(1)

Le Rialachán (CE) Uimh. 798/2008 ón gCoimisiún (3) leagtar síos ceanglais deimhniúcháin tréidliachta maidir le héanlaith chlóis agus táirgí éineola (“na tráchtearraí”) a allmhairiú isteach san Aontas agus a bheith faoi bhealach tríd, lena n-áirítear iad a stóráil le linn an idirthurais. Foráiltear leis nach ndéanfar na tráchtearraí a allmhairiú isteach san Aontas agus a bheith faoi bhealach tríd ach ó na tríú tíortha, críocha, criosanna nó deighleoga a liostaítear i gcolúin 1 agus 3 den tábla i gCuid 1 d’Iarscríbhinn I a ghabhann leis.

(2)

Le Rialachán (CE) Uimh. 798/2008, leagtar síos freisin na coinníollacha maidir le tríú tír, críoch, crios nó deighleog a mheastar a bheith saor ó fhliú éanúil ardphataigineach (HPAI).

(3)

Liostaítear an Ríocht Aontaithe sa tábla i gCuid 1 d’Iarscríbhinn I a ghabhann le Rialachán (CE) Uimh. 798/2008 mar thríú tír óna n-údaraítear tráchtearraí áirithe éanlaithe clóis a allmhairiú isteach san Aontas agus a bheith faoi bhealach tríd ó chodanna áirithe dá críoch, ag brath ar HPAI a bheith ann. Leagadh réigiúnú na Ríochta Aontaithe amach i gCuid 1 d’Iarscríbhinn I a ghabhann le Rialachán (CE) Uimh. 798/2008, arna leasú le Rialachán Cur Chun Feidhme (AE) 2020/2205 ón gCoimisiún (4).

(4)

I mí na Nollag 2020, áfach, dheimhnigh an Ríocht Aontaithe tuilleadh ráigeanna HPAI d’fhochineálacha H5N8 agus H5N1 i ngabháltais éanlaithe clóis ar a críoch féin. De bharr na ráigeanna sin, leagadh amach tuilleadh réigiúnaithe ar an tír san Iarscríbhinn a ghabhann le Cinneadh Cur Chun Feidhme (AE) 2020/1742 ón gCoimisiún (5), arna leasú le Cinneadh Cur Chun Feidhme (AE) 2020/2240 (6), agus le Cinneadh Cur Chun Feidhme (AE) 2020/2242 ón gCoimisiún (7) i gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (an Comhaontú um Tharraingt Siar), gan dochar do chur i bhfeidhm dhlí an Aontais maidir leis an Ríocht Aontaithe agus sa Ríocht Aontaithe i leith Thuaisceart Éireann i gcomhréir le hAirteagal 5(4) den Phrótacal maidir le hÉirinn/Tuaisceart Éireann, i gceangal leis an gComhaontú um Tharraingt Siar, i gcomhréir le hIarscríbhinn 2 a ghabhann leis an bPrótacal sin. Ós rud é go leanfar de na bearta chun na ráigeanna sin a rialú agus a dhíothú tar éis an 31 Nollaig 2020, ba cheart an réigiúnú sin a léiriú i Rialachán (CE) Uimh. 798/2008.

(5)

Thairis sin, tar éis Cinneadh Cur Chun Feidhme (AE) 2020/2240 agus Cinneadh Cur Chun Feidhme (AE) 2020/2242 a fhoilsiú, dheimhnigh an Ríocht Aontaithe tuilleadh ráigeanna HPAI laistigh de na criosanna a bunaíodh iontu, rud ba cheart a léiriú freisin i Rialachán (CE) Uimh. 798/2008.

(6)

Ba cheart, dá bhrí sin, iontráil na Ríochta Aontaithe sa tábla i gCuid 1 d’Iarscríbhinn I a ghabhann le Rialachán (CE) Uimh. 798/2008 a leasú chun an staid eipidéimeolaíoch atá sa tríú tír sin faoi láthair a chur san áireamh.

(7)

Ina theannta sin, ós rud é gur leagadh amach réigiúnú na Ríochta Aontaithe maidir leis na ráigeanna sin nuair a bhí feidhm ag dlí an Aontais maidir leis an tír sin i gcomhréir leis an gComhaontú um Tharraingt Siar, chuirfí deireadh leis na bearta cosanta i ndáil leis na ráigeanna HPAI a deimhníodh in 2020 30 lá tar éis dháta an deimhniúcháin. Is iomchuí, dá bhrí sin, na dátaí sin a shonrú mar na dátaí amhail ón uair a fhéadfar a mheas i dtaca leis na limistéir atá faoi shrian de dheasca na ráigeanna a deimhníodh in 2020 go bhfuil siad saor ó HPAI agus ba cheart údarú a thabhairt arís d’earraí éanlaithe clóis áirithe de thionscnamh na limistéar sin a allmhairiú isteach san Aontas agus faoi bhealach tríd.

(8)

Ba cheart, dá bhrí sin, Iarscríbhinn I a ghabhann le Rialachán (CE) Uimh. 798/2008 a leasú dá réir.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,