(1)

Le Rialachán (AE) 2019/1838 ón gComhairle (1) socraítear na deiseanna iascaireachta le haghaidh stoic éisc áirithe agus grúpaí stoc éisc is infheidhme i Muir Bhailt le haghaidh 2020. Bunaítear leis tréimhsí coiscthe le haghaidh an dá stoc troisc, tréimhsí atá ina dtréimhsí sceite ag na stoic sin, lena mbaineann maolú le haghaidh soithí iascaireachta ar lú a bhfad iomlán ná 12 mhéadar a bhíonn ag iascaireacht le trealaimh éighníomhacha áirithe. Tá iascaireacht a dhéantar le sruthdhoruithe eisiata ón maolú. Mar sin féin, meastar gur cheart úsáid sruthdhoruithe a cheadú agus gur cheart dá réir í a áireamh leis an maolú, mar a rinneadh sna rialacháin maidir le deiseanna iascaireachta a bhí ann roimhe seo. Dá bhrí sin, ba cheart Rialachán (AE) 2019/1838 a leasú dá réir.

(2)

Le Rialachán (AE) 2020/123 ón gComhairle (2), socraítear le haghaidh 2020 na deiseanna iascaireachta le haghaidh stoic éisc áirithe agus grúpaí stoc éisc is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad.

(3)

Sa tuarascáil faoina sheisiún iomlánach an 16-20 Márta 2020, ba é an conclúid ón gCoiste Eolaíoch, Teicniúil agus Eacnamaíoch um Iascach (STECF), i gcás foghabhálacha faoitíní (Merlangius merlangus) sa Mhuir Cheilteach, gurb é an soc-fhoirceann mogaill mhuileataigh 100 mm le painéal de mhogall cearnógach 160 mm an cineál soc-fhoircinn is roghnaithí de na ceithre chineál a liostaítear sna bearta feabhais a leagtar amach i bpointe (a) d’Airteagal 13(1) de Rialachán (AE) 2020/123 lena socraítear deiseanna iascaireachta le haghaidh 2020. Ní raibh aon mheastacháin iontaofa ag STECF maidir le roghnaíocht trosc (Gadus morhua) sa soc-fhoirceann mogaill mhuileataigh 100 mm le painéal de mhogall cearnógach 160 mm. Dá bhrí sin, chun athshlánú an stoic faoitíní lena mbaineann a áirithiú, is iomchuí leanúint d’úsáid an chomhcheangail sin de shoc-fhoirceann agus painéal de mhogall cearnógach. D’fhonn athshlánú trosc sa Mhuir Cheilteach a áirithiú, ba cheart leanúint den soc-fhoirceann mogaill mhuileataigh 100 mm le painéal de mhogall cearnógach 160 mm a úsáid le líne iascaireachta ardaithe.

(4)

Tá an bhásmhaireacht iascaireachta (F) le haghaidh an troisc sa Mhuir Thuaidh (Gadus morhua) méadaithe ó bhí 2016 ann agus meastar anois go bhfuil sí os cionn an phointe thagartha um an ráta básmhaireachta san iascaireacht (Flim), i.e. pointe tagartha a mbeidh meánmhéid stoic ag pointe tagartha teorann i dtaca le bithmhais (Blim) mar thoradh air san fhadtéarma. Má dhéantar iascaireacht ar leibhéil os cionn Flim ídeofar an stoc dá bharr go leibhéil faoi bhun Blim. Mar thoradh air sin, tá bithmhais an stoic sceite (SSB) laghdaithe ó bhí 2015 ann agus meastar go bhfuil sé faoi bhun Blim.Is é Blim an pointe tagartha dá bhforáiltear sa chomhairle eolaíoch is fearr atá ar fáil, dá bhforálann an Chomhairle Idirnáisiúnta um Thaiscéalaíocht na Mara (ICES) go háirithe, arbh fhéidir go mbeadh acmhainneacht síolraithe laghdaithe faoina bhun. Thairis sin, bhí an earcaíocht tearc i gcónaí ó bhí 1998 ann, agus thar a bheith tearc in 2016 agus 2018.

