Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021D0482

    Cinneadh (CBES) 2021/482 ón gComhairle an 22 Márta 2021 lena leasaítear Cinneadh 2013/184/CBES maidir le bearta sriantacha i gcoinne Mhaenmar/Burma

    ST/6789/2021/INIT

    IO L 99I, 22.3.2021, p. 37–39 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2021/482/oj

    22.3.2021   

    GA

    Iris Oifigiúil an Aontais Eorpaigh

    LI 99/37

    CINNEADH (CBES) 2021/482 ÓN gCOMHAIRLE

    an 22 Márta 2021

    lena leasaítear Cinneadh 2013/184/CBES maidir le bearta sriantacha i gcoinne Mhaenmar/Burma

    TÁ COMHAIRLE AN AONTAIS EORPAIGH,

    Ag féachaint don Chonradh ar an Aontas Eorpach, agus go háirithe Airteagal 29 de,

    Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

    De bharr an mhéid seo a leanas:

    (1)

    An 22 Aibreán 2013, ghlac an Chomhairle Cinneadh 2013/184/CBES (1) a bhaineann le bearta sriantacha i gcoinne Mhaenmar/Burma.

    (2)

    An 22 Feabhra 2021, ghlac an Chomhairle conclúidí inar cháin sí go géar an coup míleata a rinneadh i Maenmar/Burma an 1 Feabhra 2021. D'iarr sí go mbainfear an lasóg de bharrach na géarchéime trí dheireadh a chur, láithreach bonn, leis an staid éigeandála, tríd an rialtas sibhialta dlisteanach a athbhunú agus tríd an bparlaimint nuathofa a oscailt.

    (3)

    D'iarr an Chomhairle freisin ar na húdaráis mhíleata an tUachtarán, an Comhairleoir Stáit agus gach duine a coinníodh nó a gabhadh i dtaca leis an coup a scaoileadh saor. D'áitigh an Chomhairle nach mór an teileachumarsáid gan bhac a áirithiú, an tsaoirse chun tuairimí a nochtadh, an tsaoirse comhlachais agus an tsaoirse comhthionóil, agus rochtain ar fhaisnéis a ráthú, agus an smacht reachta agus cearta an duine a urramú. Cháin sí an chos ar bolg míleata agus póilíneachta i gcoinne léirsitheoirí síochánta, agus ag an am céanna d'iarr sí ar na húdaráis an ghuaim is mó is féidir a choinneáil orthu féin agus d'iarr sí ar gach taobh staonadh ón bhforéigean i gcomhréir leis an dlí idirnáisiúnta.

    (4)

    Cuireadh i bhfios go láidir sna conclúidí ón gComhairle go bhfuil an tAontas ullamh bearta sriantacha a ghlacadh mar fhreagairt ar an coup míleata.

    (5)

    I bhfianaise thromchúis na staide, measann an Chomhairle gur cheart na critéir ainmniúcháin a leasú ionas go bhféadfaí bearta sriantacha spriocdhírithe a chur i bhfeidhm i gcoinne daoine nádúrtha agus dlítheanacha, eintitis agus comhlachtaí a mbaineann a ngníomhaíochtaí an bonn den daonlathas agus den smacht reachta i Maenmar/Burma chomh maith le daoine dlítheanacha, eintitis agus comhlachtaí atá faoi úinéireacht nó faoi rialú Fhórsaí Armtha Mhaenmar (Tatmadaw), nó a ghineann ioncam thar a gceann, a chuireann tacaíocht ar fáil dóibh, nó a bhaineann tairbhe astu, agus ar an gcaoi sin a rannchuidíonn le, nó a bhaineann tairbhe as, gníomhaíochtaí lena mbaintear an bonn den daonlathas agus den smacht reachta nó le sáruithe tromchúiseacha ar chearta an duine i Maenmar/Burma.

    (6)

    Agus an staid i Maenmar/Burma á cur san áireamh, is iomchuí teideal Chinneadh 2013/184/CBES a leasú.

    (7)

    Ba cheart, dá bhrí sin, Cinneadh 2013/184/CBES a leasú dá réir sin,

    TAR ÉIS AN CINNEADH SEO A GHLACADH:

    Airteagal 1

    Leasaítear Cinneadh 2013/184/CBES mar a leanas:

    (1)

    cuirtear an méid seo a leanas in ionad an teidil:

    ‘Cinneadh 2013/184/CBES ón gComhairle maidir le bearta sriantacha i bhfianaise na staide i Maenmar/Burma’;

    (2)

    cuirtear an méid seo a leanas in ionad Airteagal 5(1):

    ‘Airteagal 5

    1.   Déanfaidh na Ballstáit na bearta is gá chun teacht isteach ina gcríocha, nó chun idirthuras trína gcríocha, a chosc i leith na ndaoine seo a leanas:

    (a)

    daoine nádúrtha ó Fhórsaí Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as sáruithe tromchúiseacha ar chearta an duine i Maenmar/Burma;

