EUR-Lex Access to European Union law
This document is an excerpt from the EUR-Lex website
Document 32020D2032
Council Decision (CFSP) 2020/2032 of 10 December 2020 amending Decision 2010/96/CFSP on a European Union military mission to contribute to the training of Somali security forces
Cinneadh (CBES) 2020/2032 ón gComhairle an 10 Nollaig 2020 lena leasaítear Cinneadh 2010/96/CBES maidir le Misean Míleata de chuid an Aontais Eorpaigh chun rannchuidiú le hoiliúint fhórsaí slándála na Somáile
Cinneadh (CBES) 2020/2032 ón gComhairle an 10 Nollaig 2020 lena leasaítear Cinneadh 2010/96/CBES maidir le Misean Míleata de chuid an Aontais Eorpaigh chun rannchuidiú le hoiliúint fhórsaí slándála na Somáile
IO L 419, 11.12.2020, p. 28–29
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
11.12.2020 |
GA |
Iris Oifigiúil an Aontais Eorpaigh |
L 419/28 |
CINNEADH (CBES) 2020/2032 ÓN gCOMHAIRLE
an 10 Nollaig 2020
lena leasaítear Cinneadh 2010/96/CBES maidir le Misean Míleata de chuid an Aontais Eorpaigh chun rannchuidiú le hoiliúint fhórsaí slándála na Somáile
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 42(4) agus 43(2) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 15 Feabhra 2010 ghlac an Chomhairle Cinneadh 2010/96/CBES (1), lena mbunaítear misean míleata de chuid an Aontais Eorpaigh chun rannchuidiú le hoiliúint fhórsaí slándála na Somáile (EUTM Somalia). |
|
(2) |
An 19 Samhain 2018 ghlac an Chomhairle Cinneadh (CBES) 2018/1787 (2), lena gcuirtear síneadh le EUTM Somalia go dtí an 31 Nollaig 2020. |
|
(3) |
I gcomhthéacs an Athbhreithnithe Straitéisigh Iomlánaigh agus chomhordaithe ar rannpháirtíocht CBSC sa tSomáil agus i gCorn na hAfraice, mhol an Coiste Polaitiúil agus Slándála go gcuirfí síneadh le sainordú EUTM Somalia go dtí an 31 Nollaig 2022. |
|
(4) |
Ba cheart Cinneadh 2010/96/CBES a leasú dá réir. |
|
(5) |
I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bhíonn an Danmhairg rannpháirteach i ndréachtú ná i gcur chun feidhme cinntí agus gníomhaíochtaí de chuid an Aontais a mbíonn impleachtaí acu in ábhair cosanta. Níl an Danmhairg rannpháirteach i gcur chun feidhme an Chinnidh seo agus, dá bhrí sin, ní ghlacann sí páirt i maoiniú an mhisin seo, |
TAR ÉIS AN CINNEADH SEO A GHLACADH:
Airteagal 1
Leasaítear leis seo mar a leanas Cinneadh 2010/96/CBES:
|
(1) |
cuirtear an méid seo a leanas in ionad Airteagal 1: “Airteagal 1 Misean 1. Stiúróidh an tAontas misean oiliúna míleata (EUTM Somalia), chun rannchuidiú le Fórsaí Armtha Náisiúnta na Somáile (SNAF) atá cuntasach do Rialtas Náisiúnta na Somáile, a thógáil agus a neartú, i gcomhréir le riachtanais agus tosaíochtaí na Somáile agus chun tacú le cur chun feidhme Phlean Idirthréimhse na Somáile chun freagrachtaí slándála a aistriú chuig údaráis na Somáile. 2. D’fhonn na cuspóirí a leagtar amach i mír 1 a bhaint amach, déanfar misean míleata an Aontais a imscaradh sa tSomáil d’fhonn aghaidh a thabhairt ar fhorbairt institiúideach in earnáil na cosanta trí chomhairle straitéiseach chomh maith le tacaíocht dhíreach a thabhairt do SNAF trí oiliúint, trí chomhairle, agus trí mheantóireacht. 3. Ó 2021 ar aghaidh, tacóidh EUTM Somalia, go háirithe, le forbairt an Chórais Oiliúna atá faoi úinéireacht na Somáile d’fhonn úinéireacht na hoiliúna a thabhairt de réir a chéile do SNAF i bprionsabal, faoi dheireadh 2022. Déanfaidh EUTM Somalia meantóireacht ar an oiliúint atá faoi úinéireacht na Somáile agus a chuireann an tSomáil ar fáil, agus bunóidh sé cumas chun na haonaid atá oilte aige a rianú agus a mheasúnú. Cuirfidh EUTM Somalia tacaíocht ar fáil freisin, de réir mar is gá agus laistigh dá acmhainní agus dá chumais, do ghníomhaithe eile de chuid an Aontais agus a sainorduithe faoi seach á gcur chun feidhme acu i réimse na slándála agus na cosanta sa tSomáil, go háirithe do EUCAP Somalia maidir le hidir-inoibritheacht idir SNAF agus fórsaí póilíneachta na Somáile, agus do phacáiste tacaíochta Shaoráid Síochána na hAfraice, nó d’aon thacaíocht ón Aontas a bheidh ann amach anseo d’Fhórsaí Slándála na Somáile. 