(1)

I gcomhréir le hAirteagal 20 de Rialachán (AE) Uimh. 1092/2010 ó Pharlaimint na hEorpa agus ón gComhairle (4), rinne Parlaimint na hEorpa agus an Chomhairle, ar bhonn tuarascáil ón gCoimisiún chuig Parlaimint na hEorpa agus chuig an gComhairle an 8 Lúnasa 2014 maidir le misean agus eagrú an Bhoird Eorpaigh um Riosca Sistéamach, scrúdú ar Rialachán (AE) Uimh. 1092/2010 chun a chinneadh ar ghá misean agus eagrúchán an Bhoird Eorpaigh um Riosca Sistéamach (BERS) a athbhreithniú. Lena chois sin, rinneadh athbhreithniú ar na módúlachtaí maidir le hainmniú Chathaoirleach BERS.

(2)

Is é an chonclúid ar thángthas uirthi in anailís an Choimisiúin ar éifeachtaí a ghabhann lena thogra don Rialachán seo ná gur gá pointí áirithe a fheabhsú, cé go bhfuil BERS ag feidhmiú go maith ar an iomlán.

(3)

Leis na hathruithe institiúideacha a rinneadh le déanaí maidir leis an aontas baincéireachta, in éineacht na n-iarrachtaí a rinneadh chun aontas margaí caipitil a thógáil, agus an t-athrú teicniúil, tá athrú tagtha iarbhír ar an timpeallacht ina bhfeidhmíonn BERS ó cuireadh tús leis. Ba cheart do BERS cuidiú chun rioscaí sistéamacha don chobhsaíocht airgeadais san Aontas a chosc nó a mhaolú agus ar an gcaoi sin bhainfí amach cuspóirí an mhargaidh inmheánaigh. Is cuid dhílis den Chóras Eorpach um Maoirseacht Airgeadais é formhaoirseacht stuamachta an Aontais ar an macraileibhéal a dhéantar ar an gcóras airgeadais. Socruithe institiúideacha ar féidir leo na rioscaí stuamachta ar an micrileibhéal agus ar an macraileibhéal a aithint agus aghaidh a thabhairt orthu, is féidir a áirithiú leo go bhfuil dóthain muiníne ag na geallsealbhóirí uile dul i mbun gníomhaíochtaí airgeadais, go háirithe gníomhaíochtaí trasteorann. Trí fhreagairtí beartais tráthúla comhsheasmhacha ar rioscaí sistéamacha sainaitheanta a chur chun cinn i measc na mBallstát, ba cheart do BERS cuidiú le héagsúlacht sa chur chuige a chosc agus feidhmiú an mhargaidh inmheánaigh a fheabhsú.

(4)

Is mór an buntáiste é go bhfuil réimse leathan comhaltaí ar Bhord Ginearálta BERS (“an Bord Ginearálta”). Mar sin féin, níl ballraíocht an Bhoird Ghinearálta sin curtha in oiriúint do na hathruithe a rinneadh le déanaí i gcóras maoirseachta airgeadais an Aontais, agus go háirithe cruthú aontais baincéireachta. Ar an gcúis sin, ba cheart Cathaoirleach Bhord Maoirseachta an Bhainc Ceannais Eorpaigh (BCE) agus Cathaoirleach an Bhoird Réitigh Aonair a bunaíodh le Rialachán (AE) Uimh. 806/2014 ó Pharlaimint na hEorpa agus ón gComhairle (5) a bheith ina gcomhaltaí den Bhord Ginearálta gan cearta vótála. Ba cheart coigeartuithe ar an dul céanna a dhéanamh ar Choiste Comhairleach Teicniúil BERS (“an Coiste Comhairleach Teicniúil”).

(5)

Tá cathaoirleacht déanta ag Uachtarán BCE ar BERS ó bunaíodh é, de bhun Rialachán (AE) Uimh. 1092/2010 go dtí an 15 Nollaig 2015 agus ar bhonn eatramhach ina dhiaidh sin. Le linn na tréimhse sin, tá údarás agus creidiúnacht tugtha ag Uachtarán BCE agus do BERS agus tá sé áirithithe ag Uachtarán BCE gurbh fhéidir le BERS tógáil go héifeachtach ar bhonn shaineolas BCE i réimse na cobhsaíochta airgeadais agus bheith ag brath air. Dá bhrí sin, is iomchuí go ndéanfaidh Uachtarán BCE cathaoirleacht ar BERS ar bhonn buan.

