1.   Maidir le comhar trasteorann, is é a bheidh sna réigiúin atá le tacaíocht a fháil ó CFRE réigiúin leibhéal NUTS 3 an Aontais ar feadh gach teorann talún inmheánaí agus seachtraí le tríú tíortha nó le tíortha comhpháirtíochta agus gach réigiún leibhéal NUTS 3 de chuid an Aontais ar feadh teorainneacha muirí nach bhfuil níos mó ná 150 km den fharraige ó chéile, gan dochar do choigeartuithe féideartha is gá chun comhchuibheas agus leanúnachas limistéar clár comhair a áirithiú agus i gcás ina bhféadfar idirghníomhaíocht trasteorann a dhéanamh go héifeachtach.

2.   Féadfar réigiúin san Iorua, san Eilvéis agus sa Ríocht Aontaithe arb ionann iad agus réigiúin de leibhéal NUTS 3 mar aon le hAndóra, le Lichtinstéin, le Monacó agus le San Mairíne a chumhdach le cláir Interreg um chomhar trasteorann inmheánach.

3.   Maidir le comhar trasteorann seachtrach, is é a bheidh sna réigiúin atá le tacaíocht a fháil ó IPA III nó ICFCI na réigiúin de leibhéal NUTS 3 de chuid na tíre comhpháirtíochta lena mbaineann nó, murab ann d’aicmiú NUTS, limistéir choibhéiseach feadh gach teorann talún agus muirí idir na Ballstáit agus na tíortha comhpháirtíochta atá incháilithe faoi IPA III nó ICFCI, gan dochar do na coigeartuithe féideartha is gá chun comhchuibheas agus leanúnachas limistéir clár comhair a áirithiú.

1.   Maidir le comhar trasnáisiúnta, is é a bheidh sna réigiúin atá le tacaíocht a fháil ó CFRE réigiúin leibhéal NUTS 2 an Aontais, lena n-áirítear na réigiúin is forimeallaí, lena gcuimsítear limistéir thrasnáisiúnta níos mó, agus straitéisí macrairéigiúnacha nó straitéisí imchuach farraige á gcur san áireamh, i gcás inarb infheidhme.

2.   Arna iarraidh sin don Bhallstát nó do na Ballstáit lena mbaineann, féadfar ceann amháin nó níos mó de na réigiúin is forimeallaí de chuid an Bhallstáit nó na mBallstát lena mbaineann a áireamh i gclár comhair thrasnáisiúnta agus an clár sin á thíolacadh.

3.   Féadfar na críocha seo a leanas, cibé acu a fhaigheann nó nach bhfaigheann siad tacaíocht ó bhuiséad an Aontais, a chumhdach le cláir comhair thrasnáisiúnta:

4.   Réigiúin de leibhéal 2 NUTS nó, murab ann d’aicmiú NUTS, limistéir choibhéiseacha a bheidh sna réigiúin, sna tríú tíortha, sna tíortha comhpháirtíochta nó i dtíortha nó críocha thar lear dá dtagraítear i mír 3.

1.   Maidir le comhar idir-réigiúnach, tabharfar tacaíocht, le CFRE, do chríoch iomlán an Aontais, lena n-áirítear na réigiúin is forimeallaí.

2.   Le cláir comhair idir-réigiúnaigh, féadfar críoch iomlán na dtríú tíortha, na dtíortha comhpháirtíochta agus na gcríoch eile, nó cuid díobh, nó na tíortha nó na críocha thar lear dá dtagraítear in Airteagail 4, 5 agus 7 a chumhdach, cibé acu a fhaigheann nó nach bhfaigheann siad tacaíocht ó ionstraimí maoinithe sheachtraigh an Aontais.

1.   Maidir le comhar na réigiún is forimeallaí, gheobhaidh na réigiúin uile a liostaítear sa chéad mhír d’Airteagal 349 CFAE tacaíocht ó CFRE.

2.   Le cláir Interreg a bhaineann leis na réigiún is forimeallaí, féadfar tíortha comhpháirtíochta, nó codanna de na tíortha sin, a fhaigheann tacaíocht ó ICFCI nó tíortha nó críocha thar lear a fhaigheann tacaíocht ó Chlár na dTíortha agus na gCríoch Thar Lear (OCTP), nó iad araon, a chumhdach.

1.   Chun críocha Airteagail 4go 7, glacfaidh an Coimisiún gníomh cur chun feidhme lena leagfar amach an liosta de limistéir clár Interreg atá le tacaíocht a fháil, arna mhiondealú do gach sraith agus gach clár Interreg. Déanfar na gníomhartha cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 63(2).

Déanfar cláir trasteorann sheachtracha a liostú mar “cláir Interreg A CTT IPA III” (CTT-IPA III) nó mar “cláir Interreg A NEXT” (CTT-ICFCI).

2.   Sna gníomhartha cur chun feidhme dá dtagraítear sa chéad fhomhír de mhír 1, beidh liosta freisin lena sonraítear na réigiúin sin de leibhéal NUTS 3 de chuid an Aontais arna gcur san áireamh le haghaidh leithdháileadh CFRE maidir le comhar trasteorann ag gach teorainn inmheánach, agus na teorainneacha seachtracha arna gcumhdach ag ionstraimí maoinithe sheachtraigh an Aontais.

3.   Réigiúin i dtríú tíortha nó i dtíortha comhpháirtíochta nó i gcríocha lasmuigh den Aontas nach bhfaigheann tacaíocht ó CFRE ná ó ionstraim maoinithe sheachtraigh de chuid an Aontais, nó a dhéanann ranníocaíocht le buiséad an Aontais trí ioncam sannta seachtrach, luafar ar an liosta dá dtagraítear sa dara fomhír de mhír 1 iad.

1.   Beidh acmhainní CFRE do chláir Interreg cothrom le EUR 8 050 000 000 i bpraghsanna 2018 de na hacmhainní foriomlána atá ar fáil le haghaidh an ghealltanais bhuiséadaigh ó CFRE, ó CSE+ agus ón gCiste Comhtháthaithe do chlárthréimhse 2021-2027 agus a leagtar amach in Airteagal 109(1) de Rialachán (AE) 2021/1060.

2.   Déanfar na hacmhainní dá dtagraítear i mír 1 a leithdháileadh mar a leanas:

3.   Déanfaidh an Coimisiún a sciar de na méideanna foriomlána le haghaidh shraitheanna A, B agus D a chur in iúl do gach Ballstát, de bhun na modheolaíochta dá bhforáiltear i bpointe 8 d’Iarscríbhinn XXVI de Rialachán (AE) 2021/1060, agus iad miondealaithe de réir bliana.

4.   Maidir le gach ceann de shraitheanna A, B nó D, féadfaidh gach Ballstát suas le 15 % dá leithdháileadh airgeadais a aistriú ó cheann amháin de na sraitheanna sin go ceann amháin nó níos mó de na sraitheanna eile.

5.   Bunaithe ar na méideanna a chuirtear in iúl de bhun mhír 3, déanfaidh gach Ballstát an Coimisiún a chur ar an eolas faoi cé acu ar bhain nó nár bhain sé úsáid as an rogha aistrithe dá bhforáiltear in Airteagal 4, agus faoin mbealach a ndearna sé amhlaidh, agus faoi dháileadh a sciar ar na cláir Interreg ina bhfuil na Ballstáit rannpháirteach a tháinig dá bharr sin.

1.   Glacfaidh an Coimisiún gníomhartha cur chun feidhme lena leagfar amach na doiciméid straitéise ilbhliantúla maidir leis na cláir trasteorann sheachtracha agus na cláir comhair thrasnáisiúnta a fhaigheann tacaíocht ó CFRE agus ICFCI, ó CFRE agus IPA III, nó ó CFRE, ICFCI agus IPA III. Déanfar na gníomhartha cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 63(2) den Rialachán seo, agus urraim chuí á tabhairt don nós imeachta a leagtar amach i Rialachán IPA III, i gcás inarb iomchuí.

Maidir le cláir Interreg a fhaigheann tacaíocht ó CFRE agus ICFCI, leagfar amach sa ghníomh cur chun feidhme na heilimintí dá dtagraítear in Airteagal 14(2) de Rialachán (AE) 2021/947.

Maidir le cláir Interreg a fhaigheann tacaíocht ó CFRE agus IPA III, sa ghníomh cur chun feidhme, cumhdófar freisin, i gcás inarb ábhartha, rannpháirtíocht thairbhithe IPA III nó tíortha comhpháirtíochta i gcláir Interreg C agus D.

2.   Maidir leis an ranníocaíocht ó CFRE le cláir Interreg trasteorann sheachtracha atá le tacaíocht a fháil freisin ón imchlúdach airgeadais faoi CTT-IPA III nó ón imchlúdach airgeadais faoi CTT-ICFCI, déanfaidh an Coimisiún agus na Ballstáit lena mbaineann í a leagan síos. Ní dhéanfar ranníocaíocht CFRE a leagfar síos do gach Ballstát a ath-leithdháileadh ina dhiaidh sin ar na Ballstáit lena mbaineann.

Na ranníocaíochtaí faoi seach ó IPA III agus ICFCI le cláir Interreg B, C nó D, cuirfear san áireamh iontu freisin comhdhéanamh na comhpháirtíochta cláir de réir Ballstáit, thairbhithe IPA III agus tíortha comhpháirtíochta. Féadfar na ranníocaíochtaí sin a leagan amach sna doiciméid straitéise ilbhliantúla a chumhdaítear faoin gcéad fhomhír de mhír 1.

3.   Deonófar tacaíocht ó CFRE do chláir trasteorann sheachtracha aonair ar choinníoll go soláthrófar le CTT IPA III agus CTT-ICFCI méideanna atá coibhéiseach ar a laghad faoin doiciméad straitéise ilbhliantúil ábhartha. Beidh an ranníocaíocht sin faoi réir uasmhéid a leagtar amach i Rialachán IPA III nó Rialachán (AE) 2021/947.

Mar sin féin, i gcás ina dtagann laghdú ar an méid coibhéiseach do na blianta atá fanta de bharr an athbhreithnithe ar na doiciméid clársceidealaithe straitéisigh ábhartha faoi IPA III nó ICFCI, déanfaidh gach Ballstát lena mbaineann rogha astu seo a leanas:

4.   Déanfar na leithreasuithe bliantúla a chomhfhreagraíonn don tacaíocht ó CFRE, CTT IPA III nó CTT-ICFCI do chláir Interreg trasteorann sheachtracha a chur isteach sna línte buiséid ábhartha le haghaidh ghnás buiséadach 2021.

5.   I gcás ina bhfuil leithdháileadh airgeadais sonrach curtha san áireamh ag an gCoimisiún chun cuidiú le tíortha comhpháirtíochta nó le réigiúin chomhpháirtíochta faoi Rialachán (AE) 2021/947 agus le tíortha agus críocha thar lear faoi Chinneadh 2013/755/AE, nó leo araon, a gcomhar leis na réigiúin chomharsanachta is forimeallaí den Aontas a neartú i gcomhréir le hAirteagal 33(2) de Rialachán (AE) 2021/947 nó le hAirteagal 87 de Chinneadh 2013/755/AE, nó i gcomhréir leo araon, féadfaidh CFRE, i gcomhréir leis an Rialachán seo, i gcás inarb iomchuí agus ar bhonn cómhalartachta agus comhréireachta maidir leis an leibhéal cistiúcháin ó ICFCI nó ó OCTP, nó ón dá rud araon, rannchuidiú freisin le gníomhaíochtaí arna gcur chun feidhme ag tír chomhpháirtíochta nó réigiún comhpháirtíochta nó aon eintiteas eile faoi Rialachán (AE) 2021/947, ag tír, críoch nó aon eintiteas eile faoi Chinneadh 2013/755/AE nó ag ceann de na réigiúin is forimeallaí den Aontas, go háirithe faoi chlár comhpháirteach Interreg B, C nó D amháin nó níos mó nó faoi na bearta comhair dá dtagraítear in Airteagal 59 den Rialachán seo, ar beata iad a bhunaítear agus a chuirtear chun feidhme de bhun an Rialacháin seo.

1.   Ar bhonn na faisnéise arna soláthar ag na Ballstáit de bhun Airteagal 9(5), déanfaidh an Coimisiún gníomhartha cur chun feidhme a ghlacadh lena leagfar amach liosta de na cláir Interreg uile agus lena léireofar, in aghaidh gach cláir, méid foriomlán na tacaíochta iomláine ó CFRE agus, i gcás inarb infheidhme, an tacaíocht iomlán ó gach ionstraim maoinithe sheachtraigh de chuid an Aontais. Déanfar na gníomhartha cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 63(2).

2.   Beidh liosta de na méideanna arna n-aistriú de bhun Airteagal 9(4) sna gníomhartha cur chun feidhme sin freisin agus iad miondealaithe in aghaidh an Bhallstáit.

1.   Más rud é, i gcás 2022 nó 2023, nach gcuirtear clár trasteorann seachtrach ar bith faoi bhráid an Choimisiúin faoin 31 Márta den bhliain lena mbaineann, maidir leis an ranníocaíocht bhliantúil ó CFRE leis an gclár sin nár ath-leithdháileadh ar chlár eile a tíolacadh faoin gcatagóir chéanna de na cláir Interreg trasteorann sheachtracha, déanfar í a leithdháileadh ar na cláir Interreg trasteorann inmheánacha ina bhfuil an Ballstát lena mbaineann rannpháirteach.

2.   Más rud é, faoin 31 Márta 2024, gurb ann fós do chláir Interreg trasteorann sheachtracha nár cuireadh faoi bhráid an Choimisiúin, maidir leis an ranníocaíocht ó CFRE dá dtagraítear in Airteagal 9(5) leis na cláir sin le haghaidh na mblianta atá fanta suas go 2027, nach bhfuiltear tar éis a ath-leithdháileadh ar chlár Interreg eile a fhaigheann tacaíocht freisin ó CTT IPA III nó CTT-ICFCI, faoi seach, déanfar í a leithdháileadh ar na cláir Interreg trasteorann sheachtracha ina bhfuil an Ballstát lena mbaineann rannpháirteach.

3.   Maidir le haon chlár Interreg trasteorann seachtrach a d’fhormheas an Coimisiún cheana, scoirfear de, nó laghdófar an leithdháileadh ar an gclár sin, i gcomhréir leis na rialacha agus na nósanna imeachta is infheidhme, go háirithe, i gcás:

I gcásanna den sórt sin, maidir leis an ranníocaíocht ó CFRE dá dtagraítear i mír 1 a chomhfhreagraíonn do thráthchodanna bliantúla nach bhfuil geallta fós, nó tráthchodanna bliantúla a gealladh agus a saoradh go hiomlán nó go páirteach le linn na bliana buiséadaí céanna, nach bhfuiltear tar éis a ath-leithdháileadh ar chlár Interreg eile a fhaigheann tacaíocht freisin ó CTT IPA III nó CTT-ICFCI, faoi seach, déanfar í a leithdháileadh ar na cláir Interreg trasteorann inmheánacha ina bhfuil an Ballstát lena mbaineann rannpháirteach.