    (b)

    daoine nádúrtha a mbaineann a mbearta, a mbeartais nó a ngníomhaíochtaí an bonn den daonlathas nó den smacht reachta i Maenmar/Burma, nó a bhíonn i mbun bearta, nó a thugann tacaíocht do bhearta, a chuireann síocháin, slándáil nó cobhsaíocht Mhaenmar/Burma i mbaol;

    (c)

    daoine nádúrtha ó Fhórsa Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as bac a chur ar chúnamh daonnúil a sholáthar do shibhialtaigh atá ina ghátar;

    (d)

    daoine nádúrtha ó Fhórsaí Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as bac a chur ar imscrúduithe neamhspleácha ar sháruithe nó mí-úsáidí thromchúiseacha a líomhnaítear maidir le cearta an duine; nó

    (e)

    daoine nádúrtha a bhaineann leis na daoine nádúrtha dá dtagraítear i bpointí (a) go (d),

    mar a liostaítear san Iarscríbhinn iad.’;

    (3)

    cuirtear an méid seo a leanas in ionad Airteagal 6(1):

    ‘Airteagal 6

    1.   Cistí agus acmhainní eacnamaíocha ar leo seo a leanas iad, nó atá faoina n-úinéireacht, ina seilbh nó faoina rialú:

    (a)

    daoine nádúrtha ó Fhórsaí Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as sáruithe tromchúiseacha ar chearta an duine i Maenmar/Burma;

    (b)

    daoine nádúrtha agus dlítheanacha, eintitis nó comhlachtaí a mbaineann a mbearta, a mbeartais nó a ngníomhaíochtaí an bonn den daonlathas nó den smacht reachta i Maenmar/Burma, nó a bhíonn i mbun bearta, nó a thugann tacaíocht do bhearta, a chuireann síocháin, slándáil nó cobhsaíocht Mhaenmar/Burma i mbaol;

    (c)

    daoine nádúrtha ó Fhórsa Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as bac a chur ar chúnamh daonnúil a sholáthar do shibhialtaigh atá ina ghátar;

    (d)

    daoine nádúrtha ó Fhórsaí Armtha Mhaenmar (Tatmadaw), ó Fhórsa Póilíneachta Mhaenmar agus ó Phóilíní an Gharda Teorann atá freagrach as bac a chur ar imscrúduithe neamhspleácha ar sháruithe tromchúiseacha nó mí-úsáidí thromchúiseacha a líomhnaítear maidir le cearta an duine;

    (e)

    daoine dlítheanacha, eintitis nó comhlachtaí atá faoi úinéireacht nó faoi rialú Fhórsaí Armtha Mhaenmar (Tatmadaw), nó a ghineann ioncam thar a gceann, a chuireann tacaíocht ar fáil dóibh, nó a bhaineann tairbhe astu; nó

    (f)

    daoine nádúrtha nó dlítheanacha, eintitis nó comhlachtaí a bhaineann leo siúd dá dtagraítear i bpointí (a) go (e),

    mar a liostaítear san Iarscríbhinn iad, déanfar iad a chalcadh.’;

    (4)

    Cuirtear an tAirteagal seo a leanas isteach:

    ‘Airteagal 6a

    1.   De mhaolú ar Airteagal 6(1) agus (2), féadfaidh údaráis inniúla Ballstáit a údarú go scaoilfear cistí nó acmhainní eacnamaíocha reoite áirithe ar le duine nádúrtha nó dlítheanach, eintiteas nó comhlacht a liostaítear san Iarscríbhinn iad, nó go gcuirfear cistí nó acmhainní eacnamaíocha áirithe ar fáil do dhuine nádúrtha nó dlítheanach, eintiteas nó comhlacht a liostaítear san Iarscríbhinn, faoi cibé coinníollacha a mheasfaidh na húdaráis inniúla is iomchuí, tar éis dóibh a chinneadh go bhfuil gá le cistí nó acmhainní eacnamaíocha den sórt sin a sholáthar chun críocha daonnúla, amhail cúnamh a chur ar fáil nó cur ar fáil cúnaimh a éascú, lena n-áirítear soláthairtí leighis, agus bia, d'aistriú oibrithe daonnúla agus cúnaimh ghaolmhair nó le haghaidh aslonnaithe ó Mhaenmar/Bhurma.

    2.   Cuirfidh an Ballstát lena mbaineann aon údarú arna dheonú faoin Airteagal seo in iúl do na Ballstáit eile agus don Choimisiún laistigh de 4 seachtaine ón údarú.’.

    Airteagal 2

    Tiocfaidh an Cinneadh seo i bhfeidhm ar dháta a fhoilsithe in Iris Oifigiúil an Aontais Eorpaigh.

    Arna dhéanamh sa Bhruiséil, 22 Márta 2021

    Thar ceann na Comhairle

    An tUachtarán

    J. BORRELL FONTELLES

    (1)  Cinneadh 2013/184/CBES ón gComhairle an 22 Aibreán 2013 maidir le bearta sriantacha i gcoinne Mhaenmar/Burma agus lena n-aisghairtear Cinneadh 2010/232/CBES (IO L 111, 23.4.2013, lch. 75)

    Top