“IARSCRÍBHINN IIIa

Modhanna Idirthréimhseacha

Tábla 1

Tagairtí agus nótaí cáilitheacha

Paraiméadar	Foinse	Modh Tástála Tagartha/Teideal	Nótaí
Éifeachtúlacht freastalaí agus feidhmíocht freastalaí i staid ghníomhach	ETSI	ETSI GA 303470:2019		Nótaí Ginearálta maidir leis an tástáil le EN 303470: 2019: a. Déanfar tástáil ag voltas agus ag minicíocht iomchuí an Aontais Eorpaigh (e.g. 230v, 50Hz). b. Ar aon dul leis an bhforáil maidir le cártaí forlíontacha APA faoi phointe 2 d’Iarscríbhinn III, déanfar an t-aonad atá á thástáil a thástáil agus na cineálacha eile cártaí forlíontacha (ar cártaí iad nach gcuirtear aon liúntas ar fáil ina leith agus nach n-úsáidtear i dtástáil SERT) bainte, agus an chumhacht staide díomhaoine á tomhas, mar aon le héifeachtúlacht na staide gníomhaí agus feidhmíocht an fhreastalaí i staid ghníomhach (1). c. I gcás freastalaithe i. nach ndearbhaítear mar chuid de thacar táirgí gaolmhara freastalaí ii. atá mar bhí i gcumraíocht tráth a seolta gan gach cainéal cuimhne ina bhfuil na modúil dhéacha chuimhne inlíní (DIMManna) déanfar tástáil ar chumraíocht lel gach cainéal cuimhne daonra ina bhfuil na DIMManna céanna (2).
Cumhacht staide díomhaoine (Pidle)	ETSI	ETSI GA 303470:2019
Uaschumhacht	ETSI	ETSI GA 303470:2019	An t-éileamh cumhachta is mó a thomhaistear arna thuairisciú ag tástáil SERT faoi aon ualach oibre agus aon leibhéal ualaigh amháin.
Cumhacht staide díomhaoine ag an teocht teorann níos airde den aicme dála oibríochta dearbhaithe	The Green Grid	Tuairisciú simplithe ar chumhacht dhíomhaoin ardteochta le haghaidh bhailiú SERT (AE) 2019/424	Déanfar an tástáil ag teocht a chomhfhreagraíonn don teocht is airde atá incheadaithe don tsainaicme dála oibriúcháin (A1, A2, A3 nó A4).
Éifeachtúlacht an tSoláthair Cumhachta	EPRI agus Ecova	Prótacal Tástála Ginearálaithe chun Éifeachtúlacht Fuinnimh Soláthairtí Cumhachta Inmheánacha AC-DC agus DC-DC a Ríomh Athbhreithniú 6.7	Déanfar tástáil ag voltas agus ag minicíocht iomchuí an Aontais Eorpaigh (e.g. 230v, 50Hz).
Fachtóir Cumhachta an tSoláthair Cumhachta	EPRI agus Ecova	Prótacal Tástála Ginearálaithe chun Éifeachtúlacht Fuinnimh Soláthairtí Cumhachta Inmheánacha AC-DC agus DC-DC a Ríomh Athbhreithniú 6.7
Aicme dála oibríochta		Ní mór don mhonaróir aicme dála oibríochta an táirge a dhearbhú: A1, A2, A3 nó A4. Cuirtear an t-aonad atá á thástáil ag teocht a chomhfhreagraíonn don teocht is airde atá incheadaithe don tsainaicme dála oibriúcháin (A1, A2, A3 nó A4), a ndearbhaítear an múnla a bheith i gcomhréir léi. Déanfar an t-aonad a thástáil le SERT (Uirlis Rátála d’Éifeachtúlacht Freastalaí) agus déanfar timthriall(ta) tástála a rith ar feadh 16 uair an chloig. Measfar go gcomhlíonann an t-aonad an coinníoll oibriúcháin dearbhaithe, má thuairiscíonn SERT torthaí bailí (i.e. má tá an t-aonad atá a thástáil ina staid oibríochtúil ar feadh thréimhse iomlán na tástála 16 uair an chloig).	Cuirfear an t-aonad atá á thástáil i gcuasán teochta a ardaítear ansin go dtí an teocht is airde atá incheadaithe don tsainaicme dála oibriúcháin (A1, A2, A3 nó A4) ag uasráta athraithe 0.5 °C in aghaidh an nóiméid. Fágfar an t-aonad atá á thástáil i staid dhíomhaoin ar feadh uair an chloig chun cobhsaíocht teochta a bhaint amach roimh thús na tástála.
Infhaighteacht dochtearraí		Níl fáil air
Léirscriosadh sonraí slána	NIST	Treoirlínte maidir le Sláintiú Meán Digiteach, Foilseachán Speisialta NIST 800-88 – Athbhreithniú 1
In-díchóimeálteacht an Fhreastalaí		Níl fáil air
Inneachar an amhábhair chriticiúil (CRM)		GA 45558:2019

Tábla 2

Tagairtí agus nótaí cáilitheacha le haghaidh táirgí stórála sonraí

Paraiméadar	Foinse	Modh Tástála Tagartha/Teideal	Nótaí
Éifeachtúlacht an tSoláthair Cumhachta	EPRI agus Ecova	Prótacal Tástála Ginearálaithe chun Éifeachtúlacht Fuinnimh Soláthairtí Cumhachta Inmheánacha AC-DC agus DC-DC a Ríomh Athbhreithniú 6.7	Déanfar tástáil ag voltas agus ag minicíocht iomchuí an Aontais Eorpaigh (e.g. 230v, 50Hz).
Fachtóir Cumhachta an tSoláthair Cumhachta	EPRI agus Ecova	Prótacal Tástála Ginearálaithe chun Éifeachtúlacht Fuinnimh Soláthairtí Cumhachta Inmheánacha AC-DC agus DC-DC a Ríomh Athbhreithniú 6.7
Aicme dála oibríochta	The Green Grid	“Aicme dála oibríochta táirgí stórála sonraí”	Ní mór don mhonaróir, don allmhaireoir nó don ionadaí údaraithe aicme dála oibríochta an táirge a dhearbhú: A1, A2, A3 nó A4. Cuirtear an t-aonad atá á thástáil ag teocht a chomhfhreagraíonn don teocht is airde atá incheadaithe don tsainaicme dála oibriúcháin (A1, A2, A3 nó A4), a ndearbhaítear an múnla a bheith i gcomhréir léi.
Infhaighteacht dochtearraí		Níl fáil air
Léirscriosadh sonraí slána	NIST	Treoirlínte maidir le Sláintiú Meán Digiteach, Foilseachán Speisialta NIST 800-88 – Athbhreithniú 1
In-díchóimeálteacht an Fhreastalaí		Níl fáil air	.
Inneachar an amhábhair chriticiúil (CRM)		GA 45558:2019