4.   Maidir le clár Interreg B a d’fhormheas an Coimisiún cheana, scoirfear de rannpháirtíocht tíre comhpháirtíochta nó tíre nó críche thar lear, má dhéantar de réir ceann de na cásanna a leagtar amach i bpointí (a) nó (b) den chéad fhomhír de mhír 3.

Iarrfaidh na Ballstáit rannpháirteacha agus, i gcás inarb infheidhme, na tíortha comhpháirteacha rannpháirteacha atá fanta:

I gcás ina laghdaítear an leithdháileadh ar an gclár Interreg de bhun phointe (b), maidir leis an ranníocaíocht ó CFRE a chomhfhreagraíonn do thráthchodanna bliantúla nach bhfuil geallta fós, déanfar í a leithdháileadh ar chlár eile Interreg B ina bhfuil Ballstát amháin nó níos mó rannpháirteach nó, i gcás nach bhfuil Ballstát rannpháirteach ach i gclár Interreg B amháin, ar chlár Interreg trasteorann inmheánach amháin nó níos mó ina bhfuil an Ballstát sin rannpháirteach.

5.   Bainfear úsáid as an ranníocaíocht ó IPA III, ICFCI nó OCTP arna laghdú de bhun an Airteagail seo i gcomhréir le Rialachán IPA III, Rialachán (AE) 2021/947 nó Cinneadh 2013/755/AE, faoi seach.

6.   Más rud é, maidir le tríú tír, tír chomhpháirtíochta nó tír nó críoch thar lear a rannchuidíonn le clár Interreg trí bhíthin acmhainní náisiúnta, ach nach ionann iad agus cómhaoiniú náisiúnta tacaíochta ó CFRE nó ó ionstraim maoinithe sheachtraigh de chuid an Aontais, go laghdaíonn sí an ranníocaíocht sin le linn chur chun feidhme an chláir Interreg, ar bhealach foriomlán nó maidir le hoibríochtaí comhpháirteacha a roghnaíodh cheana agus tar éis an doiciméad dá bhforáiltear in Airteagal 22(6) a fháil, iarrfaidh an Ballstát rannpháirteach nó na Ballstáit rannpháirteacha ceann amháin de na roghanna a leagtar amach sa dara fomhír de mhír 4 den Airteagal seo.

1.   Ní bheidh an ráta cómhaoinithe ar leibhéal gach cláir Interreg níos airde ná 80 %.

2.   D’ainneoin mhír 1 den Airteagal seo, ní bheidh an ráta cómhaoinithe do chláir Interreg D níos airde ná 85 % mura socrófar céatadán níos airde i gCinneadh 2013/755/AE nó in aon ghníomh arna ghlacadh de bhun an Chinnidh sin nó, i gcás inarb infheidhme, arna ghlacadh de bhun Rialachán (AE) 2021/947, nó aon ghníomh arna ghlacadh de bhun an Rialacháin sin.

3.   I gcás ina bhfaigheann cláir Interreg tacaíocht ó CFRE agus CTT IPA III agus i gcás inar 50 % nó níos lú de leithdháileadh iomlán an Aontais an leithdháileadh ó CFRE, féadfar céatadán níos airde a shocrú i Rialachán IPA III nó in aon ghníomh arna ghlacadh de bhun an Rialacháin sin.

4.   I gcás ina bhfaigheann cláir Interreg tacaíocht ó CFRE, agus ó ICFCI amháin nó ó ICFCI agus IPA III araon, agus i gcás inar 50 % nó níos lú de leithdháileadh iomlán an Aontais an leithdháileadh ó CFRE, féadfar céatadán níos airde a shocrú i Rialachán (AE) 2021/947 nó in aon ghníomh arna ghlacadh de bhun an Rialacháin sin.

1.   Le CFRE, laistigh dá raon feidhme mar a leagtar amach in Airteagal 5 de Rialachán (AE) 2021/1058, agus, i gcás inarb infheidhme, le hionstraimí maoinithe sheachtraigh an Aontais, rannchuideofar leis na cuspóirí beartais a leagtar amach in Airteagal 5(1) de Rialachán 2021/1060 trí ghníomhaíochtaí comhpháirteacha faoi chláir Interreg.

2.   I gcás an chláir trasteorann PEACE PLUS, i gcás ina mbeidh sé ag feidhmiú ar mhaithe leis an tsíocháin agus leis an athmhuintearas, le CFRE, mar chuspóir sonrach faoi chuspóir beartais 4, rannchuideofar freisin le cobhsaíocht shóisialta, eacnamaíoch agus réigiúnach a chur chun cinn sna réigiúin lena mbaineann, go háirithe trí ghníomhaíochtaí chun comhtháthú idir pobail a chur chun cinn. Beidh tosaíocht ar leith mar thacaíocht leis an gcuspóir sonrach sin.

3.   De bhreis ar na cuspóirí sonracha le haghaidh CFRE a leagtar amach in Airteagal 3 de Rialachán (AE) 2021/1058, le CFRE agus, i gcás inarb infheidhme, le hionstraimí maoinithe sheachtraigh an Aontais, rannchuideofar freisin leis na cuspóirí sonracha (a) go (l) d’Airteagal 4(1) de Rialachán (AE) 2021/1057 trí ghníomhaíochtaí comhpháirteacha faoi chláir Interreg.

4.   Faoi chláir Interreg, le CFRE agus, i gcás inarb infheidhme, le hionstraimí maoinithe sheachtraigh an Aontais, féadfar tacú freisin leis an gcuspóir Interreg-shonrach “rialachas comhair níos fearr”, trí cheann amháin nó níos mó de na gníomhaíochtaí seo a leanas:

5.   Faoi chláir Interreg, le CFRE agus, i gcás inarb infheidhme, le hionstraimí maoinithe sheachtraigh an Aontais, féadfar rannchuidiú freisin leis an gcuspóir Interreg-shonrach “Eoraip níos sábháilte agus níos sláine”, go háirithe trí ghníomhaíochtaí i réimsí an bhainistithe trasnaithe teorann, na soghluaisteachta ag na teorainneacha agus an bhainistithe imirce, lena n-áirítear cosaint agus comhtháthú eacnamaíoch agus sóisialta náisiúnach tríú tír, mar shampla imircigh agus tairbhithe cosanta idirnáisiúnta.

1.   Déanfar 60 % ar a laghad de ranníocaíocht CFRE agus, i gcás inarb infheidhme, ó ionstraimí maoinithe sheachtraigh an Aontais ar gach clár Interreg A, B agus D a leithdháileadh ar chuspóir beartais 2 agus ar dhá chuspóir beartais eile, ar a mhéid, a leagtar amach in Airteagal 5(1) de Rialachán (AE) 2021/1060.

Le cláir Interreg A ar feadh teorainneacha talún inmheánacha, déanfar 60 % ar a laghad de thacaíocht CFRE arna leithdháileadh a leithdháileadh ar chuspóirí beartais 2 agus 4 agus ar dhá chuspóir beartais eile, ar a mhéid, a leagtar amach in Airteagal 5(1) de Rialachán (AE) 2021/1060.

2.   Féadfar suas le 20 % de ranníocaíocht CFRE agus, i gcás inarb infheidhme, ó ionstraimí maoinithe sheachtraigh an Aontais ar gach clár Interreg A, B agus D a leithdháileadh ar an gcuspóir Interreg-shonrach “rialachas comhair níos fearr” agus féadfar suas le 5 % a leithdháileadh ar an gcuspóir Interreg-shonrach “Eoraip níos sábháilte agus níos sláine”.

3.   I gcás ina bhfuil clár B Interreg ag tacú le straitéis mhacrairéigiúnach nó le straitéis imchuach farraige, déanfar 80 % ar a laghad de ranníocaíocht CFRE agus, i gcás inarb infheidhme, cuid d’ionstraimí maoinithe sheachtraigh an Aontais a leithdháileadh faoi thosaíochtaí seachas cúnamh teicniúil a rannchuidiú le cuspóirí na straitéise.

4.   Féadfar na cuspóirí beartais ar fad a leagtar amach in Airteagal 54(1) de Rialachán (AE) 2021/1060 agus an cuspóir Interreg-shonrach “rialachas comhair níos fearr” a roghnú le haghaidh chláir Interreg Europe agus URBACT. I gcás chlár INTERACT agus ESPON, déanfar ranníocaíocht iomlán CFRE agus, i gcás inarb infheidhme, ionstraimí maoinithe sheachtraigh an Aontais a leithdháileadh ar an gcuspóir Interreg-shonrach “rialachas comhair níos fearr”.

1.   Déanfar sprioc an chomhair chríochaigh Eorpaigh (Interreg) a chur chun feidhme trí chláir Interreg faoi bhainistíocht roinnte cé is moite de chláir Interreg D, a fhéadfar a chur chun feidhme ina iomláine nó go páirteach faoi bhainistíocht indíreach i gcomhaontú leis an mBallstát nó leis na Ballstáit lena mbaineann tar éis dul i gcomhairle leis na geallsealbhóirí.

2.   Déanfaidh na Ballstáit rannpháirteacha agus, i gcás inarb infheidhme, na tríú tíortha , na tíortha comhpháirtíochta nó na tíortha nó críocha thar lear atá rannpháirteach, nó eagraíochtaí um lánpháirtiú agus comhar réigiúnach clár Interreg a ullmhú i gcomhréir leis an teimpléad a leagtar amach san Iarscríbhinn le haghaidh na tréimhse ón 1 Eanáir 2021 go dtí an 31 Nollaig 2027.

3.   Déanfaidh na Ballstáit rannpháirteacha clár Interreg a ullmhú i gcomhar leis na comhpháirtithe clár dá dtagraítear in Airteagal 8 de Rialachán 2021/1060. Le linn ullmhú chláir Interreg B, lena gcumhdaítear straitéisí macrairéigiúnacha nó straitéisí imchuach farraige, cuirfidh na Ballstáit agus na comhpháirtithe clár na tosaíochtaí téamacha san áireamh sna straitéisí macrairéigiúnacha agus straitéisí imchuach farraige lena mbaineann agus rachaidh siad i gcomhairle leis na gníomhaithe ábhartha, agus áiritheoidh siad go dtabharfar na gníomhaithe sin ar leibhéal an mhacrairéigiúin agus an imchuach farraige le chéile i dtús na clárthréimhse i gcomhréir leis an Airteagal sin.

Tabharfaidh na tríú tíortha nó na tíortha comhpháirtíochta nó, i gcás inarb infheidhme, na tíortha nó críocha thar lear atá rannpháirteach deis rannpháirtíochta do na comhpháirtithe clár, lena n-áirítear eagraíochtaí um lánpháirtiú agus comhar réigiúnach, atá coibhéiseach leo sin dá dtagraítear san Airteagal sin.

4.   An Ballstát atá ina óstach ar an údarás bainistíochta ionchasach, déanfaidh sé clár Interreg a chur faoi bhráid an Choimisiúin faoin 2 Aibreán 2022 thar ceann na mBallstát rannpháirteach uile agus, i gcás inarb infheidhme, thar ceann na dtríú tíortha, na dtíortha comhpháirteacha nó na dtíortha nó na gcríoch thar lear atá rannpháirteach, nó na n-eagraíochtaí um lánpháirtiú agus comhar réigiúnach.

Mar sin féin, i gcás ina gcumhdaíonn clár Interreg tacaíocht ó ionstraim maoinithe sheachtraigh de chuid an Aontais, déanfaidh an Ballstát atá ina óstach ar an údarás bainistíochta ionchasach an clár Interreg a chur faoi bhráid an Choimisiúin tráth nach déanaí ná 9 mí tar éis don Choimisiún na doiciméid straitéise ilbhliantúla a ghlacadh dá bhforáiltear in Airteagal 10(1) nó i gcomhréir leis an mbunghníomh reachtach comhfhreagrach a bhaineann leis an ionstraim maoinithe sheachtraigh sin de chuid an Aontais.

5.   Na Ballstáit rannpháirteacha agus, i gcás inarb infheidhme, na tríú tíortha, na tíortha comhpháirtíochta nó na tíortha nó na críocha thar lear atá rannpháirteach, daingneoidh siad i scríbhinn go gcomhaontaíonn siad le hinneachar cláir Interreg sula gcuirfear faoi bhráid an Choimisiúin é. Áireofar sa chomhaontú sin freisin gealltanas ó na Ballstáit rannpháirteacha uile agus, i gcás inarb infheidhme, ó na tríú tíortha, ó na tíortha comhpháirtíochta nó ó na tíortha nó na críocha thar lear uile atá rannpháirteach go soláthróidh siad an cómhaoiniú is gá chun an clár Interreg a chur chun feidhme agus, i gcás inarb infheidhme, an gealltanas le haghaidh ranníocaíocht na dtríú tíortha, na dtíortha comhpháirtíochta nó na dtíortha nó na gcríoch thar lear.

De mhaolú ar an gcéad fhomhír, i gcás cláir Interreg lena mbaineann na réigiúin is forimeallaí agus tríú tíortha, tíortha comhpháirtíochta nó tíortha nó críocha thar lear, rachaidh na Ballstáit lena mbaineann i gcomhairle leis na tríú tíortha, leis na tíortha comhpháirtíochta nó leis na tíortha nó na críocha thar lear lena mbaineann sula gcuirfidh siad na cláir Interreg faoi bhráid an Choimisiúin. Sa chás sin, féadfar na comhaontuithe maidir le hinneachar na gclár Interreg agus an ranníocaíocht airgeadais fhéideartha ó na tríú tíortha, ó na tíortha comhpháirtíochta nó ó na tíortha nó na críocha thar lear a chur in iúl, ina ionad sin, sna miontuairiscí, arna bhformheas go foirmiúil, ó na cruinnithe comhairliúcháin leis na tríú tíortha, leis na tíortha comhpháirtíochta nó leis na tíortha nó na críocha thar lear lena mbaineann nó ó phléití na n-eagraíochtaí um lánpháirtiú agus comhar réigiúnach.

6.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 62 chun an Iarscríbhinn a leasú chun oiriúnú a dhéanamh d’athruithe a tharlóidh le linn na clárthréimhse i gcás eilimintí neamhriachtanacha di sin.

1.   Leagfar amach i ngach clár Interreg straitéis chomhpháirteach le haghaidh rannchuidiú an chláir leis na cuspóirí beartais a leagtar amach in Airteagal 5(1) de Rialachán (AE) 2021/1060 agus, i gcás inarb ábhartha, leis na cuspóirí Interreg-shonracha a leagtar amach in Airteagal 14(4) agus (5) den Rialachán seo agus le haghaidh a thorthaí a chur in iúl.