(5)

I gcomhréir le hAirteagal 7(2) de Rialachán (AE) 2018/973 ó Pharlaimint na hEorpa agus ón gComhairle (3) lena mbunaítear plean ilbhliantúil na Mara Thuaidh (4), i gcás ina léireofar leis an gcomhairle eolaíoch go bhfuil bithmhais stoic sceite aon cheann de na stoic éisc dá dtagraítear in Airteagal 1(1) den Rialachán sin faoi bhun Blim, tá bearta ceartaitheacha breise le glacadh chun a áirithiú go ndéanfar leibhéil an stoic éisc a athbhunú go tapa os cionn na leibhéal atá in ann uastáirgeacht inbhuanaithe (UTI) a tháirgeadh. Féadfar a áireamh ar na bearta ceartaitheacha sin go háirithe iascaireacht dhírithe an stoic lena mbaineann a chur ar fionraí agus laghdú leordhóthanach deiseanna iascaireachta le haghaidh na stoc sin nó le haghaidh stoc eile in iascaigh ina dtarlaíonn foghabhálacha trosc, nó lena n-aghaidh sin araon.

(6)

In éagmais Moladh Comhpháirteach ó ghrúpa réigiúnach Bhallstáit na Mara Thuaidh maidir le bearta níos fadtéarmaí, tá an Coimisiún ag moladh bearta teicniúla breise a thabhairt isteach atá nasctha go feidhmiúil leis na deiseanna iascaireachta le haghaidh 2020, i gcomhréir leis na gealltanais atá tugtha idir an tAontas agus an Iorua, atá comhsheasmhach leis an ráiteas comhpháirteach ón gCoimisiún Eorpach agus ón gComhairle.

(7)

D’fhonn gabhálacha na stoc éisc a socraítear gabhálacha iomlána incheadaithe (TACanna) ina leith a laghdú, ba cheart na deiseanna iascaireachta le haghaidh na n-iascach as a ngabhtar na stoic sin a shocrú ag leibhéil a chuidíonn le bithmhais na stoc leochaileach a athshlánú go leibhéal inbhuanaithe. Ba cheart bearta teicniúla atá nasctha go feidhmiúil le deiseanna iascaireachta a bhunú freisin. Ina fhorbhreathnú maidir le hiascach measctha le haghaidh na Mara Thuaidh, measann ICES go mbeidh na gabhálacha trosc tuairim is 40 000 tonna, is é sin i gcás nach dtiocfaidh aon athrú ar phatrúin iascaireachta agus i bhfianaise an aischuir neamhdhleathaigh a bhítear a dhéanamh. Chun an riosca go ndéanfaí gabhálacha i bhfad níos mó ná an TAC comhaontaithe a íoslaghdú, teastaíonn bearta breise chun gabhálacha a theorannú tuilleadh.

(8)

I gcomhréir leis an nós imeachta dá bhforáiltear sna comhaontuithe nó sna prótacail ar an gcaidreamh iascaigh leis an Iorua (5), bhí comhairliúcháin maidir le cearta iascaireachta ag an Aontas leis an Iorua. Tá sé comhaontaithe ag na Páirtithe a mholadh dá n-údaráis ar leith bearta ceartaitheacha breise a thabhairt isteach chun an TAC a aontaíodh cheana i Nollaig 2019 a fhorlíonadh, ionas go soláthrófar cosaint bhreise ar bhonn sealadach do throisc idir óg agus aosach le linn 2020. Ba cheart a áireamh ar na bearta sin tréimhsí coiscthe séasúracha ar mhaithe le troisc óga a chosaint, limistéir shrianta lena mbaineann coinníollacha sonracha rochtana agus tabhairt isteach bearta nua atá bunaithe ar threalamh iascaireachta.

(9)

An 9 Márta 2020, d’eisigh ICES comhairle le haghaidh gabhálacha séaclaí Artacha (Pandalus borealis) i ranna 3a agus 4a Thoir ICES (Skagerrak, Kattegat, agus an taobh ó thuaidh den Mhuir Thuaidh i dTrinse na hIorua). Ar bhonn na comhairle sin agus i ndiaidh comhairliúcháin leis an Iorua, is iomchuí cuóta an Aontais le haghaidh séaclaí Artacha i roinn 3a ICES a shocrú ag 3 266 thona, i gcomhréir leis an UTI.

(10)

De réir chomhairle ICES an 14 Aibreán 2020, ní ceart gabhálacha salán (Sprattus sprattus) in uiscí an Aontais i bhfolimistéar 4 ICES (an Mhuir Thuaidh) agus i roinn 3a ICES (Skagerrak agus Kattegatt) a bheith níos mó ná 207 807 tona le haghaidh na tréimhse ón 1 Iúil 2020 go dtí an 30 Meitheamh 2021. Ba cheart, mar sin, na deiseanna iascaireachta le haghaidh salán a shocrú ag 169 778 in uiscí an Aontais i 2a ICES agus i bhfolimistéar 4 ICES, agus ag 38 029 tona i roinn 3a ICES le haghaidh na tréimhse sin, i gcomhréir leis an UTI.