“IARSCRÍBHINN IIIa

Modhanna Idirthréimhseacha

1.   EILIMINTÍ BREISE DO THOMHAIS AGUS RÍOMHANNA

Tábla 3b

Ceanglais maidir le trealamh tástála agus cumraíocht UUT (*1)

Tuairisc ar an Trealamh	Toillte	Toillte Breise agus Saintréithe Breise
Tomhas Cumhachta	Sainmhínithe i gcaighdeán ábhartha	Feidhm logála sonraí
Feiste Tomhais Lonrais (LMD)	Sainmhínithe i gcaighdeán ábhartha	Cineál an tóireadóra teagmhála ag a bhfuil feidhm logála sonraí
Feiste Tomhais Soilsis (IMD)	Sainmhínithe i gcaighdeán ábhartha	Feidhm logála sonraí
Trealamh Ginte Comharthaí	Sainmhínithe i gcaighdeán ábhartha	Féach na Nótaí Ábhartha in Iarscríbhinn III Tábla 3a. Tagairtí agus nótaí cáilitheacha
Foinse Solais (Teilgeoir)	Soláthróidh sé soilseas ag braiteoir ABC atá níos lú ná 12 lux agus suas le 150 lux do theilifís agus monatóirí agus suas le 20,000 lux le haghaidh Taispeáintí Digiteacha Comharthaíochta ó achar íosta 1.5 m ó bhraiteoir ABC	Inneall lampa soladstaide (LED, Léasar nó LED/Léasar le chéile). Beidh raon crómatach an teilgeora cothrom le REC 709 nó níos fearr. Ardán crochta claonta lena n-éascaítear ailíniú beacht léas an teilgeora. Féadfar é seo a chomhcheangal le gné ailínithe optúil nó gné ailínithe optúil a chur ina ionad.
Foinse Solais (Lampa LED is féidir a mhaolú)	Mar atá sonraithe i Roinn 1.2.1
Ríomhaire le haghaidh logáil chomhuaineach sonraí ar amscála coiteann	Ar a laghad 3 phort iomchuí lena gceadaítear comhéadan le feistí chun cumhacht, lonras agus soilseas a thomhas.	Meastar gur poirt oiriúnacha iad poirt USB agus Thunderbolt
Ríomhaire ag a bhfuil feidhmchlár le haghaidh taispeántas sleamhnán agus/nó feidhmchlár eagarthóireachta pictiúr i gcomhéadan le teilgeoir	Feidhmchlár lenar féidir sleamhnáin íomhá báine lánfhráma a theilgean agus dath-theocht agus leibhéal lonrais (liath) a rialú go comhuaineach

1.1.   Achoimre ar ord na tástála

1.

Déan UUT a shuiteáil ar sheastán lena sainaithnítear suíomh braiteora um Rialú Uathoibríoch Gile (ABC) nuair is infheidhme agus suíomh an lonrais taispeána agus na n-uirlisí chun solas comhthimpeallach a thomhas.

2.

Gabh tríd an tsuiteáil tosaigh, ag deimhniú chur i bhfeidhm ceart rabhadh roghchláir éigeantach agus réamhsocruithe na “gnáthchumraíochta”.

3.

An fhuaim a bhalbhú nuair is infheidhme.

4.

Lean ar aghaidh le téamh an tsampla agus an trealamh tástála á shuiteáil agus patrún tástála dinimiciúil bhuaiclonras an bháin á shainaithint lena gcuirtear ar fáil lonras taispeána agus tomhas cumhachta.

5.

Má tá an liúntas ABC á éileamh, déan an raon soilsiúcháin agus an t-aga folaigh ABC is gá don sampla a chinneadh. Próifíligh ABC an lonrais taispeána idir leibhéil solais chomhthimpeallaigh 100 lux agus 12 lux agus déan laghdú cumhachta an mhóid ‘ar siúl’ idir na teorainneacha sin a thomhas. Chun próifíliú mionsonraithe a thabhairt ar an tionchar atá ag ABC ar chumhacht agus ar lonras na taispeána, is féidir an raon soilsis chomhthimpeallaigh a roinnt ina chéimeanna éagsúla ó díreach os cionn an 100 lux den phointe tagra soilsis (e.g. 120 lux) síos tríd go 60 lux, 35 lux agus 12 lux go dtí an leibhéal is dorcha a cheadaítear leis an timpeallacht tástála. I gcás Taispeáintí Digiteacha Comharthaíochta (DSD) féadfar próifíliú breise a thaifeadadh suas go dtí leibhéil soilsis solais lae de 20 000 lux do bhailiú sonraí d’athbhreithnithe a dhéanfar amach anseo ar an Rialachán.

6.

Buaiclonras a thomhas sa ghnáthchumraíocht. Má tá sé seo níos lú ná 150 cd/m2 le haghaidh monatóra nó 220 cd/m2 le haghaidh cineálacha eile taispeána, déan buaiclonras a thomhas don chumraíocht is gile réamhshocraithe sa roghchlár úsáideora (ní cumraíocht an tsiopa).

7.

Cumhacht an mhóid ‘ar siúl’ a thomhas trí úsáid a bhaint as an tsraith físeáin craolta dhinimiciúil SDR le ABC díchumasaithe. Cumhacht an mhóid ‘ar siúl’ a thomhas trí úsáid a bhaint as na sraitheanna físeáin craolta dinimiciúla HDR, ag deimhniú go bhfuil an mód HDR gníomhachtaithe (deimhnithe ag fógra taispeána ag tús na hathsheanma HDR agus/nó ag athrú i socruithe pictiúir gnáthchumraíochta).

8.

An riachtanas cumhachta maidir le modhanna ísealchumhachta agus ‘as’ a thomhas agus an t-am a cheanglaítear leis na feidhmeanna fuireachais a thosú.