2.   Is é a bheidh i ngach clár Interreg tosaíochtaí.

Beidh gach tosaíocht ag comhfhreagairt do chuspóir beartais aonair nó, i gcás inarb infheidhme, do chuspóir Interreg-shonrach amháin nó don dá cheann, faoi seach, agus beidh cuspóir sonrach amháin nó níos mó aici. Féadfaidh níos mó ná tosaíocht amháin comhfhreagairt don bheartas nó don chuspóir Interreg-shonrach céanna.

3.   Leagfar amach i ngach clár Interreg:

Nuair a thíolacfaidh Ballstát an clár, áiritheoidh sé go mbeidh liosta d’oibríochtaí atá beartaithe a bhfuil tábhacht straitéiseach leo mar aon le hamchlár ag gabháil leis an gclár chun críoch faisnéise.

4.   Maidir leis an bhfaisnéis dá dtagraítear i mír 3 i gcás na dtáblaí dá dtagraítear i bpointe (f) den mhír sin agus ó thaobh na tacaíochta ó ionstraimí maoinithe sheachtraigh an Aontais de, leagfar na leithdháiltí airgeadais sin amach mar a leanas:

5.   Maidir le pointe (e)(vi) den chéad fhomhír de mhír 3 den Airteagal seo, beidh na cineálacha idirghabhála bunaithe ar ainmníocht a leagtar amach in Iarscríbhinn I a ghabhann le Rialachán (AE) 2021/1060.

6.   Déanfar na nithe seo a leanas leis an gclár Interreg:

7.   Cuirfidh an Ballstát aon athruithe ar an bhfaisnéis dá dtagraítear i bpointe (a) nó pointe (b) de mhír 6 nach bhfuil leasú ar chlár de dhíth orthu in iúl don Choimisiún.

8.   Maidir le clár Interreg A, B nó D, i gcás ina gcumhdaítear le clár Interreg A teorainneacha fada lena ngabhann dúshláin agus riachtanais ilchineálacha, féadfaidh na Ballstáit agus, i gcás inarb infheidhme, tríú tíortha, tíortha comhpháirtíochta agus tíortha agus críocha thar lear atá rannpháirteach i gclár Interreg réimsí fochláir a shainiú.

9.   De mhaolú ar mhír 3, déanfar inneachar na gclár Interreg C a oiriúnú do chineál sonrach na gclár Interreg sin, go háirithe mar a leanas:

1.   Déanfaidh an Coimisiún measúnú ar gach clár Interreg agus ar chomhlíonadh Rialacháin (AE) 2021/1060 agus (AE) 2021/1058 agus an Rialacháin seo ag gach clár díobh sin agus, i gcás tacaíocht ó ionstraim maoinithe sheachtraigh de chuid an Aontais agus, i gcás inarb ábhartha, ar chomhréireacht an chláir leis na doiciméid straitéise ilbhliantúla de bhun Airteagal 10(1) den Rialachán seo nó leis an gcreat clársceidealaithe straitéisigh ábhartha de bhun an bhunghnímh reachtaigh chomhfhreagraigh de chuid ceann amháin nó níos mó de na hionstraimí sin.

2.   Féadfaidh an Coimisiún barúlacha a thabhairt laistigh de 3 mhí ón dáta a thíolacfaidh an Ballstát atá ina óstach ar an údarás bainistíochta ionchasach an clár Interreg.

3.   Déanfaidh na Ballstáit rannpháirteacha agus, i gcás inarb infheidhme, na tríú tíortha nó na tíortha comhpháirtíochta nó na tíortha nó na críocha thar lear atá rannpháirteach athbhreithniú ar an gclár Interreg agus barúlacha arna dtabhairt ag an gCoimisiún á gcur san áireamh.

4.   Glacfaidh an Coimisiún cinneadh trí bhíthin gníomh cur chun feidhme lena bhformheasfar gach clár Interreg tráth nach déanaí ná 5 mhí tar éis an dáta ar thíolaic an Ballstát atá ina óstach ar an údarás bainistíochta ionchasach an clár sin den chéad uair.

5.   Maidir le cláir Interreg trasteorann sheachtracha, glacfaidh an Coimisiún a chinntí i gcomhréir le mír 4 den Airteagal seo tar éis dul i gcomhairle le “Coiste IPA III” i gcomhréir leis an bhforáil ábhartha de Rialachán IPA III agus leis an “gcoiste don Ionstraim um Chomharsanacht, Forbairt agus Comhar Idirnáisiúnta” i gcomhréir le hAirteagal 45 de Rialachán (AE) 2021/947.

1.   Tar éis dul i gcomhairle leis an gcoiste faireacháin agus formheas a fháil uaidh agus i gcomhréir le hAirteagal 8 de Rialachán (AE) 2021/1060, féadfaidh an t-údarás bainistíochta iarraidh chuí-réasúnaithe ar leasú ar chlár Interreg a thíolacadh maille leis an gclár leasaithe, agus an tionchar measta a bheidh ag an leasú sin ar bhaint amach na gcuspóirí á leagan amach.

2.   Déanfaidh an Coimisiún measúnú ar chomhlíonadh an leasaithe cuí-réasúnaithe le Rialacháin (AE) 2021/1060 agus (AE) 2021/1058 agus leis an Rialachán seo agus féadfaidh sé barúlacha a thabhairt laistigh de 2 mhí ó tíolacadh an clár leasaithe.

3.   Déanfaidh na Ballstáit rannpháirteacha agus, i gcás inarb infheidhme, na tríú tíortha, na tíortha comhpháirtíochta nó na tíortha nó na críocha thar lear atá rannpháirteach athbhreithniú ar an gclár leasaithe agus cuirfidh siad na barúlacha arna dtabhairt ag an gCoimisiún san áireamh.

4.   Glacfaidh an Coimisiún cinneadh trí bhíthin gníomh tarmligthe lena bhformheastar an leasú ar chlár Interreg tráth nach déanaí ná 4 mhí tar éis don údarás bainistíochta é a thíolacadh.

5.   Tar éis dul i gcomhairle leis an gcoiste faireacháin agus formheas a fháil uaidh agus i gcomhréir le hAirteagal 8 de Rialachán (AE) 2021/1060, féadfaidh an t-údarás bainistíochta méid suas le 10 % den leithdháileadh tosaigh ar thosaíocht, gan dul thar 5 % de bhuiséad an chláir, a aistriú le linn na clárthréimhse chuig tosaíocht eile de chuid an chláir Interreg chéanna.

Ní dhéanfaidh aistrithe den sórt sin difear do bhlianta roimhe sin.

Ní mheasfar gur athruithe substaintiúla iad an t-aistriú agus na hathruithe gaolmhara agus ní bheidh gá le cinneadh ón gCoimisiún lena leasaítear an clár Interreg. Mar sin féin, comhlíonfar na ceanglais rialála uile leo. Cuirfidh an t-údarás bainistíochta an tábla athbhreithnithe dá dtagraítear i bpointe (f)(ii) d’Airteagal 17(3) faoi bhráid an Choimisiúin mar aon le haon athruithe gaolmhara ar an gclár.

6.   I gcomhair ceartuithe de chineál cléireachais nó eagarthóireachta amháin nach ndéanann difear do chur chun feidhme an chláir Interreg, ní bheidh gá le formheas a fháil ón gCoimisiún. Cuirfidh an t-údarás bainistíochta an Coimisiún ar an eolas faoi cheartuithe den sórt sin.

1.   Roghnóidh coiste faireacháin arna chur ar bun i gcomhréir le hAirteagal 28 oibríochtaí Interreg i gcomhréir le straitéis agus cuspóirí an chláir.

Féadfaidh an coiste faireacháin sin coiste stiúrtha amháin a chur ar bun, nó go háirithe i gcás fochlár, féadfaidh sé níos mó ná coiste stiúrtha amháin a chur ar bun, a fheidhmeoidh faoina chúram chun oibríochtaí a roghnú. Cuirfidh coistí stiúrtha prionsabal na comhpháirtíochta i bhfeidhm mar a leagtar amach in Airteagal 8 de Rialachán (AE) 2021/1060.

Nuair atá oibríocht á cur chun feidhme go hiomlán nó go páirteach lasmuigh de limistéar an chláir laistigh nó lasmuigh den Aontas, beidh gá le formheas sainráite an údaráis bainistíochta sa choiste faireacháin nó, i gcás inarb infheidhme, sa choiste stiúrtha chun an oibríocht sin a roghnú.

I gcás ina mbíonn comhpháirtí amháin nó roinnt comhpháirtithe páirteach san oibríocht, ar comhpháirtithe iad atá lonnaithe ar chríoch Ballstáit, tríú tír, tíre comhpháirtíochta nó tíre nó críche thar lear nach bhfuil ionadaíocht á déanamh air nó uirthi sa choiste faireacháin, beidh formheas sainráite an údaráis bainistíochta faoi réir formheas i scríbhinn a bheith faighte ón mBallstát, tríú tír, tír chomhpháirtíochta nó tír nó críoch thar lear sin lena mbaineann ina ndearbhófar go n-aisíocfar aon airgead a d’íocfaí go míchuí leis na comhpháirtithe sin, i gcomhréir le hAirteagal 52(2).

Nuair nach féidir an formheas i scríbhinn dá dtagraítear sa cheathrú fomhír den mhír seo a fháil, déanfaidh an comhlacht a chuireann chun feidhme oibríocht iomlán nó cuid d’oibríocht lasmuigh de limistéar an chláir ráthaíocht a fháil ó bhanc nó ó institiúid airgeadais eile do mhéid comhfhreagrach na gcistí Interreg a dheonófar. Cuirfear ráthaíocht den sórt sin isteach sa doiciméad dá bhforáiltear i mír 6.

2.   Maidir le hoibríochtaí a roghnú, déanfaidh an coiste faireacháin nó, i gcás inarb infheidhme, an coiste stiúrtha critéir agus nósanna imeachta a leagan síos agus a chur i bhfeidhm a bheidh neamh-idirdhealaitheach trédhearcach, lena n-áiritheofar inrochtaineacht do dhaoine faoi mhíchumas agus comhionannas inscne agus lena gcuirfear san áireamh Cairt um Chearta Bunúsacha an Aontais Eorpaigh agus prionsabal na forbartha inbhuanaithe agus beartas an Aontais maidir leis an gcomhshaol i gcomhréir le hAirteagal 11 agus le hAirteagal 191(1) CFAE.

Áiritheofar leis na critéir agus leis na nósanna imeachta go dtabharfar tosaíocht d’oibríochtaí a roghnófar d’fhonn uasmhéadú a dhéanamh ar rannchuidiú an chistithe ón Aontas le gnóthnú chuspóirí an chláir Interreg agus d’fhonn gné chomhair na n-oibríochtaí faoi chláir Interreg a chur chun feidhme, mar a leagtar amach in Airteagal 23(1) agus (4) den Rialachán seo.

3.   Arna iarraidh sin don Choimisiún, tabharfaidh an t-údarás bainistíochta fógra faoi na critéir roghnúcháin don Choimisiún sula gcuirfear faoi bhráid an choiste faireacháin iad den chéad uair nó, i gcás inarb infheidhme, faoi bhráid an choiste stiúrtha. Beidh feidhm ag an méid céanna maidir le haon athruithe a dhéanfar ar na critéir sin ina dhiaidh sin.

4.   Agus oibríochtaí á roghnú, déanfaidh an coiste faireacháin nó, i gcás inarb infheidhme, an coiste stiúrtha an méid seo a leanas:

5.   Formheasfaidh an coiste faireacháin nó, i gcás inarb infheidhme, an coiste stiúrtha an mhodheolaíocht agus na critéir arna n-úsáid chun oibríochtaí Interreg a roghnú, lena n-áirítear aon athruithe orthu, gan dochar do phointe (b) d’Airteagal 33(3) de Rialachán (AE) 2021/1060 maidir le forbairt áitiúil faoi stiúir an phobail ná d’Airteagal 24 den Rialachán seo.

6.   Maidir le gach oibríocht Interreg, tabharfaidh an t-údarás bainistíochta doiciméad don chomhpháirtí cinn nó don chomhpháirtí aonair ina leagfar amach na coinníollacha maidir le tacaíocht a thabhairt don oibríocht Interreg sin, lena n-áirítear na ceanglais shonracha maidir leis na táirgí nó leis seirbhísí atá le soláthar faoin oibríocht, a phlean maoinithe, an teorainn ama lena chur i gcrích agus, i gcás inarb infheidhme, an modh atá le cur i bhfeidhm chun costais na hoibríochta agus na coinníollacha maidir le híocaíocht na tacaíochta a chinneadh.

Leagfar amach sa doiciméad sin freisin oibleagáidí an chomhpháirtí cinn maidir le gnóthuithe de bhun Airteagal 52. Is é an coiste faireacháin a shaineoidh na hoibleagáidí sin.

1.   Maidir le hoibríochtaí arna roghnú faoi chláir Interreg A, B agus D, beidh baint ag comhpháirtithe ó dhá thír rannpháirteacha ar a laghad nó ó dhá cheann ar a laghad de thíortha nó críocha thar lear leo, agus beidh ceann amháin ar a laghad díobh sin ina thairbhí ó Bhallstát.

Maidir le hoibríochtaí arna roghnú faoi chláir Interreg Europe agus URBACT, beidh baint ag comhpháirtithe ó thrí thír rannpháirteacha ar a laghad leo, agus beidh dhá cheann acu ar a laghad ina dtairbhithe ó Bhallstát.

Maidir le tairbhithe a fhaigheann tacaíocht ó chistí Interreg agus comhpháirtithe atá rannpháirteach san oibríocht ach nach bhfaigheann aon tacaíocht airgeadais faoi na cistí sin (dá ngairtear “comhpháirtithe” go comhpháirteach), is comhpháirtíocht oibríochta Interreg atá i gceist leo.

2.   Féadfar oibríocht Interreg a chur chun feidhme i dtír aonair nó i dtír nó críoch thar lear aonair, ar choinníoll go ndéanfar an tionchar ar limistéar an chláir agus na tairbhí do limistéar an chláir a shainaithint san iarratas oibríochta.

3.   Ní bheidh feidhm ag mír 1 maidir le hoibríochtaí faoin gclár trasteorann PEACE PLUS i gcás ina bhfuil an clár ag feidhmiú ar mhaithe leis an tsíocháin agus leis an athmhuintearas.

4.   Comhoibreoidh comhpháirtithe maidir le hoibríochtaí Interreg a fhorbairt agus a chur chun feidhme, agus maidir le soláthar foirne nó maoiniú, nó an dá cheann díobh, a thabhairt do na hoibríochtaí sin.

Maidir le hoibríochtaí Interreg faoi chláir Interreg D, ní chuirfear de cheangal ar na comhpháirtithe ó na réigiúin is forimeallaí agus ó thríú tíortha, ó thíortha comhpháirtíochta nó ó thíortha nó críocha thar lear comhoibriú ach amháin i gcás dhá cheann de na ceithre ghné a liostaítear sa chéad fhomhír.