4. Faoi réir fhormheas an Choiste Pholaitiúil agus Slándála agus laistigh dá acmhainní agus dá chumais, déanfaidh EUTM Somalia gníomhaíochtaí díláraithe a phleanáil agus a sheoladh chun tacú le Ceanncheathrú réigiúnach SNAF. 5. Beidh cur chun feidhme na ngníomhaíochtaí sainordaithe sa tSomáil ag brath ar na dálaí slándála sa tSomáil agus ar threoir pholaitiúil ón gCoiste Polaitiúil agus Slándála.”; |
|
(2) |
in Airteagal 3, cuirtear an méid seo a leanas in ionad mhíreanna 2 agus 3: “2. I Mogaidisiú a bheidh Ceanncheathrú an Fhórsa Misin lonnaithe agus is faoi cheannas Cheannasaí Fórsa Misin an Aontais a oibreoidh sí. Áireofar leis sin cealla tacaíochta sa Bhruiséil agus in Nairobi, chomh maith le hoifig idirchaidrimh in Djibouti. In MPCC a bheidh cill tacaíochta na Bruiséile lonnaithe.”; |
|
(3) |
in Airteagal 7, cuirtear an méid seo a leanas in ionad mhír 3: “3. Déanfaidh EUTM Somalia an comhordú le Atalanta, le EUCAP Somalia, agus leis na cláir ábhartha um chúnamh de chuid an Aontais, a chothabháil agus a fheabhsú. Déanfaidh MPCC, i gcomhréir lena shainordú a leagtar síos i gCinneadh (CBES) 2017/971 ón gComhairle (*1), comhordú agus malartú faisnéise den sórt sin a éascú d’fhonn comhleanúnachas, éifeachtúlacht agus sineirgí a mhéadú idir misin agus oibriú an Chomhbheartais Slándála agus Cosanta sa réigiún. (*1) Cinneadh (CBES) 2017/971 ón gComhairle an 8 Meitheamh 2017 lena mbunaítear socruithe pleanála agus seolta le haghaidh misean míleata neamhfheidhmiúcháin CBSC de chuid AE agus lena leasaítear Cinntí 2010/96/CBES maidir le misean míleata de chuid an Aontais Eorpaigh chun rannchuidiú le hoiliúint fhórsaí slándála na Somáile, 2013/34/CBES maidir le misean míleata de chuid an Aontais Eorpaigh chun rannchuidiú le hoiliúint fhórsaí armtha Mhailí (EUTM Mali) agus (CBES) 2016/610 maidir le misean míleata oiliúna CBSC an Aontais Eorpaigh i bPoblacht na hAfraice Láir (EUTM RCA) (IO L 146, 9.6.2017, lch. 133).”;" |
|
(4) |
in Airteagal 10, cuirtear an mhír seo a leanas leis: “8. EUR 25 234 700 a bheidh sa mhéid tagartha airgeadais le haghaidh na gcostas coiteann a bhaineann le misean míleata an Aontais ar feadh na tréimhse ón 1 Eanáir 2021 go dtí an 31 Nollaig 2022. Is é 0 % an céatadán den mhéid tagartha dá dtagraítear in Airteagal 25(1) de Chinneadh (CBES) 2015/528 agus 0 % a bheidh sa chéatadán dá dtagraítear in Airteagal 34(3) den Chinneadh sin.”; |
|
(5) |
in Airteagal 12, cuirtear an méid seo a leanas in ionad mhír 2: “2. Cuirfear deireadh le sainordú mhisean míleata an Aontais an 31 Nollaig 2022.”. |
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, 10 Nollaig 2020.
Thar ceann na Comhairle
An tUachtarán
M. ROTH
(1) Cinneadh 2010/96/CBES ón gComhairle an 15 Feabhra 2010 maidir le misean míleata de chuid an Aontais Eorpaigh chun rannchuidiú le hoiliúint fhórsaí slándála na Somáile (IO L 44, 19.2.2010, lch. 16).
(2) Cinneadh (CBES) 2018/1787 ón gComhairle an 19 Samhain 2018 lena leasaítear agus lena gcuirtear síneadh le Cinneadh 2010/96/CBES maidir le misean míleata de chuid an Aontais Eorpaigh chun rannchuidiú le hoiliúint fhórsaí slándála na Somáile (IO L 293, 20.11.2018, lch. 9).