1.2.   Sonraí tástála

1.2.1.   UUT (taispeáint) agus an uirlis tomhais a shocrú

Figiúr 1: Socrú fisiciúil na Taispeána agus na foinse solais chomhthimpeallaigh

Má tá feidhm ABC ar fáil agus má sholáthraítear seastán don UUT déanfar é seo a cheangal leis an gcuid taispeána agus an UUT a chur ar bhord cothrománach nó ar ardán cothrománach 0,75 méadar ar a laghad ar airde atá clúdaithe in ábhar dubh íseal-fhrithchaiteachta (tá feilt, lomra nó canbhás cúlra amharclannaigh ina n-ábhair thipiciúla). Beidh gach cuid den seastán nochta i gcónaí. Taispeáintí atá beartaithe lena gcrochadh ar bhalla, beidh siad crochta ar fhráma d’fhonn rochtain éasca a fháil orthu agus beidh ciumhais íochtair na taispeána ar a laghad 0,75 méadar ón urlár. Níor cheart dromchla an urláir faoin taispeáint agus suas le 0,5 méadar os comhair na taispeána a bheith an-fhrithchaiteach agus go hidéalach bheadh sé clúdaithe le hábhar dubh, íseal-fhrithchaiteach.

Déanfar suíomh fisiceach bhraiteoir ABC an UUT a chinneadh agus tabharfar faoi deara comhordanáidí tomhaiste an tsuímh sin, i gcoibhneas le pointe seasta lasmuigh den UUT. Déanfar nóta de na hachair H agus D chomh maith le huillinn léis an teilgeora (féach Figiúr 1) chun cabhrú le hin-atrialltacht na dtomhas. Ag brath ar riachtanais leibhéal soilsis na foinse solais beidh na hachair H&D cothrom le ± 5 mm de ghnáth agus beidh siad idir 1.5 m agus 3 m. Maidir le coigeartú uillinn léis an teilgeora, is féidir sleamhnán dubh le bosca láir beag bán a úsáid chun díriú ar an mbraiteoir ABC agus léas caol solais a sholáthar le haghaidh tomhas uilleach. Má tá braiteoir ABC deartha chun oibriú go barrmhaith le huillinn léis soilsis lasmuigh den 45° a mholtar, is féidir an uillinn tosaíochta seo a úsáid agus na sonraí a thaifeadadh. I gcás ina n-úsáidtear méadar lonrais neamhtheagmhála (suíomh i gcéin) agus uillinn léis íseal don fhoinse solais, beifear cúramach chun a áirithiú nach léireofar an fhoinse i limistéar na taispeána a úsáidtear chun lonras a thomhas.

Beidh méadar soilsis gléasta chomh gar agus is féidir don bhraiteoir ABC, agus déanfar réamhchúraimí chun frithchaitheamh solais chomhthimpeallaigh ó chásáil an mhéadair a théann isteach sa bhraiteoir a sheachaint . Féadfar é seo a bhaint amach trí mhodhanna éagsúla i gcomhcheangal, lena n-áirítear tríd an méadar soilsis a chumhdach i bhfeilt dhubh agus trí ghléasadh meicniúil inchoigeartaithe a éascú nach bhfágann gur féidir le cásáil an mhéadair a bheith ag gobadh amach os comhair an bhraiteora ABC.

Moltar an nós imeachta cruthaithe seo a leanas chun leibhéil soilsis braiteora ABC a logáil go cruinn agus ar bhealach a bheadh in-atriallta le híosmhéid de dhúshláin a bhaineann le gléasadh meicniúil. Ceadaíonn an nós imeachta seo ceartú le haghaidh aon earráid soilsis a tugadh isteach leis an dodhéantacht phraiticiúil an méadar soilsis a ghléasadh díreach ag an suíomh fisiciúil céanna leis an mbraiteoir ABC le haghaidh soilsiú comhuaineach. Fágann an nós imeachta dá bhrí sin gur féidir soilsiú comhuaineach a dhéanamh i leith an bhraiteora ABC agus an mhéadair soilis gan suaitheadh fisiciúil ón UUT agus ón méadar tar éis a socraithe. Le bogearraí logála cuí, is féidir na hathruithe céime is gá sa soilseas a shionchrónú le tomhas cumhachta an mhóid ‘ar siúl’ agus le tomhas lonras na taispeána chun an ABC a logáil agus a phróifíliú go huathoibríoch.

Beidh an méadar soilsis suite cúpla ceintiméadar amach ón mbraiteoir ABC chun a áirithiú nach mbeidh frithchaitheamh díreach ón léas teilgeora, ó chásáil an mhéadair, in ann dul isteach sa bhraiteoir ABC. Beidh ais chothrománach an bhrathadóra um méadar soilsis ar an ais chothrománach chéanna leis an mbraiteoir ABC a bhfuil ais ingearach an mhéadair aici atá comhthreomhar go docht le plána ingearach na taispeána. Comhordanáidí fisiciúla phointe gléasta an mhéadair i gcoibhneas leis an bpointe seachtrach buan a úsáidtear chun suíomh fisiceach an bhraiteora ABC a thaifeadadh, déanfar na comhordanáidí sin a thomhas agus a thabhairt faoi deara.

Beidh an teilgeoir gléasta i suíomh le hais a léis theilgthe ar aon líne le plána ingearach atá ceartingearach le dromchla na taispeána agus a shíneann trí ais ingearach an bhraiteora ABC (féach Figiúr 1). Déanfar airde agus claonan ardáin teilgeora, agus fad an ardain ón UUT a choigeartú chun go mbeidh íomha fráma iomlán theilgthe de bhuaiclonras an bháin in ann díriú ar limistéar a chlúdaíonn an braiteoir ABC agus an méadar soilsis agus ag an am céanna an t-uasleibhéal comhthimpeallach soilsithe (lux) a sheachadadh a bheidh ag teastáil ag an mbraiteoir le haghaidh tástála . Sa chomhthéacs seo, tabharfar faoi deara go bhfuil roinnt Taispeáintí Digiteacha Comharthaíochta a bhfuil ABC ag feidhmiú acu i ndálaí solais chomhthimpeallaigh ó suas le 20 000 lux go dtí faoi bhun 100 lux.

Beidh an méadar teagmhála lonrais chun lonras taispeána a thomhas rigeáilte chun bheith ar aon líne le lár an scáileáin UUT.