(6)

Tá BERS freagrach as formhaoirseacht stuamachta ar an macraileibhéal a dhéanamh ar an gcóras airgeadais san Aontas agus cuidíonn sé le rioscaí sistéamacha a chosc nó a mhaolú san Aontas ina iomláine nó i gcodanna de, lena n-áirítear rioscaí don chobhsaíocht airgeadais a aithint agus a phlé, beag beann ar fhoinse na rioscaí sin. D’fhéadfadh impleachtaí don chobhsaíocht airgeadais a bheith ag dálaí airgeadaíochta agus is faoi shainordú formhaoirseachta BERS ar an macraileibhéal atá sé na himpleachtaí sin a phlé agus neamhspleáchas na mbanc ceannais á urramú go hiomlán. Táthar BERS freagrach freisin as faireachán agus measúnú a dhéanamh ar rioscaí don chobhsaíocht airgeadais a eascraíonn as forbairtí a d’fhéadfadh tionchar a bheith acu ar leibhéal earnála nó ar leibhéal an chórais airgeadais ina iomláine, lena n-áirítear rioscaí agus leochaileachtaí a thagann as athrú teicneolaíochta nó as fachtóirí comhshaoil nó sóisialta. Lena chois sin, ba cheart do BERS anailís a dhéanamh ar fhorbairtí lasmuigh den earnáil baincéireachta, lena n-áirítear na forbairtí sin as a dtiocfaidh cur i gcrích aontas na margaí caipitil.

(7)

Tá comhaltaí an Bhoird Ghinearálta go léir le chéile freagrach as misean, cuspóirí agus cúraimí BERS a bhaint amach. Tá na comhaltaí uile freagrach freisin as dul i gcion ar clár oibre BERS agus as bheith gníomhach ag cuidiú lena ghnáthobair, lena n-áirítear trí aird chomhaltaí eile an Bhoird Ghinearálta a tharraingt ar ábhair ábhartha.

(8)

Chun gur sofheicthe BERS, ba cheart do Chathaoirleach BERS a bheith in ann cúraimí, amhail cúraimí a bhaineann le hionadaíocht sheachtrach ar BERS, a tharmligean chuig an gcéad Leas-Chathaoirleach nó, i gcás nach mbeadh an chéad Leas-Chathaoirleach ar fáil agus i gcás inarb iomchuí, chuig an dara Leas-Chathaoirleach ná do cheann Rúnaíocht BERS. Níor cheart a bheith cuimsithe le tarmligean den sórt sin rannpháirtíocht in éisteachtaí poiblí agus i bpléití i seomraí iata i bParlaimint na hEorpa.

(9)

Chun foráil a dhéanamh don tsolúbthacht maidir le roghnú chomhalta an Bhoird Ghinearálta ag a bhfuil cearta vótála, ba cheart do na Ballstáit a bheith in ann a n-ionadaí vótála ag a mbeidh cead vótála a roghnú idir Gobharnóir an bhainc ceannais náisiúnta agus ionadaí ardleibhéil ó údarás atá ainmnithe de bhun Threoir 2013/36/AE ó Pharlaimint na hEorpa agus ón gComhairle (6) nó Rialachán (AE) Uimh. 575/2013 ó Pharlaimint na hEorpa agus ón gComhairle (7), i gcás ina bhfuil an ról ceannasach ag an údarás ainmnithe sin i ndáil le cobhsaíocht airgeadais ina réimse inniúlachta. An tsolúbthacht sin maidir le roghnú chomhalta an Bhoird Ghinearálta ag a bhfuil cearta vótála, ní dhéanann sí difear do Bhallstáit inar údarás ainmnithe de bhun Threoir 2013/36/AE nó Rialachán (AE) Uimh. 575/2013 an banc ceannais náisiúnta. Chun tionchar polaitiúil a sheachaint, níor cheart feidhm i rialtas lárnach Ballstáit a bheith ag comhalta ar bith den Bhord Ginearálta.