(11)

Tá an TAC le haghaidh ainseabhaithe (Engraulis encrasicolus) i bhfolimistéir 9 agus 10 ICES agus in uiscí de chuid an Aontais a bhaineann leis an gCoiste Iascaigh um an Atlantach Thoir Láir (CECAF) 34.1.1. le haghaidh na tréimhse ón 1 Iúil 2020 go dtí an 30 Meitheamh 2021 socraithe ag nialas, go dtí go n-eiseofar an chomhairle eolaíoch le haghaidh na tréimhse sin. Eiseoidh ICES a chomhairle le haghaidh an stoic éisc sin ag deireadh Mheitheamh 2020. Chun a áirithiú go bhféadfar leanúint de ghníomhaíocht iascaireachta go dtí go socrófar an TAC ar bhonn na comhairle eolaíche is déanaí, ba cheart TAC sealadach 4 018 tona, arna bhunú ar na gabhálacha a rinneadh sa tríú ráithe de 2019, a bhunú. Ba cheart an TAC sealadach sin a leasú i gcomhréir le comhairle eolaíoch ICES.

(12)

I dTaifead Comhaontaithe na gComhairliúchán Iascaigh idir an Iorua agus an tAontas Eorpach le haghaidh 2020 an 19 Nollaig 2019, d’aontaigh na Páirtithe go ndéanfar líon breise 10 000 tona ar a mhéid a dheonú, anuas ar an 50 000 tona scadáin (Clupea harengus) arb é sin an líon comhaontaithe a dtugtar cead don Iorua é a ghabháil óna cuóta in uiscí an Aontais in 4a agus 4b agus is féidir leis an Aontas a ghabháil in uiscí na hIorua laisteas de 62°T, má iarann an Iorua nó an tAontas méadú den sórt sin. Ba cheart an comhaontú sin a chur chun feidhme i ndlí an Aontais.

(13)

Ag an gcruinniú bliantúil a bhí aici in 2020 a reáchtáladh ón 14 go dtí an 18 Feabhra 2020, d’athbhreithnigh an Eagraíocht Réigiúnach um Bainistíocht Iascaigh san Aigéan Ciúin Theas (SPRFMO) an beart caomhnaithe le haghaidh bolmán (Trachurus murphyi), nár cinneadh fós na deiseanna iascaireachta ina leith i Rialachán (AE) 2020/123. Ba cheart na bearta infheidhme a chur chun feidhme i ndlí an Aontais.

(14)

Ag an gcruinniú bliantúil a bhí aige a reáchtáladh ón 23 go dtí an 27 Meán Fómhair 2019, chinn Eagraíocht Iascaigh an Atlantaigh Thiar Thuaidh (NAFO) an t-iascach alfainsín thaibhsigh (Beryx splendens) a dhúnadh i bhfolimistéar 6 NAFO de bharr gurbh fhéidir go n-ídeofaí an stoc. Dá bhrí sin ba cheart an beart sin a chur chun feidhme i ndlí an Aontais agus an liosta speiceas atá faoi thoirmeasc a leasú dá réir.

(15)

Tá Moladh 16-05 ón gCoimisiún Idirnáisiúnta um Chaomhnú Thuinníní an Atlantaigh (ICCAT), lenar laghdaíodh an TAC le haghaidh colgáin Mheánmhuirí (Xiphias gladius) in 2020, curtha chun feidhme cheana i ndlí an Aontais. In Eanáir 2020, áfach, d’eisigh Rúnaíocht ICCAT treoirlínte maidir le ríomh an TAC le haghaidh colgáin Mheánmhuirí. Mar thoradh air sin, caithfear cuóta an Aontais a nuashonrú dá réir.

(16)

Ag an gcruinniú bliantúil a bhí aige in 2019 a reáchtáladh ón 17 go dtí an 21 Meitheamh 2019, ghlac an Coimisiún um Thuinníní an Aigéin Indiaigh (IOTC) teorainneacha nua gabhála le haghaidh tuinníní buí (Thunnus albacares) nach ndéanann difear do theorainneacha gabhála an Aontais faoi chreat IOTC. Mar sin féin, laghdaigh sé na deiseanna úsáid a bhaint as feistí um chomhbhailiú éisc (FADanna), soithí soláthair agus baoithe gléasta freisin. Dá bhrí sin, ba cheart Rialachán AE 2020/123 a athrú tuilleadh chun a áirithiú go léirítear i gceart leis na rialacha cur chun feidhme na cinntí atá glactha ag na Páirtithe Conarthacha in IOTC.