Ní rachaidh an íomhá soilsis theilgthe a fhorluíonn ar an dromchla cothrománach faoi bhun na taispeána UUT thar phlána ceartingearach na taispeána mura gcuirfidh seastán frithchaiteach isteach i limistéar chun tosaigh níos mó ná sin, agus sa chás sin déanfar imeall na híomhá a ailíniú le foircinn an tseastáin (féach Figiúr 1). Ní bheidh imeall cothrománach uachtair na híomhá teilgthe níos lú ná 1 cm faoi bhun chiumhais íochtair chumhdach an mhéadair teagmhála lonraislonras . Féadfar é seo a dhéanamh trí choigeartú optúil nó trí shuíomh fisiciúil an teilgeora, laistigh de shrianta na huillinne léis 45° is gá agus laistigh de shrianta an tsoilsis is mó is gá ag an mbraiteoir ABC.

Leis na comhordanáidí méadar UUT agus soilseas tugtha faoi deara agus an teilgeoir a tháirgeann soilseas cobhsaí laistigh den raon atá le tomhas (de ghnáth baintear amach cobhsaíocht cúpla nóiméad tar éis lasc-air le hinnill lampa soladstaide) déanfar an UUT a bhogadh go leordhóthanach chun gur féidir aghaidh tosaigh agus lár bhrathadóir an mhéadair soilsis a ailíniú leis na comhordanáidí suímh fhisiciúil a tugadh faoi deara do bhraiteoir ABC an UUT. Ní mór nóta a dhéanamh den soilseas a thomhaistear ag an bpointe seo agus an méadar a chur ar ais sa suíomh suiteála mar aon leis an UUT. Déanfar an soilseas a thomhas arís ag an suíomh suiteála. Féadfar an difríocht céatadáin idir an soilseas arna thomhas ag an dá shuíomh tástála (más ann dóibh) a chur i bhfeidhm sa tuairisciú deiridh mar fhachtóir ceartúcháin maidir le gach tomhas soilsis breise (ní athraíonn an fachtóir ceartúcháin sin leis an leibhéal soilsis). Soláthraítear leis seo tacar sonraí cruinn le haghaidh an tsoilsis ag an mbraiteoir ABC cé nach bhfuil an uirlis tomhais lux suite ag an bpointe sin agus fágann sé gur féidir lonras taispeána, cumhacht agus soilseas a bhreacadh go comhuaineach chun an ABC a phróifíliú go cruinn.

Ní dhéanfar aon athruithe fisiciúla eile ar shocrú na tástála.

Murab ionann agus teilifíseáin, d’fhéadfadh sé go mbeadh níos mó ná braiteoir solais chomhthimpeallaigh amháin ag taispeáintí digiteacha comharthaíochta. Chun críoch tástála, cinnfidh an teicneoir braiteoir aonair a úsáidfear sa tástáil, agus bainfidh sé na braiteoirí solais eile amach trí iad a cheilt le téip theimhneach. Féadfar braiteoirí nach bhfuil ag teastáil a dhíchumasú freisin má thugtar smacht chun é sin a dhéanamh. I bhformhór na gcásanna bheadh an braiteoir éadain ar mbraiteoir is oiriúnaí le húsáid. Féadfar modhanna tomhais le haghaidh taispeáintí digiteacha comharthaíochta ina bhfuil iliomad braiteoirí solais a fhiosrú tuilleadh mar mhionchoigeartú ar mhodh tástála chun bheith cáilithe i gcaighdeán comhchuibhithe.

I gcás saotharlanna tástála ar fearr leo foinse lampa is féidir a mhaolú a úsáid seachas foinse solais teilgeora a úsáid sa socrú tástála a bhfuil cur síos déanta air, beidh feidhm ag an tsonraíocht lampa seo a leanas agus na saintréithe lampa tomhaiste arna dtaifeadadh.

An fhoinse solais a úsáidtear chun an braiteoir ABC a shoilsiú ar shainleibhéil soilsiúcháin, úsáidfidh sí lampa maolaithe frithchaiteoirí LED agus beidh trastomhas 90 mm ± 5 mm aici. 40 ° ± 5 ° a bheidh in uillinn léis rátaithe an lampa. Is é 2700 K ± 300 K a bheidh sa dath-theocht chomhchoibhneasach rátaithe (CCT) ar fud an raoin soilsis 12 lux go dtí an soilsiú buaice is gá chun tástáil a dhéanamh. Beidh an t-innéacs grádaithe dathaithe (CRI) cothrom le 80 ± 3. Beidh dromchla éadain an lampa trédhearcach (i.e., ní bheidh sé daite nó brataithe le hábhar modhnaithe speictrim) agus féadfaidh sé dromchla éadain mín nó gráinneach a bheith aige; nuair a lonraítear i gcoinne dromchla bán aonfhoirmeach é, beidh cuma mhín ar an bpatrún idirleata le feiceáil ag an tsúil fhornocht. Ní mhodhnóidh an chóimeáil lampa speictream na foinse LED, lena n-áirítear na bandaí IR agus UV. Ní bheidh éagsúlacht ann idir saintréithe an tsolais thar raon iomlán an mhaolaithe is gá don tástáil ABC.

1.2.2.   Cur chun feidhme ceart rabhadh maidir le“gnáthchumraíocht” agus le tionchar fuinnimh a sheiceáil.

Beidh méadar cumhachta ceangailte leis an UUT chun críoch breathnóireachta agus cuirfear foinse físchomhartha amháin ar a laghad ar fáil. Le linn na tástála seo deimhneofar marthanacht ABC i ngach cumraíocht réamhshocruithe eile, seachas “cumraíocht an tsiopa”.

1.2.3.   Socrú Fuaime

Cuirfear comhartha ionchuir ar fáil ina mbeidh fuaim agus físeán (is idéalach an ton 1 kHz ar an ábhar tástála cumhachta físe SDR). Laghdófar socrú airde na fuaime go dtí tásc taispeána nialais, nó rialú balbhaithe gníomhachtaithe. Ní mór a dheimhniú nach mbeidh aon éifeacht ag gníomhachtú an rialaithe bhalbhaithe ar pharaiméadair phictiúir sa ‘ghnáthchumraíocht’.

