This document is an excerpt from the EUR-Lex website
Document 32021D0995
Commission Implementing Decision (EU) 2021/995 of 18 June 2021 determining the date on which Council Decision (EU) 2017/1908 on the putting into effect of certain provisions of the Schengen acquis relating to the Visa Information System in the Republic of Bulgaria and Romania shall start to apply
Cinneadh Cur Chun Feidhme (AE) 2021/995 ón gCoimisiún an 18 Meitheamh 2021 lena gcinntear an dáta óna mbeidh feidhm ag Cinneadh (AE) 2017/1908 ón gComhairle maidir le forálacha áirithe acquis Schengen a bhaineann leis an gCóras Faisnéise Víosaí i bPoblacht na Bulgáire agus sa Rómáin
Cinneadh Cur Chun Feidhme (AE) 2021/995 ón gCoimisiún an 18 Meitheamh 2021 lena gcinntear an dáta óna mbeidh feidhm ag Cinneadh (AE) 2017/1908 ón gComhairle maidir le forálacha áirithe acquis Schengen a bhaineann leis an gCóras Faisnéise Víosaí i bPoblacht na Bulgáire agus sa Rómáin
C/2021/4302
IO L 219, 21.6.2021, p. 37–38
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
21.6.2021 |
GA |
Iris Oifigiúil an Aontais Eorpaigh |
L 219/37 |
CINNEADH CUR CHUN FEIDHME (AE) 2021/995 ÓN gCOIMISIÚN
an 18 Meitheamh 2021
lena gcinntear an dáta óna mbeidh feidhm ag Cinneadh (AE) 2017/1908 ón gComhairle maidir le forálacha áirithe acquis Schengen a bhaineann leis an gCóras Faisnéise Víosaí i bPoblacht na Bulgáire agus sa Rómáin
TÁ AN COIMISIÚN EORPACH,
Ag féachaint d’Ionstraim Aontachais Phoblacht na Bulgáire agus na Rómáine,
Ag féachaint do Chinneadh (AE) 2017/1908 ón gComhairle an 12 Deireadh Fómhair 2017 maidir le forálacha áirithe acquis Schengen a bhaineann leis an gCóras Faisnéise Víosaí (VIS) i bPoblacht na Bulgáire agus sa Rómáin (1), agus go háirithe Airteagal 2, an dara mír, de,
De bharr an mhéid seo a leanas:
(1) |
De bhun Chinneadh (AE) 2017/1908, forálacha acquis Schengen a bhaineann leis an gCóras Faisnéise Víosaí dá dtagraítear san Iarscríbhinn a ghabhann leis an gCinneadh sin, beidh feidhm ag na forálacha sin maidir leis an mBulgáir agus leis an Rómáin, tar éis don Ghníomhaireacht Eorpach chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), don Bhulgáir agus don Rómáin na tástálacha cuimsitheacha uile a chur i gcrích go rathúil agus tar éis dóibh fógra a thabhairt don Choimisiún ina leith sin. |
(2) |
Beidh feidhm ag Cinneadh (AE) 2017/1908 ó dháta, atá le cinneadh ag an gCoimisiún, tráth a thabharfaidh an Bhulgáir agus an Rómáin fógra don Choimisiún gur cuireadh na tástálacha cuimsitheacha i gcrích go rathúil. |
(3) |
I gcomhréir le hAirteagal 1(1) de Chinneadh (AE) 2017/1908, d’fhíoraigh eu-LISA go bhfuil córais náisiúnta VIS na Bulgáire agus na Rómáine réidh lena gcomhtháthú sa Chóras Faisnéise Víosaí ón taobh teicniúil de. |
(4) |
I litir dar dáta an 15 Nollaig 2020, thug an Rómáin fógra don Choimisiún go bhfuil na tástálacha cuimsitheacha dá dtagraítear in Airteagal 1(1) de Chinneadh (AE) 2017/1908, maidir leis na forálacha a liostaítear san Iarscríbhinn a ghabhann leis an gCinneadh sin, curtha i gcrích go rathúil. |
(5) |
I litir dar dáta an 19 Eanáir 2021, thug an Bhulgáir fógra don Choimisiún go bhfuil na tástálacha cuimsitheacha dá dtagraítear in Airteagal 1(1) de Chinneadh (AE) 2017/1908, maidir leis na forálacha a liostaítear san Iarscríbhinn a ghabhann leis an gCinneadh sin, curtha i gcrích go rathúil. |
(6) |
Dá bhrí sin, tar éis don Bhulgáir agus don Rómáin na socruithe teicniúla is gá a chur i gcrích agus fógra cuí a thabhairt don Choimisiún ina leith, ba cheart an dáta a chinneadh óna mbeidh feidhm ag Cinneadh (AE) 2017/1908. |
(7) |
Maidir leis an Íoslainn agus leis an Iorua, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt, (2) ar forálacha iad a thagann faoi réim an réimse dá dtagraítear in Airteagal 1, pointí B agus G, de Chinneadh 1999/437/CE ón gComhairle (3). |
(8) |
Maidir leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt, (4) ar forálacha iad a thagann faoi réim an réimse dá dtagraítear in Airteagal 1, pointí B agus G, de Chinneadh 1999/437/CE, arna léamh i gcomhar le hAirteagal 3 de Chinneadh 2008/146/CE ón gComhairle (5). |
(9) |
Maidir le Lichtinstéin, is é atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt, (6) ar forálacha iad a thagann faoi réim an réimse dá dtagraítear in Airteagal 1, pointí B agus G, de Chinneadh 1999/437/CE arna léamh i gcomhar le hAirteagal 3 de Chinneadh 2011/350/AE ón gComhairle (7), |
TAR ÉIS AN CINNEADH SEO A GHLACADH:
Airteagal 1
Beidh feidhm ag Cinneadh (AE) 2017/1908 ón 25 Iúil 2021.
Airteagal 2
Tiocfaidh an Cinneadh seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 18 Meitheamh 2021.
Thar ceann an Choimisiúin
An tUachtarán
Ursula VON DER LEYEN
(1) IO L 269, 19.10.2017, lch. 39.
(2) IO L 176, 10.7.1999, lch. 36.
(3) Cinneadh 1999/437/CE ón gComhairle an 17 Bealtaine 1999 maidir le socruithe áirithe i dtaca le cur i bhfeidhm an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme, a chur i bhfeidhm agus a fhorbairt (IO L 176, 10.7.1999, lch. 31).
(4) IO L 53, 27.2.2008, lch. 52.
(5) Cinneadh 2008/146/CE ón gComhairle an 28 Eanáir 2008 maidir le tabhairt i gcrích an Chomhaontaithe, thar ceann an Chomhphobail Eorpaigh, idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (IO L 53, 27.2.2008, lch. 1).
(6) IO L 160, 18.6.2011, lch. 21.
(7) Cinneadh 2011/350/AE ón gComhairle an 7 Márta 2011 maidir le tabhairt i gcrích an Phrótacail, thar ceann an Aontais Eorpaigh, idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt, a bhaineann le seiceálacha ag na teorainneacha inmheánacha a dhíothú agus le gluaiseacht daoine (IO L 160, 18.6.2011, lch. 19).