5.   I gcás ina bhfuil dhá chomhpháirtí nó níos mó i gceist, ainmneoidh na comhpháirtithe uile duine díobh ina chomhpháirtí cinn.

6.   Féadfaidh comhlacht dlíthiúil trasteorann nó GECC a bheith mar chomhpháirtí aonair d’oibríocht Interreg faoi chláir Interreg A, B agus D, ar choinníoll go dtabharfaidh na comhaltaí de deis rannpháirtíochta do chomhpháirtithe ó dhá thír rannpháirteacha ar a laghad.

Sa chomhlacht dlíthiúil trasteorann nó sa GECC, beidh comhaltaí ó thrí thír rannpháirteacha ar a laghad faoi na cláir Interreg Europe agus URBACT.

Comhlacht dlíthiúil a dhéanann ionstraim airgeadais, ciste de chistí sealbhaíochta nó ciste le haghaidh tionscadail bheaga, de réir mar is infheidhme, a chur chun feidhme, féadfaidh sé a bheith ina chomhpháirtí aonair d’oibríocht Interreg d’uireasa na ceanglais maidir lena chomhdhéanamh a leagtar amach sa chéad fhomhír a chur i bhfeidhm.

7.   Beidh comhpháirtí aonair cláraithe i mBallstát atá rannpháirteach sa chlár Interreg.

1.   Le cláir Interreg A, B agus D, tacófar le tionscadail a bhfuil méid teoranta airgeadais iontu, ar cheann de na bealaí seo:

2.   I gcás nach bhfuil clár Interreg B nó D in ann an oibleagáid a leagtar síos i mír 1 a chomhlíonadh, leagfar amach sa doiciméad cláir na cúiseanna i dtaobh cén fáth nach féidir an oibleagáid a chomhlíonadh, i gcomhréir le pointe 6 den teimpléad a leagtar amach san Iarscríbhinn.

1.   Ní rachaidh an ranníocaíocht iomlán ó CFRE nó, i gcás inarb infheidhme, ionstraim maoinithe sheachtraigh de chuid an Aontais le cistí le haghaidh tionscadail bheaga laistigh de chlár Interreg thar 20 % de leithdháileadh iomlán an chláir Interreg.

Gheobhaidh na faighteoirí deiridh laistigh de chiste le haghaidh tionscadail bheaga tacaíocht ó CFRE nó, i gcás inarb infheidhme, ionstraimí maoinithe sheachtraigh an Aontais tríd an tairbhí agus cuirfidh siad na tionscadail bheaga chun feidhme laistigh den chiste sin le haghaidh tionscadail bheaga (“tionscadal beag”).

2.   Is é atá sa chiste le haghaidh tionscadail bheaga oibríocht de réir bhrí phointe (4) d’Airteagal 2 de Rialachán (AE) 2021/1060, a ndéanfaidh tairbhí í a bhainistiú, agus a chúraimí agus a luach saothair á gcur san áireamh.

Is é a bheidh i gceist le tairbhí ná comhlacht dlíthiúil trasteorann nó GECC nó comhlacht a mbeidh pearsantacht dhlítheanach aige.

Roghnóidh an tairbhí na tionscadail bheaga a chuirfidh na faighteoirí deiridh chun feidhme de réir bhrí phointe (18) d’Airteagal 2 de Rialachán (AE) 2021/1060. I gcás nach comhlacht dlíthiúil trasteorann ná GECC é an tairbhí, roghnóidh comhlacht a bhfuil ionadaithe ó dhá thír rannpháirteacha ar a laghad páirteach ann, agus ar Ballstát é ceann amháin díobh ar a laghad, na tionscadail bheaga chomhpháirteacha.

3.   Sa doiciméad ina leagtar amach na coinníollacha maidir le tacaíocht a thabhairt do chiste le haghaidh tionscadail bheaga, déanfar, i dteannta na n-eilimintí a leagtar síos in Airteagal 22(6), na heilimintí is gá a leagan amach chun a áirithiú i gcás an tairbhí:

Áiritheoidh an tairbhí go gcomhlíonfaidh na faighteoirí deiridh na ceanglais a leagtar amach in Airteagal 36.

4.   Ní hionann roghnú tionscadal beag agus tarmligean cúraimí ón údarás bainistíochta chuig comhlacht idirmheánach dá dtagraítear in Airteagal 71(3) de Rialachán (AE) 2021/1060.

5.   Costais foirne agus costais eile a chomhfhreagraíonn do na catagóirí costais in Airteagail 39 go 43 arna nginiúint ar leibhéal an tairbhí chun an ciste nó na cistí le haghaidh tionscadail bheaga a bhainistiú, ní rachaidh siad thar 20 % de chostas incháilithe iomlán an chiste nó na gcistí le haghaidh tionscadail bheaga, faoi seach.

6.   I gcás nach dtéann an ranníocaíocht phoiblí le tionscadal beag thar EUR 100 000, beidh an ranníocaíocht ó CFRE nó, i gcás inarb infheidhme, ó ionstraim maoinithe sheachtraigh de chuid an Aontais i bhfoirm costais aonaid nó cnapshuimeanna nó maoiniú ar ráta comhréidh, cé is moite de thionscadail inarb ionann an tacaíocht agus Státchabhair.

I gcás nach dtéann costais iomlána gach tionscadail thar EUR 100 000, féadfar méid na tacaíochta le haghaidh tionscadal beag amháin nó níos mó a leagan amach ar bhonn dréachtbhuiséid a shocrófar ar bhonn cás ar chás agus a gcomhaontóidh an tairbhí atá ag bainistiú an chiste le haghaidh tionscadail bheaga é ar bhonn ex ante.

I gcás ina n-úsáidtear maoiniú ar ráta comhréidh, féadfar na catagóirí costais a gcuirtear an ráta comhréidh i bhfeidhm maidir leo a aisíoc i gcomhréir le pointe (a) d’Airteagal 53(1) de Rialachán (AE) 2021/1060.

1.   Déanfaidh an comhpháirtí cinn an méid seo a leanas:

2.   Mura sonraítear a mhalairt sna socruithe a leagtar síos de bhun phointe (a) de mhír 1, áiritheoidh an comhpháirtí cinn go bhfaighidh na comhpháirtithe eile méid iomlán na ranníocaíochta ón gciste ábhartha de chuid an Aontais ina iomláine agus laistigh de thréimhse ama a chomhaontóidh gach comhpháirtí agus tríd an nós imeachta céanna a cuireadh i bhfeidhm i leith an chomhpháirtí cinn. Ní dhéanfar aon mhéid a asbhaint ná a choinneáil siar agus ní thoibheofar muirear sonrach ná muirear eile comhéifeachta a laghdódh an méid sin do na comhpháirtithe eile.

3.   Aon chomhpháirtí i mBallstát, i dtríú tír, i dtír chomhpháirtíochta nó i dtír nó críoch thar lear atá rannpháirteach in oibríocht Interreg, féadfar é a ainmniú ina chomhpháirtí cinn.

1.   I dtaca le líon na gcistí a leithdháilfear mar chúnamh teicniúil, déanfar é a shainaithint mar chuid den leithdháileadh a ghabhann le gach tosaíocht de chuid an chláir i gcomhréir le pointe (f) d’Airteagal 17(3) agus ní bheidh sé i bhfoirm tosaíocht ar leithligh nó clár sonrach.

2.   Déanfar cúnamh teicniúil le gach clár Interreg a aisíoc mar ráta comhréidh trí na céatadáin a leagtar amach i mír 3 den Airteagal seo a chur i bhfeidhm maidir leis an gcaiteachas incháilithe a chuirtear san áireamh i ngach iarratas ar íocaíocht de bhun phointe (a) nó (c) d’Airteagal 91(3) de Rialachán (AE) 2021/1060 de réir mar is iomchuí.

3.   Is mar a leanas a bheidh an céatadán de ranníocaíocht CFRE agus d’ionstraimí maoinithe sheachtraigh an Aontais a aisíocfar le haghaidh cúnamh teicniúil:

4.   Maidir le cláir Interreg arb ionann a leithdháileadh iomlán CFRE agus idir EUR 30 000 000 agus EUR 50 000 000, déanfar an méid a thagann de thoradh an chéatadáin le haghaidh cúnamh teicniúil a mhéadú faoi mhéid breise EUR 500 000. Cuirfidh an Coimisiún an méid sin leis an gcéad íocaíocht eatramhach.

5.   Maidir le cláir Interreg ar lú ná EUR 30 000 000 a leithdháileadh iomlán CFRE, déanfar an méid is gá le haghaidh cúnamh teicniúil arna shloinneadh in EUR agus an céatadán a thagann dá bharr a shocrú sa chinneadh ón gCoimisiún lena bhformheastar an clár Interreg lena mbaineann de bhun Airteagal 18.

1.   Déanfaidh na Ballstáit agus, i gcás inarb infheidhme, na tríú tíortha, na tíortha comhpháirtíochta agus na tíortha agus na críocha thar lear atá rannpháirteach sa chlár sin coiste a chur ar bun, i gcomhaontú leis an údarás bainistíochta, chun faireachán a dhéanamh ar chur chun feidhme an chláir Interreg ábhartha (“coiste faireacháin”) laistigh de 3 mhí ón dáta a dtugtar fógra do na Ballstáit faoin gcinneadh ón gCoimisiún lena bhformheastar clár Interreg de bhun Airteagal 18.

2.   Déanfaidh gach coiste faireacháin a rialacha nós imeachta a ghlacadh.

Le rialacha nós imeachta an choiste faireacháin agus, i gcás inarb infheidhme, rialacha nós imeachta an choiste stiúrtha, cuirfear cosc ar aon choinbhleacht leasa agus oibríochtaí Interreg á roghnú agus áireofar iontu forálacha maidir le cearta vótála agus rialacha maidir le freastal ar na cruinnithe.

3.   Tiocfaidh an coiste faireacháin le chéile uair amháin ar a laghad in aghaidh na bliana agus déanfaidh sé athbhreithniú ar na saincheisteanna uile a dhéanann difear do dhul chun cinn an chláir maidir lena chuspóirí a bhaint amach.

4.   Foilseoidh an t-údarás bainistíochta rialacha nós imeachta an choiste faireacháin agus achoimre ar na sonraí agus ar an bhfaisnéis araon, lena n-áirítear cinntí, arna bhformheas ag an gcoiste faireacháin ar an suíomh gréasáin dá dtagraítear in Airteagal 36(2).

1.   Maidir le comhdhéanamh an choiste faireacháin a bhaineann le gach clár Interreg, comhaontóidh na Ballstáit agus, i gcás inarb infheidhme, na tríú tíortha, na tíortha comhpháirtíochta agus na tíortha agus na críocha thar lear atá rannpháirteach sa chlár sin é agus áiritheoidh siad ionadaíocht chothrom den mhéid seo a leanas:

Cuirfear san áireamh i gcomhdhéanamh an choiste faireacháin líon na mBallstát, na dtríú tíortha, na dtíortha comhpháirtíochta agus na dtíortha agus na gcríoch thar lear atá rannpháirteach sa chlár Interreg lena mbaineann.

2.   Foilseoidh an t-údarás bainistíochta liosta de chomhaltaí an choiste faireacháin ar an suíomh gréasáin dá dtagraítear in Airteagal 36(2).

3.   Beidh ionadaithe ón gCoimisiún rannpháirteach in obair an choiste faireacháin i gcáil chomhairleach.

1.   Déanfaidh an coiste faireacháin an méid seo a leanas a scrúdú:

2.   De bhreis ar chúraimí an choiste faireacháin maidir le hoibríochtaí a roghnú a liostaítear in Airteagal 22, formheasfaidh sé an méid seo a leanas:

1.   Féadfaidh an Coimisiún athbhreithniú a eagrú chun feidhmíocht clár Interreg a scrúdú.

Féadfar an t-athbhreithniú a dhéanamh i scríbhinn.

2.   Arna iarraidh sin don Choimisiún, soláthróidh an t-údarás bainistíochta, laistigh de mhí amháin, an fhaisnéis ghonta don Choimisiún maidir leis na heilimintí a liostaítear in Airteagal 30(1). Beidh an fhaisnéis sin bunaithe ar na sonraí is déanaí atá ar fáil do na Ballstáit agus, i gcás inarb infheidhme, na tríú tíortha, na tíortha comhpháirteacha agus na tíortha agus na críocha thar lear.

3.   Déanfar toradh an athbhreithnithe a thaifeadadh i miontuairiscí comhaontaithe.

4.   Déanfaidh an t-údarás bainistíochta bearta leantacha maidir leis na saincheisteanna arna dtarraingt anuas ag an gCoimisiún agus cuirfidh sé an Coimisiún ar an eolas, laistigh de 3 mhí ó dháta an athbhreithnithe, faoi na bearta arna ndéanamh.

1.   Déanfaidh gach údarás bainistíochta sonraí carnacha maidir leis an gclár Interreg ábhartha a tharchur go leictreonach chuig an gCoimisiún gach bliain faoin 31 Eanáir, faoin 30 Aibreán, faoin 31 Iúil, agus faoin 30 Deireadh Fómhair i gcomhréir leis an teimpléad a leagtar amach in Iarscríbhinn VII a ghabhann le Rialachán (AE) 2021/1060, cé is moite den fhaisnéis nach mór a thabhairt i bpointe (b) de mhír 2 agus i mír 3 den Airteagal seo, ar faisnéis í a tharchuirfear faoin 31 Eanáir agus faoin 31 Iúil gach bliain.

Beidh an chéad tarchur le déanamh faoin 31 Eanáir 2022 agus beidh an ceann deireanach le déanamh faoin 31 Eanáir 2030.

2.   Déanfar na sonraí dá dtagraítear i mír 1 a mhiondealú i gcás gach tosaíochta de réir cuspóir sonrach agus déanfar tagairt iontu don mhéid seo a leanas:

3.   I gcás ionstraimí airgeadais, soláthrófar sonraí faoin méid seo a leanas freisin:

4.   Na sonraí a thíolacfar i gcomhréir leis an Airteagal seo, beidh siad iontaofa agus ina léiriú ar na sonraí atá ar fáil sa chóras leictreonach dá dtagraítear i bpointe (e) d’Airteagal 72(1) de Rialachán (AE) 2021/1060 ag deireadh na míosa roimh mhí an tíolactha.

5.   Foilseoidh an t-údarás bainistíochta na sonraí uile arna dtarchur chuig an gCoimisiún, nó cuirfidh sé nasc chuig na sonraí sin ar fáil, ar an suíomh gréasáin dá dtagraítear in Airteagal 36(2).

1.   Cuirfidh gach údarás bainistíochta tuarascáil deiridh ar fheidhmíocht faoin gclár Interreg ábhartha faoi bhráid an Choimisiúin faoin 15 Feabhra 2031.