1.2.4.   Patrún bhuaiclonras an bháin a shainaithint chun buaiclonras an bháin a thomhas

Nuair a léiríonn UUT patrún bhuaiclonras an bháin, d’fhéadfadh an solas ar thaispeáint maolú go tapa laistigh den chéad cúpla soicind agus maolú de réir a chéile go dtí mbeidh sé cobhsaí. Fágann sé sin nach féidir luachanna cumhachta agus lonrais a thomhas ar bhealach comhsheasmhach agus in-athdhéanta, go díreach tar éis an íomhá a thaispeáint. Chun tomhais in-athdhéanta a fháil, ní mór leibhéal áirithe cobhsaíochta a bhaint amach. Trí thástáil a dhéanamh ar thaispeáintí trí úsáid a bhaint as an teicneolaíocht reatha, tugtar le fios gur leor 30 soicind chun cobhsaíocht lonrais a chur san áireamh le haghaidh íomhá bhuaiclonras an bháin. Mar bhreathnóireacht phraiticiúil, fágann an fad ama sin freisin go mbíonn an t-am ag aon taispeáint stádais ar an scáileán imeacht as radharc.

Is minic a bhíonn leictreonaic agus bogearraí tiomántáin taispeána atá ionsuite ar tháirgí taispeána reatha chun soláthar cumhachta taispeána a chosaint ar fhorthiomáint agus an scáileán a chosaint ar dhiansheasmhacht a fhulaingt (triailrith) tríd an gcumhacht iomlán don scáileán a theorannú. D’fhéadfadh lonras teoranta agus ídiú cumhachta teoranta a bheith mar thoradh air sin agus é ag taispeáint, mar shampla, limistéar mór de phatrún tástála dinimiciúil bán.

Sa mhodheolaíocht tástála sin, déantar an buaiclonras a thomhas agus patrún tástála dinimiciúil atá 100 % bán á thaispeáint, ach déantar an limistéar bán a theorannú go heimpíreach chun gníomhú sásraí cosanta a sheachaint. Cinntear an pátrún tástála dinimiciúil iomchuí trí raon na n-ocht bpátrún tástála dhinimiciúla ‘bosca agus imlíne’ a thaispeáint bunaithe ar phátrúin tástála dhinimiciúla VESA ‘L’ ón gceann is lú (L 10) go dtí an ceann is mó (L 80), agus cumhacht agus lonras scáileáin á dtaifeadadh. Tabharfaidh graf de chumhacht agus lonras scáileáin vs pátrún L cúnamh chun a chinneadh an bhfuil an tiomántán taispeána á theorannú agus cén uair a bhfuil sé á theorannú. Mar shampla, má tá ídiú cumhachta ag méadú ó L 10 go L 60, agus lonras ag méadú nó ag fanacht mar atá sé (gan laghdú) san am céanna, is cosúil ansin nach iad na patrúin sin is cúis le teorannú. Mura léiríonn patrún tástála dinimiciúil L 70 aon mhéadú ar ídiú cumhachta nó ar lonras (i gcás ina raibh méadú ar phatrúin L roimhe seo), léireofaí leis sin go dtarlaíonn teorannú ag L 70 nó idir L 60 agus L 70. D’fhéadfadh sé gur tharla teorannú idir L 50 agus L 60 agus go raibh na pointí grafta ag L 60, i ndáiríre, ar fhána síos. Dá bhrí sin, is é L 50 an patrún is mó a bhfuil muid cinnte ina leith nach ndéantar aon teorannú ann agus is é sin an patrún is ceart a úsáid chun an buaiclonras a thomhas. I gcás nach mór cóimheas lonrais a dhearbhú, déanfar an patrúin lonrais a roghnú sa socrú réamhshocraithe is gile. Más eol go bhfuil saintréithe tiomántáin lonrais taispeántais ag UUT nach bhfágann gur féidir patrún tástála dinimiciúil barrmhaith de bhuaiclonras an bháin a roghnú leis an nós imeachta roghnúcháin thuasluaite, féadfar an próiseas roghnúcháin simplithe seo a leanas a úsáid. Maidir le taispeáintí ag a bhfuil fad trasnánach cothrom le 15,24 cm (6 orlach) nó níos mó agus níos lú ná 30,48 cm (12 orlach), úsáidfear comhartha PeakLumMotion L 40. Maidir le taispeáintí ag a bhfuil fad trasnánach cothrom le 30,48cm (12 orlach), úsáidfear comhartha PeakLumMotion L 20. An pátrún tástála dinimiciúil ar bhuaiclonras an bháin, patrún arna roghnú ag ceachtar de na nósanna imeachta, dearbhófar é agus bainfear úsáid as le haghaidh gach tástáil lonrais.

1.2.5.   Raon rialaithe solais chomhthimpeallaigh ABC agus aga folaigh gnímh ABC a chinneadh.

Chun críocha Rialachán (AE) 2019/2021, soláthraítear liúntas cumhachta ABC sa dearbhú EEI má chomhlíonann saintréith rialaithe ABC ceanglais shonracha maidir le rialú ar lonras taispeána idir leibhéil solais chomhthimpeallaigh de 100 lux agus 12 lux le pointí tagra de 60 lux agus 35 lux. Ní mór don athrú ar lonras taispeána idir 100 lux agus 12 lux de sholas comhthimpeallach laghdú 20 % ar an gceanglas maidir le cumhacht taispeána a sholáthar chun bheith i gcomhréir leis an liúntas cumhachta ABC faoin Rialachán. An patrún tástála dinimiciúil ‘L’ a úsáidtear chun measúnú a dhéanamh ar chomhréireacht rialaithe lonrais ABC, is féidir é a úsáid go comhuaineach chun measúnú a dhéanamh ar chomhréireacht laghdaithe cumhachta.

Maidir le taispeáintí digiteacha comharthaíochta, d’fhéadfadh feidhm a bheith ag raon i bhfad níos leithne de rialú ABC le hathrú soilsis agus d’fhéadfaí síneadh a chur leis an modheolaíocht tástála a ndéantar cur síos uirthi anseo chun sonraí a bhailiú le haghaidh athbhreithnithe a dhéanfar ar an Rialachán amach anseo.

