Airteagal 1

Airteagal 2

Airteagal 3

Airteagal 4

Tuairisceoidh an tArdionadaí don Chomhairle maidir le cur chun feidhme an Chinnidh seo ar bhonn tuarascálacha tráthrialta arna n-ullmhú ag an Rúnaíocht Theicniúil. Beidh na tuarascálacha sin ón Ardionadaí ina mbonn don mheastóireacht a dhéanfaidh an Chomhairle. Soláthróidh an Coimisiún faisnéis faoi ghnéithe airgeadais an tionscadail dá dtagraítear in Airteagal 1.

Airteagal 5

IARSCRÍBHINN

DOICIMÉAD TIONSCADAIL

Tacaíocht an Aontais chun Éifeachtacht Oibríochtúil OPCW a Fheabhsú trí bhíthin Íomhánna Satailíte

1.   Cúlra

Éilíonn próisis anailíseacha OPCW comhthacaíocht leis an bhfaisnéis fhianaiseach mar aon le fíorúcháin uirthi, arna soláthar ar na bealaí is stóinsithe dá bhfuil ann. Cé nach iad na híomhánna satailíte an t-aon fhoinse faisnéise fianaiseach, tig leo táscairí agus comhthacaíocht a sholáthar nach bhfuil le fáil i bhfoinsí eile, rud a thugann léargais anailíseacha luachmhara is féidir a úsáid chun cur chun feidhme iomlán an Choinbhinsiúin um Airm Cheimiceacha (CWC) a áirithiú. I ndáil leis an méid sin, tá acmhainneacht leordhóthanach institiúideach ríthábhachtach, agus is féidir le híomhánna agus leis an íomhá-anailísiú pleanáil misean níos mionsonraithe agus níos stóinsithe a éascú, rioscaí slándála d’fhoirne imscartha a mhaolú, chomh maith le faisnéis fhianaiseach agus anailísiú ar mhaithe le fíorúchán níos costéifeachtaí a chur ar fáil.

Trí Chinneadh 2017/2303/CBES ón gComhairle a chur chun feidhme, tá OPCW faoin tráth seo, ag brath ar fhaisnéis uathúil a bhíonn le fáil ó íomhá-anailísiú SATCEN maidir le pleanáil misean agus anailís faisnéise araon. I ngeall ar na híomhánna satailíte, tá feabhas tagtha ar iarrachtaí OPCW chun agallaimh níos críochnúla a chur ar fhinnéithe, comhthacú le ráitis ó fhinnéithe agus láithreacha ar díol spéise iad a shainaithint níos beaichte. Ó 2014 i leith, tá íomhánna satailíte de Phoblacht Arabach na Siria (SAR) tar éis an fheasacht staide agus an tslándáil a threisiú agus tar éis an riosca do mhisin allamuigh OPCW maidir le láithreacha a dtabharfar cuairt orthu/a ndéanfar cigireacht orthu, a laghdú. Tríd an íomhá-anailísiú a chomhtháthú sa phleanáil oibríochtúil, bíonn ar chumas foirne OPCW a gcuid gníomhaíochtaí a mhionchoigeartú ar an láthair trí íomhánna den cheantar – gar d’fhíor-am – a chur ar fáil do na baill foirne a n-imscarfar. Is léir gur cumasóir straitéiseach é an íomhá-anailísiú i ndáil le hiarrachtaí anailíseacha OPCW agus go leanfar de seo.

Ina theannta sin, tá roinnt de na himscrúduithe a bhaineann le húsáid líomhnaithe fós gan réiteach mar aon le Cinntí ón gComhairle Feidhmiúcháin i dtaca le sainordú a thabhairt do chuairteanna breise ar an láthair, do mhisin aimsithe fíoras agus d’imscrúduithe a bhfuil tacaíocht íomhánna satailíte fós de dhíth orthu. Mar thoradh ar na cumais anailíseacha uathúla arna soláthar ag SATCEN, tig le foirne OPCW atá sainordaithe faisnéis a chomhthacú le foinsí eile agus anailís níos mine a dhéanamh ar theagmhais ar úsáid líomhnaithe in SAR. Léiríodh go bhfuil an íomhá-anailísiú ar shatailítí fíor-riachtanach d’fhoirne OPCW atá páirteach in SAR. De bhreis ar na gníomhaíochtaí sainordaithe a bhaineann le SAR, tá sé á fheiceáil d’OPCW go mbeidh ról méadaitheach ann don íomhá-anailísiú ar shatailítí i gcásanna úsáid líomhnaithe arm ceimiceach lasmuigh de SAR chun cur chun feidhme ghníomhaíochtaí gaolmhara CWC faoi Airteagal IX (comhairliúcháin, comhar agus aimsiú fíricí) a éascú, agus i gcás ina bhféadfadh aontachas a bheith ann amach anseo leis an CWC do na stáit sin a bhfuil airm cheimiceacha ina seilbh acu.