(10)

I gcomhréir le hAirteagal 5(2) de Rialachán (AE) Uimh. 1092/2010, is iad comhaltaí Chomhairle Ghinearálta BCE a thoghann céad Leas-Chathaoirleach BERS go dtí seo, agus is astu sin a thoghtar é nó í, ag féachaint don ghá atá le hionadaíocht chothromúil ar na Ballstáit san iomlán agus idir na Ballstáit sin a bhfuil an euro mar airgeadra acu agus iad siúd nach bhfuil an euro mar airgeadra acu. Tar éis chruthú an aontais baincéireachta, is iomchuí tagairt do na Ballstáit ar Ballstáit rannpháirteacha iad mar a shainmhínítear i Rialachán (AE) Uimh. 1024/2013 ón gComhairle (8) atá páirteach san Aontas Baincéireachta agus dóibh siúd nach bhfuil páirteach ann a chur in ionad na tagartha do na Ballstáit a bhfuil an euro mar airgeadra acu agus dóibh siúd nach bhfuil an euro mar airgeadra acu. Ba cheart gurb iad comhaltaí náisiúnta an Bhoird Ghinearálta ag a bhfuil cearta vótála a thoghfaidh an chéad Leas-Chathaoirleach as a gcomhaltaí féin, rud a léireoidh go bhfuil níos mó solúbthachta ann maidir le comhaltas an Bhoird Ghinearálta.

(11)

Le Rialachán (AE) Uimh. 1096/2010 ón gComhairle (9), foráiltear go bhfuil ceann Rúnaíocht BERS le ceapadh ag BCE, i gcomhairle leis an mBord Ginearálta. Chun próifíl cheann Rúnaíocht BERS a mhéadú, ba cheart don Bhord Ginearálta a mheasúnú, i nós imeachta oscailte trédhearcach, i dtaobh an bhfuil na tréithe agus an taithí is gá chun Rúnaíocht BERS a bhainistiú ag na hiarrthóirí ar an ngearrliosta le haghaidh phost cheann Rúnaíocht BERS. Ba cheart do BCE breithniú a dhéanamh ar an nós imeachta roghnúcháin a oscailt go córasach d’iarrthóirí seachtracha. Ba cheart don Bhord Ginearálta Parlaimint na hEorpa agus an Chomhairle a chur ar an eolas faoin nós imeachta measúnaithe. Ina theannta sin, ba cheart soiléiriú a dhéanamh ar chúraimí cheann Rúnaíocht BERS.

(12)

Ós rud é gur ionchorpraíodh Rialachán (AE) Uimh. 1092/2010 sa Chomhaontú maidir leis an Limistéar Eorpach Eacnamaíoch, ba cheart Airteagal 9(5) den Rialachán sin a leasú.

(13)

Chun costais a laghdú agus éifeachtúlacht nós imeachta a fheabhsú, ba cheart líon na n-ionadaithe ón gCoimisiún sa Choiste Comhairleach Teicniúil a laghdú ó bheirt ionadaithe, mar atá faoi láthair, go hionadaí amháin.

(14)

Ba cheart BCE a chur isteach mar sheolaí féideartha i leith rabhaidh agus mholtaí BERS i dtaca leis na cúraimí a thugtar dó i gcomhréir le hAirteagail 4(1), 4(2) agus 5(2) de Rialachán (AE) Uimh. 1024/2013. Ba cheart údaráis réitigh arna n-ainmniú ag Ballstáit de bhun Threoir 2014/59/AE ó Pharlaimint na hEorpa agus ón gComhairle (10) agus an Bord Réitigh Aonair a chur isteach mar sheolaithe féideartha freisin.