1.2.5.1   Próifíliú ar Aga Folaigh ABC

Aga folaigh na feidhme rialaithe ABC, is é sin an mhoill ama idir an t-athrú ar sholas comhthimpeallach a bhraitear ag an mbrathadóir ABC agus an t-athrú a thagann as lonras taispeána an UUT. Taispeántar le sonraí tástála gur féidir an mhoill sin a bheith chomh fada le 60 soicind agus ní mór é sin a chur san áireamh agus rialú ABC á phróifíliú. Chun meastachán a thabhairt ar aga folaigh, athraítear an sleamhnán 100 lux (féach 1.2.5.2), faoi dhálaí cobhsaí lonrais taispeána, go dtí an sleamhnán lux 60 agus taifeadtar an t-eatramh ama is gá chun leibhéal lonrais taispeántais cobhsaí níos ísle a bhaint amach. Ar an leibhéal lonrais cobhsaí níos ísle, athraítear an sleamhnán 60 lux go dtí an sleamhnán 100 lux agus tugtar faoi deara an t-eatramh ama is gá chun leibhéal lonrais cobhsaí níos airde a bhaint amach. Luach níos airde an eatraimh ama, is é sin an luach a úsáidtear le haghaidh aga folaigh, agus cuirtear 10 soicind dhiscréideacha leis. Déantar é sin a shábháil mar thréimhse teilgin an taispeántais sleamhnán le haghaidh gach sleamhnán.

1.2.5.2   Soilsiú na Foinse Solais a Rialú

Maidir le próifíliú ABC, taispeántar patrún tástála dinimiciúil de bhuaiclonras an bháin mar a shainaithnítear é in 1.2.4 ar UUT, toisc go n-athraítear gile na foinse solais ó bhán trí raon de shleamhnáin liatha chun athruithe ar shoilsiú chomhthimpeallach a ionsamhlú. Maidir le leibhéal soilsiúcháin a rialú, athraítear trédhearcacht liath an chéad sleamhnáin chun túsphointe an phróifílithe (e.g. 120 lux) a bhaint amach tríd an leibhéal lux ag an méadar soilsis a thomhas. Déantar an sleamhnán a chóipeáil agus a shábháil. Socraítear leibhéal nua trédhearcachta léithe le haghaidh na cóipe go dtí an pointe tagra riachtanach 100 lux agus déantar an sleamhnán a chóipeáil agus a shábháil. Déantar an próiseas an athuair le haghaidh na bpointí tagra 60 lux, 35 lux agus 12 lux. Is féidir sleamhnán soilsis dubh (trédhearcacht 0 %) a chur anseo le haghaidh siméadracht breactha sonraí agus is féidir sleamhnáin na bpointí tagra a chóipeáil agus a thabhairt isteach in ord ardaitheach soilsiúcháin síos go dtí 120 lux.

1.2.5.3   Dath-Theocht na Foinse Solais a Rialú

Ceanglas breise is ea dath-theocht a shocrú le haghaidh phointe bán an tsolais theilgthe chun in-atrialltacht na sonraí tástála a áirithiú i gcás ina n-úsáidtear foinse solais éagsúil le haghaidh teilgeora chun críoch fíoraithe. Le haghaidh na modheolaíochta tástála sin, sonraítear dath-theocht 2700K ± 300K le haghaidh pointe bán ar mhaithe le comhsheasmhacht le modheolaíocht ABC sna caighdeáin tástála roimhe seo.

Socraítear an pointe bán sin go héasca in aon ríomhchlár tábhachtach um chruthú sleamhnáin trí úsáid a bhaint as dath oiriúnach líonta sholadaigh (e.g. Dearg/Oráiste) agus as coigeartú trédhearcachta. Leis na huirlisí sin, is féidir pointe bán an teilgeora, a bhíonn níos fuaire de ghnáth, a choigeartú go dtí an 2700K a moladh, agus déanfar sin trí thrédhearcacht an datha roghnaithe a athrú agus dath-theocht á tomhas trí fheidhm an mhéadair soilsis san am céanna. A luaithe a bhaintear amach an teocht riachtanach, cuirtear i bhfeidhm ar na sleamhnáin uile í.

1.2.5.4   Taifeadadh Sonraí

Déantar ídiú cumhachta, lonras scáileáin agus soilseas ar an mbraiteoir ABC a thomhas agus a logáil le linn an taispeántais sleamhnáin. Ní mór do na sonraí sin a bheith i gcomhchoibhneas leis an am. Ní mór pointí tagra le haghaidh trí pharaiméadar a logáil chun ídiú cumhachta a nascadh le lonras scáileáin agus le soilseas an bhraiteora ABC. Is féidir aon líon sleamhnán a chruthú idir na pointí tagra chun ard-ghráinneacht sonraí a bhaint amach laistigh de na srianta ama atá ar fáil don tástáil.

Maidir le taispeáintí digiteacha comharthaíochta atá ceaptha oibriú faoi réimse leathan dálaí soilsiúcháin chomhthimpeallaigh, is féidir raon oibriúcháin an rialaithe ABC thar lonras taispeána a shuí de láimh leis an rialú trédhearcachta duibhe ag oibriú ar shleamhnán aonair teilgthe de bhuaiclonras an bháin atá réamhshocraithe chuig an dath-theocht is gá. An chumraíocht réamhshocraithe arna moladh maidir leis an taispeáint dhigiteach chomharthaíochta le haghaidh réimse leathan dálaí oibríochta solais chomhthimpeallaigh, is ó chlár an úsáideora a roghnófar í. Ag pointe cobhsaí lonrais taispeána, athrófar an sleamhnán teilgthe ó thrédhearcacht dhubh 0 % go trédhearcacht dhubh 100 % chun an tréimhse folaigh a shuí. Chun raon oibríochta ABC a shuí, cuirfear an méid sin i bhfeidhm ansin ar chéimeanna trédhearcachta léithe na sleamhnán ó dhubh go pointe nach ndéantar aon athrú ar lonras taispeána ann. Féadfar taispeántas sleamhnán a chruthú ansin sa ghráinneacht is gá chun próifíliú a dhéanamh ar an raon sin.

1.2.6.   Tomhais lonrais taispeána

Le ABC cumasaithe agus leibhéal solais chomhthimpeallaigh 100 lux tomhaiste ag an méadar soilsis, taispeánfaidh an UUT patrún bhuaiclonras an bháin a roghnaíodh (féach 1.2.4) ag lonras cobhsaí. Chun bheith i gcomhréir leis na Rialacháin, dearbhófar le tomhas lonrais gurb é 220 cd/m2 nó níos mó an leibhéal lonrais taispeána le haghaidh na gcatagóirí taispeána uile seachas monatóirí. Le haghaidh monatóirí, ceanglaítear leibhéal comhréireachta 150 cd/m2 nó níos mó. Le haghaidh taispeáintí gan ABC nó gaireas nach n-éilíonn an liúntas ABC, is féidir tomhais a dhéanamh gan an chuid sin den mbinse tástála ina bhfuil an solas comhthimpeallach.