Tíolacfar an tuarascáil deiridh ar fheidhmíocht ag baint úsáid as an teimpléad a bhunaítear i gcomhréir le hAirteagal 43(5) de Rialachán (AE) 2021/1060.

2.   Déanfar measúnú sa tuarascáil deiridh ar fheidhmíocht ar bhaint amach chuspóirí an chláir bunaithe ar na heilimintí a liostaítear in Airteagal 30 cé is moite de phointe (c) de mhír 1, agus pointe (d) de mhír 2, de.

3.   Scrúdóidh an Coimisiún an tuarascáil deiridh ar fheidhmíocht agus cuirfidh sé an t-údarás bainistíochta ar an eolas faoi aon bharúlacha atá aige laistigh de 5 mhí ón dáta a bhfuarthas an tuarascáil sin. I gcás ina dtabharfar barúlacha den sórt sin, déanfaidh an t-údarás bainistíochta an fhaisnéis go léir is gá maidir leis na barúlacha sin a sholáthar agus, i gcás inarb iomchuí, déanfaidh sé, laistigh de 3 mhí ó na barúlacha a fháil, an Coimisiún a chur ar an eolas i dtaobh na mbeart a rinneadh. Laistigh de 2 mhí ó gheobhaidh sé gach faisnéis riachtanach ón údarás bainistíochta, cuirfidh an Coimisiún in iúl don údarás bainistíochta gur glacadh leis an tuarascáil. I gcás nach gcuireann an Coimisiún sin in iúl don údarás bainistíochta laistigh de na spriocdhátaí sin, measfar gur glacadh leis an tuarascáil.

4.   Foilseoidh an t-údarás bainistíochta an tuarascáil deiridh ar fheidhmíocht ar an suíomh gréasáin dá dtagraítear in Airteagal 36(2).

1.   Bainfear úsáid as táscairí coiteanna aschuir agus toraidh, mar a leagtar amach in Iarscríbhinn I a ghabhann le Rialachán (AE) 2021/1058, agus, i gcás inar gá, as táscairí aschuir agus toraidh atá clárshonrach i gcomhréir le hAirteagal 16(1) de Rialachán (AE) 2021/1060, agus le pointe (e)(ii) d’Airteagal 17(3) agus le pointe (b) d’Airteagal 32(2) den Rialachán seo.

2.   I gcás inarb ábhartha, bainfear úsáid as táscairí aschuir agus toraidh atá clárshonrach sa bhreis ar na táscairí a roghnaíodh i gcomhréir le mír 1.

Féadfar gach táscaire coiteann aschuir agus toraidh a liostaítear i dTábla 2 d’Iarscríbhinn I a ghabhann le Rialachán (AE) 2021/1058 a úsáid freisin le cuspóirí sonracha faoi aon cheann de chuspóirí beartais 1 go 5 nó, i gcás inarb ábhartha, faoi na cuspóirí Interreg-shonracha a leagtar amach in Airteagal 14(4) agus (5) den Rialachán seo.

3.   Maidir le táscairí aschuir, socrófar na bonnlínte ag nialas. Clocha míle agus spriocanna carnacha a bheidh sna clocha míle a shocraítear do 2024 agus sna spriocanna a shocraítear do 2029.

1.   Déanfaidh an Ballstát nó an t-údarás bainistíochta meastóireachtaí ar na cláir i dtaca le ceann amháin nó níos mó de na critéir seo a leanas: éifeachtacht, éifeachtúlacht, ábharthacht, comhchuibheas agus breisluach an Aontais, d’fhonn cáilíocht cheapadh agus chur chun feidhme na gclár a fheabhsú. Le meastóireachtaí, féadfar critéir ábhartha eile a chumhdach freisin, amhail cuimsitheacht, neamh-idirdhealú agus infheictheacht, agus féadfar níos mó ná clár amháin a chumhdach leo.

2.   I dteannta na meastóireachtaí dá dtagraítear i mír 1, déanfar meastóireacht ar gach clár faoin 30 Meitheamh 2029 chun a thionchar a mheas.

3.   Fágfar na meastóireachtaí sin faoi chúram saineolaithe inmheánacha nó seachtracha atá neamhspleách ó thaobh feidhme de.

4.   Áiritheoidh an t-údarás bainistíochta na nósanna imeachta is gá chun na sonraí is gá le haghaidh meastóireachtaí a tháirgeadh agus a bhailiú.

5.   Tarraingeoidh an t-údarás bainistíochta plean meastóireachta suas lena bhféadfar níos mó ná clár Interreg amháin a chumhdach.

6.   Cuirfidh an t-údarás bainistíochta an plean meastóireachta faoi bhráid an choiste faireacháin tráth nach déanaí ná bliain amháin tar éis an clár Interreg a fhormheas.

7.   Foilseoidh an t-údarás bainistíochta na meastóireachtaí uile ar an suíomh gréasáin dá dtagraítear in Airteagal 36(2).

1.   Déanfaidh gach údarás bainistíochta oifigeach cumarsáide le haghaidh gach cláir Interreg a shainaithint. Féadfaidh oifigeach cumarsáide a bheith freagrach as níos mó ná clár amháin.

2.   Áiritheoidh an t-údarás bainistíochta gurb ann do shuíomh gréasáin, laistigh de 6 mhí ón tráth a formheasadh an clár Interreg de bhun Airteagal 18, ina mbeidh faisnéis faoi gach clár Interreg atá faoina chúram ar fáil, ina gcumhdaítear cuspóirí agus gníomhaíochtaí an chláir, na deiseanna cistiúcháin atá le fáil faoin gclár agus a bhfuil bainte amach leis.

3.   Beidh feidhm ag Airteagal 49(2) go (6) de Rialachán (AE) 2021/1060 maidir le freagrachtaí an údaráis bainistíochta.

4.   Tabharfaidh gach comhpháirtí in oibríocht Interreg nó gach comhlacht a chuireann ionstraim airgeadais chun feidhme aitheantas do thacaíocht ó chiste Interreg, lena n-áirítear acmhainní arna n-athúsáid le haghaidh ionstraimí airgeadais i gcomhréir le hAirteagal 62 de Rialachán (AE) 2021/1060, don oibríocht Interreg trí na nithe seo a leanas a dhéanamh:

Úsáidfear an téarma “Interreg” taobh le suaitheantas an Aontais i gcomhréir le hAirteagal 47 de Rialachán (AE) 2021/1060.

5.   Maidir le cistí le haghaidh tionscadail bheaga agus ionstraimí airgeadais, áiritheoidh an tairbhí, trí bhíthin na dtéarmaí conarthacha, go gcomhlíonfaidh na faighteoirí deiridh na ceanglais chun cumarsáid a dhéanamh go poiblí maidir leis an oibríocht Interreg.

Maidir le hionstraimí airgeadais, tabharfaidh an faighteoir deiridh aitheantas d’fhoinse an chistithe de chuid an Aontais agus áiritheoidh siad infheictheacht an chistithe sin, go háirithe nuair a bhíonn na gníomhaíochtaí agus a dtorthaí á gcur chun cinn, trí fhaisnéis spriocdhírithe atá comhleanúnach, éifeachtach agus comhréireach a sholáthar do lucht spéise éagsúil, lena n-áirítear na meáin agus an pobal.

6.   I gcás nach gcuireann sé gníomhaíochtaí feabhais ar bun, cuirfidh an t-údarás bainistíochta bearta i bhfeidhm, agus prionsabal na comhréireachta á chur san áireamh aige, trí suas le 2 % den tacaíocht ó na cistí a chur ar ceal i gcás an mhéid seo a leanas:

1.   Féadfar oibríocht Interreg iomlán nó cuid di a chur chun feidhme lasmuigh de Bhallstát, lena n-áirítear lasmuigh den Aontas, ar choinníoll go rannchuidítear leis an oibríocht Interreg le cuspóirí an chláir Interreg ábhartha.

2.   Gan dochar do na rialacha incháilitheachta a leagtar síos in Airteagail 63 go 68 de Rialachán (AE) 2021/1060, in Airteagail 5 agus 7 de Rialachán (AE) 2021/1058 nó sa Chaibidil seo, lena n-áirítear i ngníomhartha arna nglacadh fúthu, ní dhéanfaidh na Ballstáit rannpháirteacha agus, i gcás inarb infheidhme, na tríú tíortha, na tíortha comhpháirtíochta agus na tíortha agus na críocha thar lear atá rannpháirteach, le cinneadh comhpháirteach sa choiste faireacháin, ach rialacha breise maidir le hincháilitheacht chaiteachais a bhunú le haghaidh an chláir Interreg i ndáil le catagóirí caiteachais nach gcumhdaítear leis na forálacha sin. Leis na rialacha breise sin, cumhdófar an clár Interreg ina iomláine.

Mar sin féin, i gcás ina roghnaíonn clár Interreg oibríochtaí bunaithe ar ghlaonna ar thograí, glacfar na rialacha breise sin sula bhfoilseofar na glaonna ar thograí. I ngach cás eile, glacfar na rialacha breise sin sula roghnófar aon oibríochtaí.

3.   Maidir le hábhair nach gcumhdaítear leis na rialacha incháilitheachta a leagtar síos in Airteagail 63 go 68 de Rialachán (AE) 2021/1060, in Airteagail 5 agus 7 de Rialachán (AE) 2021/1058 agus sa Chaibidil seo, lena n-áirítear i ngníomhartha arna nglacadh fúthu nó i rialacha arna mbunú i gcomhréir le mír 2 den Airteagal seo, beidh feidhm ag rialacha náisiúnta an Bhallstáit agus, i gcás inarb infheidhme, na dtríú tíortha, na dtíortha comhpháirtíochta agus na dtíortha agus na gcríoch thar lear ina dtabhaítear an caiteachas.

4.   I gcás ina mbeidh an t-údarás bainistíochta agus an t-údarás iniúchóireachta ar mhalairt tuairime faoi incháilitheacht oibríochta Interreg inti féin arna roghnú faoi chlár Interreg, beidh forlámhas ag tuairim an údaráis bainistíochta, ag tabhairt aird chuí ar thuairim an choiste faireacháin.

5.   Ní bheidh tíortha agus críocha thar lear incháilithe le haghaidh tacaíocht ó CFRE faoi chláir Interreg, ach féadfaidh siad a bheith rannpháirteach sna cláir sin faoi na coinníollacha a leagtar amach sa Rialachán seo.

1.   Féadfaidh na Ballstáit rannpháirteacha agus, i gcás inarb infheidhme, na tríú tíortha, na tíortha comhpháirteacha agus na tíortha agus na críocha thar lear atá rannpháirteach, a chomhaontú i gcoiste faireacháin cláir Interreg nach mbeidh caiteachas a thagann faoi chatagóir amháin nó níos mó dá dtagraítear in Airteagail 39 go 44 incháilithe faoi thosaíocht amháin nó níos mó atá ag clár Interreg.

2.   Beidh baint ag aon chaiteachas atá incháilithe i gcomhréir leis an Rialachán seo leis na costais a bhaineann le hoibríocht nó cuid d’oibríocht a thionscnamh nó a thionscnamh agus a chur chun feidhme.

3.   Níl na costais seo a leanas incháilithe:

4.   I gcás ina n-úsáidtear an ráta comhréidh dá bhforáiltear in Airteagal 56(1) de Rialachán 2021/1060 chun costais dhíreacha oibríochta nach costais foirne dhíreacha iad a ríomh, ní chuirfear i bhfeidhm é ar chostais foirne dhíreacha arna ríomh ar bhonn ráta comhréidh dá dtagraítear i bpointe (c) d’Airteagal 39(3) den Rialachán seo.

5.   De mhaolú ar phointe (c) d’Airteagal 76(1) de Rialachán (AE) 2021/1060, déanfaidh gach tairbhí arb as tíortha nár ghlac an euro mar airgeadra iad an caiteachas arna íoc in airgeadra eile a athrú go euro trí úsáid a bhaint as ráta malairte cuntasaíochta míosúil an Choimisiúin sa mhí ar lena linn a tíolacadh an caiteachas sin lena fhíorú.

1.   Is é a bheidh i gceist le costais foirne ollchostais fostaíochta a bhaineann leis an bhfoireann atá fostaithe ag an gcomhpháirtí Interreg i gceann amháin de na slite seo a leanas:

2.   Beidh costais foirne teoranta don mhéid seo a leanas:

Maidir le pointe (a) den chéad fhomhír, féadfaidh íocaíochtaí a dhéantar le daoine nádúrtha a oibríonn don chomhpháirtí Interreg faoi chonradh seachas conradh fostaíochta nó oibre a bheith comhshamhlaithe le híocaíochtaí tuarastail agus measfar gur doiciméad fostaíochta é conradh den sórt sin.

3.   Féadfar costais foirne a aisíoc:

4.   Féadfar na costais foirne a bhaineann le daoine aonair a oibríonn go páirtaimseartha ar an oibríocht a ríomh mar cheachtar díobh seo a leanas :

5.   Maidir le baill foirne a fhostaítear de bhun phointe (d) de mhír 1, déanfar an ráta uaire a iolrú faoi líon na n-uaireanta a d’oibrigh siad go hiarbhír ar an oibríocht bunaithe ar chóras clárúcháin ama.

1.   Beidh costais oifige agus riaracháin teoranta do na heilimintí seo a leanas:

2.   Féadfar costais oifige agus riaracháin a ríomh mar chéatadán seasta den ollchostas fostaíochta i gcomhréir le pointe (b) den chéad fhomhír d’Airteagal 54 de Rialachán (AE) 2021/1060.

1.   Beidh costais taistil agus chóiríochta, cibé acu a thabhaítear nó nach dtabhaítear agus a íoctar nó nach n-íoctar na costais sin laistigh de limistéar an chláir nó lasmuigh de, teoranta do na heilimintí costais seo a leanas:

2.   Aon eilimint chostais a liostaítear i bpointí (a) go (d) de mhír 1 a chumhdaítear le liúntas laethúil, ní aisíocfar í sa bhreis ar an liúntas laethúil.

3.   Tagann costais taistil agus chóiríochta a bhaineann le saineolaithe seachtracha agus soláthraithe seirbhísí seachtracha faoi chostais a bhaineann le saineolas seachtrach agus seirbhísí seachtracha a liostaítear in Airteagal 42.

4.   Maidir le híocaíocht dhíreach caiteachais le haghaidh eilimintí costais a liostaítear i bpointí (a) go (d) de mhír 1 a dhéanann fostaí de chuid an tairbhí, beidh cruthúnas aisíocaíochta mar thacaíocht léi ón tairbhí leis an bhfostaí sin.

5.   Féadfar costais taistil agus chóiríochta oibríochta a ríomh mar ráta comhréidh dar luach suas le 15 % de chostais foirne dhíreacha na hoibríochta sin, gan ceanglas a bheith ar an mBallstát ríomh a dhéanamh chun an ráta is infheidhme a chinneadh.

