bia (‘FAO/WHO Codex Alimentarius’) (7). Ar an mbonn sin, agus ar mhaithe le comhsheasmhacht leis an gcaighdeán FAO/WHO Codex Alimentarius, measann an Coimisiún gur cheart an teorann do luach aigéid ola shíolta lus an choire a shocrú freisin ag 4.0 mg KOH/g. Na hathruithe atá beartaithe maidir leis na paraiméadair shonraíochta agus a léiríonn cuma fhisiceach na hola, tá na hathruithe sin inchomparáide freisin leis na héagsúlachtaí nádúrtha a thugtar faoi deara i measc na n-olaí inite uile nach mór agus ní dhéanann siad difear dá sábháilteacht ná dá luach cothaithe. |
(9) |
Na hathruithe atá beartaithe maidir le luachanna aigéid agus le cuma fhisiceach ola shíolta lus an choire ó Coriandrum sativum, ní athraíonn siad conclúidí an mheasúnaithe sábháilteachta a rinne an tÚdarás (8) agus a thacaigh le húdarú tosaigh na hola féin. Dá bhrí sin, is iomchuí sonraíochtaí an bhia núíosaigh ola shíolta lus an choire ó Coriandrum sativum a leasú maidir leis an leibhéal aigéid atá molta agus a mhéid a bhaineann le cuma fhisiceach na hola. |
(10) |
Is leor an fhaisnéis a thugtar san iarratas chun a shuí go gcomhlíonann na hathruithe atá beartaithe maidir le sonraíochtaí an bhia núíosaigh ola shíolta lus an choire ó Coriandrum sativum Airteagal 12 de Rialachán (AE) 2015/2283. |
(11) |
Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir. |
(12) |
Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Liosta an Aontais de bhianna núíosacha údaraithe dá bhforáiltear in Airteagal 6 de Rialachán (AE) 2015/2283 agus a chuirtear san áireamh san Iarscríbhinn a ghabhann le Rialachán Cur Chun Feidhme (AE) 2017/2470, leasófar an tagairt atá ann don bhia núíosach ola shíolta lus an choire ó Coriandrum sativum de réir mar a shonraítear san Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 9 Lúnasa 2021.
Thar ceann an Choimisiúin
An tUachtarán
Ursula VON DER LEYEN
(1) IO L 327, 11.12.2015, lch. 1.
(2) Rialachán Cur Chun Feidhme (AE) 2017/2470 ón gCoimisiún an 20 Nollaig 2017 lena mbunaítear liosta an Aontais de bhianna núíosacha i gcomhréir le Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO L 351, 30.12.2017, lch. 72).
(3) Cinneadh Cur Chun Feidhme 2014/155/AE ón gCoimisiún 19 Márta 2014 lena n-údaraítear ola shíolta lus an choire a chur ar an margadh mar chomhábhar bia núíosaigh faoi Rialachán (CE) Uimh. 258/97 ó Pharlaimint na hEorpa agus ón gComhairle (IO L 85, 21.3.2014, lch. 13).
(4) Rialachán (CE) Uimh. 258/97 ó Pharlaimint na hEorpa agus ón gComhairle an 27 Eanáir 1997 maidir le bianna núíosacha agus comhábhair bia núíosaigh (IO L 43, 14.2.1997, lch. 1).
(5) Rialachán Cur Chun Feidhme AE 2019/456 ón gCoimisiún an 20 Márta 2019 lena n-údaraítear athrú maidir le sonraíochtaí an bhia núíosaigh ola shíolta lus an choire ó Coriandum sativum faoi Rialachán (AE) 2015/2283 ó Pharlaimint na hEorpa agus ón gComhairle agus lena leasaítear Rialachán Cur Chun Feidhme (AE) 2017/2470 ón gCoimisiún (IO L 79, 21.3.2019, lch. 13).
(6) Rialachán Cur Chun Feidhme (AE) 2019/2165 ón gCoimisiún an 17 Nollaig 2019 lena n-údaraítear athrú maidir le sonraíochtaí an bhia núíosaigh ola shíolta lus an choire ó Coriandrum sativum faoi Rialachán (AE) 2015/2283 ó Pharlaimint na hEorpa agus ón gComhairle agus lena leasaítear Rialachán Cur Chun Feidhme (AE) 2017/2470 ón gCoimisiún (IO L 328, 18.12.2019, lch. 81).
(7) CODEX STAN 19-1981, Ath. 2 – 1999.
(8) EFSA Journal [Iris EPSA], 2013;11(10):3422.
IARSCRÍBHINN
I dTábla 2 (Sonraíochtaí) den Iarscríbhinn a ghabhann le Rialachán Cur Chun Feidhme (AE) 2017/2470, cuirtear an méid seo a leanas in ionad na hiontrála le haghaidh "ola shíolta lus an choire ó Co riandrum sativum":
"Bia Núíosach Údaraithe |
Sonraíochtaí |
Ola shíolta lus an choire ó Co riandrum sativum |
Tuairisc/Sainmhíniú: Ola í ola shíolta lus an choire ina bhfuil glicrídí d’aigéid shailleacha agus a tháirgtear ó shíolta lus an choire Coriandrum sativum L. Dath idir leathbhuí agus donn, blas leamh Uimh. CAS: 8008-52-4 Comhdhéanamh na n-aigéad sailleach: Aigéad pailmíteach (C16:0): 2-5 % Aigéad stéarach (C18:0): < 1,5 % Aigéad peitriseilíneach (cis-C18:1(n-12)): 60-75 % Aigéad oiléach (cis-C18:1 (n-9)): 7-15 % Aigéad líonoiléach (C18:2): 12-19 % Aigéad α-Líonóiléinéach (C18:3): < 1,0 % Aigéid thras-sailleacha: ≤ 1,0 % Íonacht: Comhéifeacht athraonta (20 C): 1.466-1.474 Luach aigéid: ≤ 4 mg KOH/g Luach sárocsaíde (PV): ≤ 5.0 meq/kg Luach iaidín: 88-110 n-aonad Luach gallúnaithe: 179-200 mg KOH/g Ábhar neamh-inghallúnaithe: ≤ 15 g/kg" |