“1.   Ainmníonn an Coimisiún uachtarán an phainéil ar feadh téarma neamh-inathnuaite cúig bliana, i gcomhréir le hAirteagal 143(3) de Rialachán (AE, Euratom) 2018/1046 tar éis glao ar léiriú spéise. Tosóidh a théarma oifige an dáta a shocrófar chuige sin sa chinneadh maidir le hainmniúchán. Foilseofar an cinneadh sin i sraith C den Iris Oifigiúil.

Nuair a thiocfaidh deireadh le tréimhse a shainordaithe, de réir mar a cheanglófar le feidhmiú an phainéil é, leanfaidh an t-uachtarán dá thréimhse oifige go dtí go gceapfar duine ina ionad. Ní rachaidh an tréimhse sin thar sé mhí.”

“1.   Stiúrthóir Lársheirbhísí Airgeadais Ard-Stiúrthóireacht an Bhuiséid, tá sé ar dhuine de bheirt bhuanchomhaltaí an phainéil a dhéanann ionadaíocht ar an gCoimisiún, i gcomhréir le hAirteagal 143 (2)(b) de Rialachán (AE, Euratom) 2018/1046. Ainmneoidh Ard-Stiúrthóir an Bhuiséid oifigeach a thagann ar a laghad faoin ngrúpa feidhme cinn aonaid nó a choibhéis chun ionadaíocht a dhéanamh ar an mbuanchomhalta sin.

Is é Ard-Stiúrthóir an Bhuiséid a dhéanann ceapachán ad personam an dara bhuanchomhalta a dhéanann ionadaíocht ar an gCoimisiún as measc oifigigh de chuid an Choimisiúin a bhfuil grád AD 14 ar a laghad acu. Ainmneoidh Ard-Stiúrthóir an Bhuiséid oifigeach a thagann ar a laghad faoin ngrúpa feidhme cinn aonaid nó a choibhéis chun ionadaíocht a dhéanamh ar an mbuanchomhalta sin.”

“3.   Sna sainchomhaid ar a bhfuil iarraidh an údaráis tagartha bunaithe, go háirithe, ar fhaisnéis a tharchuireann OLAF, beidh ionadaí dá chuid i láthair ag cruinnithe den Phainéal agus beidh sé páirteach sna nósanna imeachta ó bhéal agus i scríbhinn. Cuirfidh sé barúlacha isteach arna iarraidh sin ag an Uachtarán.

Sna comhaid ar a bhfuil iarraidh an údaráis tagartha bunaithe go hiomlán nó i bpáirt ar fhaisnéis a tharchuireann Oifig an Ionchúisitheora Phoiblí Eorpaigh, comhlíonfaidh traschur na faisnéise ag an Oifig sin agus a rannpháirtíocht i gcáil bhreathnóra forálacha an chomhaontaithe dá dtagraítear in Airteagal 103(1) de Rialachán (AE) 2017/1939 ón gComhairle.

4.   Sna comhaid eile, féadfar iarraidh ar OLAF faisnéis nó tuairimí a thabhairt, arna iarraidh sin ag an Uachtarán. Féadfar iarraidh ar Oifig an Ionchúisitheora Phoiblí Eorpaigh freisin faisnéis nó tuairimí a thabhairt, arna iarraidh ag an Uachtarán i gcomhréir le forálacha an Chomhaontaithe dá dtagraítear in Airteagal 103(1) de Rialachán (AE) 2017/1939 ón gComhairle.”

“Airteagal 9a

Comhar le hOifig an Ionchúisitheora Phoiblí Eorpaigh

Na socruithe maidir le comhar le hOifig an Ionchúisitheora Phoiblí Eorpaigh, leagtar amach iad sa chomhaontú dá dtagraítear in Airteagal 103(1) de Rialachán (AE) 2017/1939 ón gComhairle.”

“4.   Is éard a bheidh san iarraidh ar mholadh an fhaisnéis uile is gá a cheanglaítear leis na forálacha dá dtagraítear in Airteagal 142(3) de Rialachán (AE, Euratom) 2018/1046. Is éard a bheidh ann chomh maith an fhaisnéis ábhartha eile dá bhforáiltear le hAirteagal 136 den Rialachán sin, lena n-áirítear i gcás inarb infheidhme tuarascálacha OLAF agus an fhaisnéis arna traschur ag Oifig an Ionchúisitheora Phoiblí Eorpaigh d’fhonn na bearta iomchuí a dhéanamh chun leasanna airgeadais an Aontais a chosaint. Cuimseofar ann bileog faisnéise agus í críochnaithe mar is ceart.”

“Airteagal 26

Fógra a thabhairt faoin tuairim agus faoin moladh

Tabharfaidh an painéal tuairim gan mhoill don údarás tagartha, don oifigeach údarúcháin atá freagrach agus do na breathnóirí. I gcás ina n-iarrtar ar Oifig an Ionchúisitheora Phoiblí Eorpaigh (OIPE) a bheith rannpháirteach mar bhreathnóir, beidh feidhm ag forálacha an chomhaontaithe dá dtagraítear in Airteagal 103, mír 1, de Rialachán (AE) 2017/1939 ón gComhairle.”