30.12.2011   

GA

Iris Oifigiúil an Aontais Eorpaigh

L NaN/34

(1)

Tá sé mar aidhm ag beartas forbartha an Aontais an bhochtaineacht a laghdú agus ar deireadh, í a dhíothú.

(2)

Tá an tAontas Eorpach, mar chomhalta den Eagraíocht Trádála Domhanda (ETD), tiomanta do thrádáil a phríomhshruthú i straitéisí forbartha agus do thrádáil idirnáisiúnta a chur chun cinn chun forbairt a chur ar aghaidh agus an bhochtaineacht a laghdú — agus, san fhadtéarma, í a dhíothú — ar fud an domhain.

(3)

Tacaíonn an tAontas le Grúpa Stát na hAfraice, Mhuir Chairib agus an Aigéin Chiúin (ACC) agus iad ag féachaint leis an mbochtaineacht a laghdú agus forbairt eacnamaíoch agus shóisialta inbhuanaithe a bhaint amach, agus aithníonn sé an tábhacht a bhaineann le hearnálacha tráchtearraí na dtíortha sin.

(4)

Tá an tAontas tiomanta do thacaíocht a thabhairt do na tíortha atá i mbéal forbartha a chomhtháthú go réidh agus de réir a chéile sa gheilleagar domhanda d’fhonn forbairt inbhuanaithe a bhaint amach. D’fhéadfadh dúshláin a bheith i ndán do na tíortha ACC sin arb iad na príomhonnmhaireoirí bananaí iad i ngeall ar athruithe ar shocruithe trádála, go háirithe i ngeall ar an léirscaoileadh i leith tharaif na Náisiún Barrfhabhair faoi chuimsiú an ETD agus comhaontuithe déthaobhacha agus réigiúnacha a tugadh chun críche, nó atá á dtabhairt chun críche, idir an tAontas agus tíortha Mheiriceá Laidinigh. Ba cheart, dá bhrí sin, clár bearta tionlacain in earnáil bananaí ACC (‘clár BAM’) a chur le Rialachán (CE) Uimh. 1905/2006 ó Pharlaimint na hEorpa agus ón gComhairle (2).

(5)

Ba cheart é a bheith mar aidhm ag na bearta cúnaimh airgeadais atá le glacadh faoi chuimsiú chlár BAM feabhas a chur ar na caighdeáin mhaireachtála agus na dálaí maireachtála atá ag daoine i dtíortha ina bhfástar bananaí agus ag daoine i slabhraí luacha bananaí, go háirithe feirmeoirí beaga agus aonáin bheaga, mar aon le comhlíonadh caighdeán sláinte agus sábháilteachta ceirde agus comhlíonadh caighdeán sláinte agus sábháilteachta saothair a áirithiú, mar aon le comhlíonadh caighdeán comhshaoil, go háirithe na caighdeáin sin a bhaineann le húsáid lotnaidicídí agus le teacht faoi lé lotnaidicídí. Leis na bearta sin, ba cheart, dá bhrí sin, tacú le hoiriúnú a dhéanamh ar limistéir atá ag brath ar onnmhairí bananaí chuig an Aontas Eorpach, agus ba cheart, nuair is ábhartha, go n-áirítear leo atheagrú a dhéanamh ar na limistéir sin, trí thacaíocht buiséid is tacaíocht shonrach don earnáil nó trí idirghabhálacha atá sonrach do thionscnaimh. Ba cheart an fhorbairt a bhfuiltear ag súil léi i leith na hearnála onnmhairiúcháin bananaí a chur san áireamh leis na bearta agus ba cheart é a bheith mar aidhm acu foráil a dhéanamh i leith beartas do theacht aniar sóisialta, d’éagsúlú eacnamaíoch nó d’infheistíocht ar mhaithe le cumas iomaíochta a fheabhsú, nuair is féidir sin, agus na torthaí agus an taithí a fuarthas ón gCóras Speisialta Cúnaimh (SSA) do sholáthróirí traidisiúnta bananaí ACC a bunaíodh i gcomhréir le Rialachán (CE) Uimh. 2686/94 ón gComhairle (3) agus an Creat Speisialta Cúnaimh (SFA) do sholáthróirí traidisiúnta bananaí an ACC a bunaíodh i gcomhréir le Rialachán (CE) Uimh. 856/1999 ón gComhairle (4) agus Rialachán (CE) Uimh. 1609/1999 ón gCoimisiún (5) á gcur san áireamh. Aithníonn an tAontas an tábhacht a bhaineann le dáileadh níos cothroime a chur chun cinn i leith ioncaim ó bhananaí.