1.   Na costais a bhaineann le trealamh a cheannaíonn tairbhí na hoibríochta, a ghlacann sé ar cíos nó a thógann sé ar léas seachas na cinn a chumhdaítear le hAirteagal 40, beidh siad teoranta don mhéid seo a leanas:

2.   Féadfaidh na costais a bhaineann le trealamh athláimhe a cheannach a bheith incháilithe faoi réir na gcoinníollacha seo a leanas:

1.   Déanfaidh na Ballstáit agus, i gcás inarb infheidhme, na tríú tíortha, na tíortha comhpháirtíochta agus na tíortha agus críocha thar lear atá rannpháirteach i gclár Interreg údarás bainistíochta aonair agus údarás iniúchóireachta aonair a shainaithint, chun críocha Airteagal 71 de Rialachán (AE) 2021/1060.

2.   Beidh an t-údarás bainistíochta agus an t-údarás iniúchóireachta lonnaithe sa Bhallstát céanna.

3.   Maidir leis an gclár trasteorann PEACE PLUS, measfar go mbeidh Comhlacht na gClár Speisialta AE, i gcás ina sainaithnítear mar an t-údarás bainistíochta é, lonnaithe i mBallstát.

4.   Féadfaidh na Ballstát agus, i gcás inarb infheidhme, na tríú tíortha, na tíortha comhpháirtíochta agus na tíortha agus críocha thar lear atá rannpháirteach i gclár Interreg GECC a shainaithint mar údarás bainistíochta an chláir sin.

5.   I gcás ina sainaithníonn an t-údarás bainistíochta comhlacht idirmheánach amháin nó níos mó faoi chlár Interreg i gcomhréir le hAirteagal 71(3) de Rialachán (AE) 2021/1060, déanfaidh an comhlacht idirmheánach na cúraimí sin i mbreis agus Ballstát rannpháirteach amháin nó, i gcás inarb infheidhme, i mbreis agus tríú tír, tír chomhpháirtíochta nó tír nó críoch thar lear amháin atá rannpháirteach. Gan dochar d’Airteagal 22 den Rialachán seo, ní fhéadfaidh comhlacht idirmheánach amháin nó níos mó na cúraimí sin a dhéanamh ach i mBallstát rannpháirteach amháin nó, i gcás inarb infheidhme, i dtríú tír, i dtír chomhpháirtíochta nó i dtír nó críoch thar lear atá rannpháirteach i gcás gur bunaithe ar struchtúir arb ann dóibh cheana a bhíonn an cur chuige sin.

1.   Comhlíonfaidh an t-údarás bainistíochta ar chlár Interreg na feidhmeanna a leagtar síos in Airteagail 72, 74 agus 75 de Rialachán (AE) 2021/1060, cé is moite den chúram a bhaineann le roghnú oibríochtaí dá dtagraítear i bpointe (a) d’Airteagal 72(1) agus in Airteagal 73 den Rialachán sin agus, i gcás inar comhlacht difriúil a chomhlíonann an fheidhm chuntasaíochta de bhun Airteagal 47 den Rialachán seo, cé is moite de na híocaíochtaí a dhéantar le tairbhithe dá dtagraítear i bpointe (b) d’Airteagal 74(1) de Rialachán (AE) 2021/1060. Déanfar na feidhmeanna sin sa chríoch iomlán a chumhdaítear leis an gclár sin, faoi réir na maoluithe a leagtar amach de bhun Chaibidil VIII den Rialachán seo.

2.   Déanfaidh an t-údarás bainistíochta, tar éis dul i gcomhairle leis na Ballstáit agus, i gcás inarb infheidhme, le haon tríú tíortha, tír chomhpháirtíochta nó tír nó críoch thar lear atá rannpháirteach sa chlár Interreg rúnaíocht chomhpháirteach a chur ar bun le foireann ag cur an chláir comhpháirtíochta san áireamh.

Beidh an rúnaíocht chomhpháirteach de chúnamh ag an údarás bainistíochta agus ag an gcoiste faireacháin a mhéid a bhaineann lena bhfeidhmeanna faoi seach a chomhlíonadh. Cuirfidh an rúnaíocht chomhpháirteach faisnéis ar fáil do thairbhithe ionchasacha maidir le deiseanna cistiúcháin faoi chláir Interreg agus cuideoidh sí le tairbhithe agus le comhpháirtithe chun oibríochtaí a chur chun feidhme.

Maidir le cláir Interreg a fhaigheann tacaíocht ó ionstraimí maoinithe sheachtraigh ón Aontas, féadfar oifig brainse amháin nó níos mó den rúnaíocht chomhpháirteach a chur ar bun i dtír chomhpháirtíochta amháin nó níos mó nó i dtír nó críoch thar lear amháin nó níos mó chun a cúraimí a dhéanamh níos gaire do thairbhithe agus comhpháirtithe ionchasacha ón tír chomhpháirtíochta nó ón tír nó críoch thar lear, faoi seach.

3.   De mhaolú ar phointe (a) d’Airteagal 74(1) de Rialachán (AE) 2021/1060 agus gan dochar d’Airteagal 45(5) den Rialachán sin, féadfaidh na Ballstáit agus, i gcás inarb infheidhme, an tríú tír, an tír chomhpháirtíochta nó an tír nó críoch thar lear atá rannpháirteach sa chlár Interreg a chinneadh go bhfuil gach Ballstát leis na fíoruithe bainistíochta dá tagraítear i bpointe (a) d’Airteagal 74(1) de Rialachán (AE) 2021/1060 a dhéanamh trí chomhlacht nó duine a bheidh freagrach as an bhfíorú sin ar a chríoch féin a shainaithint (“an rialaitheoir”).

4.   Féadfaidh na rialaitheoirí a bheith ionann is na comhlachtaí céanna atá freagrach as fíoruithe den sórt sin a dhéanamh le haghaidh na gclár faoi sprioc na hInfheistíochta le haghaidh post agus fáis nó, i gcás tríú tíortha, tíortha comhpháirtíochta nó tíortha nó críocha thar lear, as fíoruithe inchomparáide a dhéanamh faoi ionstraimí maoinithe sheachtraigh an Aontais. Beidh aon rialaitheoir neamhspleách ó thaobh feidhme de ar an údarás iniúchóireachta nó ar aon chomhalta den ghrúpa iniúchóirí.

5.   I gcás inar cinneadh go ndéanann rialaitheoirí sainaitheanta na fíoruithe bainistíochta de bhun mhír 4, deimhneoidh an t-údarás bainistíochta dó féin go ndearna rialaitheoir sainaitheanta caiteachas na dtairbhithe atá rannpháirteach in oibríocht a fhíorú.

6.   Áiritheoidh gach Ballstát, tríú tír, tír chomhpháirtíochta nó tír nó críoch thar lear gur féidir caiteachas tairbhí a fhíorú laistigh de thréimhse 3 mhí tar éis don tairbhí lena mbaineann na doiciméid a thíolacadh.

7.   Beidh gach Ballstát, tríú tír, tír chomhpháirtíochta nó tír nó críoch thar lear freagrach as na fíoruithe a dhéantar ar a chríoch nó a críoch féin.

8.   Sainaithneoidh gach Ballstát, tríú tír, tír chomhpháirtíochta agus tír agus críoch thar lear mar rialaitheoir údarás náisiúnta nó réigiúnach nó comhlacht príobháideach nó duine nádúrtha mar a leagtar amach i mír 9.

9.   I gcás inar comhlacht príobháideach nó duine nádúrtha é an rialaitheoir a dhéanann fíoruithe bainistíochta, comhlíonfaidh na rialaitheoirí sin ceann amháin ar a laghad de na ceanglais seo a leanas:

1.   Tiocfaidh na Ballstáit agus, i gcás inarb infheidhme, na tríú tíortha, na tíortha comhpháirtíochta agus na tíortha agus críocha thar lear atá rannpháirteach i gclár Interreg ar chomhaontú maidir leis na socruithe a bhaineann leis an bhfeidhm chuntasaíochta a chomhlíonadh.

2.   Is é a bheidh i gceist leis an bhfeidhm chuntasaíochta na cúraimí a liostaítear i bpointí (a) agus (b) d’Airteagal 76(1) de Rialachán (AE) 2021/1060 agus cumhdófar léi freisin na híocaíochtaí arna ndéanamh ag an gCoimisiún agus, mar riail ghinearálta, na híocaíochtaí arna ndéanamh leis an gcomhpháirtí cinn i gcomhréir le pointe (b) d’Airteagal 74(1) den Rialachán sin.

1.   Comhlíonfaidh an t-údarás iniúchóireachta cláir Interreg na feidhmeanna dá bhforáiltear san Airteagal seo agus in Airteagal 49 sa chríoch iomlán a chumhdaítear leis an gclár Interreg sin.

I gcás nach mbíonn údarú ag an údarás iniúchóireachta ar feadh na críche go léir a chumhdaítear faoin gclár comhair, beidh cúnamh aige ó ghrúpa iniúchóirí ina mbeidh ionadaí as gach Ballstát agus, i gcás inarb infheidhme, as gach tríú tír, tír chomhpháirtíochta nó tír nó críoch thar lear atá rannpháirteach sa chlár Interreg. Beidh gach Ballstát agus, i gcás inarb infheidhme, gach tríú tír, tír chomhpháirtíochta nó tír nó críoch thar lear freagrach as na hiniúchtaí a dhéantar ar a gcríoch féin.

Beidh ionadaí gach Ballstáit, agus i gcás inarb infheidhme, ionadaí gach tríú tír, gach tíre comhpháirtíochta nó gach tíre nó críche thar lear atá rannpháirteach sa chlár Interreg freagrach as na gnéithe fíorasacha a sholáthar a bhaineann le caiteachas ar a gcríoch féin a bheidh ag teastáil ón údarás iniúchóireachta chun a mheasúnú a dhéanamh.

Bunófar an grúpa iniúchóirí ar a dhéanaí laistigh de 3 mhí ón gcinneadh lena bhformheastar an clár Interreg de bhun Airteagal 18. Déanfaidh sé a chuid rialacha nós imeachta a tharraingt suas agus is é an t-údarás iniúchóireachta le haghaidh an chláir Interreg a ghníomhóidh mar chathaoirleach air.

Beidh na hiniúchóirí neamhspleách ó thaobh feidhme de ar chomhlachtaí nó ar dhaoine atá freagrach as fíoruithe bainistíochta de bhun Airteagal 46(3).

2.   Beidh údarás iniúchóireachta cláir Interreg freagrach as iniúchtaí córas agus iniúchtaí ar oibríochtaí a dhéanamh chun dearbhú neamhspleách a thabhairt don Choimisiún go bhfeidhmíonn na córais bhainistithe agus rialaithe go héifeachtach agus go bhfuil an caiteachas a chuirtear san áireamh sna cuntais a cuireadh faoi bhráid an Choimisiúin dlíthiúil agus rialta.

3.   I gcás ina gcuirtear clár Interreg san áireamh sa daonra as a roghnaíonn an Coimisiún sampla coiteann de bhun Airteagal 49(1), déanfaidh an t-údarás iniúchóireachta iniúchtaí ar oibríochtaí arna roghnú ag an gCoimisiún chun dearbhú neamhspleách a thabhairt don Choimisiún go bhfeidhmíonn córais bhainistithe agus rialaithe go héifeachtach.

4.   Déanfar obair iniúchóireachta i gcomhréir leis na caighdeáin iniúchóireachta a bhfuil glacadh leo go hidirnáisiúnta.

5.   Déanfaidh an t-údarás iniúchóireachta tuairim iniúchóireachta bhliantúil a tharraingt suas agus a chur faoi bhráid an Choimisiúin gach bliain faoin 15 Feabhra tar éis dheireadh na bliana cuntasaíochta i gcomhréir le hAirteagal 63(7) den Rialachán Airgeadais ag baint úsáid as an teimpléad a leagtar amach in Iarscríbhinn XIX a ghabhann le Rialachán (AE) 2021/1060 agus bunaithe ar an obair iniúchóireachta ar fad arna déanamh, ina gcumhdaítear gach ceann de na comhchodanna seo a leanas:

I gcás ina gcuirtear an clár Interreg san áireamh sa daonra as a roghnaíonn an Coimisiún sampla coiteann de bhun Airteagal 49(1), ní chumhdófar ach na heilimintí dá dtagraítear i bpointí (a) agus (c) den chéad fhomhír den mhír seo sa tuairim iniúchóireachta bhliantúil.

In imthosca eisceachtúla, féadfaidh an Coimisiún spriocdháta an 15 Feabhra a shíneadh go dtí an 1 Márta, arna iarraidh don údarás iniúchóireachta.

6.   Tarraingeoidh an t-údarás iniúchóireachta suas tuarascáil bhliantúil ar rialú agus cuirfidh sé faoi bhráid an Choimisiúin í gach bliain faoin 15 Feabhra tar éis dheireadh na bliana cuntasaíochta i gcomhréir le pointe (b) d’Airteagal 63(5) den Rialachán Airgeadais ag baint úsáid as an teimpléad a leagtar amach in Iarscríbhinn XX de Rialachán (AE) 2021/1060 agus lena dtacaítear leis an tuairim iniúchóireachta dá bhforáiltear i mír 5 den Airteagal seo agus lena leagtar amach achoimre ar na torthaí, lena n-áirítear anailís ar chineál agus ar mhéid aon earráidí agus easnamh sna córais chomh maith leis na gníomhaíochtaí ceartaitheacha atá beartaithe agus a cuireadh chun feidhme agus an ráta earráidí iomlán agus an ráta earráidí iarmharacha a thagann dá bharr sin le haghaidh an chaiteachais a iontráladh sna cuntais a cuireadh faoi bhráid an Choimisiúin.

7.   I gcás ina gcuirtear an clár Interreg san áireamh sa daonra as a roghnaíonn an Coimisiún sampla coiteann de bhun Airteagal 49(1), tarraingeoidh an t-údarás iniúchóireachta an tuarascáil bhliantúil ar rialú dá dtagraítear i mír 6 den Airteagal seo suas, ag baint úsáid as an teimpléad a leagtar amach in Iarscríbhinn XX a ghabhann le Rialachán (AE) 2021/1060, ar tuarascáil í a chomhlíonann ceanglais phointe (b) d’Airteagal 63(5) den Rialachán Airgeadais agus a thacaíonn leis an tuairim iniúchóireachta dá bhforáiltear i mír 5 den Airteagal seo.

Leagfar amach achoimre ar na torthaí sa tuarascáil sin, lena n-áirítear anailís ar chineál agus ar mhéid aon earráidí agus easnamh sna córais mar aon leis na gníomhaíochtaí ceartaitheacha atá beartaithe agus a cuireadh chun feidhme, torthaí na n-iniúchtaí ar oibríochtaí arna ndéanamh ag an údarás iniúchóireachta i ndáil leis an sampla coiteann dá dtagraítear in Airteagal 49(1) agus na ceartuithe airgeadais arna gcur i bhfeidhm ag údaráis an chláir Interreg i ndáil le haon neamhrialtachtaí aonair a bhraith an t-údarás iniúchóireachta i dtaca leis na hoibríochtaí sin.

