(1)

Tá sé ríthábhachtach saothar an Aontais i normálú an chaidrimh idir an tSeirbia agus an Chosaiv (*1) agus saothar an Aontais sna Balcáin Thiar a threisiú.

(2)

Ba cheart Ionadaí Speisialta de chuid an Aontais Eorpaigh (ISAE) don Idirphlé idir Béalgrád agus Pristine agus do shaincheisteanna réigiúnacha eile de chuid na mBalcán Thiar a cheapadh ar feadh tréimhse 12 mhí.

(3)

Cuirfidh ISAE an sainordú chun feidhme i gcomhthéacs staid a d’fhéadfadh dul in olcas agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh,

(a)

ar an gcéad dul síos agus go príomha, normalú cuimsitheach ar an gcaidreamh idir an tSeirbia agus an Chosaiv a bhaint amach, ar ní é atá croílárnach ina gconair Eorpacha faoi seach;

(b)

dea-chaidreamh comharsanachta a fheabhsú agus athmhuintearas a chur chun cinn freisin;

(c)

feabhas a chur ar infheictheacht agus éifeachtacht an Aontais trí thaidhleoireacht phoiblí;

(d)

rannchuidiú le haontas, comhsheasmhacht agus éifeachtacht ghníomhaíocht an Aontais sna Balcáin Thiar, de réir mar is iomchuí.

(a)

a mhéid a bhaineann le croílár an tsainordaithe, an t-idirphlé idir Béalgrád agus Pristine a éascú thar ceann an Ardionadaí, i ndlúthchomhar leis na Ballstáit, agus obair a dhéanamh ar normalú cuimsitheach an chaidrimh idir an tSeirbia agus an Chosaiv trí chomhaontú atá ceangailteach ó thaobh dlí a thabhairt i gcrích lena dtugtar aghaidh ar na saincheisteanna uile idir na páirtithe atá fós gan réiteach i gcomhréir leis an dlí idirnáisiúnta agus rannchuidiú leis an gcobhsaíocht réigiúnach agus faireachán a dhéanamh ar obair na bpáirtithe maidir le cur chun feidhme comhaontuithe a baineadh amach san am atá caite faoi chuimsiú an idirphlé a d’éascaigh an tAontas, agus cúnamh a thabhairt don obair sin de réir mar is gá;

(b)

ina theannta sin, de réir mar is iomchuí, obair a dhéanamh ar dea-chaidreamh comharsanachta agus athmhuintearas a fheabhsú idir na comhpháirtithe sna Balcáin Thiar, lena gcabhrófar le hoidhreacht an ama atá caite a shárú;

(c)

saothrú go gníomhach éifeachtacht agus infheictheacht an Aontais sna Balcáin Thiar a fheabhsú trí thaidhleoireacht phoiblí chomh maith le luachanna an Aontais agus clár oibre níos leithne an Aontais don réigiún a chur in iúl agus a chur chun cinn, de réir mar is iomchuí, ar nithe iad lena rannchuidítear le tuiscint níos leithne ar shaincheisteanna a bhaineann leis an Aontas, agus le tacaíocht níos leithne a thabhairt dóibh;

(d)

oibriú ar bhealach comhordaithe comhleanúnach le hiarrachtaí uile an Aontais agus le beartais fhoriomlána an Aontais i dtaca leis an réigiún, chomh maith le toscaireachtaí an Aontais, oifigí an Aontais agus go háirithe ISAEnna eile sna Balcáin Thiar, agus dlútheagmháil a choimeád ar bun leis na Ballstáit.

(e)

tacú le hobair an Ardionadaí agus le gníomhaíochtaí an Aontais sa réigiún.

(a)

plean slándála sonrach a bhunú a bheidh bunaithe ar threoir ó SEGS, lena n-áirítear bearta slándála sonracha fisiciúla, eagraíochtúla agus nós imeachta, lena rialaítear bainistiú ar ghluaiseacht shlán pearsanra chuig an réimse freagrachta agus laistigh di, chomh maith le bainistiú teagmhas slándála agus plean teagmhais agus aslonnaithe misin;

(b)

a áirithiú go gcumhdófar an pearsanra uile a imscartar lasmuigh den Aontas le hárachas ardriosca mar a cheanglaítear leis na coinníollacha i réimse na freagrachta;

(c)

a áirithiú go mbeidh oiliúint slándála iomchuí faighte ag foireann ISAE a bheidh le himscaradh lasmuigh den Aontas, lena n-áirítear pearsanra a bheidh ar conradh go háitiúil, roimh theacht i réimse na freagrachta nó ar theacht isteach sa réimse sin dóibh, bunaithe ar na rátálacha riosca arna sannadh ag SEGS don réimse sin;

(d)

a áirithiú go ndéanfar na moltaí comhaontaithe uile, a dhéantar tar éis measúnuithe rialta slándála, a chur chun feidhme agus tuarascálacha i scríbhinn a chur ar fáil don Ardionadaí, don Chomhairle agus don Choimisiún maidir lena gcur chun feidhme agus maidir le saincheisteanna slándála eile faoi chuimsiú na dtuarascálacha ar dhul cinn agus na dtuarascálacha ar chur chun feidhme an tsainordaithe.