(6)

Ba cheart go bhfeidhmeodh clár BAM mar thacaíocht don phróiseas oiriúnaithe i dtíortha ACC a bhfuil lear suntasach bananaí onnmhairithe acu isteach san Aontas le blianta beaga anuas agus a bhféadfadh sé go ndéanfar difear dóibh leis an léirscaoileadh faoi chuimsiú Chomhaontú na Ginéive ar Thrádáil Bananaí (6) agus leis na comhaontuithe déthaobhacha agus réigiúnacha a tugadh chun críche, nó atá á dtabhairt chun críche, idir an tAontas agus tíortha Mheiriceá Laidinigh. Cuireann clár BAM leis an SFA do sholáthróirí traidisiúnta bananaí ACC. Tá an clár i gcomhréir le hoibleagáidí idirnáisiúnta an Aontais faoi chuimsiú an ETD, is clár é ina ndírítear ar chumas iomaíochta a athstruchtúrú agus a neartú agus, dá bhrí sin, is clár de chineál sealadach é a mhairfidh trí bliana (2011-2013).

(7)

Léirítear i gconclúidí na Teachtaireachta ón gCoimisiún an 17 Márta 2010 dar teideal ‘Tuarascáil Dhébhliantúil maidir leis an gCreat Speisialta Cúnaimh do Sholáthróirí Traidisiúnta Bananaí ACC’ gur chuir na cláir chúnaimh a bhí ann san am a caitheadh ar shlí shuntasach le cumas feabhsaithe a bhaint amach i ndáil le héagsúlú eacnamaíochta rathúil, cé nach féidir an tionchar iomlán a chainníochtú, agus go bhfuil inbhuanaitheacht na n-onnmhairí bananaí ACC fós leochaileach.

(8)

Tá meastóireacht déanta ag an gCoimisiún ar an gCreat Speisialta Cúnaimh ach níl measúnú tionchair déanta aige ar na bearta tionlacain san earnáil bananaí.

(9)

Ba cheart don Choimisiún a áirithiú go ndéanfaí comhordú cuí idir an clár seo agus na cláir réigiúnacha tháscacha agus náisiúnta atá ag oibriú sna tíortha tairbhíocha, go háirithe maidir le cuspóirí eacnamaíocha, talmhaíochta, sóisialta agus comhshaoil a bhaint amach.

(10)

Tá geall le 2 % de thrádáil an domhain i leith bananaí á fhormhuiniú ag eagraíochtaí táirgeoirí Cóirthrádála. Socraítear na praghsanna íosta cóirthrádála ar bhonn ‘na costais tháirgthe inbhuanaithe’ a ríomh, arna mbunú tar éis dul i gcomhairle le geallsealbhóirí, d’fhonn inmheánú a dhéanamh ar na costais maidir le caighdeáin chearta shóisialta agus chomhshaoil a bhaint amach agus brabús réasúnach a dhéanamh, rud a chuireann ar chumas táirgeoirí a slí bheatha a choimirciú go fadtéarmach.

(11)

Chun dúshaothrú oibreoirí áitiúla a chosc, ba cheart do ghníomhaithe sa slabhra táirgeachta i dtionscal bananaí a chomhaontú go n-áiritheofaí go ndéanfaí an t-ioncam a ghintear sa tionscal a chionroinnt go cothrom.

(12)

Ba cheart dá bhrí sin Rialachán (CE) Uimh. 1905/2006 a leasú dá réir sin,

(1)

cuirtear an méid seo a leanas in ionad Airteagal 4:

“Airteagal 4

Cúnamh Aontais a chur chun feidhme

Is ar bhealach atá comhchuí le críoch fhoriomlán agus le raon feidhme foriomlán agus le cuspóirí agus le prionsabail ghinearálta an Rialacháin seo a chuirfear cúnamh Aontais chun feidhme trí na cláir gheografacha agus na cláir théamacha atá leagtha amach in Airteagail 5 go 16 agus sna cláir a leagtar amach in Airteagal 17 agus in Airteagal 17a.”;

(2)

cuirtear isteach an tAirteagal seo a leanas:

“Airteagal 17a

Na príomhthíortha ACC ar soláthróirí bananaí iad

1.   Maidir leis na tíortha ACC ar soláthróirí bananaí iad agus atá liostaithe in Iarscríbhinn IIIa, bainfidh siad tairbhe as clár um bearta tionlacain san earnáil bananaí (clár BTB).

2.   Laistigh den mhéid dá dtagraítear in Iarscríbhinn IV, socróidh an Coimisiún an t-uasmhéid táscach atá ar fáil do gach tír incháilithe ACC is soláthróir bananaí agus dá dtagraítear i mír 1 den Airteagal seo, ar bhonn na gcritéar seo a leanas:

Déanfar tomhas na gcritéar cionrannta a bhunú ar shonraí ionadaíocha a bhí ann roimh 2011 agus lena gcumhdaítear tréimhse nach faide ná cúig bliana. Leis na cionrannta tháscacha tíre, cuirfear na trí chritéar san áireamh ar an mbealach céanna i ndáil leis na tíortha incháilithe uile is tairbhithe.