8.   Tarchuirfidh an t-údarás iniúchóireachta tuarascálacha iniúchóireachta córas chuig an gCoimisiún a luaithe agus a thabharfar an nós imeachta bréagnaitheach is gá leis na hiniúchaithe ábhartha i gcrích.

9.   Tiocfaidh an Coimisiún agus an t-údarás iniúchóireachta le chéile ar bhonn rialta agus uair amháin in aghaidh na bliana ar a laghad, mura gcomhaontaítear a mhalairt, chun an straitéis iniúchóireachta, an tuarascáil bhliantúil ar rialú agus an tuairim iniúchóireachta a scrúdú, chun a bpleananna agus a modhanna iniúchóireachta a chomhordú agus chun tuairimí a mhalartú maidir le saincheisteanna a bhaineann le feabhas a chur ar chórais bhainistithe agus rialaithe.

1.   Roghnóidh an Coimisiún sampla coiteann d’oibríochtaí, nó aonaid samplála eile, ag úsáid modh samplála staidrimh le haghaidh na n-iniúchtaí ar oibríochtaí a bheidh le déanamh ag na húdaráis iniúchóireachta i gcomhair na gclár Interreg a fhaigheann tacaíocht ó CFRE nó ionstraim maoinithe sheachtraigh de chuid an Aontais i ndáil le gach bliain chuntasaíochta.

Beidh an sampla coiteann ionadaíoch do na cláir Interreg uile arb é an daonra iad.

Chun an sampla coiteann a roghnú, féadfaidh an Coimisiún grúpaí de chláir Interreg a shrathú de réir a rioscaí sonracha.

2.   Soláthróidh údaráis na gclár an fhaisnéis is gá don Choimisiún chun sampla coiteann a roghnú faoin 1 Lúnasa tar éis dheireadh gach bliana cuntasaíochta.

Tíolacfar an fhaisnéis sin i bhformáid chaighdeánaithe leictreonach, beidh sí iomlán agus réiteofar í leis an gcaiteachas arna dhearbhú don Choimisiún don bhliain chuntasaíochta tagartha.

3.   Gan dochar don cheanglas maidir le hiniúchadh a dhéanamh dá dtagraítear in Airteagal 48(2), ní dhéanfaidh na húdaráis iniúchóireachta le haghaidh cláir Interreg a chumhdaítear leis an sampla coiteann iniúchtaí breise ar oibríochtaí faoi na cláir sin, mura rud é go n-iarrann an Coimisiún orthu déanamh amhlaidh i gcomhréir le mír 8 den Airteagal seo nó i gcásanna inar shainaithin údarás iniúchóireachta rioscaí sonracha.

4.   Cuirfidh an Coimisiún na húdaráis iniúchóireachta ar na cláir Interreg lena mbaineann ar an eolas in am trátha faoin sampla coiteann arna roghnú chun deis a thabhairt do na húdaráis sin na hiniúchtaí a dhéanamh ar oibríochtaí, i gcoitinne, faoin 1 Meán Fómhair tar éis dheireadh gach bliana cuntasaíochta.

5.   Tíolacfaidh na húdaráis iniúchóireachta lena mbaineann faisnéis faoi thorthaí na n-iniúchtaí sin agus faoi aon cheartú airgeadais arna dhéanamh i ndáil le neamhrialtachtaí aonair arna mbrath, ar a dhéanaí sna tuarascálacha bliantúla ar rialú atá le cur faoi bhráid an Choimisiúin de bhun Airteagal 48(6) agus (7).

6.   Tar éis dó measúnú a dhéanamh ar thorthaí na n-iniúchtaí ar oibríochtaí arna roghnú faoi mhír 1, ríomhfaidh an Coimisiún ráta earráidí eachtarshuite foriomlán maidir leis na cláir Interreg a chuirtear san áireamh sa daonra as ar roghnaíodh an sampla coiteann, chun críocha a phróisis dearbhaithe féin.

7.   I gcás ina bhfuil an ráta earráidí eachtarshuite foriomlán dá dtagraítear i mír 6 os cionn 2 % den chaiteachas iomlán arna dhearbhú do na cláir Interreg a chuirtear san áireamh sa daonra as ar roghnaíodh an sampla coiteann, ríomhfaidh an Coimisiún ráta earráidí iarmharacha foriomlán, ag cur ceartuithe airgeadais san áireamh arna gcur i bhfeidhm ag údaráis na gclár Interreg ábhartha le haghaidh neamhrialtachtaí aonair arna mbrath trí iniúchtaí ar oibríochtaí arna roghnú faoi mhír 1.

8.   I gcás ina bhfuil an ráta earráidí iarmharacha foriomlán dá dtagraítear i mír 7 níos mó ná 2 % den chaiteachas arna dhearbhú do na cláir Interreg a chuirtear san áireamh sa daonra as ar roghnaíodh an sampla coiteann, cinnfidh an Coimisiún an gá a iarraidh ar údarás iniúchóireachta cláir Interreg ar leith nó grúpa clár Interreg is mó a ndéantar difear dó obair iniúchóireachta bhreise a dhéanamh chun a thuilleadh meastóireachta a dhéanamh ar an ráta earráidí agus measúnú a dhéanamh ar na bearta ceartaitheacha is gá le haghaidh na gclár Interreg a ndéanann na neamhrialtachtaí arna mbrath difear dóibh.

9.   Bunaithe ar an measúnú ar thorthaí na hoibre iniúchóireachta breise arna hiarraidh de bhun mhír 8 den Airteagal seo, féadfaidh an Coimisiún ceartuithe airgeadais breise a iarraidh lena gcur i bhfeidhm maidir leis na cláir Interreg a ndéanann na neamhrialtachtaí arna mbrath difear dóibh. I gcásanna den sórt sin, déanfaidh údaráis an chláir Interreg na ceartuithe airgeadais is gá i gcomhréir le hAirteagal 103 de Rialachán (AE) 2021/1060.

10.   Maidir le gach údarás iniúchóireachta ar chlár Interreg a bhfuil an fhaisnéis ina leith dá dtagraítear i mír 2 ar iarraidh nó neamhiomlán nó gan bheith tíolactha faoin spriocdháta a leagtar síos sa chéad fhomhír den mhír sin, déanfaidh sé cleachtadh samplála ar leithligh le haghaidh an chláir Interreg ábhartha i gcomhréir le hAirteagal 79 de Rialachán (AE) 2021/1060.

1.   Déanfar ranníocaíocht CFRE agus, i gcás inarb infheidhme, an tacaíocht ó ionstraimí maoinithe sheachtraigh an Aontais do gach clár Interreg a íoc isteach, i gcomhréir le hAirteagal 47(2), i gcuntas aonair nach mbeidh aon fhochuntais náisiúnta aige.

2.   Íocfaidh an Coimisiún réamh-mhaoiniú bunaithe ar an tacaíocht iomlán ó gach ciste Interreg, mar a leagtar amach sa chinneadh lena bhformheastar gach clár Interreg de bhun Airteagal 18, faoi réir cistí a bheith ar fáil, i dtráthchodanna bliantúla mar a leanas agus roimh an 1 Iúil sna blianta 2022 go 2026, nó, sa bhliain ina bhformheastar an cinneadh, tráth nach déanaí ná 60 lá tar éis ghlacadh an chinnidh sin:

3.   I gcás ina bhfaigheann cláir Interreg tacaíocht ó CFRE agus CTT IPA III agus i gcás ina bhfuil an ranníocaíocht ó CFRE 50 % nó níos lú de leithdháileadh iomlán an Aontais, íocfaidh an Coimisiún réamh-mhaoiniú i gcomhréir leis na forálacha ábhartha de Rialachán IPA III.

4.   I gcás ina bhfaigheann cláir Interreg tacaíocht ó CFRE agus ó ICFCI nó ó ICFCI agus IPA III araon, agus i gcás ina bhfuil an ranníocaíocht ó CFRE 50 % nó níos lú de leithdháileadh iomlán an Aontais, íocfaidh an Coimisiún réamh-mhaoiniú i gcomhréir le hAirteagal 22(5) de Rialachán (AE) 2021/947, agus na riachtanais airgeadais iarbhír á gcur san áireamh.

Beidh feidhm mutatis mutandis ag Airteagail 96 agus 97 de Rialachán (AE) 2021/1060 maidir leis an réamh-mhaoiniú de bhun na chéad fhomhíre den mhír seo.

5.   Déanfar an méid arna íoc mar réamh-mhaoiniú a imréiteach ó chuntais an Choimisiúin gach bliain le haghaidh 2021 agus 2022 agus tráth nach déanaí ná an bhliain chuntasaíochta deiridh le haghaidh 2023 agus blianta ina dhiaidh sin agus le haghaidh méideanna arna n-íoc mar réamh-mhaoiniú a leagtar amach de bhun mhíreanna 3 agus 4.

1.   Áiritheoidh an t-údarás bainistíochta go ndéanfar aon mhéid a íocadh mar thoradh ar neamhrialtacht a ghnóthú ón gcomhpháirtí cinn nó ón gcomhpháirtí aonair. Déanfaidh comhpháirtithe aon mhéideanna a íocadh go míchuí a aisíoc leis an gcomhpháirtí cinn.

2.   Na Ballstáit, tríú tíortha, tíortha comhpháirtíochta nó tíortha nó críocha thar lear atá rannpháirteach i gclár Interreg ar leith, beidh sé de cheart acu a chinneadh nach mbeidh sé d’oibleagáid ar an gcomhpháirtí cinn ná ar an gcomhpháirtí aonair agus ar údarás bainistíochta an chláir méid a ghnóthú, ar méid é nach airde ná EUR 250, gan ús san áireamh, a íocadh go míchuí as aon cheann de na cistí Interreg mar ranníocaíocht le haon oibríocht le linn na bliana cuntasaíochta.

Ní gá aon fhaisnéis a sholáthar don Choimisiún seachas faisnéis i dtaobh cinneadh a dhéanamh de bhun na chéad fhomhíre.

3.   I gcás nach n-éiríonn leis an gcomhpháirtí cinn aisíocaíocht a dhaingniú ó chomhpháirtithe eile nó i gcás nach n-éiríonn leis an údarás bainistíochta aisíocaíocht a dhaingniú ón gcomhpháirtí cinn nó ón gcomhpháirtí aonair, déanfaidh an Ballstát, an tríú tír, an tír chomhpháirtíochta nó an tír nó an chríoch thar lear a bhfuil an comhpháirtí lena mbaineann lonnaithe ar a chríoch nó ar a críoch nó, i gcás GECC, ina bhfuil an comhpháirtí lena mbaineann cláraithe, aon mhéideanna a íocadh go míchuí leis an gcomhpháirtí sin a aisíoc leis an údarás bainistíochta. Beidh an t-údarás bainistíochta freagrach as na méideanna lena mbaineann a aisíoc le buiséad ginearálta an Aontais, i gcomhréir le cionroinnt na ndliteanas i measc na mBallstát, na dtríú tíortha, na dtíortha comhpháirtíochta nó na dtíortha nó na gcríoch thar lear atá rannpháirteach a leagtar amach sa chlár Interreg.

4.   A luaithe a bheidh aon mhéideanna a íocadh go míchuí le comhpháirtí aisíoctha leis an údarás bainistíochta ag an mBallstát, ag an tríú tír, ag an tír chomhpháirtíochta nó ag an tír nó ag an gcríoch thar lear, féadfaidh sé nó sí leanúint de nós imeachta um ghnóthú, nó nós imeachta den sórt sin a thosú, i gcoinne an chomhpháirtí sin de bhun a dhlí nó a dlí náisiúnta. I gcás ina ngnóthaítear na méideanna sin go rathúil, féadfaidh an Ballstát, an tríú tír, an tír chomhpháirtíochta nó an tír nó an chríoch thar lear na méideanna sin a úsáid mar chómhaoiniú náisiúnta i gcomhair an chláir Interreg lena mbaineann. Ní bheidh aon oibleagáidí tuairiscithe ag an mBallstát, ag an tríú tír, ag an tír chomhpháirtíochta ná ag an tír nó ag an gcríoch thar lear i leith údaráis na gclár, an choiste faireacháin ná an Choimisiúin maidir le gnóthuithe náisiúnta den sórt sin.

5.   I gcás nach mbeidh aon mhéideanna a íocadh go míchuí le comhpháirtí aisíoctha ag Ballstát, tríú tír, tír chomhpháirtíochta ná tír nó críoch thar lear leis an údarás bainistíochta de bhun mhír 4 den Airteagal seo, beidh na méideanna sin faoi réir ordú gnóthaithe arna eisiúint ag an gCoimisiún a fhorghníomhófar, i gcás inar féidir, trína bhfritháireamh i gcoinne na méideanna atá dlite don Bhallstát, don tríú tír, don tír chomhpháirtíochta nó don tír nó don chríoch thar lear, faoi seach. Ní bheidh gnóthú den sórt sin ina cheartú airgeadais ná ní laghdófar leis an tacaíocht a fhaigheann an clár Interreg ábhartha ó CFRE nó aon ionstraim maoinithe sheachtraigh. Ioncam sannta i gcomhréir le hAirteagal 21(3) den Rialachán Airgeadais a bheidh sa mhéid arna ghnóthú.

Maidir le méideanna nach n-aisíocann an Ballstát leis an údarás bainistíochta, is le híocaíochtaí a dhéanfar ina dhiaidh sin leis an gclár Interreg céanna a bhainfidh an fritháireamh. Ansin, déanfaidh an t-údarás bainistíochta an fritháireamh sin i leith an Bhallstáit i gcomhréir le cionroinnt na ndliteanas i measc na mBallstát rannpháirteach mar a leagtar amach sa chlár Interreg i gcás ceartuithe airgeadais arna bhforchur ag an údarás bainistíochta nó ag an gCoimisiún.

Maidir le méideanna nach n-aisíocann tríú tír, tír chomhpháirtíochta nó tír nó críoch thar lear leis an údarás bainistíochta, is le híocaíochtaí a dhéanfar ina dhiaidh sin le cláir faoi ionstraimí maoinithe sheachtraigh an Aontais faoi seach a bhainfidh an fritháireamh.

1.   Déanfaidh gach tríú tír, tír chomhpháirtíochta agus tír agus críoch thar lear atá rannpháirteach i gclár Interreg údarás náisiúnta nó réigiúnach a shainaithint mar phointe teagmhála don údarás bainistíochta (“an pointe teagmhála”).

2.   Tabharfaidh an pointe teagmhála, comhlacht atá coibhéiseach le hoifigeach cumarsáide an chláir Interreg dá bhforáiltear in Airteagal 36(1), nó an oifig brainse nó na hoifigí brainse, tacaíocht don údarás bainistíochta agus do na comhpháirtithe sa tríú tír, sa tír chomhpháirtíochta nó sa tír nó sa chríoch thar lear faoi seach maidir leis na cúraimí dá bhforáiltear in Airteagal 36(2) go (6).

