(1)

An 12 Lúnasa 2010, ghlac an Chomhairle Cinneadh 2010/452/CBES (1), lenar cuireadh síneadh le Misean Faireacháin an Aontais Eorpaigh sa tSeoirsia (EUMM Georgia), arna bhunú le Gníomhaíocht Chomhpháirteach 2008/736/CBES ón gComhairle (2).

(2)

An 3 Nollaig 2018, ghlac an Chomhairle Cinneadh (CBES) 2018/1884 (3), lena gcuirtear síneadh le sainordú EUMM Georgia go dtí an 14 Nollaig 2020.

(3)

Mar thoradh ar an athbhreithniú straitéiseach ar an Misean, mhol an Coiste Polaitiúil agus Slándála go gcuirfí síneadh le sainordú EUMM Georgia go dtí an 14 Nollaig 2022.

(4)

Ba cheart, dá bhrí sin, Cinneadh 2010/452/CBES a leasú dá réir sin.

(5)

Cuirfear an Misean i gcrích i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach iad in Airteagal 21 den Chonradh,

(1)

in Airteagal 14(1), cuirtear an fhomhír seo a leanas leis:

“Is é EUR 44 823 402,79 a bheidh sa mhéid tagartha airgeadais a bheartaítear chun an caiteachas a bhaineann leis an Misean a chumhdach idir 15 Nollaig 2020 agus an 14 Nollaig 2022.”.

(2)

in Airteagal 18, cuirtear an méid seo a leanas in ionad an dara mír:

“Rachaidh sé in éag an 14 Nollaig 2022.”