1.   Measfar gur iarratas inghlactha is ea iarratas ar chlárú má tíolacadh é i gcomhréir le hAirteagal 24 de Rialachán (AE) 2019/787 agus gur seoladh chuig an gCoimisiún é i gcomhréir le hAirteagal 13(1) de Rialachán Cur Chun Feidhme (AE) 2021/1236, lena n-áirítear an doiciméad aonair arna tharraingt suas i gcomhréir le hAirteagal 3 den Rialachán Cur Chun Feidhme sin, agus go raibh sé iomlán.

Measfar iarratas ar chlárú a bheith iomlán ach é a bheith i gcomhlíontacht le hAirteagail 22 agus 23 de Rialachán (AE) 2019/787 agus le hAirteagail 2 agus 3 den Rialachán seo.

2.   Má mheasann an Coimisiún an t-iarratas a bheith neamh-inghlactha, déanfaidh sé údaráis an Bhallstáit nó an tríú tír lena mbaineann nó an t-iarratasóir atá bunaithe i dtríú tír, de réir mar a bheidh, a chur ar an eolas faoi na cúiseanna a bhfuil sé neamh-inghlactha.

1.   Chun deacrachtaí sealadacha a shárú, agus é de chuspóir fadtéarmach leis sin a áirithiú, i dtaca le táirgeoirí uile an limistéir lena mbaineann, go gcomhlíonfaidh na táirgeoirí sin an tsonraíocht táirge, féadfaidh Ballstát idirthréimhse a dheonú ar choinníoll go ndearna na hoibreoirí lena mbaineann an deoch bhiotáilleach i gceist a mhargú go dlíthiúil leis na hainmneacha lena mbaineann agus ar feadh tréimhse leanúnach 5 bliana ar a laghad roimh an am a chuir siad an t-iarratas faoi bhráid údaráis an Bhallstáit agus ar choinníoll gur ardaíodh na deacrachtaí sealadacha siúd roimhe sin faoin nós imeachta freasúra náisiúnta dá dtagraítear in Airteagal 24(6) de Rialachán (AE) 2019/787.

Is ar an dáta a chuirfear an sainchomhad iarratais faoi bhráid an Choimisiúin a thosóidh an idirthréimhse agus beidh sí chomh gearr agus is féidir. Ní bheidh sí níos faide ná 10 mbliana.

2.   Beidh feidhm mutatis mutandis ag mír 1 maidir le tásc geografach lena dtagraítear do limistéar geografach i dtríú tír, ach is eisceacht air sin an nós imeachta freasúra náisiúnta.

3.   An idirthréimhse dá dtagraítear i mír 1, cuirfear in iúl í sa sainchomhad iarratais a chuirfear faoi bhráid an Choimisiún i gcomhréir le hAirteagal 24(7) nó (8) de Rialachán (AE) 2019/787.

1.   Measfar iarratais ar leasú Aontais ar shonraíocht táirge a fhormheas a bheith inghlactha má tíolacadh iad i gcomhréir le hAirteagal 31 de Rialachán (AE) 2019/787 agus gur seoladh chuig an gCoimisiún iad i gcomhréir le hAirteagal 13(1) de Rialachán Cur Chun Feidhme (AE) 2021/1236 agus go gcomhlíonann siad Airteagal 7 den Rialachán Cur Chun Feidhme sin.

Maidir le formheas a dhéanfaidh an Coimisiún ar iarratas ar leasú Aontais ar shonraíocht táirge a fhormheas, ní chumhdófar leis an bhformheas sin ach na leasuithe Aontais a leagtar amach san iarratas féin.

2.   Má mheasann an Coimisiún an t-iarratas a bheith neamh-inghlactha, déanfaidh sé údaráis an Bhallstáit nó an tríú tír lena mbaineann nó an t-iarratasóir atá bunaithe i dtríú tír, de réir mar a bheidh, a chur ar an eolas faoi na cúiseanna a bhfuil sé neamh-inghlactha.

1.   Chun críocha Airteagal 31(5) de Rialachán (AE) 2019/787, i dtaca le hiarratais ar leasú Aontais ar shonraíocht táirge a fhormheas, cuirfear na hiarratais sin faoi bhráid údaráis an Bhallstáit arb ina chríoch atá limistéar geografach an táirge lena mbaineann. Comhlíonfaidh na hiarratasóirí na coinníollacha a leagtar síos in Airteagal 24(1), (2) nó (3) de Rialachán (AE) 2019/787. Murab é an t-iarratasóir amháin é an t-iarratasóir a thíolaic iarratas ar chosaint an ainm nó na n-ainmneacha dá dtagraítear sa tsonraíocht táirge agus an t-iarratasóir a thíolaic an t-iarratas ar leasú Aontais ar shonraíocht táirge a fhormheas, tabharfaidh an Ballstát deis don iarratasóir eile sin a bharúil a thabhairt ar an iarratas, más ann fós don iarratasóir sin.