1.   Déanfar cláir Interreg A a fhaigheann tacaíocht ó CFRE agus CTT IPA III nó CTT-ICFCI a chur chun feidhme faoi bhainistíocht roinnte sna Ballstáit agus in aon tríú tír nó tír chomhpháirtíochta rannpháirteach.

Cuirfear an clár trasteorann PEACE PLUS chun feidhme faoi bhainistíocht roinnte in Éirinn agus sa Ríocht Aontaithe araon.

2.   Na cláir Interreg B agus C lena gcomhcheanglaítear ranníocaíochtaí ó CFRE agus ó ionstraim maoinithe sheachtraigh amháin nó níos mó de chuid an Aontais, cuirfear chun feidhme iad faoi bhainistíocht roinnte sna Ballstáit agus in aon tríú tír, tír chomhpháirtíochta, nó tír nó críoch thar lear atá rannpháirteach nó, maidir le Interreg D, in aon tír nó críoch thar lear, cibé acu a fhaigheann nó nach bhfaigheann an tír nó an chríoch thar lear sin tacaíocht faoi ionstraim maoinithe sheachtraigh amháin nó níos mó de chuid an Aontais.

3.   Na cláir Interreg D lena gcomhcheanglaítear ranníocaíochtaí ó CFRE agus ionstraim maoinithe sheachtraigh amháin nó níos mó de chuid an Aontais, déanfar iad a chur chun feidhme ar aon cheann de na slite seo a leanas:

I gcás ina gcuirtear clár Interreg D chun feidhme go hiomlán nó go páirteach faoi bhainistíocht indíreach, beidh feidhm ag Airteagal 61.

1.   De mhaolú ar Airteagal 63(2) de Rialachán (AE) 2021/1060, beidh caiteachas incháilithe le haghaidh ranníocaíocht ó ionstraimí maoinithe sheachtraigh de chuid an Aontais má tabhaíodh agus má íocadh an caiteachas sin agus oibríochtaí Interreg á n-ullmhú agus á gcur chun feidhme ón 1 Eanáir 2021 nó ón dáta ar tíolacadh an clár, cibé dáta acu is túisce, ach féadfar an caiteachas sin a éileamh ón gclár tar éis an dáta ar tugadh i gcrích an comhaontú maoinithe leis an tríú tír, leis an tír chomhpháirtíochta nó leis an tír nó leis an gcríoch thar lear lena mbaineann.

Mar sin féin, féadfar caiteachas ar chúnamh teicniúil arna bhainistiú ag údaráis cláir atá lonnaithe i mBallstát a éileamh ón gclár roimh an dáta ar tugadh i gcrích an comhaontú maoinithe leis an tríú tír, leis an tír chomhpháirtíochta nó leis an tír agus leis an gcríoch thar lear lena mbaineann.

2.   I gcás ina roghnaítear, faoi chlár Interreg, oibríochtaí bunaithe ar ghlaonna ar thograí, féadfar hiarratais ar ranníocaíocht ó ionstraimí maoinithe sheachtraigh de chuid an Aontais a chur san áireamh i nglaonna den sórt sin, fiú i gcás inar seoladh na glaonna agus inar roghnaíodh na hoibríochtaí sular tugadh an comhaontú maoinithe ábhartha i gcrích.

Féadfaidh an t-údarás bainistíochta an doiciméad dá bhforáiltear in Airteagal 22(6) a sholáthar sular tugadh an comhaontú maoinithe ábhartha i gcrích.

1.   Le cláir Interreg faoin gCaibidil seo, féadfar tacú le mórthionscadail bhonneagair a chiallaíonn oibríochtaí ina mbeadh tacar oibreacha, gníomhaíochtaí nó seirbhísí agus é mar aidhm leo feidhm dhoroinnte de chineál beacht a chomhlíonadh agus cuspóirí comhleasa arna sainaithint go soiléir á saothrú chun infheistíochtaí a chur chun feidhme a bhfuil tionchar trasteorann leo agus tairbhí ag baint leo agus ina bhfuil sciar buiséid dar costas iomlán EUR 2 500 000 ar a laghad leithdháilte ar bhonneagar a fháil, a thógáil, nó a nuachóiriú.

2.   Cuirfidh gach tairbhí a bhfuil mórthionscadal bonneagair nó cuid de á cur chun feidhme aige na rialacha soláthair phoiblí is infheidhme i bhfeidhm.

3.   Seolfaidh an Ballstát atá ina óstach ar an údarás bainistíochta den chlár Interreg ábhartha liosta de na mórthionscadail bhonneagair atá beartaithe chuig an gCoimisiún ina léirítear an t-ainm ionchasach, an suíomh ionchasach, an buiséad ionchasach agus an comhpháirtí cinn ionchasach. Seolfar an liosta sin mar dhoiciméad ar leithligh, tráth a tharchuirtear an chóip shínithe den chomhaontú maoinithe dá dtagraítear in Airteagal 59 chuig an gCoimisiún nó 2 mhí ar a dhéanaí roimh an gcruinniú den choiste faireacháin nó, más infheidhme, den choiste stiúrtha ina roghnaítear an chéad cheann de na mórthionscadail bhonneagair atá beartaithe.

4.   I gcás ina bhfuil roghnú mórthionscadal bonneagair amháin nó níos mó ar chlár oibre cruinnithe de chuid coiste faireachán nó, i gcás inarb infheidhme, coiste stiúrtha, tarchuirfidh an t-údarás bainistíochta nóta coincheapa le haghaidh gach tionscadail den sórt sin chuig an gCoimisiún, mar eolas dó, 2 mhí ar a dhéanaí roimh dháta an chruinnithe. Trí leathanach ar a mhéad a bheidh sa nóta coincheapa agus léireofar ann an t-ainm, an suíomh, an buiséad, an comhpháirtí cinn agus na comhpháirtithe mar aon leis na príomhchuspóirí agus na táirgí insoláthartha a bhaineann leo. Mura dtarchuirfear an nóta coincheapa maidir le mórthionscadal bonneagair amháin nó níos mó chuig an gCoimisiún faoin spriocdháta sin, féadfaidh an Coimisiún a iarraidh ar chathaoirleach an choiste faireacháin nó an choiste stiúrtha na tionscadail lena mbaineann a bhaint de chlár oibre an chruinnithe.

1.   I gcás ina bhfuil ar thairbhí conarthaí seirbhíse, soláthair nó oibreacha a chur ar fáil chun oibríocht a chur chun feidhme, beidh feidhm ag na rialacha seo a leanas:

2.   Maidir le hearraí, le hoibreacha nó le seirbhísí a dhámhachtain i ngach cás seachas na cinn dá dtagraítear i mír 1 den Airteagal seo, beidh feidhm ag na nósanna imeachta soláthair dá bhforáiltear in Airteagail 178 agus 179 den Rialachán Airgeadais agus i bpointí 36 go 41 de Chaibidil 3 d’Iarscríbhinn I a ghabhann leis an Rialachán sin.

1.   Chun clár Interreg a chur chun feidhme i dtríú tír, i dtír chomhpháirtíochta nó i dtír nó i gcríoch thar lear, i gcomhréir le hAirteagal 112(4) den Rialachán Airgeadais, tabharfar comhaontú maoinithe i gcrích idir an Coimisiún, a dhéanfaidh ionadaíocht thar ceann an Aontais, agus gach tríú tír, tír chomhpháirtíochta nó tír nó críoch thar lear atá rannpháirteach a ndéantar ionadaíocht thar a ceann i gcomhréir leis an gcreat dlí náisiúnta atá aici.

2.   Tabharfar aon chomhaontú maoinithe i gcrích faoin 31 Nollaig den bhliain tar éis na bliana ina ndearnadh an chéad ghealltanas buiséadach agus measfar gur tugadh i gcrích é an dáta ar shínigh an comhpháirtí deiridh é.

Tiocfaidh aon chomhaontú maoinithe i bhfeidhm an dáta:

3.   Soláthróidh an Coimisiún an dréacht-chomhaontú maoinithe agus an clár seachtrach á fhormheas aige.

I gcás ina mbeidh níos mó ná tríú tír, tír chomhpháirtíochta nó tír nó críoch thar lear amháin i gceist le clár Interreg, tabharfaidh an dá chomhpháirtí comhaontú maoinithe amháin ar a laghad i gcrích roimh an dáta a shonraítear i mír 2. Féadfaidh na tríú tíortha, na tíortha comhpháirtíochta nó na tíortha nó na críocha thar lear eile a gcomhaontuithe maoinithe faoi seach a shíniú ar a dhéanaí an 30 Meitheamh den dara bliain tar éis na bliana ina ndearnadh an chéad ghealltanas buiséadach.

4.   Maidir leis an Ballstát atá ina óstach ar údarás bainistíochta an chláir Interreg ábhartha:

5.   Cumhdófar na heilimintí seo a leanas ar a laghad i gcomhaontú cur chun feidhme arna shíniú de bhun phointe (b) de mhír 4:

6.   I gcás ina gcinneann an Ballstát atá ina óstach ar údarás bainistíochta an chláir Interreg an comhaontú maoinithe a shíniú de bhun phointe (a) de mhír 4 den Airteagal seo, measfar gur uirlis é an comhaontú maoinithe sin chun buiséad an Aontais a chur chun feidhme i gcomhréir leis an Rialachán Airgeadais agus ní comhaontú idirnáisiúnta é dá dtagraítear in Airteagail 216 go 219 CFAE.

1.   I gcás ina n-aistríonn tríú tír, tír chomhpháirtíochta nó tír nó críoch thar lear ranníocaíocht airgeadais chuig an údarás bainistíochta chun tacú leis an gclár Interreg, seachas cómhaoiniú na tacaíochta ón Aontas don chlár Interreg, beidh na rialacha maidir leis an ranníocaíocht sin sa doiciméad seo a leanas:

Chun críocha phointe (b)(i) den chéad fhomhír, féadfar an ranníocaíocht airgeadais arna haistriú agus an tacaíocht ón Aontas don chlár Interreg a chumhdach i ranna den chomhaontú cur chun feidhme, i gcás inarb infheidhme.

2.   Beidh ar a laghad na heilimintí maidir le cómhaoiniú an tríú tír, na tíre comhpháirtíochta nó na tíre nó na críche thar lear a liostaítear in Airteagal 59(5) i gcomhaontú cur chun feidhme dá bhforáiltear i mír 1 den Airteagal seo.

Ina theannta sin, leagfar amach ann an dá cheann díobh seo a leanas:

3.   Maidir leis an gclár trasteorann PEACE PLUS, beidh an ranníocaíocht airgeadais le gníomhaíochtaí an Aontais ón Ríocht Aontaithe i bhfoirm ioncam sannta seachtrach dá dtagraítear i bpointe (e) d’Airteagal 21(2) den Rialachán Airgeadais ina cuid de na leithreasuithe buiséid le haghaidh Cheannteideal 2 “Comhtháthú agus Luachanna”, fo-uasteorainn “Comhtháthú eacnamaíoch, sóisialta agus críochach”.

Beidh an ranníocaíocht sin faoi réir comhaontú maoinithe sonrach leis an Ríocht Aontaithe i gcomhréir le hAirteagal 59 den Rialachán seo. Beidh an Coimisiún agus an Ríocht Aontaithe mar aon le hÉirinn ina bpáirtithe sa chomhaontú maoinithe sonrach sin.

Déanfar an comhaontú maoinithe sonrach a thabhairt i gcrích roimh thús chur chun feidhme an chláir, rud a thabharfaidh deis do Chomhlacht na gClár Speisialta AE reachtaíocht de chuid an Aontais is infheidhme maidir le cur chun feidhme an chláir a chur i bhfeidhm.

1.   I gcás ina gcuirtear clár Interreg D chun feidhme go páirteach nó go hiomlán faoi bhainistíocht indíreach, le toiliú an Bhallstáit agus na réigiún lena mbaineann, de bhun phointe (b) nó (c), faoi seach, d’Airteagal 55(3) den Rialachán seo, cuirfear cúraimí cur chun feidhme faoi chúram ceann de na comhlachtaí a liostaítear i bpointe (c) den chéad fhomhír d’Airteagal 62(1) den Rialachán Airgeadais, go háirithe comhlacht den sórt sin atá lonnaithe sa Bhallstát rannpháirteach, lena n-áirítear údarás bainistíochta an chláir Interreg lena mbaineann.

2.   I gcomhréir le pointe (c) d’Airteagal 154(6) den Rialachán Airgeadais, féadfaidh an Coimisiún a chinneadh nach mbeidh gá le measúnú ex ante dá dtagraítear i míreanna 3 agus 4 den Airteagal sin nuair a dhéantar na cúraimí a bhaineann le cur chun feidhme an bhuiséid dá dtagraítear i bpointe (c) den chéad fhomhír d’Airteagal 62(1) den Rialachán sin a chur faoi chúram údarás bainistíochta ar chlár Interreg de chuid na réigiún is forimeallaí a shainaithnítear de bhun Airteagal 45(1) den Rialachán seo agus i gcomhréir le hAirteagal 71 de Rialachán (AE) 2021/1060.

3.   I gcás ina gcuirtear na cúraimí a bhaineann le cur chun feidhme an bhuiséid dá dtagraítear i bpointe (c) den chéad fhomhír d’Airteagal 62(1) den Rialachán Airgeadais faoi chúram eagraíochta Ballstáit, beidh feidhm ag Airteagal 157 den Rialachán sin.

4.   Maidir le clár nó gníomhaíocht atá cómhaoinithe le hionstraim maoinithe sheachtraigh amháin nó níos mó, i gcás ina gcuireann tríú tír, tír chomhpháirtíochta, tír nó críoch thar lear nó aon cheann de na comhlachtaí eile a liostaítear i bpointe (c) den chéad fhomhír d’Airteagal 62(1) den Rialachán Airgeadais nó dá dtagraítear i Rialachán (AE) 2021/947 nó i gCinneadh 2013/755/AE, nó iontu araon, chun feidhme é nó í, beidh feidhm ag rialacha ábhartha na n-ionstraimí sin.

Maidir leis na coinníollacha chun cuid de chlár Interreg de chuid shraith D a chur chun feidhme faoi bhainistíocht indíreach de bhun phointí (b) nó (c) d’Airteagal 55(3) den Rialachán seo, saineofar iad le comhaontú a thabharfar i gcrích idir an Coimisiún, an t-údarás bainistíochta nó a Bhallstát, agus an comhlacht a gcuirtear cúram air.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 16(6) a thabhairt don Choimisiún go ceann tréimhse neamhchinntithe ama amhail ón 1 Iúil 2021.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 16(6) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 16(6) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Déanfaidh an coiste, a cuireadh ar bun de bhun Airteagal 115(1) de Rialachán AE 2021/1060, cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.