2.   Cuspóir an tionscadail

2.1   Cuspóirí foriomlána an Tionscadail

Is é cuspóir foriomlán an Tionscadail cumas na Rúnaíochta a áirithiú chun cur chun feidhme Airteagal IX de CWC (comhairliúcháin, comhar agus aimsiú fíricí) agus Cinntí gaolmhara ó Chomhairle Feidhmiúcháin OPCW a éascú, trí sheirbhísí íomhánna a sholáthar lena dtugtar aghaidh ar bhearnaí san fheasacht staide maidir le misin, ionas go gcuirfidh sé le leochaileacht imscartha laghdaithe OPCW agus go n-uasmhéadaítear éifeachtúlacht anailíseach OPCW.

2.2   Cuspóirí sonracha

—	Cumas OPCW a leathnú chun tacú le gníomhaíochtaí arna sainordú ag OPCW tríd an íomhá-anailísiú ina cháil mar fhoinse bunús fianaise nó mar chomhthacaíocht le torthaí;

—

leas a bhaint as an íomhá-anailísiú spriocdhírithe i réimsí spéise (láithreacha, bealaí, etc.) i dtaca le pleanáil do mhisin arna sainordú ag OPCW (teagmhais ar úsáid líomhnaithe, iniúchtaí a cheistiú, cuairt ar chúnamh teicniúil, etc.) chun an tslándáil agus an iontaoibh as cruinneas fíorúcháin a mhéadú.

2.3   Torthaí

Is iad seo a leanas na torthaí a bhfuiltear ag súil leo, a rannchuidíonn an Tionscadal leo:

—	Leas a bhaint as an íomhá-anailísiú, maidir le fianaise spriocdhírithe, chun torthaí agus próisis fíorúcháin foirne a chur ar an eolas agus mar comhthacaíocht leis;

—	Rioscaí slándála a íoslaghdú agus an fheasacht staide a mhéadú chun an phleanáil is éifeachtúla a d’fhéadfadh Misean OPCW a dhéanamh a éascú.

3.   Cur síos ar na gníomhaíochtaí

Gníomhaíocht 1 – OPCW a chumasú chun feidhmiú go héifeachtach, trí chumas íomhánna, maoirseacht iomchuí agus tuairisciú riachtanach a sholáthar d’orgáin déanta beartais OPCW (CE agus CSP)

Féachann an ghníomhaíocht seo, trí íomhánna agus an íomhá-anailísiú, a chur ar chumas OPCW eolas a chur ar fáil do ghnóthais spriocdhírithe fianaise anailíseacha, agus ag an am céanna, barrfheabhsú a dhéanamh ar phleanáil OPCW (leithdháileadh agus iarrachtaí) ar mhaithe le héifeachtúlacht mhéadaithe misean agus leochaileacht laghdaithe.

Gníomhaíocht 2 – OPCW a chumasú, trí acmhainneacht satailíte, gníomhaíochtaí fíorúcháin a dhéanamh go cruinn, go héifeachtach agus go sábháilte agus chun cúnamh arna iarraidh a chur ar fáil do na Stáit is Páirtithe

Díríonn an ghníomhaíocht seo ar sholáthar seirbhísí íomhánna, ar bhonn mar is gá, le haghaidh iarrataí éagsúla Fíricí CWC a aimsiú ó Stáit is Páirtithe (IAU, CI, TAV, etc.), chomh maith le barrfheabhsú a dhéanamh ar phleanáil OPCW (leithdháileadh agus iarrachtaí) ar mhaithe le héifeachtúlacht mhéadaithe misean agus leochaileacht laghdaithe.

4.   Fad ama

Meastar go dtabhófar agus go gcríochnófar thar thréimhse 24 mhí an fad iomlán measta don chur chun feidhme a chistítear tríd an tionscadal seo.

5.   Tairbhithe

Pearsanra agus foirne OPCW na Rúnaíochta Teicniúla a bheidh ina dtairbhithe faoin tionscadal; agus geallsealbhóirí CWC, lena n-áirítear Stáit is Páirtithe.

6.   Infheictheacht an Aontais

Déanfaidh OPCW gach beart is iomchuí, laistigh de bhreithniúcháin réasúnta slándála agus bearta infheictheachta/cumarsáide atá ar fáil don tionscadal, chun a phoibliú gurbh é an tAontas a mhaoinigh an tionscadal seo.