(17)

I mí Iúil 2019, sa Séú Cruinniú de Pháirtithe Chomhaontú Iascaigh an Aigéin Indiaigh Theas (SIOFA), socraíodh bearta maidir le hiascaireacht ghrinnill agus teorannú iarrachta i limistéar an Chomhaontaithe. Cuireadh na bearta sin chun feidhme i ndlí an Aontais le Rialachán (AE) 2020/123. Mar sin féin, ba cheart tuilleadh athruithe a dhéanamh lena áirithiú go léirítear i gceart sna rialacha cur chun feidhme na cinntí atá glactha ag SIOFA maidir le teorainneacha le hiascaireacht ghrinnill.

(18)

Tugann an Coimisiún ceadúnais iascaireachta do shoithí a bhfuil bratach Veiniséala ar foluain acu chun a cheadú dóibh sclamhaire a ghabháil in uiscí de chuid na hEorpa amach ó chósta Ghuáin na Fraince. Foráiltear le Rialachán (AE) 2020/123 do dheonú 45 cheadúnas. Chun go n-eiseofar na húdaruithe sin, ní mór fianaise a sholáthar go bhfuil conradh bailí tugtha chun críche idir an longúinéir agus cuideachta próiseála atá lonnaithe i Roinn Ghuáin na Fraince. Le linn an phróisis údaraithe a bhíonn ar siúl idir dhá bhliain, ba cheart leanúnachas oibríochtaí iascaireachta a cheadú faoi choinníollacha áirithe.

(19)

I gcás soithí a bhíonn ag iascach spéirlintí ag baint úsáid as gléasanna áirithe i bhforanna 2a, 3a agus 4 ICES, ba cheart iad a bheith faoi réir tréimhsí toirmisc ón 1 Lúnasa go dtí an 31 Nollaig 2020 agus ón 1 Eanáir go dtí an 31 Márta 2021.

(20)

Dá bhrí sin, ba cheart Rialachán (AE) 2020/123 a leasú dá réir.

(21)

Tá feidhm ag na teorainneacha gabhála dá bhforáiltear i Rialachán (AE) 2019/1838 agus Rialachán (AE) 2020/123 ón 1 Eanáir 2020. Dá bhrí sin ba cheart na forálacha maidir le teorainneacha gabhála a thugtar isteach leis an Rialachán seo a theacht i bhfeidhm a luaithe is féidir. Maidir le hathruithe ar leibhéil TACanna, an maolú breise i Muir Bhailt agus an cead leanúnach trealamh a úsáid sa Mhuir Cheilteach, ba cheart feidhm a bheith ag na forálacha ón 1 Eanáir 2020 ar aghaidh. Ós rud é nach bhfuil na deiseanna iascaireachta atá i gceist ídithe go fóill nó toisc go méadaítear iad agus go dtugtar isteach rialacha níos boige leis an Rialachán seo, ní dhéantar difear do phrionsabal na deimhneachta dlíthiúla agus don phrionsabal i dtaobh ionchais dhlisteanacha a chosaint le cur i bhfeidhm cúlghabhálach an Rialacháin seo.

(22)

Chuathas i gcomhairle leis an Ríocht Aontaithe i gcomhréir le hAirteagal 130(1) den Chomhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach, (6)

(1)

In Airteagal 3, cuirtear isteach na pointí seo a leanas:

(2)

Cuirtear an tAirteagal seo a leanas isteach:

(3)

Cuirtear an méid seo a leanas in ionad an cheathrú fleasc de phointe (a) d’Airteagal 13(1):

(4)

Cuirtear an méid seo a leanas in ionad Airteagal 14:

(7)  Cóid trealaimh: OTB, OTT, OT, TBN, TBS, TB, TX, PTB, SDN, SSC, SX, LL, LLS.” "

(5)

In Airteagal 16(1), cuirtear an pointe seo a leanas isteach:

(6)

Cuirtear an méid seo a leanas in ionad Airteagal 27:

(7)

Cuirtear an méid seo a leanas in ionad Airteagal 46:

(8)

Cuirtear an méid seo a leanas isteach in ionad Airteagal 51:

(9)

Leasaítear Iarscríbhinní, IA, ID, IH agus V i gcomhréir le hIarscríbhinn II a ghabhann leis an Rialachán seo.