(1)

I gConclúidí an 20 Samhain 2007, ba dhíol sásaimh don Chomhairle agus d’ionadaithe rialtais na mBallstát a tháinig le chéile sa Chomhairle an teachtaireacht ón gCoimisiún maidir leis an gcaidreamh sa todhchaí idir an tAontas Eorpach agus Poblacht Cabo Verde. Thar aon ní, ba dhíol sásaimh don Chomhairle doimhniú an chaidrimh idir an tAontas agus Cabo Verde trí Phlean Gníomhaíochta d’fhorbairt ar “chomhpháirtíocht speisialta” idir an dá pháirtí a chur chun feidhme. Ina theannta sin, leis an teachtaireacht sin, foráilítear gurb é is aidhm don “chomhpháirtíocht speisialta” sin tús a chur le hidirphlé oscailte, cuiditheach, pragmatach agus gur tosaíocht straitéiseach comhroinnte é an comhrac in aghaidh na hinimirce neamhdhlíthiúil.

(2)

An 1 Nollaig 2014, tháinig Comhaontú idir an tAontas Eorpach agus Poblacht Cabo Verde maidir le héascú a dhéanamh ar eisiúint na víosaí gearrfhanachta le saoránaigh Phoblacht Cabo Verde agus le saoránaigh an Aontais Eorpaigh (2) (“an Comhaontú 2014”) i bhfeidhm.

(3)

Ón 1 Nollaig 2014 i leith, tá forás tagtha ar an reachtaíocht idir an tAontas agus Cabo Verde, leis an athbhreithniú a rinneadh ar an gCód Víosa le Rialachán (AE) 2019/1155 ó Pharlaimint na hEorpa agus ón gComhairle (3) agus cinneadh Cabo Verde chun saoránaigh an Aontais a dhíolmhú ón gceanglas víosa le haghaidh fanachtaí suas go 30 lá. I bhfianaise na n-athruithe sin agus i bhfianaise an mheasúnaithe a rinne an Coiste Comhpháirteach a bhunaítear faoi Airteagal 10 den Chomhaontú 2014 agus gur dá chúram faireachán ar chur chun feidhme Chomhaontú 2014 ba chóir cuid de na forálacha, lena n-éascaítear eisiúint na víosaí le saoránaigh Cabo Verde agus, ar bhonn cómhalartach, le saoránaigh an Aontais maidir le tréimhse fanachta atá beartaithe le haghaidh tréimhse nach faide ná 90 lá i rith tréimhse 180 lá a choigeartú agus a chomhlánú trí Chomhaontú leasaitheach.

(4)

I gcomhréir le Cinneadh (AE) 2021/1830 ón gComhairle (4), an Comhaontú idir an tAontas Eorpach agus Poblacht Cabo Verde lena leasaítear an Comhaontú idir an tAontas Eorpach agus Poblacht Cabo Verde maidir le héascú a dhéanamh ar eisiúint na víosaí gearrfhanachta le saoránaigh Phoblacht Cabo Verde agus le saoránaigh an Aontais Eorpaigh (“an Comhaontú leasaitheach”), síníodh an Comhaontú sin an 18 Márta 2021, faoi réir a thabhairt i gcrích ar dháta is faide anonn.

(5)

Is é atá sa Chinneadh seo forbairt ar fhorálacha de acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (5). Dá bhrí sin, níl Éire rannpháirteach i nglacadh an Chinnidh seo ná níl sí faoi cheangal aige ná faoi réir an chuir i bhfeidhm a ghabhann leis.

(6)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Chinnidh seo ná níl sí faoi cheangal aige ná faoi réir an chuir i bhfeidhm a ghabhann leis.

(7)

Ba cheart an Comhaontú leasaitheach a fhormheas,