Ceanglaítear le Rialachán (AE) Uimh. 1092/2010 go dtarchuirtear na rabhaidh agus moltaí sin chuig an gComhairle agus chuig an gCoimisiún agus, i gcás ina ndírítear iad chuig údarás maoirseachta náisiúnta amháin nó níos mó, chuig an Údarás Maoirseachta Eorpach (An tÚdarás Baincéireachta Eorpach), a bunaíodh le Rialachán (AE) Uimh. 1093/2010 ó Pharlaimint na hEorpa agus ón gComhairle (11), chuig an Údarás Maoirseachta Eorpach (An tÚdarás Eorpach um Árachas agus Pinsin Cheirde), a bunaíodh le Rialachán (AE) Uimh. 1094/2010 ó Pharlaimint na hEorpa agus ón gComhairle (12), agus chuig an Údarás Maoirseachta Eorpach (an tÚdarás Eorpach um Urrúis agus Margaí), a bunaíodh le Rialachán (AE) Uimh. 1095/2010 ó Pharlaimint na hEorpa agus ón gComhairle (13) (dá ngairtear le chéile anseo feasta “na ÚMEnna”). Chun smacht daonlathach agus trédhearcacht a dhaingniú, ba cheart rabhaidh agus moltaí BERS a tharchur freisin chuig Parlaimint na hEorpa agus chuig na ÚMEnna. I gcás inarb iomchuí, ba cheart don Bhord Ginearálta a cheangal go dtabharfar comhaontú i gcrích chun rúndacht a áirithiú nuair a bheidh rabhaidh nó moltaí rúnda nó neamhphoiblí á dtarchur.

(15)

Comhaltaí BERS ó bhainc ceannais náisiúnta, údaráis mhaoirseachta náisiúnta agus údaráis náisiúnta a bhfuil sé de chúram orthu an beartas macrastuamachta a stiúradh, ba cheart dóibh a bheith in ann an fhaisnéis a fhaigheann siad ó BERS a úsáid agus iad i mbun a gcúraimí agus i ndáil le cúraimí BERS, lena n-áirítear chun a gcúraimí reachtúla a fheidhmiú.

(16)

Ba cheart do BERS éascú a dhéanamh ar roinnt na faisnéise i measc údaráis náisiúnta nó comhlachtaí náisiúnta atá freagrach as cobhsaíocht an chórais airgeadais agus comhlachtaí an Aontais, ar faisnéis í a bhaineann le bearta arna gceapadh chun aghaidh a thabhairt ar riosca sistéamach ar fud chóras airgeadais an Aontais.

(17)

Chun cáilíocht agus ábharthacht tuairimí, moltaí, rabhadh agus cinntí de chuid BERS a áirithiú, táthar ag súil go rachaidh an Coiste Comhairleach Teicniúil agus an Choiste Comhairleach Eolaíoch i gcomhairle le geallsealbhóirí, i gcás inarb iomchuí, go luath agus ar shlí oscailte thrédhearcach, agus déanamh amhlaidh a fhorleithne agus is féidir chun cur chuige cuimsitheach i leith gach páirtí leasmhar a áirithiú.

(18)

Agus athbhreithniú á dhéanamh aige ar mhisean agus ar eagrú BERS, ba cheart don Choimisiún, go háirithe, samhlacha eile institiúideacha a d’fhéadfadh a bheith ann a bhreithniú. Ba cheart dó freisin breithniú an leanann an chothromaíocht idir na Ballstáit ar Ballstáit rannpháirteacha iad mar a shainmhínítear i Rialachán (AE) Uimh. 1024/2013 agus iad siúd nach Ballstáit rannpháirteacha iad de bheith iomchuí in eagrú BERS.

(19)

Ba cheart, dá bhrí sin, Rialachán (AE) Uimh. 1092/2010 a leasú dá réir sin,

(1)

in Airteagal 2, cuirtear an méid seo a leanas in ionad phointe (c):

(2)

leasaítear Airteagal 4 mar a leanas:

(3)

leasaítear Airteagal 5 mar a leanas:

(4)

leasaítear Airteagal 6 mar a leanas:

(5)

leasaítear Airteagal 7 mar a leanas:

(6)

leasaítear Airteagal 8 mar a leanas:

(7)

leasaítear Airteagal 9 mar seo a leanas:

(8)

leasaítear Airteagal 11 mar a leanas:

(9)

leasaítear Airteagal 12 mar a leanas:

(10)

leasaítear Airteagal 13 mar a leanas:

(11)

cuirtear an méid seo a leanas in ionad Airteagal 14:

(12)

in Airteagal 15, cuirtear an méid seo a leanas in ionad mhír 7:

(13)

leasaítear Airteagal 16 mar a leanas:

(14)

in Airteagal 17, cuirtear an méid seo a leanas in ionad mhíreanna 1 agus 2:

(15)

in Airteagal 18, cuirtear an méid seo a leanas in ionad mhír 4:

(16)

leasaítear Airteagal 19 mar a leanas:

(17)

cuirtear an méid seo a leanas in ionad Airteagal 20: