13.2.2008   

GA

Iris Oifigiúil an Aontais Eorpaigh

L NaN/11

(1)

Foráiltear le Rialachán (CE) Uimh. 1925/2006 ó Pharlaimint na hEorpa agus ón gComhairle (3) go bhfuil an nós imeachta rialúcháin a bunaíodh le Cinneadh 1999/468/CE ón gComhairle an 28 Meitheamh 1999 lena leagtar síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (4) le cur i bhfeidhm maidir le bearta cur chun feidhme a bhaineann leis an Rialachán sin a ghlacadh.

(2)

Leasaítear Cinneadh 1999/468/CE le Cinneadh 2006/512/CE, lenar tugadh isteach nós imeachta rialúcháin lena ngabhann grinnscrúdú, chun bearta a bhfuil raon feidhme ginearálta acu a ghlacadh, ar bearta iad a cheaptar chun eilimintí neamhriachtanacha d’ionstraim bhunaidh a glacadh i gcomhréir leis an nós imeachta dá dtagraítear in Airteagal 251 den Chonradh a leasú, inter alia trí roinnt de na heilimintí sin a scriosadh nó tríd an ionstraim a fhorlíonadh le heilimintí nua neamhriachtanacha.

(3)

Ba chóir go dtabharfaí de chumhacht don Choimisiún modhnuithe ar Iarscríbhinní I agus II a ghabhann le Rialachán (CE) Uimh. 1925/2006 a ghlacadh; bianna breise a shuíomh nach bhféadfar vitimíní ná mianraí áirithe a chur iontu; cinntí a ghlacadh maidir leis na liostaí de shubstaintí údaraithe, de shubstaintí toirmiscthe nó de shubstaintí srianta eile a bhunú agus/nó a leasú; na coinníollacha faoina bhféadfar vitimíní agus mianraí a úsáid a shainmhíniú, amhail critéir íonachta, méideanna uasta, méideanna íosta agus srianta nó toirmisc eile ar vitimíní agus mianraí a chur i mbia; agus maoluithe ó fhorálacha áirithe den Rialachán sin a bhunú. Ó tharla go bhfuil raon feidhme ginearálta ag na bearta sin agus go gceapfar iad chun eilimintí neamhriachtanacha den Rialachán sin a leasú, inter alia lena fhorlíonadh trí eilimintí nua neamhriachtanacha a chur leis, caithfear iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(4)

Más rud é, ar mhórchúiseanna práinne, nach féidir na gnáth-theorainneacha ama don nós imeachta rialúcháin lena ngabhann grinnscrúdú a chomhlíonadh, ba chóir go mbeadh an Coimisiún in ann leas a bhaint as an nós imeachta práinne dá bhforáiltear in Airteagal 5a(6) de Chinneadh 1999/468/CE chun vitimíní agus mianraí áirithe a liostaítear sna hiarscríbhinní a scriosadh agus chun substaintí áirithe eile in Iarscríbhinn III a ghabhann le Rialachán (CE) Uimh. 1925/2006 a áireamh nó a leasú.

(5)

Ba chóir, dá bhrí sin, Rialachán (CE) Uimh. 1925/2006 a leasú dá réir,

1.

cuirtear an méid seo a leanas in ionad Airteagal 3(3):

‘3.   Glacfar modhnuithe ar na liostaí dá dtagraítear i mír 1 den Airteagal seo i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 14(3), agus aird á tabhairt ar thuairim an Údaráis.

Ar mhórchúiseanna práinne, féadfaidh an Coimisiún leas a bhaint as an nós imeachta práinne dá dtagraítear in Airteagal 14(4) chun vitimín nó mianra a bhaint de na liostaí dá dtagraítear i mír 1 den Airteagal seo.

Sula ndéanfar na modhnuithe sin, rachaidh an Coimisiún i gcomhairle le páirtithe leasmhara, go háirithe oibreoirí gnó bia agus grúpaí tomhaltóirí.’;

2.

cuirtear an méid seo a leanas in ionad an dara fomhír d’Airteagal 4:

‘Bearta lena gcinnfear na bianna breise nó catagóirí bianna breise nach bhféadfar vitimíní agus mianraí áirithe a chur iontu agus a cheapfar chun eilimintí neamhriachtanacha den Rialachán seo a leasú, féadfar iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 14(3) faoi threoir na fianaise eolaíche agus aird á tabhairt ar luach cothaithe na mbianna breise sin nó na gcatagóirí bianna breise sin.’;

3.

cuirtear an méid seo a leanas in ionad Airteagal 5(1):

‘1.   Bearta lena gcinnfear na critéir íonachta i gcomhair foirmithe vitimíní agus substaintí mianraí a liostaítear in Iarscríbhinn II agus a cheapfar chun eilimintí neamhriachtanacha den Rialachán seo a leasú trína fhorlíonadh, glacfar iad i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 14(3), ach amháin i gcás ina mbeidh feidhm acu de bhun mhír 2 den Airteagal seo.’;

4.

leasaítear Airteagal 6 mar a leanas:

5.

cuirtear an méid seo a leanas in ionad Airteagal 7(1):

‘1.   Ní bheidh i lipéadú, i gcur i láthair ná i bhfógraíocht bianna a mbeidh vitimíní agus mianraí curtha leo aon ní a dhearbhódh nó a thabharfadh le tuiscint nach féidir le haiste chothrom agus ilchineálach bia méideanna cuí cothaitheach a sholáthar. I gcás inar cuí, féadfar maolú a bhaineann le cothaitheach sonrach agus a cheapfar chun eilimintí neamhriachtanacha den Rialachán seo a leasú trína fhorlíonadh a ghlacadh i gcomhréir leis an nós imeachta rialúcháin lena ngabhann grinnscrúdú agus dá dtagraítear in Airteagal 14(3).’;

6.

leasaítear Airteagal 8 mar a leanas:

7.

cuirtear an méid seo a leanas in ionad Airteagal 14:

‘Airteagal 14

An nós imeachta coiste

1.   Tabharfaidh an Buanchoiste um an mBiashlabhra agus um Shláinte Ainmhithe arna bhunú le hAirteagal 58(1) de Rialachán (CE) Uimh. 178/2002 cúnamh don Choimisiún.

2.   I gcás ina ndéanfar tagairt don mhír seo, beidh feidhm ag Airteagal 5 agus ag Airteagal 7 de Chinneadh 1999/468/CE, ag féachaint d’fhorálacha Airteagal 8 de.

Is trí mhí a shocrófar mar an tréimhse dá leagtar síos in Airteagal 5(6) de Chinneadh 1999/468/CE.

3.   I gcás ina ndéanfar tagairt don mhír seo, beidh feidhm ag Airteagal 5a(1) go (4), agus ag Airteagal 7 de Chinneadh 1999/468/CE, ag féachaint d’fhorálacha Airteagal 8 de.

4.   I gcás ina ndéanfar tagairt don mhír seo, beidh feidhm ag Airteagal 5a(1), (2) agus (6), agus ag Airteagal 7 de Chinneadh 1999/468/CE, ag féachaint d’fhorálacha Airteagal 8 de.’