Le haghaidh na dtaispeáintí sin a bhfuil leibhéal dearbhaithe bhuaiclonras an bháin is lú na an ceanglas comhréireachta 220 cd/m2 nó 150 cd/m2 acu, de réir mar is infheidhme, trína ndearadh sa ghnáthchumraíocht, déanfar buaiclonras an bháin a thomhas arís sa chumraíocht féachana réamhshocraithe lena soláthraítear an tomhas is airde ar bhuaiclonras an bháin. Chun bheith i gcomhréir leis an Rialachán, 65 % nó níos mó a bheidh i gcóimheas ríofa an tomhais ar bhuaiclonras an bháin sa ghnáth-chumraíocht féachana agus an tomhais is airde ar bhuaiclonras an bháin. Dearbhaítear gurb é sin an ‘cóimheas lonrais’.

Maidir leis na UUTanna sin a bhfuil ABC acu is féidir a mhúchadh, déanfar tástáil comhréireachta sa ghnáthchumraíocht. Taispeánfar an patrún cobhsaithe de bhuaiclonras an bháin sa choinníoll soilsiúcháin chomhthimpeallaigh tomhaiste 100 lux. Deimhneofar gurb ionann an ceanglas cumhachta UUT, arna thomhas le ABC ar siúl, agus an ceanglas cumhachta arna thomhas ag lonras cobhsaithe le ABC múchta, nó gur lú ná an ceanglas sin é. Murab ionann an chumhacht thomhaiste, is é an mód a thugann an chumhacht thomhaiste is airde a úsáidfear le haghaidh chumhacht an mhóid ‘ar siúl’.

1.2.7.   Mód cumhachta ‘ar siúl’ a thomhas

Maidir le gach ceann de na córais chumhachtaithe UUT a chumhdaítear thíos, déanfar an chumhacht SDR a thomhas sa ghnáthchumraíocht, trí úsáid a bhaint as an leagan ardghléine den chomhad 10 nóiméad ‘tástáil dhinimiciúil físchumhachta SDR’, mura rud é go bhfuil comhoiriúnacht comhartha ionchuir teoranta do SD. Deimhneofar go mbeidh foinse an chomhaid agus comhéadan ionchuir an UUT in ann leibhéil sonraí físe atá dubh go hiomlán agus bán go hiomlán a chur ar fáil. Ní mór don UUT aon mhéadú ó thaobh scála ar thaifeach ardghléine físe go buntaifeach na taispeána UUT a phróiseáil, seachas gaireas seachtrach ina gceadaíonn UUT an méid sin. Más gá gaireas seachtrach a úsáid chun méadú chuig buntaifeach an UUT a bhaint amach, déanfar sonraí an ghairis sin agus a chomhéadain leis an UUT a thaifeadadh. Is é an dearbhú cumhachta an mheánchumhacht a chinntear le linn athsheinm an chomhaid 10 nóiméad iomlán.

Tomhaistear cumhacht HDR, i gcás ina bhfuil feidhm ag an bhfeidhm sin, trí úsáid a bhaint as an dá chomhad HDR 5 nóiméad ‘cumhacht HDR-HLG’ agus ‘cumhacht HDR-HDR10’. Mura dtacaítear le ceann de na móid HDR seo, dearbhófar cumhacht HDR ar an mód lena dtacaítear.

Saintréithe ionstraimíochta tástála agus dálaí tástála mar a shonraítear i gcaighdeáin ábhartha, tá feidhm acu maidir le gach tástáil chumhachta.

Ní gá fad a bhaint as téamh táirge le teicneolaíocht taispeána UUT reatha agus is áisiúil é a dhéanamh leis an bpatrún dinimiciúil tástála de bhuaiclonras an bháin a aithnítear i roinn 1.2.4 thuas. Nuair a bhíonn léamha cumhachta cobhsaí leis an UUT a léiríonn an patrún sin, féadfar tús a chur le tomhais chumhachta leis na comhaid tástála cumhachta dhinimiciúla SDR agus HDR.

I gcás ina bhfuil ABC ag táirge, múchfar é sin. Mura féidir é a mhúchadh, déanfar an táirge a thástáil faoi na dálaí solais chomhthimpeallaigh 100 lux tomhaiste a thuairiscítear i roinn 1.2.5 thuas.

Maidir le UUTanna a bhfuil sé beartaithe iad úsáid ar phríomhlíonraí AC lena n-áirítear iad siúd a bhaineann úsáid as ionchur DC caighdeánaithe ach a bhfuil soláthar cumhachta seachtrach (EPS) curtha ar fáil acu atá pacáistithe leis an UUT, déanfar cumhacht an mhóid ‘ar siúl’ a thomhas ag an bpointe soláthair AC.

(a)

Maidir le UUTanna a bhfuil ionchur DC caighdeánaithe (níl feidhm ach ag caighdeáin seachadta cumhachta atá comhoiriúnach le USB) acu, déanfar cumhacht a thomhas ag an ionchur DC. Éascaítear sin le haonad fuascailte USB (BOU) a choinníonn ar bun cosán sonraí an nascaire soláthair agus ionchur DC UUT ach a chuireann isteach ar an gcosán seachadta cumhachta chun ionchur tomhais srutha agus ionchur tomhais Voltais chuig an méadar cumhachta a éascú. Ní mór comhcheangal na méadar cumhachta USB BOU a thástáil go hiomlán chun a áirithiú nach bhfuil a ndearadh agus a riocht cothabhála ag cur isteach ar fheidhm braite coiscis cábla de roinnt caighdeán seachadta cumhachta USB. Is í an chumhacht a thaifeadfar tríd an USB BOU an chumhacht Pmeasured a dhearbhaítear le haghaidh an dearbhaithe um thomhas cumhachta don mhód ‘ar siúl’ (Éicidhearthóireacht agus Lipéadú i mód SDR agus mód HDR).

(b)

Maidir le UUTanna neamhghnácha a chumhdaítear le sainmhínithe an Rialacháin, ach a ceapadh chun oibriú ó cheallra inmheánach nach féidir a sheachaint ná a bhaint le haghaidh na tástála cumhachta riachtanaí, moltar an mhodheolaíocht seo a leanas. Na caveats le haghaidh EPS agus ionchur DC caighdeánaithe a shonraítear thuas, tá feidhm acu maidir le dearbhú cumhachta ionchuir AC nó DC a roghnú.