Ar bhonn cur i bhfeidhm na gcritéar dá dtagraítear thuas, cuirfidh an Coimisiún Parlaimint na hEorpa agus an Chomhairle ar an eolas i dtaobh conas a bheartaítear an chionroinnt tháscach airgeadais dá dtagraítear in Iarscríbhinn IV a úsáid roimh straitéisí ilbhliantúla tacaíochta dá dtagraítear i mír 3 den Airteagal seo a ghlacadh. Leagfar amach leis an fhaisnéis sin an méid tháscach atá ar fáil i gcás gach tír incháilithe ACC is soláthróir bananaí.

3.   Glacfaidh an Coimisiún straitéisí ilbhliantúla tacaíochta de réir analaí le hAirteagal 19 agus i gcomhréir le hAirteagal 21. Áiritheoidh sé go gcomhlánófar, leis na straitéisí sin, páipéir straitéise geografacha na dtíortha lena mbaineann agus le cineál sealadach na mbeart tionlacain san earnáil bananaí.

Áireofar leis na straitéisí ilbhliantúla tacaíochta le haghaidh na mbeart tionlacain san earnáil bananaí:

Faoi chuimsiú an chreata airgeadais ilbhliantúil le haghaidh 2007-2013 arna bhunú le Comhaontú Idirinstitiúideach an 17 Bealtaine 2006 idir Parlaimint na hEorpa, an Chomhairle agus an Coimisiún maidir le smacht buiséadach agus bainistiú fónta airgeadais (7), déanfar measúnú ar chlár BTB agus ar an dul chun cinn arna dhéanamh ag na tíortha lena mbaineann, agus áireofar sa mheasúnú sin moltaí maidir le haon bhearta atá le déanamh agus maidir le cineál na mbeart sin.

(3)

cuirtear an méid seo a leanas in ionad Airteagal 21:

“Airteagal 21

Páipéir straitéise agus cláir ilbhliantúla tháscacha a ghlacadh

Na páipéir straitéise agus na cláir ilbhliantúla tháscacha dá dtagraítear in Airteagal 19 agus in Airteagal 20, agus aon athbhreithniú orthu dá dtagraítear in Airteagal 19(2) agus in Airteagal 20(1), mar aon leis na bearta tionlacain dá dtagraítear in Airteagal 17 agus in Airteagal 17a faoi seach, glacfaidh an Coimisiún iad i gcomhréir leis an nós imeachta dá dtagraítear in Airteagal 35(2).”;

(4)

cuirtear an méid seo a leanas in ionad Airteagal 29(1):

“1.   Is ar bhonn cinntí arna ndéanamh ag an gCoimisiún i gcomhréir le hAirteagail 17a(3), 22(1), 23(1) agus 26(1) a dhéanfar gealltanais bhuiséideacha.”;

(5)

in Airteagal 31(1), cuirtear an méid seo a leanas in ionad an tríú fomhír:

“Féadfaidh gach duine nádúrtha ar náisiúnach de chuid tíre atá i mbéal forbartha é nó í, nó ar duine dlítheanach é atá bunaithe i dtír atá i mbéal forbartha, faoi mar atá sonraithe ag OECD/DAC agus in Iarscríbhinn II, i dteannta le daoine nádúrtha nó daoine dlítheanacha atá incháilithe de bhua an chláir théamaigh nó de bhua na gclár atá leagtha amach in Airteagal 17 agus in Airteagal 17a a bheith rannpháirteach i ndámhachtain conarthaí soláthair nó conarthaí deontais is conarthaí arna maoiniú faoi chlár téamach, mar a shainítear in Airteagail 11 go 16 é, agus sna cláir atá leagtha amach in Airteagal 17 agus in Airteagal 17a. Déanfaidh an Coimisiún Iarscríbhinn II a fhoilsiú agus a thabhairt cothrom le dáta i gcomhréir le hathbhreithnithe rialta ar an liosta de faighteoirí cúnaimh OECD/DAC, agus cuirfidh sé an Chomhairle ar an eolas faoin méid sin.”;

(6)

cuirtear an méid seo a leanas in ionad mhír 1 agus mhír 2 d’Airteagal 38:

“1.   Is EUR 17 087 milliún atá sa mhéid tagartha airgeadais chun an Rialachán seo a chur chun feidhme le linn na tréimhse 2007-2013.

2.   Leagtar síos in Iarscríbhinn IV na méideanna táscacha arna gcionroinnt ar gach clár dá dtagraítear in Airteagail 5 go 10, in Airteagail 11 go 16, in Airteagal 17 agus in Airteagal 17a. Tá na méideanna sin bunaithe don tréimhse 2007-2013.”;

(7)

cuirtear isteach Iarscríbhinn IIIa, de réir mar atá in Iarscríbhinn I a ghabhann leis an Rialachán seo;

(8)

déantar inneachar Iarscríbhinn II a ghabhann leis an Rialachán seo a chur in ionad Iarscríbhinn IV.