(1)

Le Rialachán (AE) 2018/1977 ón gComhairle (1), osclaítear bainistiú tharaif-chuótaí uathrialaitheacha an Aontais le haghaidh táirgí iascaigh áirithe le linn na tréimhse 2019‐2020 agus foráiltear maidir leis an mbainistiú sin. Cinntear méideanna iomchuí le haghaidh gach taraif-chuóta chun a áirithiú go mbeidh soláthar leordhóthanach do thionscal próiseála an Aontais le linn na tréimhse 2019-2020.

(2)

Laistigh den taraif-chuóta infheidhmithe faoi shraithuimhir 09.2750, a liostaítear san Iarscríbhinn a ghabhann le Rialachán (AE) 2018/1977, ní chomhfhreagraíonn ach na táirgí atá faoi chód AC ex 0305 20 00 ag a bhfuil cód TARIC 35 don tuairisc "eochraí éisc chrua, í nite, na horgáin ghreamaitheacha bainte di agus í saillte go simplí nó faoi sháile, chun ionadach caibheáir a mhonarú".

(3)

Faoi Rialachán (AE) 2015/2265 ón gComhairle (2), áfach, a tháinig roimh Rialachán (AE) 2018/1977, rinne an taraif-chuóta lena mbaineann tagairt do tháirge chód AC ex 1604 32 00 ag a bhfuil cód TARIC 20, agus is iad na táirgí sin a cumhdaíodh leis an tuairisc "eochraí éisc chrua, í nite, na horgáin ghreamaitheacha bainte di agus í saillte go simplí nó faoi sháile, chun ionadach caibheáir a mhonarú".

(4)

Maidir leis an neamhréireacht idir na cóid AC ábhartha atá sa dá Rialachán, i ndáil leis an sraithuimhir céanna, d’fhág go raibh sé deacair do thionscal próiseála an Aontais forálacha ábhartha a léirmhíniú agus an difríocht idir an dá chód AC a thuiscint. Bhí drochthionchar ag an easpa soiléireachta sin ar thionscal próiseála an Aontais.

(5)

Is iomchuí liosta na dtáirgí a chumhdaítear leis an taraif-chuóta le haghaidh shraithuimhir 09.2750 a leasú ionas go mbeidh táirgí chód AC 1604 32 00 ag a bhfuil cód TARIC 20 san áireamh go ceann tréimhse theoranta bliana amháin. Ina theannta sin, ba cheart fonóta a chur isteach a dhéanfaidh tagairt do na cóid AC agus TARIC sin agus an tréimhse ón 1 Eanáir 2019 go dtí an 31 Nollaig 2019 a chur san áireamh freisin.

(6)

Dá bhrí sin, ba cheart Rialachán (AE) 2018/1977 a leasú dá réir.

(7)

Beidh feidhm ag na cuótaí a osclaítear le Rialachán (AE) 2018/1977 sa chéad bhliain i rith na tréimhse ón 1 Eanáir 2019 go dtí an 31 Nollaig 2019. Ós rud é gur gá a áirithiú go gcaithfear go cothrom le hoibreoirí eacnamaíocha, agus é a chur san áireamh nach bhfuil an taraif-chuóta faoi shraithuimhir 09.2752 caite fós, ba cheart an Rialachán seo a chur i bhfeidhm go haisghníomhach le héifeacht ón 1 Eanáir 2019 ionas go mbeidh an deis ag na hoibreoirí eacnamaíocha a bhaineann úsáid as eochraí éisc chrua (críochtháirgí) leas a bhaint as an dleacht chuóta fhabhrach i gcónaí gan bhriseadh ar feadh tréimhse theoranta ama. Dá bhrí sin, ba cheart an Rialachán seo a theacht i bhfeidhm láithreach,