Chun críocha na modheolaíochta, tá feidhm ag na cáilíochtaí seo a leanas:

Ceallra lánluchtaithe: Pointe le linn luchtaithe nuair, de réir threoracha an mhonaróra, trí tháscaire nó tréimhse ama, nach gá an táirge a luchtú a thuilleadh. Déanfar próifíliú amhairc ar an bpointe seo chun tagairt a dhéanamh ina dhiaidh sin le léiriú grafach ar loga luchtaithe an mhéadair cumhachta, a dhéantar le tomhais chumhachta 1 shoicind gráinneachta i dtréimhse 30 nóiméad roimh an bpointe lánluchtaithe agus ina dhiaidh.

Ceallra iomlán díluchtaithe: Pointe le linn an mhóid ‘ar siúl’, ag a bhfuil an UUT dínasctha de fhoinse cumhachta sheachtrach, ina múchann an taispeáint go huathoibríoch (ní trí fheidhmeanna fuireachais uathoibríocha) nó ina scoireann sí de bheith ag feidhmiú agus íomhá á taispeáint aici.

Mura bhfuil aon táscaire ann nó mura mbeidh aon tréimhse ama luchtaithe shonraithe ann, díluchtófar an ceallra go hiomlán. Déanfar an ceallra a athluchtú ansin agus gach feidhm taispeána atá faoi rialú an úsáideora múchta. Déanfar an t-ionchur cumhachta in aghaidh an ama le gráinneacht sonraí nach lú ná léamh amháin in aghaidh an tsoicind a logáil go huathoibríoch. I gcás ina dtaispeánfaidh an loga tús le mód cothabhála ceallra comhréidh ísealchumhachta nó tréimhse cumhachta an-íseal le pléascthaí cumhachta eadrannacha, an t-am a logáiltear go dtí an pointe sin ó thús thimthriall luchtaithe an cheallra, measfar gurb é sin an t-aga luchtaithe bunúsach.

Ceallra a ullmhú: Déanfar aon cheallra ian litiam neamhúsáidte a luchtú go hiomlán agus a dhíluchtú go hiomlán aon uair amháin, sula ndéanfar an chéad tástáil ar UUT. Déanfar gach cineál ceallra/teicneolaíochta eile nach bhfuil in úsáid a luchtú go hiomlán agus a dhíluchtú go hiomlán trí huaire, sula ndéanfar an chéad tástáil ar UUT.

Modh

Cuir UUT i bhfearas le haghaidh na tástála ábhartha uile a bhfuil cur síos uirthi sa doiciméad modheolaíochta tástála seo. Chun an dearbhú um thomhas cumhachta AC nó DC a roghnú, cuir na caveats thuas maidir le cumhachtú i bhfeidhm.

Déanfar gach seicheamh dinimiciúil tástála lena mbaineann tomhas cumhachta um chomhréireacht agus dearbhú rialála le ceallra an táirge luchtaithe go hiomlán agus leis an bhfoinse cumhachta sheachtrach dínasctha. Deimhneofar an staid lánluchtaithe leis an ngraf de phróifíl luchtaithe loga an mhéadair cumhachta. Athrófar an táirge go dtí an mód tomhais is gá agus cuirfear tús láithreach leis an seicheamh dinimiciúil tástála. Nuair a bheidh an seicheamh dinimiciúil tástála críochnaithe múchfar an táirge agus cuirfear tús le seicheamh luchtaithe logáilte. Nuair a léirítear staid lánluchtaithe le próifíl an loga luchtaithe, úsáidtear an mheánchumhacht a taifeadadh ó thús an luchtaithe go tús na staide lánluchtaithe logáilte chun an chumhacht atá le taifeadadh le haghaidh cheanglas an Rialacháin a ríomh.

Sna móid fuireachais, fuireachais líonraithe agus ‘as’ (más infheidhme), beidh tréimhsí fada luchtaithe ceallra de dhíth chun in-atrialltacht mhaith sonraí a sholáthar ó mheánchumhacht an athluchtaithe (e.g. 48 n-uair an chloig i gcás na mód ‘as’ nó fuireachais agus 24 uair an chloig i gcás an mhóid fuireachais líonraithe)

Chun lonras a thomhas agus lonras ABC a phróifíliú, is féidir an fhoinse cumhachta sheachtrach a bheith nasctha i gcónaí.

Chun laghdú na cumhachta ABC a thástáil, seinnfear go leanúnach seicheamh an bhuaiclonrais dhinimiciúil iomchuí ar feadh 30 nóiméad faoi dhálaí solais chomhthimpeallaigh 12 lux. Déanfar an ceallra a athluchtú láithreach agus tabharfar an mheánchumhacht faoi deara. Déanfar amhlaidh an athuair faoi dhálaí comhthimpeallacha 100 lux agus deimhneofar gurb é 20 % nó níos mó an difríocht idir na meánchumhachtaí athluchtaithe.

Maidir leis an dearbhú cumhachta SDR, an seicheamh dinimiciúil iomchuí 10 nóiméad um thomhas cumhachta SDR, seinnfear é 3 huaire go seicheamhach agus déanfar an meánriachtanas cumhachta chun ceallra a athluchtú a logáil (P measured (SDR)= athluchtú fuinnimh/aga athsheanma iomlán). Maidir leis an dearbhú cumhachta HDR, gach ceann den dá chomhad dhinimiciúla cúig nóiméad um thomhas cumhachta HDR, seinnfear iad go gearr i ndiaidh a chéile agus déanfar an meánriachtanas cumhachta chun an ceallra a athluchtú a logáil (P measured (HDR) = athluchtú fuinnimh /aga athsheanma iomlán).

1.2.8.   Meánriachtanas cumhachta an mhóid ísealchumhachta agus an mhóid ‘as’

Ionstraimíocht tástála agus dálaí tástála mar a shonraítear i gcaighdeáin ábhartha, tá feidhm acu maidir le gach tástáil chumhachta a dhéantar ar na móid ísealchumhachta agus ‘as’. Beidh feidhm ag na caveats ó 1.2.7 thuas maidir le cumhacht AC nó DC a thomhas agus úsáidfear an nós imeachta tástála speisialta a chumhdaítear in 1.2.7 maidir le taispeáintí a chumhachtaítear le ceallraí i gcás inarb infheidhme.”;