30.11.2013   

GA

Iris Oifigiúill an Aontais Eorpaigh

L 321/1

(1)

Ó 2000 i leith deonaíonn an tAontas rochtain neamhtheoranta saor ó dhleacht ar mhargadh an Aontais do bheagnach gach táirge de thionscnamh tíortha de chuid na mBalcán Thiar. Faoi láthair, foráiltear don chóras seo le Rialachán (CE) Uimh. 1215/2009 ón gComhairle (2).

(2)

Baineann tíortha uile na mBalcán Thiar tairbhe as socruithe trádála fabhracha, lena n-áirítear taraifchuótaí aonair, faoi na Comhaontuithe Cobhsaíochta agus Comhlachais nó na Comhaontuithe Eatramhacha maidir le trádáil agus ábhair a bhaineann le trádáil a cuireadh i gcrích leis na tíortha seo, cé is moite den Chosaiv (3).

(3)

Le Rialachán (CE) Uimh. 1215/2009, cuireadh taraifchuóta foriomlán 50 000 hl ar fáil d'fhíon, ar bonn “tús freastail ar an gceann is túisce” le haghaidh na dtairbhithe uile, faoi réir a dtaraifchuótaí sonracha faoi na Comhaontuithe Cobhsaíochta agus Comhlachais nó na Comhaontuithe Eatramhacha a bheith ídithe acu.

(4)

Tá rochtain chobhsaí ar mhargadh an Aontais riachtanach d'fhorbairt shocheacnamaíoch na Cosaive, a bhfuil a hachmhainn chun fíon a onnmhairiú léirithe aici. In éagmais taraifchuóta aonair, níl an intuarthacht is gá i ndáil lena n-onnmhairí ag táirgeoirí fíona na Cosaive.

(5)

Is iomchuí taraifchuóta sonrach bliantúil 20 000 hl a leithdháileadh ar onnmhairí fíona ón gCosaiv chuig an Aontas, agus an taraifchuóta foriomlán d'fhíon atá ar fáil do na tairbhithe uile a laghdú go comhréireach ó 50 000 hl go 30 000 hl.

(6)

Déantar taraifchuóta sonrach a leithdháileadh tríd an taraifchuóta foriomlán atá ann faoi láthair a dhúnadh agus dhá chuóta nua a oscailt, arb ionann a méid foriomlán agus méid an taraifchuóta a dúnadh.

(7)

Is iomchuí freisin sásra a thabhairt isteach lena seachnaítear éiginnteachtaí dlíthiúla maidir le taraifchuótaí atá ar fáil ar dháta theacht i bhfeidhm an Rialacháin seo, agus imeacht méid iomlán an lámháltais thar 50 000 hl a chosc.

(8)

Ós rud é nach modhnaítear méid iomlán na lámháltas, ní dhéanann an Rialachán seo difear don earnáil fíona san Aontas. Ní dhéanann an Rialachán seo difear do na lámháltais shonracha dá bhforáiltear sna Comhaontuithe Cobhsaíochta agus Comhlachais nó sna Comhaontuithe Eatramhacha ach oiread.

(9)

Ní dhéanann an Rialachán seo difear d'oibleagáidí an Aontais san Eagraíocht Dhomhanda Trádála (EDT) agus ní gá dó tarscaoileadh ó EDT a fháil.

(10)

Ba cheart, dá bhrí sin, Rialachán (CE) Uimh. 1215/2009 a leasú dá réir sin,

(1)

in Airteagal 7a, cuirtear an méid seo a leanas in ionad mhír 2 agus mhír 3:

“2.   Tabharfar an chumacht don Choimisiún gníomhartha tarmligthe a ghlacadh dá dtagraítear in Airteagal 7 ar feadh tréimhse cúig bliana ón 3 Nollaig 2013. Déanfaidh an Coimisiún tuarascáil a tharraingt suas maidir le tarmligean na cumhachta tráth nach déanaí ná naoi mí roimh dheireadh na tréimhse cúig bliana. Déanfar tarmligean na cumhachta a fhadú go hintuigthe go ceann tréimhsí comhfhaid mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná trí mhí roimh dheireadh gach tréimhse.

3.   Féadfar Parlaimint na hEorpa nó an Chomhairle tarmligean na cumhachta dá dtagraítear in Airteagal 7 a chúlghairm tráth ar bith. Cuirfidh cinneadh chun cúlghairm a dhéanamh deireadh le tarmligean na cumhachta a shonraítear sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonraítear ann. Ní dhéanfaidh sé difear do bhailíocht aon gníomhartha tarmligthe atá i bhfeidhm cheana.”;

(2)

cuirtear an téacs atá leagtha amach san Iarscríbhinn a ghabhann leis an Rialachán seo in ionad Iarscríbhinn I.

(1)

gheobhaidh na taraifchuótaí nua faoi na huimhreacha ordaithe 09.1530 agus 09.1560 iarmhéid tharaifchuóta 09.1515 le hoidhreacht go comhréireach an 3 Nollaig 2013 mar a leanas:

(2)

déanfar na hiarrataí ar tharaifchuótaí atá ar feitheamh (nach bhfuil leithdháilte) do tharaifchuóta 09.1515 a aistriú go dtí taraifchuótaí 09.1530 agus 09.1560 faoi seach, de réir áit tionscnaimh an fhíon.