San iarratas ar leasú caighdeánach a fhormheas, tabharfar tuairisc ar na leasuithe caighdeánacha agus léireofar gurb incháilithe, mar leasuithe caighdeánacha i gcomhréir le hAirteagal 31 de Rialachán (AE) 2019/787, na leasuithe atáthar a mholadh. De breis air sin tabharfar achoimre ar na cúiseanna a bhfuil gá leis na leasuithe.

2.   I gcás ina measfaidh an Ballstát gur comhlíonadh ceanglais Rialachán (AE) 2019/787 agus na forálacha a glacadh de bhun an Rialacháin sin, féadfaidh sé an leasú caighdeánach a fhormheas. Cuimseofar sa chinneadh formheasa an tsonraíocht táirge chomhdhlúite arna leasú agus, i gcás inarb ábhartha, an doiciméad aonair comhdhlúite arna leasú.

Poibleofar an cinneadh formheasa. Beidh feidhm ag an leasú caighdeánach formheasta sa Bhallstát lena mbaineann ó dháta poiblithe an chinnidh formheasa. Seolfaidh an Ballstát aon leasuithe caighdeánacha formheasta chuig an gCoimisiún tráth nach déanaí ná 1 mhí amháin ó dháta poiblithe an chinnidh formheasa náisiúnta. Cuirfidh an Ballstát in iúl don Coimisiún, gan aon mhoill mhíchuí, aon bhreithiúnas náisiúnta críochnaitheach neamh-inachomhairc lena neamhnítear cinneadh lena bhformheastar leasú caighdeánach.

3.   Maidir le cinntí lena bhformheastar leasuithe caighdeánacha a bhaineann le deochanna biotáilleacha de thionscnamh tríú tíortha, cuirfidh grúpa iarrthach a bhfuil leas dlisteanach aige na cinntí sin in iúl don Choimisiún, trí chumarsáid dhíreach leis an gCoimisiún nó trí údaráis an tríú tír lena mbaineann, tráth nach déanaí ná 1 mhí amháin ó dháta poiblithe an chinnidh ábhartha.

4.   Measfar cumarsáid i leith leasú caighdeánach formheasta chuig an gCoimisiún a bheith curtha i gcrích go cuí tráth a chomhlíonfaidh an chumarsáid sin Airteagal 8 de Rialachán Cur Chun Feidhme (AE) 2021/1236.

5.   I gcás ina mbeidh sé intuigthe as an leasú caighdeánach go leasaítear an doiciméad aonair dá bharr, foilseoidh an Coimisiún an tuairisc ar an leasú caighdeánach agus an doiciméad aonair arna leasú in Iris Oifigiúil an Aontais Eorpaigh, sraith C, laistigh de 3 mhí ón dáta a fuair sé an chumarsáid i leith an leasaithe chaighdeánaigh sin.

I gcás nach mbeidh sé intuigthe as an leasú caighdeánach go leasaítear an doiciméad aonair dá bharr, poibleoidh an Coimisiún an tuairisc ar an leasú caighdeánach, trí bhíthin na gcóras digiteach dá dtagraítear i bpointe (a) den chéad fhomhír d’Airteagal 13(1) de Rialachán Cur Chun Feidhme (AE) 2021/1236, laistigh de 3 mhí ón dáta a fuair sé an chumarsáid i leith an leasaithe chaighdeánaigh sin.

Maidir le freagracht agus leis an gcumarsáid i leith leasú caighdeánach, beidh an té a sheolfaidh an chumarsáid sin fós freagrach as inneachar na cumarsáide sin.

6.   Beidh feidhm ag leasuithe caighdeánacha i gcríoch an Aontais ón dáta a fhoilseofar iad de bhun na chéad fhomhíre de mhír 5 nó a phoibleofar iad de bhun an dara fomhír de mhír 5.

7.   I gcás ina mbeidh níos mó ná aon Bhallstát amháin faoin limistéar geografach, cuirfidh na Ballstáit lena mbaineann, cuirfidh siad an nós imeachta um leasuithe caighdeánacha i bhfeidhm ar leithligh i gcás na coda den limistéar atá ina gcríoch féin. Ní bheidh feidhm ag an leasú caighdeánach i gcríoch na mBallstát lena mbaineann go dtí go dtiocfaidh an ceann deireanach de na cinntí formheasa náisiúnta i bhfeidhm. An Ballstát sin a bheidh ar an mBallstát deireanach a fhormheasfaidh an leasú caighdeánach, seolfaidh sé an chumarsáid ábhartha chuig an gCoimisiún tráth nach déanaí ná 1 mhí amháin ó dháta poiblithe an chinnidh formheasa.

Mura nglacfaidh ceann amháin nó níos mó de na Ballstáit lena mbaineann an cinneadh formheasa náisiúnta dá dtagraítear sa chéad fhomhír, féadfaidh aon cheann de na Ballstáit lena mbaineann an t-iarratas sin a thíolacadh faoin nós imeachta um leasú Aontais.

8.   Beidh feidhm ag mír 7 mutatis mutandis i gcás ina mbeidh cuid den limistéar geografach i gcríoch tríú tír.

1.   Maidir le leasú caighdeánach lenarb intuigthe leasú an doiciméid aonair, i gcás ina bhformheasfar leasú caighdeánach den chineál sin fad a bheidh iarratas ar leasú Aontais a fhormheas ar feitheamh, déanfaidh an Ballstát lena mbaineann, dá réir sin, an doiciméad aonair a thabhairt cothrom le dáta, eadhon an doiciméad aonair atá ina chuid den iarratas ar leasú Aontais a fhormheas. I gcás inar foilsíodh an leasú Aontais atá ar feitheamh in Iris Oifigiúil an Aontais Eorpaigh, sraith C, chun go bhféadfaí dul i bhfreasúra ina leith, foilseofar an leagan nuashonraithe den doiciméad aonair in Iris Oifigiúil an Aontais Eorpaigh, sraith L, mar Iarscríbhinn a ghabhann leis an Rialachán Cur Chun Feidhme lena bhformheastar an leasú Aontais.

2.   I gcás, maidir leis an leagan leasaithe den doiciméad aonair atá ina chuid den iarratas ar leasú caighdeánach arna fhormheas ar an leibhéal náisiúnta, nach gcuirtear san áireamh sa leagan leasaithe sin na leasuithe Aontais is déanaí a formheasadh, ní fhoilseofar an leasú caighdeánach sin in Iris Oifigiúil an Aontais Eorpaigh. An Ballstát a d’fhormheas an leasú caighdeánach sin, seolfaidh an Ballstát sin chuig an gCoimisiún an leagan comhdhlúite den doiciméad aonair arna leasú ag an Aontas agus ag na leasuithe caighdeánacha, chun go bhfoilseofar é in Iris Oifigiúil an Aontais Eorpaigh.

1.   Maidir le leasuithe sealadacha ar shonraíochtaí táirgí, déanfaidh an Ballstát ar ina chríoch atá limistéar geografach an táirge lena mbaineann, déanfaidh sé na leasuithe sealadacha sin a fhormheas agus a phoibliú. Cuirfidh an Ballstát na leasuithe caighdeánacha, maille leis na cúiseanna atá i dtacaíocht leo, in iúl don Choimisiún tráth nach déanaí ná 1 mhí amháin ó dháta poiblithe an chinnidh formheasa náisiúnta. Beidh feidhm ag leasú sealadach sa Bhallstát lena mbaineann ó dháta poiblithe an chinnidh lena bhformheastar an leasú.

2.   I gcás ina mbeidh níos mó ná aon Bhallstát amháin faoin limistéar geografach, beidh feidhm, ar leithligh, sna Ballstáit lena mbaineann, ag an nós imeachta um leasuithe sealadacha i gcás na coda den limistéar atá ina gcríoch féin.

3.   Maidir le leasuithe sealadacha a bhaineann le deochanna biotáilleacha de thionscnamh tríú tíortha, déanfaidh grúpa iarrthach a bhfuil leas dlisteanach aige na leasuithe sealadacha sin a chur in iúl don Choimisiún, maille leis na cúiseanna atá i dtacaíocht leo, trí chumarsáid dhíreach leis an gCoimisiún nó trí údaráis an tríú tír sin, tráth nach déanaí ná 1 mhí amháin tar éis a bhformheasta.

4.   Measfar cumarsáid i leith leasú sealadach formheasta chuig an gCoimisiún a bheith curtha i gcrích go cuí tráth a chomhlíonfaidh an chumarsáid sin Airteagal 9 de Rialachán Cur Chun Feidhme (AE) 2021/1236.

5.   Poibleoidh an Coimisiún an chumarsáid i leith leasú sealadach trí bhíthin na gcóras digiteach dá dtagraítear i bpointe (a) den chéad fhomhír d’Airteagal 13(1) de Rialachán Cur Chun Feidhme (AE) 2021/1236, laistigh de 3 mhí ón dáta a gheobhaidh sé an chumarsáid i leith an leasaithe shealadaigh sin. Beidh feidhm ag leasú sealadach i gcríoch an Aontais ón dáta a phoibleoidh an Coimisiún é.

Maidir le cumarsáid i leith leasú sealadach, beidh seoltóir na cumarsáide sin fós freagrach as inneachar na cumarsáide sin.

1.   Chun críocha na chéad fhomhíre d’Airteagal 32(1) de Rialachán (AE) 2019/787, féadfaidh an Ballstát, ar a thionscnamh féin, iarraidh a thíolacadh lena n-iarrfaidh sé clárú táisc gheografaigh a chealú.

2.   Maidir leis na hiarrataí ar chealú a thíolacfar de bhun na chéad fhomhíre d’Airteagal 32(1) de Rialachán (AE) 2019/787, foilseoidh an Coimisiún na hiarrataí sin in Iris Oifigiúil an Aontais Eorpaigh, sraith C.

1.   Chun críocha Airteagal 32(1) agus (2) de Rialachán (AE) 2019/787, measfar iarraidh ar chealú a bheith inghlactha más rud é:

2.   Má mheasann an Coimisiún an iarraidh ar chealú a bheith neamh-inghlactha, déanfaidh sé údaráis an Bhallstáit nó an tríú tír lena mbaineann nó an duine nádúrtha nó dlítheanach a thíolaic an iarraidh, de réir mar a bheidh, a chur ar an eolas faoi na cúiseanna a bhfuil sí neamh-inghlactha.

3.   I dtaca le ráitis freasúra réasúnaithe a mhéid a bhaineann le cealú, ní bheidh na ráitis sin inghlactha ach amháin sa chás ina léireofar iontu go bhfuil an duine leasmhar ag baint úsáid tráchtála as an ainm cláraithe.

1.   Bunófar clár leictreonach na dtásc geografach ar dheochanna biotáilleacha dá dtagraítear in Airteagal 33 de Rialachán (AE) 2019/787 (“an clár”). Beidh sé bunaithe ar chórais dhigiteacha a bheidh faoi bhainistiú an Choimisiún agus beidh rochtain ag an bpobal air.

2.   Ar theacht i bhfeidhm d’ionstraim dlí lena dtugtar cosaint d’ainm táisc gheografaigh, cuirfidh an Coimisiún na sonraí seo a leanas ar taifead sa chlár:

3.   I gcás ina bhformheasfaidh an Coimisiún leasú Aontais ar shonraíocht táirge nó i gcás ina bhfaighidh sé cumarsáid i leith leasú caighdeánach formheasta ar shonraíocht táirge a chiallóidh gur gá an fhaisnéis atá ar taifead sa chlár a athrú, cuirfidh sé na sonraí nua ar taifead le héifeacht ó dháta chur i bhfeidhm an leasaithe san Aontas. Cuirfear ar taifead freisin na sonraí faoi leasuithe sealadacha.

4.   I gcás ina gcealófar clárú táisc gheografaigh, scriosfaidh an Coimisiún an t-ainm den chlár ón dáta a ghabhfaidh éifeacht leis an ngníomh cur chun feidhme ábhartha de bhun Airteagal 32 de Rialachán (AE) 2019/787 agus coinneoidh sé taifead ar an gcealú.

5.   Clárófar sa chlár na tásca geografacha dár tugadh cosaint, nó dá dtabharfar cosaint, le rialacháin cur chun feidhme arna nglacadh idir an 8 Meitheamh 2019 agus dáta chur i bhfeidhm an Rialacháin seo.

6.   I dtaca le doiciméadacht a bhaineann le clárú táisc gheografaigh, coinneoidh an Coimisiún an doiciméadacht sin i bhfoirm dhigiteach nó i bhfoirm pháipéir ar feadh thréimhse bailíochta an táisc gheografaigh, agus i gcás cealú, go ceann 10 mbliana eile dá éis sin.